News from Balangir

ତିନି ବର୍ଷ ବିତିଯାଇଥିଲେ ମଧ୍ୟ ଏବେ ବି ରାସ୍ତା ଭଲ ଅଛି । କିନ୍ତୁ ସ୍ଥାନ ସ୍ଥାନରେ ପୂର୍ତ୍ତ ବିଭାଗର ହରିଲୁଟ୍‌ ଯୋଜନାରେ ବିଗିଡିଯାଇଛି ରାସ୍ତାର ହାଲ । ଗତ ଚାରିମାସ ତଳେ ପକାଯାଇଥିବା ପିଚୁ ଉଠି ଖାଲ ଖମାରେ ଭର୍ତ୍ତି ହେଲାଣି ।

ବ୍ଲକ ଅଧ୍ୟକ୍ଷାଙ୍କ ନାଁରେ ରାସନ୍ କାର୍ଡ । ମାସକୁ ମାସ ଉଠାଉଛନ୍ତି ରାସନ ଚାଉଳ । ୪ ବର୍ଷ ହେଲା ଗରିବଙ୍କ ପାଇଁ ଆସୁଥିବା ପିଡିଏସ୍‌ ଚାଉଳ ନେଉଥିବାର ଅଭିଯୋଗ । ଟିଟିଲାଗଡ଼ ବ୍ଲକ ଅଧ୍ୟକ୍ଷା ସଂଯୁକ୍ତା ନାଏକଙ୍କ ବିରୋଧରେ ଆସିଛି ଏହି ସାଂଘାତିକ ଅଭିଯୋଗ ।

ସାଙ୍ଗକୁ ଠେଙ୍ଗାରେ ପିଟି ହତ୍ୟାକଲା ସାଙ୍ଗ । ଟଙ୍କା ନେଣଦେଣକୁ ନେଇ ବଚସା ପରେ ସାଙ୍ଗକୁ ହତ୍ୟା । ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ପୁଟୁଳାମହୁଲ ଗାଁରେ ଘଟିଛି ଏହି ଚାଞ୍ଚଲ୍ୟକର ହତ୍ୟାକାଣ୍ଡ ।

ଯାଦବମାନଙ୍କ ଏକ ନିଆରା ପରମ୍ପରା ହେଉଛି ବାଡି ଖେଳ । ସ୍ବତନ୍ତ୍ର କେନ୍ଦୁ ବାଡିକୁ ପୂଜାର୍ଚ୍ଚନା କରାଯାଇଥାଏ । ତାପରେ ଯାଦବ ସମାଜର ଯୁବକ ମାନେ ବାଡିକୁ ଧରି ଦୁଲଦୁଲିର ତାଳେ ତାଳେ ନାଚ କରିଥାନ୍ତି । ବିଭିନ୍ନ କୌଶଳ ଦେଖାଇବା ସହିତ, ବାଡିକୁ ବାଡି ବାଡେଇ ରଂଗ ଖେଳନ୍ତି ଯାଦବ ଟୋକା । ଦ୍ବାପର ଯୁଗରୁ ଚାଲି ଆସୁଛି ଏହି ବାଡ଼ି ପରମ୍ପରା ।

ଏନେଇ ସବୁ ପ୍ରକାର ଦଲିଲ ଦସ୍ତାବିଜ ସହିତ, ଦେଢ ବର୍ଷ ତଳୁ ଆବେଦନ କରିଛନ୍ତି ଅରୁଣ । କିନ୍ତୁ ମାସକ ଆଗରୁ ଥିବା ଜିଲ୍ଳା ଶିକ୍ଷା ଅଧିକାରୀ ଧୃବଚରଣ ବେହେରାଙ୍କ ଅହଙ୍କାର ଯୋଗୁଁ ପଡିରହିଛି ଫାଇଲ । ଅରୁଣଙ୍କ ବଦଳି ନେଇ ଭିନ୍ନକ୍ଷମ କମିଶନରଙ୍କ ପାଖରୁ ରାଜ୍ୟ ଶିକ୍ଷା ବିଭାଗକୁ ନୋଟିସ ବି ହୋଇଛି । ରାଜ୍ୟ ଶିକ୍ଷା ବିଭାଗ ଜିଲ୍ଳା ଶିକ୍ଷା ଅଧିକାରୀଙ୍କୁ ଅରୁଣଙ୍କ ବଦଳିର ଷ୍ଟାଟସ ରିପୋର୍ଟ ବି ମାଗିଛନ୍ତି । କିନ୍ତୁ ଅଧିକାରୀଙ୍କ ଆନ୍ତରିକତାର ଅଭାବ ଯୋଗୁଁ ଆଜିଯାଏ ପଡିରହିଛି ଫାଇଲ ।

ଏଠି ପ୍ରଶ୍ନ ଉଠୁଛି....ଛୁଟିକୁ ନେଇ କାହିଁକି ହୋଇଥିଲା ବିବାଦ । କ’ଣ ପାଇଁ ଅସୁସ୍ଥ ଶିକ୍ଷକଙ୍କୁ ଛୁଟି ଦେଲେ ନାହିଁ ଦାୟିତ୍ବରେ ଥିବା ପ୍ରିନସିପାଲ । କୁହାଯାଉଛି, ଗତକାଲି ମ୍ୟାଡମ ପ୍ରନସିପାଲଙ୍କୁ ସ୍କୁଲ ହ୍ୱାଟସଆପ ଗ୍ରୁପରେ ଛୁଟି ଆବେଦନ କରିଥିଲେ ସଂପୃକ୍ତ ଶିକ୍ଷକ । ସ୍ପଷ୍ଟ ଭାବରେ ପ୍ରକାଶ ଲେଖିଥିଲେ, ମୋର ଅଜାଙ୍କର ମୃତ୍ୟୁ ହୋଇଥିବାରୁ ମୁଁ, ଅଫିସ କାମ କରିପାରିବି ନାହିଁ । ତେଣୁ ମୋର ଗୋଟିଏ ଦିନର ସି.ଏଲ ମଂଜୁର କରାଯାଉ ।

କିଛିଦିନ ପୂର୍ବରୁ ହାତୀ ଘଉଡାଇବା ପାଇଁ ଯାଇଥିବା ଗଜସାଥୀ ଓମକାରୀ ବାଗଙ୍କୁ ଦଳିଦେଲା ହାତୀ । କ୍ଷତିପୂରଣ ଦାବୀରେ ରାସ୍ତାରୋକ କଲେ ଗାଁ ଲୋକେ । ଗାଁ ଲୋକଙ୍କ ଅଭିଯୋଗ, ଚାରିମାସ ଧରି ହାତୀପଲ ମୁରିବାହାଲ ଜଂଗଲ ତିଖାରୀ ଜଂଗଲରେ ଡେରା ପକାଇ, ଆଖପାଖ ଗାଁର ଘରଦ୍ବାର ସବୁ ଭାଙ୍ଗିଦେଉଥିବା ବେଳେ ଚୁପ୍ ବସିଛି ବନବିଭାଗ । କେବଳ ନିରସ୍ତ୍ର ଗଜସାଥୀଙ୍କୁ ଦନ୍ତା ମୁହଁକୁ ଠେଲିଦେଇ, ଚୁପଚାପ ବସିରହୁଛନ୍ତି ରେଂଜର ଓ ଅନ୍ୟାନ୍ୟ ଅଧିକାରୀ ।

ଘଉଡ଼ାଇବା ବେଳେ ବନ କର୍ମଚାରୀଙ୍କୁ ଦଳି ଦେଲା ଦନ୍ତା । ବଲାଙ୍ଗିର ଜିଲ୍ଲାରେ ହାତୀ ଆକ୍ରମଣରେ ଜଣେ ବନ କର୍ମଚାରୀଙ୍କର ମୃତ୍ୟୁ ହୋଇଛି ।

ତୁଷୁରା ପତିତପାବନ ପଡ଼ାର ୧୯ ବର୍ଷୀୟ ଆସମାନ ଛତ୍ରୀଆ । ଦେଢ ବର୍ଷ ହେଲା ଅନ୍ୟ ଗାଁର ଜଣେ ୧୬ ବର୍ଷୀୟ ନାବାଳିକାକୁ ଭଲ ପାଉଥିଲେ । କିଛି ମାସ ହେବ ପ୍ରେମିକା ଜଣକ ପରିବାର ସହିତ ହାଇଦ୍ରାବାଦକୁ ଦାଦନ ଖଟିବାକୁ ଯାଇଛି । ଏ ଭିତରେ ଆଉ ଜଣେ ଝିଅ ଆସମାନକୁ ଭଲ ପାଇ ବସିଥିଲେ । ତ୍ରିକୋଣୀୟ ପ୍ରେମକୁ ନେଇ ପ୍ରଥମ ପ୍ରେମିକା ସହିତ ଆସମାନର ବଚସା ହୋଇଥିଲା ।

ବରକୁ ହତ୍ୟା ଯୋଜନାରେ ୭ ଜଣଙ୍କୁ କାବୁ କରି ଦେଓଗାଁ ପୋଲିସକୁ ଜିମା ଦେଇଥିଲେ ଗାଁ ଲୋକେ । ଅଟକ ଯୁବକମାନେ ଭୀମଡୁଙ୍ଗୁରି ଏବଂ କୁକୁରଖାଇ ଗାଁର ହୋଇଥିବା ଜଣାପଡିଛି।

ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗଙ୍କ ନିର୍ବାଚନ ମଣ୍ଡଳୀ ପୁଇଁନ୍ତଳା ବ୍ଳକର ବିଭିନ୍ନ ଗାଁରୁ, ସ୍ଥାନୀୟ ଦଲାଲଙ୍କ ସହାୟତାରେ ରୋଗୀ ବି ବୋହୁଥିଲେ । ଆଗରୁ ବି ଏହି ଅଂଚଳରୁ ଅନେକ ରୋଗୀଙ୍କୁ ନେଇ ସ୍ବାସ୍ଥ୍ୟକାର୍ଡରୁ ଲକ୍ଷ ଲକ୍ଷ ଟଙ୍କା ଲୁଟିଛନ୍ତି । କିନ୍ତୁ ଏବେ ପୋଲିସ ହାତରେ ଧରାପଡ଼ିଛନ୍ତି ।

ବଲାଙ୍ଗିର ପୁଇଁନ୍ତଳା ବାନ୍ଧନବାହାଲ ଗାଁର ସହକାରୀ ଶିକ୍ଷକ ପ୍ରଭୁଦତ୍ତ ସାହୁ ୩ ମାସ ହେଲା ଦରମା ନମିଳିବା ଅଭିଯୋଗରେ ଛୁଟି ମାଗିଥିଲେ । ସୂଚନାଯୋଗ୍ୟ ଶିକ୍ଷକ ଜଣକ ଛୁଟି ପାଇଁ ଅଜବ ଦରଖାସ୍ତ ଦେବାପରେ ମୂଲ ଲାଗିଥିଲେ ।

ଇଏ ଜଣେ ତିନି ଛୁଆ ମା’ର କାହାଣୀ । ମାଲିକ ସ୍ବାମୀକୁ ଅପହରଣ କରିନେଇଛି । ଏ ମା’ର କହିବା କଥା ହେଉଛି, ଗୋଟିଏ ମାସ ହେବ ମୋ ସ୍ବାମୀ ଅକ୍ଷୟ ପରାଭୁଏଙ୍କ କୌଣସି ଖୋଜଖବର ନାହିଁ । ଅବଶ୍ୟ ମାଲିକ ଧମକ ଦେଇଥିଲା, ହାଡଭଙ୍ଗା କାମ ନକଲେ, ସ୍ବାମୀକୁ ଅପହରଣ କରିନେଇ ହତ୍ୟା କରିଦେବେ । ସତକୁ ସତ ମାସେ ହେଲାଣି ସ୍ବାମୀଙ୍କ ଖୋଜଖବର ନାହିଁ । ତେଣୁ ତିନି ଛୁଆଙ୍କୁ ନେଇ ଜୀବନ ଧରି ବଲାଙ୍ଗିର ଫେରିଛି ।

ବାନ୍ଧନବାହାଲ ସରକାରୀ ପ୍ରାଥମିକ ବିଦ୍ୟାଳୟରେ ଏକ୍ସ କ୍ୟାଡର ସହକାରୀ ଶିକ୍ଷକ ଭାବେ କାର୍ଯ୍ୟରତ ଅଛନ୍ତି ପ୍ରଭୂଦତ୍ତ ସାହୁ । ପିଲାଙ୍କୁ ପଢ଼ାଉଥିଲେ ମଧ୍ୟ ତାଙ୍କୁ ତିନି ମାସ ଧରି ଟଙ୍କାଟିଏ ବି ଦରମା ମିଳିନି । ଏଥିପାଇଁ ସେ ଛୁଟି ନେଇ ଜମିରେ ମଜୁରୀ ଲାଗିଛନ୍ତି ।

ଦରଖାସ୍ତରେ ସେ ଦର୍ଶାଇଛନ୍ତି, ଦରମା ମିଳୁନଥିବାରୁ ଆର୍ଥିକ ସମସ୍ୟାର ସମ୍ମୁଖୀନ ହେଉଛନ୍ତି। ଏଣୁ ଆସନ୍ତାକାଲି ସେ ମଜୁରୀ କରିଯିବାକୁ ଯିବେ, ଏଥିପାଇଁ ସ୍କୁଲରୁ ଛୁଟି ଦରକାର।

ଗୋଟିଏ ଓଷା ପାଳନ ଦ୍ୱାରା ବଦଳିଗଲା ଗରିବ ଚକୁଳିଆ ପଣ୍ଡା ପରିବାରର ଭାଗ୍ୟ। ଯେଉଁ ଝିଅ ଦୁଇଜଣ ଦୈନିକ ଘଷି ଗୋଟେଇବାକୁ ଜଙ୍ଗଲକୁ ଯାଆନ୍ତି, ସେଇ ଝିଅଙ୍କ ଜୀବନରେ ଦିନେ ହଠାତ୍ ଘଟିଲା ଏହିପରି ଏକ ଘଟଣା, ଯାହା ବଦଳାଇ ଦେଲା ପୂରା ପରିବାରର ଜୀବନ।

ହଜାର ହଜାର ଲୋକ ଚାଲାଣ ହୋଇ ଯାଉଛନ୍ତି । ସେଠି ନିର୍ଯାତିତ ହୋଇ ଫେରୁଛନ୍ତି । ଏବର୍ଷ ବର୍ତ୍ତମାନ ଯାଏ ପାଖାପାଖି ୨୦ ଶ୍ରମିକ ଶବ ହୋଇ ଫେରିଲେଣି । କିନ୍ତୁ ପ୍ରଶାସନର ଚିନ୍ତା ନାହିଁ କି ରୋକ ବି ନାହିଁ । ଏପରିକି ନିଜ ସଂର୍ପକୀୟଙ୍କ ଶବ ଆଣିଥିବା ଶ୍ରମିକ ମାନଙ୍କୁ ବି ପୁଣିଥରେ ଦାଦନ ଯାଇ, ମୃତ ଶବର ଟଙ୍କା କରଜ ସୁଝିବା ପାଇଁ ବାଧ୍ୟ କରୁଛନ୍ତି ସ୍ଥାନୀୟ ସର୍ଦ୍ଦାର ।

ଅସୁସ୍ଥତା କାରଣରୁ ବାପା ଘରକୁ ଫେରିଆସିବା ପରେ ପରିବାର କେମିତି ଚଳିବ? ସାନ ଦୁଇ ଭଉଣୀଙ୍କ ପାଠ ପଢ଼ା କେମିତି ହେବ? ପରିବାର ଚଳିବ କେମିତି? ଏମିତି ଯାବତିୟ ଜଞ୍ଜାଳ ଭିତରେ ଫଶିଗଲେ ଉତ୍ତମ। ସେଥିରୁ ମୁକୁଳିବା ପାଇଁ ଉତ୍ତମ ପାଠ ପଢ଼ା ସହିତ ପାର୍ଟ ଟାଇମ୍‌ କାମ କରିବାକୁ ନିଷ୍ପତ୍ତି ନେଇଥିଲେ।

ଶନିବାର ସନ୍ଧ୍ୟା ବେଳେ ପଦ୍ମାଙ୍କ ପରିବାର ଲୋକ କେଓମାଲ ଗାଁକୁ ଆସିଥିଲେ। ଆଉ ସାଥୀରେ ଝିଅକୁ ନେବା ପାଇଁ ଅଡି ବସିଥିଲେ। ହେଲେ ପଦ୍ମା ଯାଇନଥିଲେ। ଯାହାକୁ ନେଇ ପରିବାର ଭିତରେ ବିବାଦ ଦେଖାଦେଇଥିଲା।

ଫାର୍ମ କାମ କରୁଥିବା ଅନ୍ୟ କର୍ମଚାରୀମାନେ ଏନେଇ ଅଭିରାମଙ୍କ ପତ୍ନୀ ଓ ପୋଲିସ୍‌ଙ୍କୁ ଖବର ଦେଇଥିଲେ। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି। ମୃତଦେହରେ କ୍ଷତ ଚିହ୍ନ ଥିବାରୁ ସେମାନଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି।

ପ୍ରକୃତି ଉପରେ ଦାଉ ସାଧୁଛି ଦଲାଲ । ବଲାଙ୍ଗିରରେ ଚାଲୁଛି ବେଆଇନ୍ କ୍ରସର । ଖବର ପ୍ରସାରଣ ପରେ ବି ପ୍ରଶାସନ ନିଦାବିଷ୍ଣୁ । ଏବେ ବି ଉଚ୍ଛବପାଲିରେ ଚାଲିଛି ବେଆଇନ କ୍ରସର । ବ୍ଲାଷ୍ଟିଂ ଯୋଗୁ ଘରେ ଘରେ ଫାଟ, ଲୋକ ଆତଙ୍କିତ ।

ନିକଟରେ ଥିବା ଗାଁ ଉଚ୍ଛବପାଲି ଆଉ ବାସ ଉପଯୋଗୀ ହୋଇ ରହିନାହିଁ । ବ୍ଳାଷ୍ଟିଂ ପାଇଁ ଘରେ ଫାଟ ! ସ୍କୁଲରେ ଫାଟ ! ଭୟଭୀତ ଗାଁ ଲୋକେ । କିନ୍ତୁ ରାଜସ୍ବ ବିଭାଗ ଦାୟିତ୍ବରେ ଥିବା ଅତିରିକ୍ତ ଜିଲ୍ଳାପାଳ କହୁଛନ୍ତି, ଖଣି ଅଧିକାରୀଙ୍କୁ କହିକି ତଦନ୍ତ କରାଇବେ । ହେଲେ ଖଣି ଅଧିକାରୀ ପ୍ରତିକ୍ରିୟା ଦେବାକୁ ରୋକଠୋକ ମନା କରିଦେଇଛନ୍ତି ।

ପ୍ରତିଦିନ ଷ୍ଟେସନକୁ ଆସୁଥିବା ରେଳ ୱାଗନକୁ ଯାଞ୍ଚ କରାଯାଏ। ଯାଞ୍ଚ ସମୟରେ ରେଲୱେ ପୋଲିସ ଓ ରେଳ କର୍ମଚାରୀ ୧୨ଟି ଅଫୁଟା ବୋମା ଜବତ କରିଥିଲେ। ବୋମା ଗୁଡିକ ସଇଁତଳା ଅର୍ଡନାନ୍ସ ଫ୍ୟାକ୍ଟ୍ରିର ବୋଲି ଷ୍ଟେସନ ମ୍ୟାନେଜର ସୂଚନା ଦେଇଛନ୍ତି।

ପୂରା କାର୍ଯ୍ୟାଳୟ ଖୋଲିଥିଲା ସଟ୍ଟାଡନ ହିତେଶ ଜୈନ । ପୋଲିସ ଜବତ କରଥିବା ୨୦ ଟି ମୋବାଇଲ ଓ ତିନୋଟି ଲ୍ୟାପଟପରୁ ଜଣାପଡୁଛି, କେମିତି ଚାଲିଥିଲା ଅନଲାଇନ ଗେମିଂ । ଅଶୀ ଗୁଣ ଫେରସ୍ତର ଲୋଭ ଦେଖାଇ, ଯୁବକ ମାନଙ୍କୁ ଦୀର୍ଘ ଦିନରୁ ଲୁଟି ଆସୁଛି ହିତେଶ । କଣ୍ଟାବାଂଜିରୁ ସଟ୍ଟା କାରବର ଆରମ୍ଭ କରି, ଏବେ ଦୁଇ ତିନୋଟି ରାଜ୍ୟରେ ନିଜର କାରବାର ବଢାଇ ଚାଲିଛି ସଟ୍ଟାଡନ ହିତେଶ ଜୈନ । ତେଣୁ କାହିଁ କେତେ ଦିନରୁ ତିନିଜଣ ବିହାରୀ ଯୁବକଙ୍କୁ ଆଣି କାମରେ ଲଗାଇଥିଲା ହିତେଶ ।

ପାଣିପାଗ ବିଭାଗ ପୂର୍ବାନୁମାନ କରିଛି, ରାଜ୍ୟରେ ଆସନ୍ତା ୪-୫ ଦିନ ପାଗରେ କୌଣସି ପରିବର୍ତ୍ତନ ସମ୍ଭାବନା ନାହିଁ। ତେଣୁ ତାପମାତ୍ରା ଆହୁରି ବଢ଼ିପାରେ। ବର୍ତ୍ତମାନ ମେଘମୁକ୍ତ ଆକାଶ ସହ ଦକ୍ଷିଣ-ପଶ୍ଚିମ ବାୟୁ ପ୍ରଭାବରେ ବଢିଛି ତାପମାତ୍ରା।