ପ୍ରତିବର୍ଷ ଓସ୍କାର ପାଇଁ ଭାରତୀୟ ସିନେମା ମଧ୍ୟରୁ କିଛି ଫିଲ୍ମ ମନୋନୀତ ହୋଇଥାଏ । ବିଦ୍ୟା ବାଲନ ଅଭିନିତ ‘ଶେରନୀ’ ଏବଂ ଭିକ୍କି କୌଶଲ ଅଭିନିତ ଫିଲ୍ମ ‘ସର୍ଦ୍ଦାର ଉଧମ୍ ସିଂ’ ଓସ୍କାର ୨୦୨୨’ ପାଇଁ ମନୋନୀତ ହୋଇଛି । ଏନେଇ ୨ଟି ଫିଲ୍ମର କଳାକାର ବିଦ୍ୟା ବାଲନ ଓ ବିକି କୌଶଲ ନିଜର ଖୁସି ଜାହିର କରିଛନ୍ତି ।
ବଲିଉଡ୍ ଷ୍ଟାର୍ ଅନନ୍ୟା ପାଣ୍ତେଙ୍କ ଘରେ ପହଞ୍ଚିଛି ଏନସିବି ସମନ୍ । ଅଭିନେତ୍ରୀ ଅନନ୍ୟା ପାଣ୍ଡେଙ୍କ ମୁମ୍ବାଇ ବାସଭବନକୁ ଯାଇ ଯାଞ୍ଚ କରୁଛି ଏନ୍ସିବି । ତାଙ୍କୁ ଆଜି ୨ଟା ବେଳେ ହାଜର ହେବାକୁ ନୋଟିସ୍ କରିଛି ଏନସିବି ।
ଶାହରୁଖ ଖାନଙ୍କ ପରିବାରକୁ ଆଜିକାଲି ମାନସିକ ଚିନ୍ତାରେ ଜୀବନ କାଟିବାକୁ ପଡୁଛି। କାହିଁକି ବା ଚିନ୍ତାରେ ନ ରହିବେ, ଯେତେବେଳେ ମନ୍ନତର ରାଜକୁମାର ଜେଲରେ ଦିନ କାଟୁଛନ୍ତି ସେତେବେଳେ କୋଉ ବାପା-ମା ଶାନ୍ତିରେ ବା ରହିପାରିବେ। ଡ୍ରଗ୍ସ ମାମଲାରେ ଆଜିକୁ ୧୪ ଦିନ ହେବ ଆର୍ୟନ୍ ଖାନ ଜେଲ୍ର ଚାରିକାନ୍ଥ ଭିତରେ ଅଛନ୍ତି। ଜେଲରେ ତାଙ୍କୁ ବହୁତ କଷ୍ଟ ଅନୁଭବ ହେଉଛି, ସେ ନିଜକୁ ଖାପଖୁଆଇ ପାରୁ ନାହାନ୍ତି। ଆଜି ଅର୍ଥାତ ଗୁରୁବାର ସକାଳେ ଶାହରୁଖ ଖାନ ଆର୍ଥର ରୋଡ୍ ଜେଲ୍ ଯାଇ ତାଙ୍କ ପୁଅକୁ ଭେଟି ତାଙ୍କୁ ସାହସ ଦେଇଛନ୍ତି।
କରୋନା ଭାଇରସ୍ କାରଣରୁ ଦୀର୍ଘଦିନ ଧଦି ମଲ୍ଟିପ୍ଲେକ୍ସ ବନ୍ଦ ରହିଥିଲା। ତେବେ ଆସନ୍ତାକାଲି ବା ୨୨ ତାରିଖରୁ ଖୋଲାଯାଉଛି। ପୁଣିଥିରେ ବଡ ପରଦାର ଧମାକା ଫେରିବାକୁ ଯାଉଛି। ଏହି ମସ୍ତିକୁ ଆହୁରି ବଢେଇବା ନେଇ ଦର୍ଶକମାନଙ୍କ ପାଇଁ ମଲ୍ଟିପ୍ଲେକ୍ସ ଚେନ୍ ଆଇନକ୍ସ ଲେଜର ଲିମିଟେଡ୍ ଏକ ଭଲ ଉପହାର ନେଇ ଆସିଛି। ଏହି ଉପହାରରେ ମଲ୍ଟିପ୍ଲେକ୍ସ ଫ୍ରି ମୁଭି ଟିକେଟ୍ ବାଣ୍ଟୁଥିବା ଜଣାଯାଇଛି।
ଶାହାରୁଖଙ୍କ ଘର ମନ୍ନତରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(NCB) ଚଢଉ କରିଛି । ମନ୍ନତରେ ହାଉସରେ ବହୁ ତଲାସୀ ଆରମ୍ଭ କରିଛି ଏନସିବି । ତେବେ ଏହା ପୂର୍ବରୁ ବଲିଉଡ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଘରେ ମଧ୍ୟ NCB ରେଡ୍ କରିଛି । ଏହା ସହ ଅନନ୍ୟାଙ୍କୁ ଏନସିବି ଅଫିସରେ ଦିନ ଦ୍ୱିପହରରେ ହାଜର ହେବାକୁ ସମନ ଜାରି କରାଯାଇଛି ।
ନିକଟରେ ଗୌହର ଖାନ କୃତୀ ଖରବନ୍ଦା ଓ ବିକ୍ରାନ୍ତ ମୈସୀଙ୍କ ଗୀତ ’୧୪ ଫେରେ’ରେ ନଜର ଆସିଥିଲେ। ବର୍ତ୍ତମାନ ଏକ ସାକ୍ଷାତକାରରେ ସେ କହିଛନ୍ତି ଯେ ସେ ଯେତେବେଳେ ଅଭିନୟ ଦୁନିଆରେ ନିଜ କ୍ୟାରିୟର ଆରମ୍ଭ କରୁଥିଲେ ଜଣେ ପ୍ରଯୋଜକ ତାଙ୍କୁ ତାଙ୍କର କୁଣ୍ଡଳୀ ମାଗିଥିଲେ ଓ ତାଙ୍କୁ ୩୦ ବର୍ଷରେ ମରିଯିବେ ବୋଲି କହିଥିଲେ। କିନ୍ତୁ ବର୍ତ୍ତମାନ ଏହି ଅଭିନେତ୍ରୀଙ୍କୁ ୩୮ ବର୍ଷ ହେଲାଣି।
ଆଜିକାଲି ବଲିଉଡ୍ ତାରକାଙ୍କ ଥ୍ରୋବ୍ୟାକ୍ ଫଟୋ ଇଣ୍ଟର୍ନେଟ୍ରେ ହଇଚଇ ସୃଷ୍ଟି କରୁଛି। କିଛି ଦିନ ହେବ କୌଣସି ନା କୌଣସି ସେଲିବ୍ରିଟିଙ୍କ ପିଲାଦିନର ବା ଷ୍ଟ୍ରଗ୍ଲିଂ ଦିନର ଫଟୋ ଭାଇରାଲ ହେଉଛି। ଏହି ଅବସରରେ ଏବେ ଆଉ ଜଣେ ବଡ ଅଭିନେତ୍ରୀଙ୍କ ଫଟୋ ସାମ୍ନାକୁ ଆସିଛି। ଏହା ଖୁବ୍ ଚର୍ଚ୍ଚାରେ ମଧ୍ୟ ରହିଛି। ଏହି ଫଟୋରେ ବଲିଉଡ୍ର ଜଣେ ସଫଳ ଅଭିନେତ୍ରୀ ତାଙ୍କ ମା’ଙ୍କ କାଖରେ ଅଛନ୍ତି। ଅଭିନେତ୍ରୀଙ୍କ ଏହି ପିଲାଦିନର ଫଟୋକୁ ଚିହ୍ନିବା ନେଇ ଲୋକେ ଲାଗିପଡିଛନ୍ତି।
ରୋହିତ ଶେଟ୍ଟୀଙ୍କ ଅକ୍ଷୟ କୁମାର ଓ କ୍ୟାଟ୍ରିନା କୈଫ୍ ଷ୍ଟାରର ‘ସୂର୍ଯ୍ୟବଂଶୀ’ ନଭେମ୍ବର ୫ରେ ରିଲିଜ୍ ହେବ। ଦର୍ଶକେ ଏହି ଫିଲ୍ମକୁ ବହୁତ ଉତ୍ସାହର ଅପେକ୍ଷା କରିଛନ୍ତି। ଏହି ଫିଲ୍ମରେ ଅଜୟ ଦେବଗନ ଓ ରଣବୀର ସିଂହ ଗେଷ୍ଟ୍ କଳାକାର ଭାବେ ନଜର ଆସିବେ। ଏହି ଫିଲ୍ମର ପ୍ରଥମ ଗୀତ ‘ଆଇଲା ରେ ଆଇଲା’ ଗୁରୁବାର ରିଲିଜ୍ ହେବ।
ମଙ୍ଗଳବାର ଜାହ୍ନବୀ କପୁର ତାଙ୍କ ବାପା ବୋନୀ କପୁରଙ୍କ ସହିତ ଏୟାରପୋର୍ଟରେ ନଜର ଆସିଥିଲେ। ତେବେ ମା ଶ୍ରୀଦେବୀ ଏ ଦୁନିଆରୁ ବିଦାୟ ନେବା ପରେ ଜାହ୍ନବୀ ତାଙ୍କ ବାପାଙ୍କର ବହୁତ କେୟାର ନେଉଛନ୍ତି। ଏୟାରପୋର୍ଟରେ ଯେତେବେଳେ ସେମାନଙ୍କୁ ଫଟୋଗ୍ରାଫର ମାନେ ଭେଟିଥିଲେ ବୋନୀ କପୁରଙ୍କୁ ମାସ୍କ କାଢିବା ନେଇ କହିଥିଲେ। ସେ ଯେତେବେଳେ ମାସ୍କ କାଢିଛନ୍ତି ଜାହ୍ନବୀ ବାପାଙ୍କ ଉପରେ ରାଗିଯାଇଥିଲେ ଓ ଗାଳି ମଧ୍ୟ କରିଥିଲେ।
ବଲିଉଡ ଫିଲ୍ମ ଫିଲ୍ମ ‘ଜବ ୱି ମେଟ’ ସେହି ସମୟରେ ବହୁତ ସଫଳତା ସାଉଁଟିଥିଲା । ତେବେ ଦର୍ଶକଙ୍କ ପାଇଁ ଖୁସି ଖବର ,କାହିଁକି ନା ‘ଜବ୍ ୱେ ମେଟ୍’ର ଦ୍ୱିତୀୟ ଭାଗ ତିଆରି ହେବାକୁ ଯାଉଛି । ଫିଲ୍ମରେ ଏଥର କରୀନାଙ୍କ ବଦଳରେ ଏହି ଫିଲ୍ମରେ ଅଭିନେତ୍ରୀ କରିସ୍ମା କପୁର ଦେଖିବାକୁ ମିଳିବ। ତେବେ କରିସ୍ମା ଏହି ଖବର ସୋସିଆଲ ମିଡିଆରେ ନିଜେ ଜଣାଇଛନ୍ତି । ଏହା ସହିତ କରିସ୍ମା ବହୁତ ଦିନ ପରେ ବଡ଼ ପରଦାରେ ନଜର ଆସୁଛନ୍ତି ।
ଶ୍ରୀଲଙ୍କାର ଭାଇରାଲ୍ ସିଙ୍ଗର ୟୋହାନୀଙ୍କର କୌଣସି ପରିଚୟର ଆବଶ୍ୟକତା ନାହିଁ। ନିକଟରେ ସେ ମଧ୍ୟ ବିଗ୍ ବସ୍ ଶୋ’ରେ ନଜର ଆସିଥିଲେ। ତାଙ୍କର ଲୋକପ୍ରିୟ ଗୀତ ‘ମନିକେ ମାଗେ ହିତେ’ ଜବରଦସ୍ତ ଭାଇରାଲ ହେବା ପରେ ସେ ବର୍ତ୍ତମାନ ଇଣ୍ଟର୍ନେସ୍ନାଲ୍ ସେନ୍ସେଶନ ହୋଇଯାଇଛନ୍ତି। ଏହା ଭିତରେ ତାଙ୍କ ଅନେକ ଭାରତୀୟ ପ୍ରଶଂସକ ମଧ୍ୟ ହୋଇଗଲେଣି। ତାଙ୍କର ଏହି ଭାରତୀୟ ପ୍ରଶଂସକମାନଙ୍କ ପାଇଁ ଖୁସି ଖବର ଯେ ୟୋହାନୀ ଖୁବ୍ ଶିଘ୍ର ବଲିଉଡ୍ରେ ସିଙ୍ଗିଗ୍ ଡେବ୍ୟୁ କରିବାକୁ ଯାଉଛନ୍ତି।
ବଲିଉଡ୍ ଓ ଛୋଟ ପରଦାରେ ଅରୁଣ ଗୋଭିଲ୍ ଅନେକ ଭୂମିକାରେ ଅଭିନୟ କରିଛନ୍ତି। କିନ୍ତୁ ସେ ଯେତେବେଳେ ରାମାନନ୍ଦ ସାଗରଙ୍କ ରାମାୟଣରେ ଭଗବାନ ରାମଙ୍କ ଭୂମିକାରେ ଆସିଲେ ଲୋକେ ତାଙ୍କୁ ପ୍ରକୃତ ଭଗବାନ ମାନିନେଲେ। ଅରୁଣ ପୂରା ସଜାଗତାର ସହିତ ଏହି ଅଭିନୟ କରିଥିଲେ। ତାଙ୍କର ଓଠର ହାଲ୍କା ହସ ଓ ସରଳ ଭାବନା ଲୋକଙ୍କ ମନରେ ଆସ୍ଥାର ଦୀପ ଜଳେଇଥିଲା।
ବଲିଉଡ୍ର ପଙ୍ଗା କ୍ୱିନ୍ କଙ୍ଗନା ରଣୱତ୍ ଆଜିକାଲି ପୂରା ଇଣ୍ଡଷ୍ଟ୍ରୀ ଓ ମହାରାଷ୍ଟ୍ର ସରକାର ସହ ପଙ୍ଗା ନେବା ପାଇଁ ଅନେଇ ବସିଛନ୍ତି। ତାଙ୍କର ରୋକଠୋକ କଥା ନେଇ ସେ ପ୍ରାୟ ସମୟରେ ବିବାଦ ଘେରକୁ ଆସିଥାନ୍ତି। କେତେବେଳେ ସରକାରଙ୍କୁ ନେଇ ଟାର୍ଗେଟ୍ କରନ୍ତି ତ ପୁଣି କେତେବେଳେ ସଂସ୍କୃତିର କଥା ଉଠାନ୍ତି। କଙ୍ଗନା ବର୍ତ୍ତମାନ ‘ଧାକଡ୍’ରେ ଧମାକା କରିବା ନେଇ ପ୍ରସ୍ତୁତ ହେଉଛନ୍ତି। ତାଙ୍କର ଏହି ଫିଲ୍ମ ୨୦୨୨ରେ ରିଲିଜ୍ ହେବାର ଯୋଜନା ରହିଛି। ଏନେଇ ସେ ନିଜର ଫିଲ୍ମର ପ୍ରମୋଶନ ପାଇଁ ବାହାରିଛନ୍ତି। ଏହି ସମୟରେ ସେ ଯେଉଁ ଡ୍ରେସ୍ ପିନ୍ଧୁଥିଲେ ତାକୁ ନେଇ ଟ୍ରୋଲ୍ର ଶିକାର ହୋଇଛନ୍ତି।
କ୍ରିକେଟ୍ ଜଗତର ମହାନାୟକ କପିଲ୍ ଦେବଙ୍କୁ ଦେଖିବାକୁ ମିଳିଛି ନୂଆ ରୂପରେ। ନିଜ ଚୁଟିକୁ ଏକ ଭିନ୍ନ ଷ୍ଟାଇଲ୍ ଦେଇ କପିଲ୍ କ୍ରିକେଟ୍ ପିଚ୍ରେ ନଜର ଆସିଛନ୍ତି। ଏକ ବିଜ୍ଞାପନ ପାଇଁ ସେ ଏଭଳି ହୋଇଥିବା ବେଳେ ପ୍ରଶଂସକମାନେ ଏହାକୁ ଖୁବ୍ ପସନ୍ଦ କରିଛନ୍ତି। ଏହି ବିଜ୍ଞାପନରେ କପିଲ ଦେବ ବଲିଉଡ୍ ଷ୍ଟାର୍ ରଣବୀର ସିଂହଙ୍କ ଦ୍ୱାରା ପ୍ରେରିତ ହୋଇ ଏଭଳି କିଛି ଅଜବ ଫେସନ ସେନ୍ସରେ ନଜର ଆସିଛନ୍ତି। ଚକମକ ଗୋଲାପି ରଙ୍ଗର କ୍ରିକେଟ୍ ଜର୍ସିରୁ ନେଇ ଅଦ୍ଭୁତ ପୋଷାକ, ବିଚିତ୍ର ଚଷମାରେ କପିଲ ନିଜ ଭିତରର ରଣବୀରଙ୍କୁ ଦେଖାଉଛନ୍ତି।
ଖୁବ୍ କମ ଦିନରେ ଭିକୀ କୌଶଲ ବଲିଉଡ୍ରେ ଜଣେ ପ୍ରସିଦ୍ଧ ଚେହେରା ବନିଯାଇଛନ୍ତି। ସେ ଆଜିକାଲି ନିଜ ଫିଲ୍ମ ‘ସରଦାର ଉଦ୍ଧମ’କୁ ନେଇ ଚର୍ଚ୍ଚାରେ ଅଛନ୍ତି। ଏହି ଫିଲ୍ମ ଓଟିଟି ପ୍ଲାଟ୍ଫର୍ମରେ ରିଲିଜ୍ ହୋଇସାରିଥିବା ବେଳେ ଏହାକୁ ଖୁବ୍ ପସନ୍ଦ ମଧ୍ୟ କରାଯାଉଛି। ବିଶେଷ କରି ଏହି ଫିଲ୍ମରେ ସରଦାର ଉଦ୍ଧମ ସିଂହଙ୍କ ଭୂମିକା ନେଇ ଭିକୀ କୌଶଲଙ୍କୁ ଖୁବ ପ୍ରଶଂସା କରାଯାଉଛି। ବର୍ତ୍ତମାନ ସମୟରେ ଏହି ଅଭିନେତା ବଲିଉଡ ଇଣ୍ଡଷ୍ଟ୍ରୀରେ ଜଣେ ସଫଳ କଳାକାର।
ବଲିଉଡ୍ ଗ୍ଲାମରସ୍ ଗାର୍ଲ ଶିଳ୍ପା ଶେଟ୍ଟୀ ସୋସିଆଲ ମିଡିଆରେ ସବୁବେଳେ ସକ୍ରିୟ ଥାନ୍ତି। ସେ ତାଙ୍କ ଫିଟ୍ନେସ୍କୁ ନେଇ କିଛି ନା କିଛି ପଟୋ ବା ଭିଡିଓ ଶେୟାର କରନ୍ତି। ଏ ସବୁକୁ ତାଙ୍କ ପ୍ରଶଂସକମାନେ ମଧ୍ୟ ଖୁବ ପସନ୍ଦ କରନ୍ତି। ସେ ପ୍ରାୟ ସମୟରେ ନିଜର ୱାର୍କଆଉଟ୍ ଭିଡିଓ ଶେୟାର କରନ୍ତି। କିନ୍ତୁ ବର୍ତ୍ତମାନ ଶୀଳ୍ପା ଯେଉଁ ୱାର୍କଆଉଟ୍ ଭିଡିଓ ଶେୟାର କରିଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବା ଭଳି।
ଦେଶୀ ଗାର୍ଲ ପ୍ରିୟଙ୍କା ଚୋପ୍ରାଙ୍କ ସ୍କୁବା ଡାଇଭିଂ ନିଶା । ଏବେ ସେ ନିଜ ଷ୍ଟ୍ରେସ୍ କୁ ଦୂର କରିବା ପାଇଁ ସ୍କୁବା ଡାଇଭିଂ କରୁଥିବା ନଜର ଆସିଛନ୍ତି । ପ୍ରିୟଙ୍କା ଚୋପ୍ରା ଏବେ ସ୍ପେନରେ ସମୟ ବିତାଉଛନ୍ତି । ୱେବ ସିରିଜ ‘ସିଟାଡେଲ’ର ସୁଟିଂରେ ବ୍ୟସ୍ତ ଥିବାବେଳେ ସେଥିରୁ ସମୟ କାଢି ପ୍ରିୟଙ୍କା ସ୍କୁବା ଡାଇଭିଂ କରିଛନ୍ତି ।
ଅଭିନେତ୍ରୀ ସୁସ୍ମିତା ସେନ୍ ନିଜ କାମ ଓ ଚିନ୍ତାକୁ ନେଇ ପ୍ରାୟ ସମୟରେ ପ୍ରଶଂସକଙ୍କୁ ପ୍ରଭାବିତ କରି ଆସୁଛନ୍ତି। କିଛି ଦିନ ପୂର୍ବରୁ ଏହି ଅଭିନେତ୍ରୀ କହିଥିଲେ ଯେ ମହିଳାମାନେ ନିଜେ ନିଜର ଡାଏମଣ୍ଡ କିଣିବା ଉଚିତ। ବର୍ତ୍ତମାନ ନିଜର ଆଉ ଏକ ସାକ୍ଷାତକାରରେ ସେ କହିଛନ୍ତି ଯେ ସେ ନିଜ ବୟଫ୍ରେଣ୍ଡ ରୋହମନ ଶଲଙ୍କୁ ମଧ୍ୟ ତାଙ୍କ ପାଇଁ ଡାଏମଣ୍ଡ କିଣିବାକୁ ଦେଉ ନାହାନ୍ତି।
ଅନେକ ସିନେ ପ୍ରେମୀ ସଲମାନ ଖାନଙ୍କ ପ୍ରୋଜେକ୍ଟକୁ ଚାହିଁ ବସିଥାନ୍ତି। ପରଦାକୁ ସଲମାନଙ୍କ ଫିଲ୍ମ ଆସିବା ମାତ୍ରେ ସେମାନେ ଖୁସିରେ ଆତ୍ମହରା ହୋଇପଡନ୍ତି। ଆଗକୁ ଆସୁଛି ସଲମାନ ଖାନ ଓ ଆୟୁଷ ଶର୍ମାଙ୍କ ଫିଲ୍ମ ‘ଅନ୍ତିମ : ଦ ଫାଇନାଲ ଟ୍ରୁଥ୍’। ଏହାକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଖେଳିଯାଇଛି। ଖୁବ୍ ଶୀଘ୍ର ଏହି ଫିଲ୍ମ ରିଲିଜ୍ ହେବ। ତେବେ ବର୍ତ୍ତମାନ ଏହି ଫିଲ୍ମ ଆଇଏମ୍ଡିବିରେ ସବୁଠାରୁ ବହୁପ୍ରତିକ୍ଷୀତ ଫିଲ୍ମ ତାଲିକାରେ ପ୍ରଥମ ସ୍ଥାନ ଅଧିକାର କରିଛି।
ଖୁବ୍ଶୀଘ୍ର ସିଦ୍ଧାର୍ଥ ଓ ଶେହନାଜଙ୍କ ଶେଷ ଗୀତ ‘ଅଧୁରା’ ରିଲିଜ୍ ହେବାକୁ ଯାଉଛି। ଶେଷଥର ପାଇଁ ଫ୍ୟାନ୍ସମାନେ #Sidnaaz ଯୋଡ଼ିଙ୍କୁ ସ୍କ୍ରିନ୍ରେ ଦେଖିବାକୁ ପାଇବେ। ଗୀତ ରିଲିଜ୍ ହେବା ପୂର୍ବରୁ ମେକର୍ସ ଗୀତର ପୋଷ୍ଟର ରିଲିଜ କରିଛନ୍ତି।
ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆର୍ୟ୍ୟନ ଖାନ ଡ୍ରଗ୍ସ କେସ୍ରେ ଜେଲରେ ଅଛନ୍ତି । ଆର୍ୟ୍ୟନଙ୍କ ଜାମିନ ଆବେଦନ ଉପରେ ରାୟ କୋର୍ଟ ସଂରକ୍ଷିତ ରଖିଛନ୍ତି । ଆର୍ୟ୍ୟନଙ୍କୁ ଅକ୍ଟୋବର ୨୦ ପର୍ଯ୍ୟନ୍ତ ତାଙ୍କୁ ଜେଲ୍ରେ ରହିବାକୁ ପଡିବ । ଏହା ମଧ୍ୟରେ ଆର୍ୟ୍ୟନ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ଅଧିକାରୀଙ୍କୁ କହିଛନ୍ତି ଯେ, ସେ ଜେଲ୍ରୁ ବାହାରିବା ପରେ ଗରିବଙ୍କ ସାହାଯ୍ୟ କରିବେ ।
ବଲିଉଡ ଅଭିନେତା ଭିକୀ କୌଶଲଙ୍କ ବହୁ ପ୍ରତିକ୍ଷୀତ ଫିଲ୍ମ ‘ସରଦାର ଉଦ୍ଧମ’ ରିଲିଜ୍ ହୋଇସାରିଛି। ଦର୍ଶକେ ଏହାକୁ ଖୁବ ପ୍ରଶଂସା ମଧ୍ୟ କରୁଛନ୍ତି। ଭିକୀଙ୍କ ବ୍ୟତୀତ ଏହି ଫିଲ୍ମରେ ବନିତା ସନ୍ଧୁ ମଧ୍ୟ ମୁଖ୍ୟ ଭୂମିକାରେ ଅଛନ୍ତି। ଆଜିକାଲି ନିଜ ଫିଲ୍ମ ‘ସରଦାର ଉଦ୍ଧମ’ର ସଫଳତାକୁ ଓ ପ୍ରଶଂସାକୁ ନେଇ ଭିକୀ ଉତ୍ସାହିତ ଅଛନ୍ତି। ସେ ସବୁବେଳେ ଫିଲ୍ମର ପ୍ରଚାର ପ୍ରସାର ନେଇ ବ୍ୟସ୍ତ ଥାଇ ମଧ୍ୟ ନିଜ ବ୍ୟକ୍ତିଗତ ଜୀବନକୁ ନେଇ ଅନେକ କଥା ମଧ୍ୟ ପ୍ରଶଂସକଙ୍କ ମଧ୍ୟରେ ଶେୟାର କରୁଛନ୍ତି। ବର୍ତ୍ତମାନ ଭିକୀ କଟ୍ରୀନା କୈଫ୍ଙ୍କୁ ନେଇ ଥିବା ତାଙ୍କ ସଂପର୍କ ବିଷୟରେ କହିଛନ୍ତି।
ଆସୁଛି ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ଗୋର୍ଖା । ଗତ ଶୁକ୍ରବାର ସିନେମାର ପୋଷ୍ଟର ରିଲିଜ୍ ହୋଇଥିବା ବେଳେ ଏହାକୁ ନେଇ ଦେଖାଦେଇଛି ବିବାଦ । ପୋଷ୍ଟରରେ ଦେଖା ଯାଇଥିବା ଶସ୍ତ୍ର ଖୁକ୍ରୀ ନୁହେଁ ବୋଲି ଗୋର୍ଖା ରାଇଫଲ୍ସର ପୂର୍ବତନ ସେନା ଅଧିକାରୀ ଟ୍ୱିଟ୍ କରିବା ସହ ଏହାକୁ ସୁଧାରିବାକୁ ଲେଖିଛନ୍ତି ।
ଦୀର୍ଘ ୨୦ ବର୍ଷ ପରେ ବଡ଼ ପରଦାରେ ଏକାଠି ନଜର ଆସିବେ ବଲିଉଡ ଅଭିନେତା ସନି ଦେୱଲ ଓ ଅଭିନେତ୍ରୀ ଅମିଷା ପଟେଲ । ପରଦାରେ ପୁଣି ଦେଖିବାକୁ ମିଳିବ ସକିନା ଓ ତାରା ସିଂଙ୍କ ରୋମାନ୍ସ । ପରଦାକୁ ଆସିବ ଫିଲ୍ମ ‘ଗଦର..ଏକ୍ ପ୍ରେମ୍ କଥା’ର ସିକ୍ୱେଲ ଗଦର-୨ । ତେବେ ଏନେଇ ବଲିଉଡ ଅଭିନେତା ସନ୍ନି ଦେଓଲ ତାଙ୍କର ଆଗାମୀ ଫିଲ୍ମ ‘ଗଦର ୨’ ଘୋଷଣା କରିଛନ୍ତି ।
ପୂଜା ମଣ୍ଡପରେ ସୋନୁ ସୁଦ। ପ୍ରତିମୂର୍ତ୍ତିରେ ଝଟକିଲେ ବଲିଉଡର ଏହି ଅଭିନେତା । ଯାହାକୁ ଦେଖିବା ପରେ ଆଶ୍ଚର୍ଯ୍ୟ ହୋଇ ପ୍ରତିକ୍ରିୟା ରଖିଲେ ନିଜେ ସୋନୁ ସୁଦ। କହିଲେ ଏମିତି କଥା, ଯାହା ଜାଣିଲେ ଆପଣ ନିଜ ପିଲା ଦିନ କଥା ମନେ ପକାଇବାକୁ ବାଧ୍ୟ ହେବେ।
LIVE TV
