ବାଡୁଅ ପାଣିରେ ଗାଧେଇଲେ ବଲିଉଡ ଅଭିନେତା ଅନିଲ କପୁରଙ୍କ ସାନ ଝିଅ ତଥା ସିନା ନିର୍ମାତା ରିୟା କପୁର। ହାତରେ ଶଙ୍ଖା ଓ ସିନ୍ଥିରେ ସିନ୍ଦୁର ଲଗେଇ ବୋହୂ ବେଶ ସାଜିଲେ। ସେ ତାଙ୍କ ପ୍ରେମିକ କରଣ ବୁଲାଲୀଙ୍କ ସହ ବିବାହ ବନ୍ଦନରେ ବାନ୍ଧି ହୋଇଛନ୍ତି। ଅନିଲ କପୁରଙ୍କ ବଡ ଝିଅ ସୋନମ କପୁରଙ୍କ ବିବାହ ଯେମିତି ସାଧାରଣ ଭାବେ ପାଳନ କରାଯାଇଥିଲା, ଠିକ ସେହିଭଳି ସାନ ଝିଅ ରିୟାଙ୍କ ବିବାହ ମଧ୍ୟ ସାଧାରଣ ଭାବେ ଶେଷ ହୋଇଛି।
ସଞ୍ଜୟ ଲୀଲା ଭଂସାଲୀ ଐଶ୍ୱର୍ଯ୍ୟାଙ୍କ ସହ କାମ କରିବାକୁ ଚିନ୍ତା କରୁଛନ୍ତି। ଯଦି ସବୁ ଠିକ୍ ହୁଏ, ତେବେ ଐଶ୍ୱର୍ଯ୍ୟା ୱେବ୍ ସିରିଜ୍ରେ ଦେଖିବାକୁ ମିଳିବେ। ବଲିଉଡ ହଙ୍ଗାମା ରିପୋର୍ଟ ଅନୁଯାୟୀ- “ୱେବ୍ ସିରିଜର ଯେଉଁଥି ପାଇଁ ପୂର୍ବରୁ ରେଖାଙ୍କ ନାମ ବିଚାର କରାଯାଉଥିଲା ବର୍ତ୍ତମାନ ସେ ସ୍ଥାନ ପାଇଁ ଐଶ୍ୱର୍ଯ୍ୟାଙ୍କ ନାମ ବିଚାରକୁ ନିଆଯାଉଛି । ପ୍ରକୃତ କଥା ହେଉଛି ସଞ୍ଜୟ ଲୀଲା ଭଂସାଲୀଙ୍କ କହିବା କଥା ଯେ ଗତ କିଛି ବର୍ଷ ମଧ୍ୟରେ ରେଖାଙ୍କୁ ନିର୍ଦ୍ଦେଶନା ଦେବା କଷ୍ଟସାଧ୍ୟ ହୋଇପଡିଛି।
ପ୍ରବୀଣ ଗୀତିକାର ତଥା ସ୍କ୍ରିନ୍ ରାଇଟର୍ ଜାଭେଦ୍ ଅଖତର ଆଜିର ଚଳଚ୍ଚିତ୍ର ସଂଗୀତକୁ ନେଇ କ୍ଷୋଭ ପ୍ରକାଶ କରିଛନ୍ତି। ସେ ଅନୁଭବ କରିଛନ୍ତି ଯେ ବର୍ତ୍ତମାନର ଯୁଗର ଚଳଚ୍ଚିତ୍ର ନିର୍ମାତାମାନେ କାହାଣୀକୁ ବଢାଇବା ପାଇଁ ନିଜ ଚଳଚ୍ଚିତ୍ରରେ ଗୀତ ବ୍ୟବହାର କରୁ ନାହାନ୍ତି। ସେମାନେ କେବଳ ଅଧିକ ଟକା ରୋଜଗାର କରିବା ନେଇ ସିନେମାରେ ଗୀତର ବ୍ୟବହାର କରିଥାନ୍ତି।
ବଲିଉଡ ପ୍ରେମୀଙ୍କ ପାଇଁ ଖୁସି ଖବର। ବଲିଉଡ ଇଣ୍ଡଷ୍ଟ୍ରିରୁ ଏଭଳି ଖବର ସାମ୍ନାକୁ ଆସିଛି ଯାହାକୁ ଶୁଣିବା ମାତ୍ରେ ଯେ କେହି ବି ସିନେ ପ୍ରେମୀ ଖୁସି ହୋଇଯିବେ। ଏହି ଖୁସି ଖବର ଅନିଲ କପୁରଙ୍କ ଝିଅ ତଥା ସୋନମ କପୁରଙ୍କ ଭଉଣୀ ରିୟା କପୁରଙ୍କ ସହ ଜଡିତ। କଥାଟି ଏଇଆ ଯେ ଖୁବ୍ ଶୀଘ୍ର ରିୟା କପୁର ପ୍ରେମିକା କରଣ ବୁଲାନିଙ୍କୁ ବିବାହ କରିବାକୁ ଯାଉଛନ୍ତି। ସୋନମ କପୁରଙ୍କ ପରେ ଏବେ ତାଙ୍କ ଭଉଣୀ ରିୟା କପୁର ମଧ୍ୟ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି।
ବିଗ୍ ବସ୍ର ଡ୍ରାମା କୁଇନ୍ ରାଖୀ ସାୱନ୍ତ ସୋସିଆଲ ମିଡିଆରେ ସବୁବେଳେ ଚଳଚଞ୍ଚଳ ଥାଆନ୍ତି। ସେ ପ୍ରାୟତଃ ମୁମ୍ବାଇ ରାସ୍ତାରେ ବିଭିନ୍ନ ଫଟୋଗ୍ରାଫରମାନଙ୍କ ସହିତ କଥାବାର୍ତ୍ତା ହେଉଥିବାର ନଜର ଆସନ୍ତି। ଏହି ସମୟରେ, ସେ କେତେବେଳେ ଥଟ୍ଟାମଜା କରନ୍ତି ତ ପୁଣି କେତେବେଳେ ଏପରି ମତ ଦିଅନ୍ତି ଯାହା ପରବର୍ତ୍ତୀ ସମୟରେ ତାଙ୍କୁ ବିବାଦ ଭିତରକୁ ନେଇଯାଏ। ନିକଟରେ ସେ ବିବ୍ରତ ହୋଇ କହିଥିଲେ ଯେ ଜଣେ ଅଜଣା ବ୍ୟକ୍ତି କବାଟ ଭାଙ୍ଗି ତାଙ୍କ ଘରେ ପଶିଯାଇଥିଲା। ଏହାକୁ ସେ ଓଶିୱାରା ପୋଲିସ୍ ଷ୍ଟେସନରେ ଅଭିଯୋଗ ମଧ୍ୟ କରିଛନ୍ତି।
ବହୁ ପ୍ରତିକ୍ଷାର ଅନ୍ତ ହେବାକୁ ଯାଉଛି । ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ବଡ ପରଦାରେ ଏକାଠି ନଜର ଆସିବେ ହ୍ରିତିକ ଓ ଦୀପିକା । ବହୁ ପ୍ରତିକ୍ଷିତ ଫିଲ୍ମ ଫାଇଟର୍'ର ରିଲିଜ୍ ଡେଟ୍ ଘୋଷଣା କରାଯାଇଛି । ଫିଲ୍ମଟି ୨୦୨୩ ଜାନୁଆରୀ ୨୬ରେ ରିଲିଜ ହେବାକୁ ଯାଉଛି । ଏନେଇ ଶୁକ୍ରବାର ଫିଲ୍ମର ନିର୍ମାତା ଏହି ଘୋଷଣା କରିଛନ୍ତି ।
ଆଜିକାଲି ସୋସିଆଲ୍ ମିଡିଆ ବେଶ ଚମତ୍କାର କରୁଥିବା ଦେଖାଯାଏ। କେତେବେଳେ କୋଉ ଉପାନ୍ତ ଅଞ୍ଚଳର ବ୍ୟକ୍ତିକୁ ବିଶ୍ୱ ଦରବାରରେ ନେଇ ଠିଆ କରେଇ ଦଉଛି ତ ପୁଣି କେତେବେଳେ ଗରିବକୁ ରାତାରାତି ଧନୀ କରିଦେଉଛି। ନିକଟରେ ଦୁର୍ଗମ ଆଦିବାସୀ ଅଞ୍ଚଳର ଜଣେ ଶିଶୁ ହଠାତ୍ ସାରା ଦେଶରେ ଲୋକପ୍ରିୟ ହେବା ସମସ୍ତେ ଜାଣନ୍ତି। ଏହା ସ୍ୱପ୍ନ ଭଳି ସତରେ ପରିଣତ ହୋଇଛି ଛତିଶଗଡର ଜଣେ ୧୨ ବର୍ଷର ବାଳକ ସହଦେବ କୁମାର ଦିର୍ଦୋଙ୍କ କ୍ଷେତ୍ରରେ। ଏହି ପିଲାଟି ସ୍ୱପ୍ନରେ ମଧ୍ୟ ଭାବି ନ ଥିବ ଯେ ଏକ ଗୀତ ତାଙ୍କ ଜୀବନକୁ ଏହିପରି ବଦଳାଇବ।
ସିଲଭର କୁଇନ୍ ମୀରାବାଇ ଚାନୁଙ୍କୁ ଭେଟିଛନ୍ତି ଅଭିନେତା ସଲମାନ୍ ଖାନ୍ । ସଲମାନ ଖାନ୍ ମୀରାଙ୍କୁ ଭେଟିବା ବେଳର ଫଟୋକୁ ସୋସିଆଲ ମିଡିଆରେ ସେୟାର କରିଛନ୍ତି । ମୀରାବାଇ ସଲମାନ୍ଙ୍କର ଜଣେ ବଡ଼ ଫ୍ୟାନ୍ ବୋଲି ସାକ୍ଷାତକାରରେ କହିଥିଲେ। ତେବେ ସଲମାନ୍ ଏହି କଥା ଜାଣିବା ପରେ ମୀରାବାଇଙ୍କୁ ନିମନ୍ତ୍ରଣ କରିଥିଲେ ଓ ତାଙ୍କୁ ସାକ୍ଷାତ କରିଥିଲେ। ସୂଚନା ଅନୁସାରେ ମୀରାବାଇ ଚାନୁ ସିଲଭର ମେଡାଲ ଜିତିବା ବେଳେ ସଲମାନ୍ ଖାନ୍ ଟ୍ଵିଟରରେ ତାଙ୍କୁ ଅଭିନନ୍ଦନ ଜଣାଇଥିଲେ।
ନିଜ ସନ୍ତାନର ଟ୍ରୋଲ୍କୁ ନେଇ ମୁହଁ ଖୋଲିଛନ୍ତି କରୀନା କପୁର। ସେ କୌଣସି ଟ୍ରୋଲକୁ ପସନ୍ଦ କରନ୍ତି ନାହିଁ ବୋଲି କହିଛନ୍ତି। ସେ ସବୁବେଳେ ସକାରାତ୍ମକ ରହିବାକୁ ଚାହାନ୍ତି ବୋଲି କହିଛନ୍ତି। କରୀନା କପୁର ଖାନ ଓ ସୈଫ୍ ଅଲି ଖାନ ଚଳିତ ବର୍ଷ ଫେବୃଆରୀରେ ସେମାନଙ୍କର ଦ୍ୱିତୀୟ ସନ୍ତାନର ପିତାମାତା ହୋଇଛନ୍ତି। ଯେବେଠାରୁ ସେଲିବ୍ରିଟି ଦମ୍ପତି ସେମାନଙ୍କ ପୁଅର ଜନ୍ମ ଘୋଷଣା କରିଥିଲେ, ସେବେଠାରୁ ପୁଅର ନାମକୁ ନେଇ ଚର୍ଚ୍ଚା ଧରିଥିଲା। ପ୍ରଥମ ପୁଅ ତୈମୁର ଅଲି ଖାନଙ୍କ ନାମକୁ ନେଇ ହଇଚଇ ସୃଷ୍ଟି ହେବା ପରେ ଅଭିନେତ୍ରୀଙ୍କ 'ଦ୍ୱିତୀୟ ପୁଅ 'ଜେହ'ର ନାମ ମଧ୍ୟ ଟ୍ରୋଲ୍ର ଟାର୍ଗେଟରେ ରହିଛି।
କଙ୍ଗନା ରାଣାୱତ ପ୍ରାୟ ସମୟରେ ଏମିତି କିଛି କହିଦିଅନ୍ତି ଯାହାକୁ ନେଇ ରାଜନୀତି ଦୁନିଆ ହେଉ ବା ସିନେ ଜଗତ ହେଉ ଚାରିଆଡେ ହଇଚଇ ଖେଳିଯାଏ। କିନ୍ତୁ, ବର୍ତ୍ତମାନର କଥା ହେଉଛି ଟିକିଏ ଭିନ୍ନ। ଏବେ କଙ୍ଗନା ରାଣାୱତ ଯେଉଁ କାରଣ ପାଇଁ ଚର୍ଚ୍ଚାର ପରିସରକୁ ଆସିଛନ୍ତି ତା’ ପଛରେ ନା ତାଙ୍କର ଚଳଚ୍ଚିତ୍ର ଅଛି ନା କୌଣସି ବିବୃତ୍ତି ଅଛି। ନିକଟରେ କଙ୍ଗନା ତାଙ୍କର ଇନ୍ଷ୍ଟାଗ୍ରାମ୍ରେ କିଛି ଫଟୋ ସେୟାର କରିଛନ୍ତି, ଯେଉଁଥିରେ ତାଙ୍କୁ ବହୁତ ବୋଲ୍ଡ ଲୁକ୍ରେ ଦେଖିବାକୁ ମିଳିଛି। ଏହି କାରଣରୁ ସୋସିଆଲ ମିଡିଆ ଉପମୋକ୍ତାମାନେ କଙ୍ଗନାକୁ ଟାର୍ଗେଟ୍ କରିବା ଆରମ୍ଭ କରିଦେଇଛନ୍ତି।
କିଛି ନା କିଛି ଘଟଣାକୁ ନେଇ ବଲିଉଡ୍ ଅଭିନେତ୍ରୀ ମଲାଇକା ଅରୋରା ସବୁବେଳେ ଚର୍ଚ୍ଚାରେ ଥାଆନ୍ତି। ଅଭିନେତା ଅର୍ଜୁନ କପୁରଙ୍କ ସହ ରିଲେସନଶିପ୍କୁ ନେଇ ମଲାଇକା ବେଶୀ ଚର୍ଚ୍ଚାରେ ଅଛନ୍ତି। ଏବେ ମଲାଇକା ଏକ ଆଶ୍ଚର୍ଯ୍ୟକର ଖୁଲାସା କରିଛନ୍ତି।
ବଡ଼ ପରଦାରେ ଏକାଠି ନଜର ଆସିବେ ବଲିଉଡର ତିନି ଟପ୍ ଅଭିନେତ୍ରୀ । ଫରହାନ ଅଖତରଙ୍କ ଫିଲ୍ମ ‘ଜୀ ଲେ ଜରା’ରେ ଏକାଠି ଅଭିନୟ କରିବେ କ୍ୟାଟ୍ରିନା କୈଫ୍, ପ୍ରିୟଙ୍କା ଚୋପ୍ରା ଓ ଆଲିଆ ଭଟ୍ଟ । ଏନେଇ ମଙ୍ଗଳବାର ସୋସିଆଲ ମିଡିଆରେ ଘୋଷଣା କରାଯାଇଛି । ଏହି ଫିଲ୍ମର କାହାଣୀ ୩ ଜଣ ଯୁବତୀଙ୍କ ଉପରେ ପର୍ଯ୍ୟବେସିତ।
ମନୋରଞ୍ଜନ ଜଗତରେ ବିବାଦର କଥା ଉଠିଲେ ତେବେ ଅଭିନେତା କମଲ ଆର୍ ଖାନ୍ଙ୍କ ନାମ ଆଗରେ ଆସିବ। କେଆର୍କେ ଭାବରେ ଜଣାଶୁଣା ଏହି କଳାକାରଙ୍କର ସତେଯେପରି ବିବାଦ ସହିତ ପୁରୁଣା ସଂପର୍କ ଅଛି। ତାଙ୍କର ବିବାଦୀୟ ଟ୍ୱିଟ୍ ଯୋଗୁଁ ସେ ପ୍ରତିଦିନ ଚର୍ଚ୍ଚାରେ ରହିଛନ୍ତି। ଏହି ସମୟ ମଧ୍ୟରେ ସେ ପୁଣି ଥରେ ଏଭଳି ଏକ ଟୁଇଟ୍ କରିଛନ୍ତି, ଯେଉଁଥିପାଇଁ ସେ ସୋସିଆଲ ମିଡିଆରେ ଜୋରଦାର ଟ୍ରୋଲ୍ର ଶିକାର ହେଉଛନ୍ତି।
ବଲିଉଡ ଅଭିନେତା ସନ୍ନି ଦେଓଲ ନିଜର ରଫ୍-ଟଫ୍ ଷ୍ଟାଇଲ ପାଇଁ ବେଶ ଜଣାଶୁଣା। ସନିଙ୍କ ଆଙ୍ଗ୍ରି ୟଙ୍ଗ୍ମ୍ୟାନ୍ ଲୁକ୍, ସେ 'ଦାମିନୀ'ରେ ଥାଉ ବା 'ଗଦର : ଏକ୍ ପ୍ରେମ୍ କଥା'ରେ ପାକିସ୍ତାନ ବିପକ୍ଷରେ ମୋର୍ଚ୍ଚା ଖୋଲିବା ହେଉ ପ୍ରତ୍ୟେକ ଭୂମିକାରେ ଲୋକପ୍ରିୟତା ହାସଲ କରିଛନ୍ତି। ତେବେ ସନ୍ନି ଦେଓଲ୍ ମୁମ୍ବାଇର ମାଲାବାର ପାହାଡରେ ଥିବା ବିଳାସପୂର୍ଣ୍ଣ ଘରେ ରୁହନ୍ତି।
ଅନେକ ସିରିୟଲ ଥାଏ ଯାହା ବନ୍ଦ ହୋଇଯିବା ମାତ୍ରେ ଦର୍ଶକ ହତୋତ୍ସାହିତ ହୋଇପଡନ୍ତି। ସେହିଭଳି ସିରିୟଲଗୁଡିକ ମଧ୍ୟରୁ 'କୌନ୍ ବନେଗା କରୋଡ୍ପତି'(କେବିସି) ଅନ୍ୟତମ। ତେବେ ଲୋକଙ୍କ ସ୍ୱପ୍ନକୁ ପୂରଣ କରିବା ପାଇଁ କେବିସି ପୁଣି ଥରେ ଆସୁଛି। କେବିସିର ୧୩ ତମ ସିଜନ୍ ଆୟୋଜନ କରିବାକୁ ବଲିଉଡ୍ ମେଗାଷ୍ଟାର୍ ଅମିତାଭ ବଚ୍ଚନ ଉତ୍ସାହିତ ଅଛନ୍ତି। ନିର୍ମାତା ମଧ୍ୟ ନିଜର ନୂଆ ଶୋ ପାଇଁ ପ୍ରସ୍ତୁତ ଅଛନ୍ତି। ଆଜିଠାରୁ ଠିକ୍ ୧୨ ଦିନ ପରେ, 'କୌନ୍ ବନେଗା କରୋଡ୍ପତି-୧୩' ଆରମ୍ଭ ହୋଇଯିବ।
ବଲିଉଡକୁ ସୁପରହିଟ୍ ଫିଲ୍ମ ଦେଇଥିବା ପ୍ରସିଦ୍ଧ ଚଳଚ୍ଚିତ୍ର ନିର୍ମାତାଙ୍କ ମଧ୍ୟରେ ସଞ୍ଜୟ ଲୀଲା ଭନସାଲୀ ଅନ୍ୟତମ। ଭନ୍ସାଲୀ ବଲିଉଡ୍କୁ 'ଦେବଦାସ', 'ବାଜିରାଓ ମସ୍ତାନୀ' ଓ 'ପଦ୍ମାବତ' ଭଳି ସୁପରହିଟ୍ ଚଳଚ୍ଚିତ୍ର ଦେବା ପରେ ସେ ଏବେ ଓଟିଟି ଡେବ୍ୟୁ ଆରମ୍ଭ କରୁଛନ୍ତି। ନିର୍ଦ୍ଦେଶକ ତାଙ୍କର ପରବର୍ତ୍ତୀ ପ୍ରୋଜେକ୍ଟ ପାଇଁ ନେଟ୍ଫ୍ଲିକ୍ସ ସହିତ ହାତ ମିଳାଇଛନ୍ତି। ନିକଟରେ ସେ ବଲିଉଡ୍ରେ ୨୫ ବର୍ଷ ପୂରଣ କରିଥିଲେ। ଭନ୍ସାଲୀ ବର୍ତ୍ତମାନ ତାଙ୍କ ଡ୍ରିମ୍ ପ୍ରୋଜେକ୍ଟ 'ହୀରା ମଣ୍ଡି'ରେ ବ୍ୟସ୍ତ ଅଛନ୍ତି। ନିକଟରେ ସେ ଏହାର ପ୍ରଥମ ପୋଷ୍ଟର ମଧ୍ୟ ରିଲିଜ୍ କରିଛନ୍ତି।
କରୀନା କପୁର ଖାନ ଚଳିତ ବର୍ଷ ଫେବୃଆରୀରେ ତାଙ୍କର ଦ୍ୱିତୀୟ ପୁତ୍ରକୁ ଜନ୍ମ ଦେଇଥିଲେ। ସେବେଠାରୁ ପିଲାର ନାମକରଣକୁ ନେଇ ଅଭିନେତ୍ରୀଙ୍କ ପ୍ରଶଂସକଙ୍କ ମଧ୍ୟରେ ଗୁଜବ ସୃଷ୍ଟି ହୋଇଥିଲା। ଏହି ସେଲିବ୍ରିଟି ଦମ୍ପତିଙ୍କ ଦ୍ୱିତୀୟ ପୁଅର ନାମ ଜାଣିବାକୁ ସମସ୍ତେ ବ୍ୟସ୍ତ। କିନ୍ତୁ, ଉଭୟ ଦୀର୍ଘ ସମୟ ଧରି ପ୍ରଶଂସକଙ୍କ ସହ ପୁଅର ନାମ ସେୟାର କରି ନ ଥିଲେ। କାରଣ, ଯେତେବେଳେ ସୈଫ୍-କରୀନା ପ୍ରଥମେ ପୁଅ ତୈମୁର ଅଲି ଖାନଙ୍କ ନାମ ଘୋଷଣା କରିଥିଲେ, ଏହାକୁଅ ନେଇ ବହୁତ ହଇଚଇ ସୃଷ୍ଟି ହୋଇଥିଲା।
ଟୋକିଓ ଅଲିମ୍ପିକ୍ସରୁ ଭାରତକୁ ଆସିସାରିଛି ପ୍ରଥମ ସ୍ୱର୍ଣ୍ଣ ପଦକ। ଏହି ସ୍ୱର୍ଣ୍ଣକୁ ଜିତି ନୀରଜ ଚୋପ୍ରା ଇତିହାସ ସୃଷ୍ଟି କରିଛନ୍ତି। ସେ ତାଙ୍କ ବିଜୟ ସହିତ ସମଗ୍ର ଦେଶ ପାଇଁ ଖୁସିର ଲହରୀ ନେଇଆସିଛନ୍ତି। ଏବେ ନୀରଜ ଚୋପ୍ରାଙ୍କ ଐତିହାସିକ ବିଜୟ ସାରା ଭାରତ ପାଳନ କରୁଛି। ଜାଭେଲିନ୍ ଥ୍ରୋରେ ତାଙ୍କର ଅବିଶ୍ୱସନୀୟ ପ୍ରଦର୍ଶନକୁ ଦେଖି ବିଶ୍ୱ ଚମକିଯାଇଥିଲା। ଦେଶ ସବୁ ଆଶା ଓ ଭରସା ତାଙ୍କ ଉପରେ ଢାଳି ଦେଇଥିଲା। ଦେଶବାସୀଙ୍କ ଏହି ବିଶ୍ୱାସକୁ ନିରଜ ସତ ପ୍ରମାଣ କରିଥିଲେ ଓ ଶେଷରେ ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିଥିଲେ।
ବଲିଉଡର 'ପଙ୍ଗା ଗର୍ଲ' ନାମରେ ପରିଚିତ କଙ୍ଗନା ରାଣାୱତ ଆଜିକାଲି ତାଙ୍କର ଲୋକପ୍ରିୟ ସ୍ପାଇ ଥ୍ରୀଲର୍ ଫିଲ୍ମ 'ଧାକଡ୍'ର ସୁଟିଂରେ ବ୍ୟସ୍ତ ଅଛନ୍ତି। ଏହି ଚଳଚ୍ଚିତ୍ରରେ ଅର୍ଜୁନ ରାମପାଲ ଓ ଦିବ୍ୟା ଦତ୍ତା ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରଜନୀଶ ଘାଇ। ନିକଟରେ କଙ୍ଗନା ସୋସିଆଲ ମିଡିଆରେ ନିଜର ଏକ ଫଟୋ ସେୟାର କରିଛନ୍ତି। ଏହି ଫଟୋରେ, କଙ୍ଗନା ସବୁଠୁ ବିପଜ୍ଜନକ ଦୃଶ୍ୟରେ ଦେଖିବାକୁ ମିଳିଛି।
ବଲିଉଡ ଅଭିନେତ୍ରୀ ତଥା ଶ୍ରୀଦେବୀ ଲଳନା ଜାହ୍ନଭୀ କପୁର ସୋସିଆଲ୍ ମିଡିଆରେ ସବୁବେଳେ ସକ୍ରିୟ ଥିବାବେଳେ ପ୍ରଶଂସକଙ୍କ ସହ ତାଙ୍କର ଫଟୋ ଓ ଭିଡିଓ ସେୟାର କରି ଚାଲିଛନ୍ତି। ନିକଟରେ ସେ ଏକ ମଜାଦାର ଭିଡିଓ ସେୟାର କରିଛନ୍ତି, ଯେଉଁଥିରେ ସେ ନାଚି ନାଚି ବାଥ୍ ଟପ୍ ଭିତରେ ଗଳିପଡୁଛନ୍ତି। ସୋସିଆଲ୍ ମିଡିଆରେ ସେୟାର ହେବା ମାତ୍ରେ ଏହି ଭିଡିଓଟି ଭାଇରାଲ ହେବାରେ ଲାଗିଛି। ଏହି ଭିଡିଓରେ ଥିବା ସମସ୍ତେ କିଛି ନା କିଛି ନଖରାମୀ କରିବା ସହିତ ବହୁତ ମଜ୍ଜା ନେଉଥିବାର ଦେଖାଯାଏ।
ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ଭଉଣୀ ଶମିତା ଶେଟ୍ଟୀ ଟିଭିର ସବୁଠାରୁ ଲୋକପ୍ରିୟ ରିୟଲିଟି ସୋ 'ବିଗ୍ ବସ୍ ଓଟିଟି'ରେ ପୁଣି ଏଣ୍ଟ୍ରି କରିଛନ୍ତି। ଏହାକୁ ନେଇ ଦର୍ଶକ ନିରାଶ ହୋଇଥିବା ଦେଖାଯାଇଛି। ଶମିତା ଶୋ’ର ଗ୍ରାଣ୍ଡ୍ ପ୍ରିମିୟରରେ ପ୍ରତିଯୋଗୀ ଭାବରେ ପ୍ରବେଶ କରିଛନ୍ତି। ବିଗ୍ ବସ୍ଙ୍କ ଘରେ ପ୍ରବେଶ କରିବା ପରେ ଶମିତା ସୋସିଆଲ ମିଡିଆରେ ଟ୍ରେଣ୍ଡ୍ କରିବା ଆରମ୍ଭ କରିଥିଲେ। କିନ୍ତୁ ଲୋକମାନେ ତାଙ୍କୁ ଶିଳ୍ପା ଶେଟ୍ଟୀ ଏବଂ ରାଜ କୁନ୍ଦ୍ରାଙ୍କ ବିବାଦ ସହ ଜଡିତ କରି ଦେଖିବାକୁ ଲାଗିଲେ। କିଛି ଲୋକ ତାଙ୍କୁ ଟ୍ରୋଲ୍ କରିବା ମଧ୍ୟ ଆରମ୍ଭ କଲେ।
ବରିଷ୍ଠ ଅଭିନେତା ଅନୁପମ ଶ୍ୟାମଙ୍କ ପରଲୋକ ହୋଇଛି। କିଡ୍ନୀ ଜନିତ ସମସ୍ୟା ନେଇ ଗତ ସପ୍ତାହରେ ସେ ମୁମ୍ବାଇର ଏକ ସିଟି ହସ୍ପିଟାଲ୍ରେ ଭର୍ତ୍ତି ହୋଇଥିଲେ। ହେଲେ ତାଙ୍କ ଶରୀରରେ ଅଧିକାଂଶ ଅଙ୍ଗପ୍ରତ୍ୟଙ୍ଗ କାମ ନକରିବାରୁ ଚିକିତ୍ସାଧୀନ ଅବସ୍ଥାରେ ଗତକାଲି ରାତିରେ ତାଙ୍କର ଦେହାନ୍ତ ହୋଇଛି।
ମିଡିଆ ରିପୋର୍ଟକୁ ନେଇ ଅର୍ଜୁନ କପୁର ଆପତ୍ତି କରିଛନ୍ତି । ଯେଉଁଥିରେ ମଲାଇକା ଆରୋରାଙ୍କ ରୋଜଗାରକୁ ନେଇ ପ୍ରଶ୍ନ ଉଠିଛି। ଏନେଇ ସୋସିଆଲ ମିଡିଆରେ ଏ ବିଷୟରେ ଏକ ପୋଷ୍ଟ ସେୟାର କରିଛନ୍ତି ଅର୍ଜୁନ।
ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରା ଅଶ୍ଳୀଳ ମାମଲାରେ ଜେଲରେ ଅଛନ୍ତି। ଜୁଲାଇ ୧୯ରେ ଗିରଫ ହେବା ପରେ ରାଜ କୁନ୍ଦ୍ରାଙ୍କୁ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଯାଇଥିଲା। ଏହି ମାମଲା ପ୍ରକାଶ ପାଇବା ପରଠାରୁ ମୁମ୍ବାଇ କ୍ରାଇମ୍ବ୍ରାଞ୍ଚ୍ ସକ୍ରିୟ ରହିଛି ଏବଂ ଏହି ମାମଲାରେ ବହୁ ଲୋକଙ୍କୁ ଗିରଫ କରିଥିବା ବେଳେ ଅନେକଙ୍କୁ ପଚରାଉଚରା ମଧ୍ୟ କରୁଛି। ଅଶ୍ଳୀଳ ମାମଲାରେ ଗହନା ବଶିଷ୍ଟ ମଧ୍ୟ ଲଗାତର ଚର୍ଚ୍ଚାରେ ରହୁଛନ୍ତି।
'ବିଗ୍ ବସ୍ ଓଟିଟି' ଆଜି ରାତି ୮ ଟାରୁ ଭୁଟ୍ ଆପ୍ରେ ପ୍ରଦର୍ଶିତ ହେବ। ଆଜି ସକାଳୁ ସୋସିଆଲ ମିଡିଆରେ ଏହାକୁ ନେଇ ଗୁଜବ ସୃଷ୍ଟି ହୋଇଛି। ପ୍ରଶଂସକଙ୍କ ଖୁସିର ଜୁଆର ବୋଲ ମାନୁନି। କରଣ ଜୋହର ଏହି ଶୋ’ର ହୋଷ୍ଟ କରୁଛନ୍ତି। ସେ ଶୋ’ର ପ୍ରୋମୋରେ କହିଥିଲେ ଯେ ଏଥର ବିଗ୍ ବସ୍ରେ ହଟ୍ନେସ୍ର ତଡକା ଲାଗିବଏବଂ ଆମେ ଏହାର ପ୍ରଥମ ଝଲକ ମଧ୍ୟ ପାଇଛୁ। ବିଗ୍ ବସ୍ର ପ୍ରିମିୟମ୍ ରାତିରେ ପରମସୁନ୍ଦରୀ ମଲାଇକା ଅରୋରା ତାଙ୍କ ଡ୍ୟାନ୍ସ ଦ୍ୱାରା ଶୋ’ରେ ଗ୍ଲାମର ତଡକା ଲଗେଇବାର ନଜର ଆସିବେ।
LIVE TV
