Miscellaneous Updates

ବିମାନରେ ଜଣେ ଯାତ୍ରୀ କେତେ ପିଇବେ ମଦ ? ଯାତ୍ରୀଙ୍କୁ ବିମାନରେ ଯିବା ସମୟରେ କେତେ ପରିମାଣର ମଦ ଦିଆଯିବା ଉଚିତ୍? ଏନେଇ DGCA ସୁପ୍ରିମ୍କୋର୍ଟକୁ ସୂଚନା ଦେଇଛି ।

ଗଞ୍ଜାମର ମା’ ତାରାତାରିଣୀଙ୍କ ପୀଠ । ଶୀତଦିନ ହେଲେ ଏଠାରେ ଲାଗେ ପର୍ଯ୍ୟଟକଙ୍କ ପ୍ରବଳ ଗହଳି । ହେଲେ ଏହି ସ୍ଥାନରେ ପର୍ଯ୍ୟଟକଙ୍କ ପାଇଁ ସେପରି କୌଣସି ଉତ୍ତମ ବ୍ୟବସ୍ଥା ନଥିବାରୁ ଧୀରେ ଧୀରେ ଏହି ସ୍ଥାନ ଅଳିଆ ଗଦାର ରୂପ ନେଲାଣି ।

ମୁଣ୍ଡରେ ନଥିଲା କେରେ କେଶ... ହେଲେ ଚାଲାକ୍ ଥିଲା ଚୋର । ଚନ୍ଧା ମୁଣ୍ଡରେ ନକଲି ଚୁଟି ଲଗାଇ ଲୁଟ୍ କରୁଥିଲା ଲକ୍ଷ ଲକ୍ଷ ଟଙ୍କା । ଆଉ ଗାଏବ୍ କରୁଥିଲା ସୁନା ଗହଣା ।

ଆୟୁଷ ଡାକ୍ତରଙ୍କ ଭରସାରେ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର । ଡାକ୍ତର ଅଭାବରୁ ରୋଗୀ ସେବା ବିପର୍ଯ୍ୟସ୍ତ । ଭଦ୍ରକ ଜିଲ୍ଲାର ଚାନ୍ଦବାଲି ବ୍ଲକର ୩୬ ପଞ୍ଚାୟତ ସମେତ କେନ୍ଦ୍ରାପଡ଼ାର ଜିଲ୍ଲାର ଆଳି ଓ ରାଜକନିକା ଅଞ୍ଚଳର ୨୦ରୁ ଅଧିକ ପଞ୍ଚାୟତର ଲୋକେ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଉପରେ ନିର୍ଭର କରନ୍ତି । ବିଭିନ୍ନ ବିଭାଗର ମୋଟ ୨୦ ଜଣ ଡାକ୍ତର ଆବଶ୍ୟକ ରହିଥିବାବେଳେ ଆୟୁଷ ଡାକ୍ତରଙ୍କୁ ମିଶାଇ ମାତ୍ର ୬ ଜଣ ଡ଼ାକ୍ତର ନିୟୋଜିତ ଅଛନ୍ତି ।

ଗ୍ରୀଷ୍ମର ଡହ ଡହ ଖରାରେ ସାରା ରାଜ୍ୟ ଆଉଟୁପାଉଟୁ ହେଉଥିବାବେଳେ ଭଦ୍ରକ ଚାନ୍ଦବାଲିରେ ସ୍ଥିତି କିନ୍ତୁ ଆହୁରି ସାଙ୍ଗାତିକ । ଜିଲ୍ଲା ଚାନ୍ଦବାଲି ବ୍ଲକ ତହସିଲ ଅଧିନରେ ଗଢ଼ି ଉଠିଥିବା ବେଆଇନ ଇଟା ଭାଟି ଗରମ ଗୁଳୁଗୁଳିକୁ ଯେମିତି ଦ୍ୱିଗୁଣିତ କରୁଛି । ଇଟା ଭାଟିରେ ବ୍ୟବହୃତ କାଠ କୋଇଲାରୁ ନିର୍ଗତ ଧୂଆଁ କେବଳ ପରିବେଶ ପ୍ରଦୂଷଣ କରୁନାହିଁ ବରଂ ଅତ୍ୟନ୍ତ ଖରା,ଗରମରେ ସ୍ଥାନୀୟ ଲୋକଙ୍କୁ ଏମିତି ଵେହାଲ କରୁଛି ଯେ ଏବେ ସାଧାରଣ ଲୋକେ ସ୍ଵର ଉଠାଇବାକୁ ବାଧ୍ୟ ହୋଇଛନ୍ତି ।

ପ୍ରଚଣ୍ଡ ଗ୍ରୀଷ୍ମରେ ପାଣି ପାଇଁ ଡହଳବିକଳ ଢ଼େଙ୍କାନାଳ ସହରବାସୀ । ଆମ ପୋଖରୀ ଯୋଜନାରେ ପଙ୍କ ପୁନରୁଦ୍ଧାର ନାଁରେ ଖରାଦିନ ପୂର୍ବରୁ ପୋଖରୀରୁ ପାଣି ନିଷ୍କାସନ କରିବା ପରେ ମନ୍ଥର ଗତିରେ କାମ ପାଇଁ ସହବାସୀଙ୍କ ମଧ୍ୟରେ ଅସନ୍ତୋଷ ଦାନା ବାନ୍ଧୁଛି।

ଜୈନିକ ବ୍ୟକ୍ତି ତାଙ୍କ ପେଟକୁ ଦାନା ଦେଉଥିବା କମ୍ପାନୀକୁ ଠକି କୋଟିଏ ଟଙ୍କାର ଘୋଟାଲା କରିଥିଲେ। ଆଉ ସେହି ଟଙ୍କାକୁ ଏବେ ଲୁଟି ନେଇଛି ସାଇବର ଲୁଟେରା। ଆଉ ସେ ଏବେ ଜେଲରେ ପେଷୁଛନ୍ତି ଚକି!

ଦୁନିଆର ସବୁଠାରୁ ଦାମୀ କଫି, ‘ବ୍ଲାକ୍ ଆଇଭରୀ ବ୍ଲେଡ୍’ ବିଷୟରେ ଆପଣ ନିଶ୍ଚୟ ଶୁଣିଥିବେ। ଏକ କିଲୋଗ୍ରାମ କଫିର ମୂଲ୍ୟ ପାଖାପାଖି ୭୦ ହଜାର ଟଙ୍କା। ଏହି କଫି ହାତୀ ମଳରୁ ହୋଇଥାଏ ତିଆରି।

ଜହ୍ନ ରାଇଜରୁ ମାଟି ପଥର ଆଣିବ ଭାରତ। ଏହି ପରିକଳ୍ପନାକୁ ସତ କରିବା ପାଇଁ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ ଇସ୍ରୋ ପ୍ରୟାସ ଆରମ୍ଭ କରିଛି।

ମହାପ୍ରଭୁଙ୍କଠୁ ଓଡ଼ିଶାର ଘରେ ଘରେ ଛେନାପୋଡ଼ର ରହିଛି ସ୍ବତନ୍ତ୍ର ଆଦର। ନୟାଗଡ଼ରୁ ଉତ୍ପତ୍ତି ହୋଇଥିବା ଏହି ମିଠା ଏବେ ବିଶ୍ବର କୋଣଅନୁକୋଣରେ ପହଞ୍ଚି ପାରିଛି। ଆସନ୍ତାକାଲି ଛେନାପୋଡ ଦିବସ ପାଳନ ପୂର୍ବରୁ ଦେଖିବା ଏହି ରିପୋର୍ଟ ।

ଆପଣଙ୍କ ବ୍ୟାଙ୍କ ଆକାଉଣ୍ଟ ଅଛି କିନ୍ତୁ ଟଙ୍କା ଉଠାଇବାକୁ ଘର ପାଖରେ ଏଟିଏମ୍ ନାହିଁ କି? କିଛି ଚିନ୍ତା ନାହିଁ! ଏବେ ପୋଷ୍ଟ ଅଫିସ ବି ଆପଣଙ୍କୁ ନଗଦ ଟଙ୍କା ଦେବେ ଆଉ ଏଥିପାଇଁ ଆପଣଙ୍କ ଆକାଉଣ୍ଟରେ ଆଧାର ଲିଙ୍କ୍ ହୋଇଥିବା ଆବଶ୍ୟକ।

ତାଳଚେରରରେ ଏବେ କାଳ ସାଜିଥିବା ଏହି ମୁକୁଳା ଡ୍ରେନ ପ୍ରତି ପୌର ପରିଷଦର କୌଣସି ଦୁରଦୃଷ୍ଟି ପଡୁନଥିବା ହେତୁ ସ୍ଥାନୀୟ ଲୋକେ ଅସନ୍ତୋଷବ୍ୟକ୍ତ କରିବା ସହ ନୂତନ ଡ୍ରେନ କାର୍ଯ୍ୟରେ ଠିକାଦାରମାନେ ଅବହେଳା ପ୍ରଦର୍ଶନ କରୁଥିବା ଅଭିଯୋଗ ଆଣିଛନ୍ତି ଅଞ୍ଚଳବାସୀ l

ରାଜ୍ୟ ସରକାର ସୁଜଳ ଓ ବସୁଧା ଭଳ ଯୋଜନା ଚଳାଇଥିବା ବେଳେ କେନ୍ଦ୍ର ସରକାର ଚଳାଇଛନ୍ତି ହର ଘର ନଲ୍ ଯୋଜନା । ୨୦୨୪ ସୁଦ୍ଧା ପ୍ରତ୍ୟେକ ଘରେ ପାଇପ ଯୋଗେ ପାନୀୟ ଜଳ ଯୋଗାଇବାକୁ ପ୍ରତିଶୃତି ବି ଦେଇଛନ୍ତି। ହେଲେ କ଼ଟକ ଜିଲ୍ଲା ଉତାରଣ ପଂଚାୟତର ଅଲିଙ୍ଗି ଗ୍ରାମରେ ସରକାରଙ୍କ ପ୍ରତିଶୃତି ଏଠାରେ ଧୂଆଁ ବାଣ ସଦୃଶ୍ୟ ହୋଇଛି ।

ରାଜ୍ୟରେ ତାତି ଯେତିକି ବଢ଼ୁଛି ତା ସାଙ୍ଗକୁ ତାଳଦେଇ ବଢ଼ୁଛି ଜଳକଷ୍ଟ । ନଳକୂପ ରହିଛି କିନ୍ତୁ ତାହା ଅଚଳ । ଗାଁ ମଝିରେ ଥିବା ଏହି କୂଅଟି ବି ଶୁଖି ଯାଇଛି । ଏହି କୂଅରେ ସାମାନ୍ୟ ଝର ପଡୁଥିବାରୁ କଷ୍ଟେମଷ୍ଟେ ବଞ୍ଚିଯାଉଛି ଜୀବନ । ଯେଉଁଥି ପାଇଁ ଏହି ଲମ୍ବା ଲାଇନ୍ । ଆଉ ଏହି ଅପରିଷ୍କାର କୂଅ ପାଣି ପିଇ ଅନେକ ସମୟରେ ବିଭିନ୍ନ ରୋଗରେ ପଡ଼ନ୍ତି ଗ୍ରାମବାସୀ ।

ଚାଷ କାମ ଯାହାର କି ଆନ୍ଦ ତାହାର...ଏହି ଉକ୍ତିଟି ଏବେ ଭୁଲ୍ ପ୍ରମାଣିତ ହେବାକୁ ବସିଲାଣି ... କାରଣ ବଜାର ବ୍ୟବସ୍ଥା ନଥିବା ହେତୁ ଚାଷରୁ ଆଉ ସେଭଳି ଲାଭ ମିଳୁ ନଥିବା କହୁଛନ୍ତି ଚାଷୀ ।

ଦିବ୍ୟାଙ୍ଗ ହୋଇ ମଧ୍ୟ ସେ ସକ୍ଷମ। ଦିବ୍ୟାଙ୍ଗ ହେଲେ ମଧ୍ୟ ପାଠ ପଢାର ଇଛା ଶକ୍ତି ଆଜି ତାଙ୍କୁ ଦେଇଛି ସ୍ଵତନ୍ତ୍ର ପରିଚୟ । ଦୁଇ ଗୋଡ ନ ଥାଉ ପଛେ ଦୌଡ଼ିବାର ଅଛି ଇଛା । ମୁଁ ପାଠ ପଢିବି ସଫଳ ହେବି। ସମସ୍ତଙ୍କ ପାଇଁ ପ୍ରେରଣା ସାଜିବି। ଦିବ୍ୟାଙ୍ଗ ହେଲେ ବି କାହା ଉପରେ ନିର୍ଭର କରିବି ନାହିଁ । ନିଜେ ପାଠ ପଢା ଜାରି ରଖିବା ସହ ଛୋଟ ଛୋଟ ପିଲାଙ୍କୁ ପଢାଇ ନିଜର ପାଠ ପଢା ଖର୍ଚ୍ଚ ସହ ଅନ୍ୟାନ୍ୟ ଖର୍ଚ୍ଚ ବି ବହନ କରୁଛନ୍ତି ।

ଘଣ୍ଟ ବାଡ଼େଇ ପ୍ରତିବାଦ... ବ୍ରହ୍ମପୁର ସହରର ବିଭିନ୍ନ ସମସ୍ୟା ଓ ତାର ସମାଧାନ ଦାବି କରି ଘଣ୍ଟ ପିଟି ପିଟି ପ୍ରଶାସନକୁ ଚେତେଇ ଦେଇଛି ମାନବ ଅଧିକାର ସୁରକ୍ଷା ମଞ୍ଚ । ଆଜି ଦକ୍ଷିଣାଞ୍ଚଳ ରାଜସ୍ୱ କମିଶନରଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ପ୍ରଦାନ କରିଛନ୍ତି।

ସାରା ରାଜ୍ୟ ଗ୍ରୀଷ୍ମ ପ୍ରବାହରେ ଜଳୁଛି । ମୁଣ୍ଡ ଉପରେ 40ଡିଗ୍ରୀ ଖରା । ଦେଖନ୍ତୁ ଏଠି କେମିତି ପାଣି ଟୋପେ ପାଇଁ ସଂଘର୍ଷ କରୁଛନ୍ତି ଆଦିବାସୀ ।, ହାତରେ ହାଣ୍ଡି ଗରା ଧରି ଜଙ୍ଘଲରେ ଚାଲି ଚାଲି ପାଣି ସନ୍ଧାନରେ ଲୋକେ ।

ଯନ୍ତ୍ରଣା ଦେଉଛି ଦୂଷିତ ପାନୀୟ ଜଳ । ଗାଁରେ ଥିବା ଦୁଇଟି ନଳକୂଅରୁ ବାହାରୁଛି ଗୋଳିଆ ପାଣି ।

ଗାଈ ଡାକ୍ତର ହରିଆ ମଉସା । ଶୁଣିଲେ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ କିନ୍ତୁ ଏହା ହେଉଛି ଭକ୍ତ ମାନଙ୍କ ଶ୍ରଦ୍ଧା ଏବଂ ବିଶ୍ୱାସର କଥା । ଏ ହେଉଛି ସତ୍ୟବାଦୀ ବ୍ଲକ ବଳପୁର ଅନ୍ତର୍ଗତ ବାବା ହରି ସହଦେବଙ୍କ କଥା ।

ଜନ୍ମରୁ ହାତ ଅସଂପୂର୍ଣ୍ଣ ଥିବାରୁ ବାପା ମା ନାଆ ଦେଇଥିଲେ କାଳିଆ। ତଥାପି ହାର ମାନି ନାହାଁନ୍ତି ସେ । କାଳିଆ ସମସ୍ତଙ୍କ ଦୁଃଖ ବୁଝେ କିନ୍ତୁ କାଳିଆର ଦୁଃଖ କିଏ ବୁଝୁଛି…

ଯନ୍ତ୍ରଣା ଦେଉଛି ଦୂଷିତ ପାନୀୟ ଜଳ । ଗାଁରେ ଥିବା ଦୁଇଟି ନଳକୂଅରୁ ବାହାରୁଛି ଗୋଳିଆ ପାଣି। ଲୋକେ କିଡନୀ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ । ୧୦ ବର୍ଷରେ କିଡନୀ ରୋଗରେ ଗଲାଣି ଅନେକ ଲୋକଙ୍କ ଜୀବନ।

ଗ୍ରୀଷ୍ମ ଆରମ୍ଭରୁ ବାଲେଶ୍ୱର ସହରର ଦେଖାଦେଲାଣି ପାନୀୟ ଜଳ ସମସ୍ୟା । ଲକ୍ଷ ଲକ୍ଷ ଟଙ୍କା ବ୍ୟୟରେ ସହରର ବିଭିନ୍ନ ସ୍ଥାନରେ ନିର୍ମିତ ଅମୃତ ଧାରା ପ୍ରକଳ୍ପ ଶୁଖିଲା ପଡିଛି । ଏବେ ଖରାର ପ୍ରକୋପ ବଢିଥିବା ବେଳେ ପାଣି ଟୋପେ ପାଇଁ ଡହଳବିକଳ ହେଉଛନ୍ତି ଲୋକ ।

ମାର୍ଚ୍ଚ ଆରମ୍ଭରୁ କଫି ଗଛରେ ଫୁଲ ଧରିଲାଣି। ଏବର୍ଷ ଭଲ ଫୁଲ ଧରି ଥିବା ହେତୁ ଚାଷୀ ଖୁବ୍ ଉତ୍ସାହିତ ଅଛନ୍ତି। ହେଲେ ଚଳିତ ବର୍ଷ ହେଉଥିବା ତାପମାତ୍ରା ବୃଦ୍ଧି ଏବଂ ଆବଶ୍ୟକୀୟ ବର୍ଷା ହେଉ ନଥିବା ଯୋଗୁଁ ଏହି ଚାଷ ପ୍ରଭାବିତ ହେବ ବୋଲି କୃଷି ବୈଜ୍ଞାନିକ ମାନେ କହିଛନ୍ତି ।

ଇଏ ଏମିତି ସେମିତି ଚପଲ ନୁହେଁ। ଇଏ 'ଚପଲ୍: ମେଡ୍-ଇନ୍ ଚାଲାଣପୁଟ'। ହଁ, ଚାଲାଣପୁଟ ହେଉଛି, କୋରାପୁଟ ଜିଲ୍ଲା ସେମିଳିଗୁଡ଼ା ବ୍ଲକ୍ ରାଜପୁଟ ପଞ୍ଚାୟତର ଏକ ଛୋଟିଆ ଆଦିବାସୀ ଗାଁ ।