LIVE TV
ନୂଆଦିଲ୍ଲୀ: ଅଭିନୟ ହେଉ ବା କୌଣସି ବିବାଦୀୟ କଥା ହେଉ ବଲିଉଡ୍ର ପଙ୍ଗା ଗାର୍ଲ କଙ୍ଗନା ରାଣାୱତ ସବୁବେଳେ ଚର୍ଚ୍ଚାରେ ରୁହନ୍ତି। ଫିଲ୍ମ ଇଣ୍ଡଷ୍ଟ୍ରି ଠାରୁ ଆରମ୍ଭ କରି ରାଜନୈତିକ ପ୍ରସଙ୍ଗ ପର୍ଯ୍ୟନ୍ତ, ସେ ନିଜର ରୋକ ଠୋକ୍ କଥାକୁ ନେଇ ସମସ୍ତଙ୍କ ନଜରରେ ରୁହନ୍ତି। ତଥାପି ବେଳେବେଳେ ଏହି ସବୁ କାରଣରୁ ସେ ମଧ୍ୟ ବିବାଦରେ ଛନ୍ଦି ହୋଇଯାଆନ୍ତି।
ନିକଟରେ କଙ୍ଗନା ବଲିଉଡ୍ ଫିଲ୍ମ 'ଦ କାଶ୍ମୀର ଫାଇଲ୍ସ'କୁ ନେଇ ଏକ ବିବୃତି ଦେଇଛନ୍ତି। ଏଥିରେ ସେ ବିବେକ ଅଗ୍ନିହୋତ୍ରୀଙ୍କୁ ପ୍ରଶଂସା କରୁଥିବାବେଳେ ଇଣ୍ଡଷ୍ଟ୍ରିର ଅନେକ ଲୋକ ଓ ରାଜନେତାଙ୍କୁ ମୁହଁତୋଡ ଜବାବ ଦେଇଛନ୍ତି। ବର୍ତ୍ତମାନ ଏହି ଅଭିନେତ୍ରୀ ନିଜ ଇନଷ୍ଟାଗ୍ରାମ ଷ୍ଟୋରୀରେ ପଞ୍ଜାବର ରାଜନୈତିକ ବାତାବରଣକୁ ଟାର୍ଗେଟ କରିଛନ୍ତି । ଟୁକ୍ଡେ ଟୁକ୍ଡେ ଗ୍ୟାଙ୍ଗ୍ ମାଧ୍ୟମରେ ପଞ୍ଜାବର ନୂଆ ସରକାର ଗଠନ ହେଉଥିବା ସେ କହିଛନ୍ତି।
Also Read
କଙ୍ଗନା ରାଣାୱତ ତାଙ୍କ ଇନଷ୍ଟା ଷ୍ଟୋରୀରେ ଏକ ଫଟୋ ଶେୟାର କରିଛନ୍ତି ଏବଂ ଏହା ସହିତ ଲେଖିଛନ୍ତି ଯେ “ପଞ୍ଜାବରେ ତିନି ଦିନ ମଧ୍ୟରେ ନୂଆ ସରକାର, ଛୋଟ ଛୋଟ ଗ୍ୟାଙ୍ଗ ସକ୍ରିୟ। ଅବଶ୍ୟ, କଙ୍ଗନା କିଛି ସମୟ ଭିତରେ ତାଙ୍କର ଏହି ଷ୍ଟାଟସ୍କୁ ହଟାଇ ଦେଇଥିଲେ।
ପଞ୍ଜାବର ନୂଆ ସରକାରକୁ ଟାର୍ଗେଟ୍ କଲେ କଙ୍ଗନାବିଧାନସଭା ନିର୍ବାଚନରେ ପଞ୍ଜାବରେ ଆମ୍ ଆଦମୀ ପାର୍ଟି ଏକ ବଡ଼ ବିଜୟ ହାସଲ କରିଛି ଏବଂ ଦଳର ମୁଖ୍ୟ ଅରବିନ୍ଦ କେଜ୍ରିୱାଲ ଭଗବନ୍ତ ମାନଙ୍କୁ ପଞ୍ଜାବର ନୂଆ ମୁଖ୍ୟମନ୍ତ୍ରୀ ଭାବରେ ମନୋନୀତ କରିଛନ୍ତି। ସେ ଆଜି ପଞ୍ଜାବରେ ଶପଥ ଗ୍ରହଣ କରିବା ପରେ ଦାୟିତ୍ୱ ଗ୍ରହଣ କରିବେ।
ଖାଲି ଏତିକି ନୁହେଁ କଙ୍ଗନା ରାଣାୱତ ନିଜ ଇନ୍ଷ୍ଟା ଷ୍ଟୋରୀରେ ‘ଦ କାଶ୍ମୀର ଫାଇଲ୍ସ’ର ଚରିତ୍ର ଅନୁପମ ଖେରଙ୍କ ଫଟୋ ଓ ଜୋକର ଫିଲ୍ମର ଚରିତ୍ରର ଫଟୋ ଶେୟାର କରିଛନ୍ତି ଏବଂ ଲେଖିଛନ୍ତି, ବର୍ତ୍ତମାନ ସହରରେ ବ୍ଲକ୍ବଷ୍ଟର୍ ହିରୋ। ଏହା ସହିତ ସେ ଏକ ମଜାଳିଆ ଢଙ୍ଗରେ କହିଛନ୍ତି, ଏବଂ ପରିବର୍ତ୍ତନ ପାଇଁ ... ତାଙ୍କୁ ଅଭିନୟ ଜଣା ନାହିଁ। ଫଟୋ ଶେୟାର୍ କରିବାବେଳେ ସେ ଲେଖିଛନ୍ତି, 'ଏମିତି ଚରିତ୍ର ଯାହାକୁ କେବେ ବି ଭୁଲି ହେବ ନାହିଁ'।
ପଞ୍ଜାବର ନୂଆ ସରକାରକୁ ଟାର୍ଗେଟ୍ କଲେ କଙ୍ଗନାସମ୍ପ୍ରତି କଙ୍ଗନା ରାଣାୱତ୍ ଲୋକଙ୍କୁ ନିବେଦନ କରିଛନ୍ତି ଯେ ସେମାନେ ନିଶ୍ଚିତ ଭାବରେ 'ଦ କାଶ୍ମୀର ଫାଇଲ୍ସ' ଦେଖନ୍ତୁ ଏବଂ ଏକ ନୂଆ ଭାରତ ଗଠନ କରନ୍ତୁ। ଏହା ସହିତ ସେ ବିବେକ ଅଗ୍ନିହୋତ୍ରୀଙ୍କୁ ଖୁବ ପ୍ରଶଂସା କରିବାବେଳେ ସେ ଫିଲ୍ମ ଇଣ୍ଡଷ୍ଟ୍ରିକୁ ମଧ୍ୟ ଟାର୍ଗେଟ୍ କରି କହିଛନ୍ତି ଯେ ଏହି ଫିଲ୍ମ ସମଗ୍ର ଇଣ୍ଡଷ୍ଟ୍ରିର ପାପ ଧୋଇ ଦେଇଛି।
