ଆଫଗାନସ୍ତାନରେ ତାଲିବାନୀ ଶାସନରେ ମହିଳାଙ୍କ ଭବିଷ୍ୟତ ଅନ୍ଧକାରରେ। ଆଫଗାନିସ୍ତାନରୁ ଦିଲ୍ଲୀ ଫେରିବା ପରେ ପ୍ରତିକ୍ରିୟା ରଖି ଏହା କହିଛନ୍ତି ଆଫଗାନ ପପ୍ ଗାୟିକା ଆର୍ୟାନା ସୟିଦ। କାବୁଲରୁ ଦିଲ୍ଲୀ ଫେରିବା ପରେ ପ୍ରତିକ୍ରିୟା ରଖି ସେ ଏହା କହିଛନ୍ତି । ଆର୍ୟାନା ସୟିଦ କହିଛନ୍ତି ଯେ, ଆଫଗାନିସ୍ତାନରେ ଏବେ ବି ମହିଳା ମାନେ ଦୁର୍ଦ୍ଦିନରେ ରହିଛନ୍ତି । ତାଲିବାନୀ ଶାସନରେ ମହିଳାଙ୍କୁ ଅଧିକ ନିର୍ଯାତନାର ଶିକାର ହେବାକୁ ପଡିବ
ପୁଣି ଥରେ କାଶ୍ମୀରକୁ ନେଇ ଦିବା ସ୍ୱପ୍ନ ଦେଖିବା ଆରମ୍ଭ କଲାଣି ପାକିସ୍ତାନ। ବାରମ୍ବାର ଚେଷ୍ଟା ପରେ କାଶ୍ମୀରକୁ ନେଇପାରିନଥିବା ପାକିସ୍ତାନ ପୁଣି ଥରେ କାଶ୍ମୀର ମୋହରେ ହେଲାଣି ପାଗଳ।ଆଫଗାନିସ୍ତାନରେ ତାଲିବାନ ଶକ୍ତିକୁ ବୃଦ୍ଧି କରିବାରେ ପାକିସ୍ତାନର ସହଯୋଗ କାହାକୁ ଅଛପ ନାହିଁ। ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଦଳ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ତାଲିବାନ କାବୁଲକୁ ଦଖଲ ଉତ୍ସବ ପାଳନ କରୁଥିବା କହିବା ସହ ପୁଣି ଥରେ କାଶ୍ମୀର ପ୍ରସଙ୍ଗରେ ଏକ ବିବାଦୀୟ ମନ୍ତବ୍ୟ ଦେଇଛନ୍ତି
ପ୍ରତିରୋଧର ଶେଷ ଗଡ଼ ପଞ୍ଜଶିର ପ୍ରଦେଶ ଦଖଲ ଲାଗି ତାଲିବାନର ଜୋରଦାର ପ୍ରୟାସ କରୁଛି । ନିଜର ୩ହଜାରରୁ ଅଧିକ ଲଢାକୁଙ୍କୁ ପଞ୍ଜଶିର ପଠାଇଛି ତାଲିବାନ। ତେବେ ସେମାନଙ୍କୁ କଡ଼ା ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡିଛି। ପୂର୍ବତନ ଉପରାଷ୍ଟ୍ରପତି ଅମ୍ରୁଲା ସାଲ୍ହେ ଓ ତାଜିକ୍ କମାଣ୍ଡର ଅହମ୍ମଦ ମସୁଦଙ୍କ ନେତୃତ୍ୱାଧୀନ ନର୍ଦ୍ଦର୍ଣ୍ଣ ଆଲାଏନ୍ସ ସେମାନଙ୍କ ଉପରେ ପ୍ରଚଣ୍ଡ ଆକ୍ରମଣ କରିଛି
ଆଫଗାନିସ୍ତାନ ପଞ୍ଜଶିର ପ୍ରଦେଶର ବଘଲନରେ ତାଲିବାନ ବିରୋଧୀରେ ଶକ୍ତି ପ୍ରଦର୍ଶନ କରାଯାଇଛି। ନର୍ଦର୍ଣ୍ଣ ଆଲାଏନ୍ସକୁ ବଡ଼ ସଫଳତା ମିଳିଛି। ପ୍ରଦେଶର ସାଲେ ଓ ବାନୁ ଅଞ୍ଚଳରେ ପ୍ରବେଶ କରି କବଜା କରିଥିବା ଶତାଧିକ ତାଲିବାନୀ ସୈନଙ୍କୁ ହତ୍ୟା କରିଛି ନର୍ଦର୍ଣ୍ଣ ଆଲାଏନ୍ସ
ତାଲିବାନ ଦ୍ୱାରା ସ୍ପଷ୍ଟ ହୋଇଛି ଯେ ଅଗଷ୍ଟ ୩୧ ସୁଦ୍ଧା ଆମେରିକା ସୈନ୍ୟ ପ୍ରତ୍ୟାହାର ନ କଲେ ଅସୁବିଧାର ସମ୍ମୁଖୀନ ହେବ। ବର୍ତ୍ତମାନ ସୁଧା ୬ହଜାର ଆମେରିକ ସୈନ୍ୟଙ୍କ ମଧ୍ୟରୁ ୧ହଜାର ସୈନ୍ୟ କାବୁଲରେ ଉପସ୍ଥିତ ଅଛନ୍ତି। ଏହାକୁ ନେଇ ବେଶ ଚିନ୍ତିତ ବାଇଡେନ୍।
ପୂର୍ବତନ ଉପରାଷ୍ଟ୍ରପତି ଅମ୍ରୁଲା ସାଲ୍ହେ ନିଜେ ଟୁଇଟ୍ କରି ତାଲିବାନ ଉପରେ ହୋଇଥିବା ଆକ୍ରମଣ ବିଷୟରେ ସୂଚନା ଦେଇଛନ୍ତି। ସେପଟେ ସେ ଯୁଦ୍ଧ ଲାଗି ପ୍ରସ୍ତୁତ ଓ ତାଲିବାନ ଆକ୍ରମଣ କଲେ ଦୃଢ ଜବାବ ଦିଆଯିବ ବୋଲି ଚେତାବନୀ ଦେଇଛନ୍ତି ନର୍ଦ୍ଦର୍ଣ୍ଣ ଆଲାଏନ୍ସ କମାଣ୍ଡର ଅହମ୍ମଦ ମସୁଦ। ତେବେ ଆଫଗାନିସ୍ତାନର ସବୁ ସଂପ୍ରଦାୟକୁ ନେଇ ତାଲିବାନ ସରକାର ଗଢିବାକୁ ପ୍ରୟାସ କଲେ ସେ ଆଲୋଚନା ଲାଗି ପ୍ରସ୍ତୁତ ବୋଲି ବିବିସିକୁ କହିଛନ୍ତି।
ଆମେରିକା ସମେତ ବିଶ୍ୱର ଅନେକ ରାଷ୍ଟ୍ରକୁ ସୁରକ୍ଷା ପାଇଁ ଆଫଗାନ ନାଗରିକମାନେ ଦେଶ ଛାଡିବାର କରୁଣ ଚିତ୍ର ଏବେ ସାମନାକୁ ଆସୁଛି । ତାଲିବାନର ଆଫଗାନିସ୍ତାନ କବଜା ପରେ ଆଫଗାନ ମହିଳାଙ୍କ ଦୁର୍ଦ୍ଦଶା ବଢିଚାଲିଛି । ଏଭଳି ଏକ ଦୟନୀୟ ଚିତ୍ର ସାମନାକୁ ଆସିଛି । ଆମେରିକାର ସେନା ବିମାନରେ ଶିଶୁକୁ ଜନ୍ମ ଦେଲେ ଆଫଗାନ ମହିଳା ।
ଆଫଗାନିସ୍ତାନକୁ ତାଲିବାନ ଦଖଲ କରିବା ପରେ ଏହା ଉପରେ ତୀକ୍ଷ୍ଣ ନଜର ରଖିଛି ଭାରତ। କାବୁଲରେ ଫସି ରହିଥିବା ଭାରତୀୟଙ୍କୁ ଏୟାର ଲିଫ୍ଟ ଜାରି ରହିଛି। ଏଭଳି ସ୍ଥିତିରେ ସମସ୍ତ ରାଜନୈତିକ ଦଳର ନେତାଙ୍କୁ ଆଫଗାନ ସ୍ଥିତି ନେଇ ଅବଗତ କରିବାକୁ ସର୍ବଦଳୀୟ ବୈଠକ ଡାକିଛନ୍ତି କେନ୍ଦ୍ର ସରକାର। ଆସନ୍ତା ୨୬ରେ ସର୍ବଦଳୀୟ ବୈଠକ ଆହୂତ କରାଯାଇଛି। ଆଫଗାନିସ୍ତାନର ସ୍ଥିତି ଓ ଭାରତର ପଦକ୍ଷେପ ନେଇ ଏହି ବୈଠକରେ ରାଜନୈତିକ ଦଳରେ ନେତାଙ୍କୁ ବୈଦେଶିକ ମନ୍ତ୍ରଣାଳୟ ଅବଗତ କରିବ
କାବୁଲ ବିମାନବନ୍ଦରରେ ପୁଣି ଗୁଳିକାଣ୍ଡ ହୋଇଛି। ଏୟାରପୋର୍ଟର ଉତ୍ତର ଗେଟରେ ହୋଇଥିବା ଏହି ଗୁଳିକାଣ୍ଡରେ ଜଣେ ଆଫଗାନ ସୁରକ୍ଷାକର୍ମୀଙ୍କର ଜୀବନ ଯାଇଛି। ଆଉ ୩ ଜଣ କ୍ଷତାକ୍ତ ହୋଇଛନ୍ତି। ତାଲିବାନୀ ଶାସନରୁ ମୁକ୍ତି ପାଇଁ ହଜାର ହଜାର ଆଫଗାନ କାବୁଲ ଏୟାରପୋର୍ଟ ପରିସରରେ ରୁଣ୍ଡ ହୋଇଥିଲେ। ସେମାନଙ୍କ ଭିତରେ ଆମେରିକା ଓ ଜର୍ମାନୀର ଫୋର୍ସ ମଧ୍ୟ ସାମିଲ ଥିବା ଜର୍ମାନୀର ସେନା ପକ୍ଷରୁ ଟ୍ୱିଟରରେ ସୂଚନା ଦିଆଯାଇଛି
ଯନ୍ତ୍ରଣା ଓ କ୍ଷତି ବିନା ଫେରିବା ଅସମ୍ଭବ । ଆଫଗାନିସ୍ତାନରୁ ପ୍ରତ୍ୟାବର୍ତ୍ତନ ସମ୍ପର୍କରେ ଆମେରିକା ରାଷ୍ଟ୍ରପତି ଏଭଳି ସୂଚନା ଦେଇଛନ୍ତି । ଯନ୍ତ୍ରଣା ଓ କ୍ଷତି ବିନା ଏତେ ସଂଖ୍ୟାରେ ଲୋକଙ୍କୁ ଫେରାଇବାର ଅନ୍ୟ ବାଟ ନାହିଁ ବୋଲି ସେ କହିଛନ୍ତି ।
ତାଲିବାନ ଆତଙ୍କବାଦୀଙ୍କ ପାଇଁ ବଡ଼ କଣ୍ଟା ସାଜିଛି ପଞ୍ଜଶୀର । କାବୁଲକୁ କବଜା କରିସାରିଥିଲେ ସୁଦ୍ଧା ଆଫଗାନିସ୍ତାନର ପଞ୍ଜଶୀର ଅଞ୍ଚଳ ଉପରକୁ ଆଖି ଉଠାଇ ଦେଖିପାରୁ ନାହାନ୍ତି ତାଲିବାନୀ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲେ ୨୦ ବର୍ଷ ପୂର୍ବେ ମଧ୍ୟ ଏହି ଅଞ୍ଚଳ ଦଖଲ କରିବାରେ ବିଫଳ ହୋଇଥିଲା ତାଲିବାନ୍ । ଆଉ ଏବେ ପୁଣି ଥରେ କାବୁଲ ଅକ୍ତିଆର କରିବା ପରେ ଆଫଗାନିସ୍ତାନର ଅଭେଦ୍ୟ ଦୁର୍ଗ କବଜା କରିବା ସେମାନଙ୍କ ପାଇଁ କାଠିକର ପାଠ ହୋଇଯାଇଛି ।
ତାଲିବାନ୍ରେ ମିଶିବାକୁ ଖୁବ୍ ଉତ୍ସାହିତ ବାଂଲାଦେଶୀ ମୌଲବାଦୀ । ପଡ଼ୋଶୀ ବାଂଲାଦେଶର କିଛି ଯୁବକ ଭାରତ ଦେଇ ଆଫ୍ଗାନିସ୍ତାନ ପହଞ୍ଚିବାକୁ ଏବଂ ସେଠାରେ ତାଲିବାନ୍ରେ ଯୋଗ ଦେବାକୁ ଚାହୁଁଛନ୍ତି ।
ଆମେରିକୀୟ ବିମାନରେ ଦେଶ ଛାଡ଼ିବା ବେଳେ ଆଫ୍ଗାନୀ ମହିଳାଙ୍କ ସନ୍ତାନ ପ୍ରସବ । ଆମେରିକା ବାୟୁସେନାର C-17 ବିମାନରେ କାବୁଲ୍ରୁ ଏହି ଆସନ୍ନ ପ୍ରସବାଙ୍କୁ ଉଦ୍ଧାର କରି ନିଆଯାଉଥିଲା ।
ପଞ୍ଜଶୀର କବଜା କରିବାକୁ ଯୁଦ୍ଧ ଆସନ୍ନ ପ୍ରାୟ । ଆଫଗାନିସ୍ତାନର ଅଭେଦ୍ୟ ଦୁର୍ଗ ଉପରେ ତାଲିବାନର ଆଖି । ପଞ୍ଜଶୀର ପ୍ରଦେଶରେ ନିକଟରେ ପହଞ୍ଚି ସାରିଛନ୍ତି ତାଲିବାନ୍ । ୧୦୦ରୁ ଅଧିକ ତାଲିବାନୀ କୌଣସି ସମୟରେ ଯୁଦ୍ଧଂ ଦେହି ଡାକରା ଦେଇପାରନ୍ତି । ତେବେ ଏଥିପାଇଁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି ପଞ୍ଜଶୀରର ସିଂହ କୁହାଯାଉଥିବା ଅହମ୍ମଦ ଶାହା ମାସୁଦଙ୍କ ୩୨ ବର୍ଷିୟ ପୁଅ ଅହମ୍ମଦ ଶାହା
ଅସଲ ରୂପ ଦେଖାଉଛି ତାଲିବାନ୍। ତାଲିବାନଙ୍କ ଗୁଳି ଚଳାଇବା ଶଦ୍ଦରେ କମ୍ପିଲା ବିମାନ ବନ୍ଦର। କେବଳ ଭିଡ଼ ନିୟନ୍ତ୍ରଣ କରିବା ଲାଗି ତାଲିବାନ ଗୁଳି ଚାଳନା କରିଛନ୍ତି ବୋଲି ପ୍ରତ୍ୟେକ୍ଷଦର୍ଶୀମାନେ କହିଛନ୍ତି।
ଆଜି ଅନ୍ତତଃ ୫ଶହ ଲୋକଙ୍କୁ ଉଦ୍ଧାର କରିବା ପାଇଁ ଲକ୍ଷ୍ୟ ରଖାଯାଇଥିବା ବେଳେ, ପ୍ରାୟ ୪ଶହ ଭାରତ ଫେରିସାରିଲେଣି ତାଲିବାନ୍ କବ୍ଜାରୁ। ମୁକୁଳିବା ପରେ କିଏ ଶାନ୍ତିର ନିଶ୍ୱାସ ମାରୁଛି, ତ ଆଉ କିଏ ବଖାଣୁଛି ସେଠାକାର ହାହାକାର ସ୍ଥିତି
ଆଫଗାନିସ୍ତାନ ଦଖଲ ପରେ ଅନ୍ତର୍ଜାତୀୟ ସମୁଦାୟର ସ୍ୱୀକୃତି ହାସଲ ପାଇଁ ତାଲିବାନର ଫନ୍ଦିଫିକର ଚାଲିଛି। ବିଶ୍ୱ ନିକଟରେ ନିଜର ଭିନ୍ନ ଚେହେରା ଉପସ୍ଥାପନ ଚେଷ୍ଟାରେ ରହିଛି ଏହି ଆତଙ୍କୀ ସଂଗଠନ ।
କାବୁଲରୁ ଫେରୁଛନ୍ତି ଫସିଥିବା ଭାରତୀୟ ନାଗରିକ। ପର୍ଯ୍ୟାୟକ୍ରମେ ସମସ୍ତ ଭାରତୀୟଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରଖିଛି ବୈଦେଶିକ ବ୍ୟାପାର ବିଭାଗ। ଆଜି ଦ୍ୱିତୀୟ ପର୍ଯ୍ୟାୟରେ ଆଉ ୧୬୮ ଯାତ୍ରୀଙ୍କୁ ନେଇ ଦିଲ୍ଲୀରେ ପହଞ୍ଚିଛି ବାୟୁସେନାର ସି-୧୭ ବିମାନ। ଗାଜିଆବାଦ ସ୍ଥିତ ହିଣ୍ଡନ ଏୟାରବେସରେ ଯାତ୍ରୀଙ୍କୁ ନେଇ ପହଞ୍ଚିଛି ଏହି ବିମାନ।
ଆଜି ପବିତ୍ର ରାକ୍ଷୀ ପୂର୍ଣ୍ଣିମା । ଧୂମଧାମ୍ରେ ପାଳିତ ହେଉଛି ଏହି ପର୍ବ। ଆଜି ମହାକାଶରେ ବି ଆଜି ଦେଖିବାକୁ ମିଳିଛି ଛାଇ ଆଲୁଅର ଖେଳ । ଆମେରିକୀୟ ଆଷ୍ଟ୍ରୋନୋମିକାଲ ସୋସାଇଟି ଅନୁସାରେ ଆଜି ଆକାଶରେ ବ୍ଲୁ ମୁନ ଅର୍ଥାତ ନୀଳ ଜହ୍ନ ଦେଖାଯିବ।
ଆଫଗାନିସ୍ତାନର କାବୁଲ ଏୟାର ପୋର୍ଟରେ ଦେଖିବାକୁ ମିଳୁଛି ହୃଦୟ ବିଦାରକ ଦୃଶ୍ୟ। ଏୟାରପୋର୍ଟ ବାହାରେ ହଜାର ହଜାର ସଂଖ୍ୟକ ଲୋକ ଛିଡା ହୋଇଛନ୍ତି। କୌଣସି ପ୍ରକାରେ ଆଫଗାନିସ୍ତାନରୁ କେହି ତାଙ୍କୁ ବାହାରକୁ ନେଇଯିବେ ସେଥିପାଇଁ ପ୍ରତୀକ୍ଷା କରିଛନ୍ତି।
ଆଫଗାନିସ୍ତାନ ଅକ୍ତିଆର କରିବା ପରେ ତାଲିବାନ୍ ଆତଙ୍କରେ ଆଫଗାନବାସୀ । ମହିଳାଙ୍କ ସମେତ ସାଧାରଣ ନାଗରିକ ଓ ସୋସିଆଲ ମିଡିଆରେ ସକ୍ରିୟ ଥିବା ବ୍ୟକ୍ତିମାନେ ମଧ୍ୟ ଭୟରେ ଜୀବନ ବିତାଉଛନ୍ତି । ଅନେକ ସୋସିଆଲ ମିଡିଆ ଇନଫ୍ଲୁଏନ୍ସର ବର୍ତ୍ତମାନ ପ୍ଲାଟଫର୍ମ ଛାଡ଼ୁଛନ୍ତି ।
ସହ ଶିକ୍ଷାକୁ ଅନୁମତି ନାହିଁ । ଆଫଗାନିସ୍ତାନକୁ ଅକ୍ତିଆର ପରେ ପ୍ରଥମ ଫତୱା ଜାରି କରିଛି ତାଲିବାନ । ବିଶ୍ୱବିଦ୍ୟାଳୟରେ ଏବେ ପୁଅ ଓ ଝିଅ ଏକାଠି ପାଠ ପଢ଼ିବାକୁ ବାରଣ କରାଯାଇଛି । କାବୁଲ ତାଲିବାନଙ୍କ ନିୟନ୍ତ୍ରଣକୁ ଆସିବା ପରେ ପୂରା ଦେଶରେ ଏବେ ମହିଳାମାନଙ୍କ ପାଇଁ ସମ୍ପୂର୍ଣ୍ଣ ଅସୁରକ୍ଷିତ ମନେ କରୁଛନ୍ତି ।
ଆଫଗାନିସ୍ତାନର ଶାସନ ଡୋର ତାଲିବାନ ହାତକୁ ଗଲା ପରେ ଅନେକ ଦେଶ ଉପରେ ମଧ୍ୟ ବିପଦ ବଢ଼ିପାରେ । ଆଇଏସଆଇଏସର ବିପଦକୁ ମଧ୍ୟ ଅଣଦେଖା କରାଯାଇପାରିବ ନାହିଁ । ବର୍ତ୍ତମାନ ପାଇଁ ଆଫଗାନିସ୍ତାନରେ ଆଇଏସଆଇଏସ୍ ବିଶେଷ ସକ୍ରିୟ ନଥିଲେ ସୁଦ୍ଧା କୌଣସି ସମୟରେ ମଧ୍ୟ ନିଜର ପୂର୍ବ ରୂପ ଦେଖାଇପାରେ ଆତଙ୍କବାଦୀ ସଂଗଠନ । କେତେବେଳେ ଯେ ଆଇଏସଆଇଏସ୍ ସକ୍ରିୟ ହୋଇଯିବ, କିଛି କୁହାଯାଇପାରିବ ନାହିଁ ।
ଆଫଗାନିସ୍ତାନ ଦଖଲ କରିବା ସହିତ ସେଠାକାର ଯୁବ ପୀଢ଼ିଙ୍କ ସ୍ୱପ୍ନକୁ ବି ଚୁରମାର କରି ଦେଇଛି ତାଲିବାନ। କାହାକୁ ଜଣା ନାହିଁ ଆଗକୁ କଣ ହେବ? ଅନିଶ୍ଚିତ ଭବିଷ୍ୟତକୁ ନେଇ ସେମାନେ ସନ୍ଦିହାନ ହୋଇଛନ୍ତି। ଆଶଙ୍କା,ପୂର୍ବ ତାଲିବାନ ସରକାରର ପତନ ପରେ ଗତ ଦୁଇ ଦଶନ୍ଧି ଧରି ଦେଶ ଯେତିକି ଆଗେଇଥିଲା, ଏବେ ପଛକୁ ଯିବା ସହ ଆତଙ୍କବାଦ କି ଗୃହଯୁଦ୍ଧ ଆଡ଼କୁ ଠେଲି ହୋଇଯିବନି ତ ?
ଖୁବଶୀଘ୍ର ସମସ୍ତଙ୍କୁ ଭାରତକୁ ଅଣାଯିବ। ଆଜି ସକାଳେ ଖବର ଆସିଥିଲା ଯେ, କାବୁଲ ଏୟାରପୋର୍ଟ ବାହାରୁ କେତେକ ଭାରତୀୟଙ୍କୁ ଉଠାଇ ନେଇଥିଲା ତାଲିବାନ। ତେବେ ଅପହରଣ ଖବରକୁ ତାଲିବାନ ଖଣ୍ଡନ କରିଛି। ନିକଟସ୍ଥ ଏକ ଥାନାକୁ ନେଇ ପ୍ରାୟ ୧୫୦ ଲୋକଙ୍କୁ ପଚରା ଉଚରା କରାଯିବା ସହିତ କାଗଜପତ୍ର ଯାଞ୍ଚ କରାଯାଇଥିଲା। ଏମାନଙ୍କ ମଧ୍ୟରୁ ଅଧିକାଂଶ ଭାରତୀୟ ଥିଲେ। ପରେ ସମସ୍ତଙ୍କୁ ଛାଡ଼ି ଦିଆଯାଇଛି।
LIVE TV
