ପାକିସ୍ତାନ୍ ପତାକାକୁ ଚିରି ଦେଲା ତାଲିବାନ୍

କାବୁଲ୍‌: କେମିତି ବିଶ୍ୱ ସମୁଦାୟ ତାଲିବାନକୁ ସମର୍ଥନ କରିବ ସେଥିପାଇଁ ଅବିରତ ଉଦ୍ୟମ ଚଲାଇଛି ପାକିସ୍ତାନ୍। କିନ୍ତୁ ତାଲିବାନ୍‌ ପାକିସ୍ତାନର ଏହି ଉଦ୍ୟମକୁ ଅଣଦେଖା କରି ପାକିସ୍ତାନକୁ ବାରମ୍ବାର ଧମକାଇବାରେ ଲାଗିଛି। ତାଲିବାନ ସରକାର ଏବଂ ତାଙ୍କର ସୈନ୍ୟମାନେ ସେମାନଙ୍କ କାର୍ଯ୍ୟକଳାପ ଓ ବିବୃତ୍ତିରେ କ୍ରମାଗତ ଭାବରେ ଦର୍ଶାଇବାକୁ ଚାହୁଁଛନ୍ତି ଯେ ତାଙ୍କ ଉପରେ କୌଣସି ଦେଶର ଚାପ ନାହିଁ। ନିକଟରେ ତାଲିବାନ୍ ସେନା ଆଫଗାନିସ୍ତାନରେ ରିଲିଫ ସାମଗ୍ରୀ ବଣ୍ଟନ ବେଳେ ଏକ ଟ୍ରକରେ ଲାଗିଥିବା ପାକିସ୍ତାନ ପତାକାକୁ ଫାଡି ଦେଇଛନ୍ତି। ତାଲିବାନ ସେନା ଖୋଲାଖୋଲି ଭାବେ ପାକିସ୍ତାନକୁ ବିରୋଧ କରୁଥିବାର ଦୃଶ୍ୟ ଦେଖିବାକୁ ମିଳୁଛି।

Also Read

ଛୋଟ ପରଦାରେ ବକ୍ସି ଜଗବନ୍ଧୁଙ୍କ ବୀରତ୍ୱର ଗାଥା, ଷ୍ଟାର ପ୍ଲସ୍‌ର ନୂଆ ହିନ୍ଦୀ ଧାରାବାହିକ ‘ବିଦ୍ରୋହୀ’

ଦଶମରୁ ଗ୍ରାଜୁଏଶନ ପାସ କରିଥିବା ପ୍ରାର୍ଥୀଙ୍କ ପାଇଁ ସରକାରୀ ଚାକିରି ସୁଯୋଗ, ଜାଣନ୍ତୁ ସମ୍ପୂର୍ଣ୍ଣ ବିବରଣୀ

ଶାଢ଼ୀ ପିନ୍ଧିଥିଲେ ବୋଲି ରେସ୍ତୋରାଁ ମଧ୍ୟକୁ ମହିଳାଙ୍କୁ ପ୍ରବେଶ ପାଇଁ ମିଳିଲାନି ଅନୁମତି: ଭାଇରାଲ ହେଲା ଭିଡ଼ିଓ

କାବୁଲରେ ପାକିସ୍ତାନ୍ ପତାକା ଫାଡିବାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି। ଏଥିରେ ଦେଖିବାକୁ ମିଳିଛି ଯେ, ଟ୍ରକ୍‌ରେ ପାକିସ୍ତାନ ପତାକା ଦେଖି ତାଲିବାନୀ ସେନା ରାଗି ଯାଇଥିଲେ।  ତୁରନ୍ତ ସେହି ପତାକାକୁ କ୍ୟାମେରା ଆଗରେ ଚିରିଦେଲେ। ଏହା ପରେ କ୍ରୋଧିତ ସୈନ୍ୟ ଟ୍ରକ ଡ୍ରାଇଭରକୁ ଧମକ ଦେଉଥିବାର ଦୃଶ୍ୟ ମଧ୍ୟ ଦେଖିବାକୁ ମିଳିଛି। ସୂଚନାଯୋଗ୍ୟ ଯେ, ଯେଉଁ ଟ୍ରକରୁ ପତାକା ବାହାର କରାଯାଇଥିଲା ସେଥିରେ ପାକ୍-ଆଫଗାନିସ୍ତାନ କୋ-ଅପରେଶନ ଫୋରମ୍ ଲେଖା ଯାଇଥିଲା।

ଗୋଟିଏ ପଟେ ଆଫଗାନିସ୍ତାନରେ ତାଲିବାନ ଶାସନକୁ ପାକିସ୍ତାନ ଦୃଢ ସମର୍ଥନ କରୁଥିବାବେଳେ  ଆଫଗାନର ନୂଆ ସରକାର ପାକ୍‌ ସରକାରକୁ ରେଡ୍ ସିଗନାଲ ଦେଖାଉଛି । ସରକାର ଗଠନ ଦିଗରେ ହସ୍ତକ୍ଷେପ ନକରିବା ପାଇଁ ତାଲିବାନୀ ସଂଗଠନଙ୍କ ପକ୍ଷରୁ ପାକିସ୍ତାନ୍‌କୁ କଡ଼ା ଚେତାବନୀ ମଧ୍ୟ ଦିଆଯାଉଛି।

Taliban foot soldiers in this video removing Pakistan's flags from trucks carrying aid supplies for Afghanistan #Talibanpic.twitter.com/YelHBHxNYL

— Murtaza Ali Shah (@MurtazaViews) September 21, 2021

ଇମ୍ରାନ୍ ଖାନ୍ ଆଫଗାନିସ୍ତାନରେ ସମାବେଶୀ ସରକାର ଗଠନ ପାଇଁ ତାଲିବାନ୍‌କୁ ପରାମର୍ଶ ଦେଇଥିଲେ। କିନ୍ତୁ ଏସବୁ ପ୍ରସଙ୍ଗରୁ ଦୂରେଇ ରହିବା ପାଇଁ ପାକିସ୍ତାନ୍‌କୁ କହିଛି ତାଲିବାନ୍। ଆଫଗାନିସ୍ତାନରେ ସମାବେଶୀ ସରକାର ଦାବି କରିବାରର ଅଧିକାର କୌଣସି ଦେଶର ନାହିଁ ବୋଲି ତାଲିବାନ୍ ପକ୍ଷରୁ ସ୍ପଷ୍ଟ କରାଯାଇଛି। ସରକାର ଗଠନରେ ପଡୋଶୀ ରାଷ୍ଟ୍ରକୁ ସାମିଲ କରିବାମାନେ ନିଜ ଦେଶରେ ଗୁପ୍ତଚର ପାଳିବା ସହ ସମାନ ବୋଲି ତାଲିବାନ କହିଛି। ଏହା ପାକିସ୍ତାନ୍‌କୁ ଏକ ଶକ୍ତ ଚାପୁଡ଼ା ସଦୃଶ୍ୟ ହୋଇଛି।