Latest

ନିକଟରେ ସିଟକୁ ନେଇ ଦୁଇ ଜଣ ମହିଳାଙ୍କ ମଧ୍ୟରେ ଝଗଡା ହୋଇଥିବାର ଭିଡ଼ିଓ ସୋସିଆଲ ମିଡିଆ ଇନଷ୍ଟାଗ୍ରାମରେ ଭାଇରାଲ ହୋଇଛି। ଦୁଇ ଜଣ ମହିଳା ସିଟରେ ବସିବା ପାଇଁ ପରସ୍ପର ସହ ଝଗଡା କରିଥିବା ବେଳେ ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିଲେ।

ଆସାମର ଏକ କୋଇଲା ଖଣିରେ ଅଚାନକ ଜଳସ୍ତର ୧୦୦ ଫୁଟ ବଢି ଯାଇଥିଲା। ଫଳରେ ୯ ଜଣ ଶ୍ରମିକ ଏହା ମଧ୍ୟରେ ଫସି ରହିଥିବା ଜଣାପଡିଛି। ଭାରତୀୟ ନୌସେନାର ଡାଇଭର ମାନଙ୍କୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଥିବା ବେଳେ ଜଣଙ୍କ ମୃତ ଦେହ ଉଦ୍ଧାର କରାଯାଇଛି। 

୧୯୮୪ରେ ସେ ଇସ୍ରୋରେ ସାମିଲ ହୋଇଥିଲେ ଭି ନାରାୟଣନ । ବର୍ତ୍ତମାନ ସେ ଲିକ୍ୱିଡ୍ ପ୍ରପୁଲସନ୍ ସିଷ୍ଟମ୍ ସେଣ୍ଟର (LPSC)ର ନିର୍ଦ୍ଦେଶକ ଅଛନ୍ତି। ପ୍ରାୟ ୪ ଦଶନ୍ଧିର କ୍ୟାରିଅରରେ ସେ ଇସ୍ରୋରେ ଅନେକ ପ୍ରମୁଖ ପଦ ପଦବୀରେ ରହିଆସିଛନ୍ତି।

ଲୋକମାନେ ତୁରନ୍ତ ପାଣି ଗରମ କରିବା ପାଇଁ ୱାଟର କେଟଲ୍ ବ୍ୟବହାର କରନ୍ତି। ପାଣି ଗରମ କରିବା ପାଇଁ ଏହା ଅତ୍ୟନ୍ତ ସୁବିଧାଜନକ ଏବଂ କେଇ ମୁହୂର୍ତ୍ତରେ ପାଣି ଗରମ ହୋଇଯାଏ। କିନ୍ତୁ ଯେଉଁମାନେ ଏହାକୁ ଯତ୍ନର ସହ ବ୍ୟବହାର ନ କରନ୍ତି ସେମାନେ ମଧ୍ୟ ଦୁର୍ଘଟଣାର ଶିକାର ହୁଅନ୍ତି।

ରାତି ପାହିଲେ ପ୍ରବାସୀ ଭାରତୀୟ ଦିବସ। ପ୍ରଥମ ଥର ପାଇଁ ଓଡ଼ିଶା କରୁଛି ଆୟୋଜନ । ଉତ୍ସବମୁଖର ଗାଁ ଠୁ ରାଜଧାନୀ। ଡବଲ ଡେକର୍ ବସରେ ବସି ରାଜ୍ୟର ୨୧ଟି ପର୍ଯ୍ୟଟନ ସ୍ଥଳୀ ବୁଲିବେ ପ୍ରବାସୀ।

କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ନିଜ ପଦରୁ ଇସ୍ତଫା ଦେବା ପରେ ଟ୍ରୋଲ କରିଛନ୍ତି ଡୋନାଲ୍ଡ ଟ୍ରମ୍ପ। ପୂର୍ବରୁ ଏକାଧିକ ଥର କାନାଡାକୁ ଆମେରିକାରେ ମିଶାଇବା ନେଇ ମତ ଦେଇଥିବା ଟ୍ରମ୍ପ ପୁନର୍ବାର ସମାନ ମତ ଦୋହରାଇଛନ୍ତି। ସାମରିକ ସୁରକ୍ଷା ଓ ଆର୍ଥିକ ବିକାଶ ଦୃଷ୍ଟିରୁ କାନାଡାକୁ ଆମେରିକାରେ ମିଶିଯିବାକୁ ଡୋନାଲ୍ଡ ଟ୍ରମ୍ପ ପ୍ରସ୍ତାବ ଦେଇଛନ୍ତି।

ବାଜିଲା ଦିଲ୍ଲୀ ଭୋଟ୍ ବିଗୁଲ। ଦେଶ ରାଜଧାନୀର ସମସ୍ତ ୭୦ ବିଧାନସଭା ଆସନରେ ଗୋଟିଏ ଦିନରେ ହେବ ମତଦାନ। ଆଜି ପ୍ରେସମିଟ୍ କରି ପୂରା କାର୍ଯ୍ୟସୂଚୀ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନର ରାଜୀବ କୁମାର।

ଭାରତୀୟ କ୍ରିକେଟ ଦଳର ତାରକା ଲେଗ ସ୍ପିନର ୟୁଜବେନ୍ଦ୍ର ଚହଲ ଓ କୋରିଓଗ୍ରାଫର ଧନଶ୍ରୀ ବର୍ମାଙ୍କ ଡିଭୋର୍ସ ଖବର ବର୍ତ୍ତମାନ ସବୁଠାରୁ ଅଧିକ ଚର୍ଚ୍ଚାରେ ରହିଛି। ଉଭୟଙ୍କ ନିକଟତର ବ୍ୟକ୍ତିଙ୍କ ଅନୁଯାୟୀ ଉଭୟ ଅଲଗା ହେବାକୁ ଯାଉଥିବା ବେଳେ କେବଳ ଆନୁଷ୍ଠାନିକ ଘୋଷଣା ବାକି ରହିଛି।

ରେଳ ନିଯୁକ୍ତି ବୋର୍ଡ ନେଇଆସିଛି ଚାକିରି ସୁଯୋଗ। ଏନେଇ ଏକ ବିଜ୍ଞପ୍ତି ପ୍ରକାଶ କରିଛି। ଆପଣ ଯଦି ଆବେଦନ ପାଇଁ ଆଗ୍ରହୀ ତେବେ ବିସ୍ତୃତଭାବେ ଜାଣିବା ପାଇଁ ପଢନ୍ତୁ।

'ବର୍ଷମ' ଚଳଚ୍ଚିତ୍ରରୁ ପ୍ରଭାସଙ୍କୁ ଲୋକପ୍ରିୟତା ମିଳିଥିଲା। ଯାହା ପରେ ସେ ଅନେକ ଯୁବତୀଙ୍କ କ୍ରସ୍ ହୋଇଗଲେ। ତେବେ ତାଙ୍କ କୋ-ଷ୍ଟାର୍‌ ଅଭିନେତ୍ରୀମାନେ ବା କିପରି ପଛରେ ରହିପାରିବେ। ଏପରି ଦୁଇଜଣ ଅଭିନେତ୍ରୀ ଅଛନ୍ତି ଯେଉଁମାନେ ପ୍ରଭାସଙ୍କୁ ଭଲ ପାଉଥିଲେ ଏବଂ ଏପର୍ଯ୍ୟନ୍ତ ଅବିବାହିତ ରହି ଏକାକୀ ଜୀବନ ବିତାଉଛନ୍ତି।

ପ୍ରଧାନମନ୍ତ୍ରୀଙ୍କ ବ୍ୟତୀତ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେବାକୁ ଯାଉଛନ୍ତି। ଏହି ଅବସରରେ ଶତାଧିକ ଭିଆଇପି ଓ ଭିଭିଆଇପି ଆସିବାକୁ ଥିବାରୁ ସେମାନଙ୍କ ସୁରକ୍ଷା ତଥା ଜନସାଧାରଣଙ୍କ ଉତ୍ତମ ଗମନାଗମନ ପାଇଁ ଏକାଧିକ ସ୍ଥାନରେ ଯିବା ଆସିବା ରୁଟ ପରିବର୍ତ୍ତନ କରାଯାଇଛି।

ବିଷ୍ଣୋୟୀ ଗ୍ୟାଙ୍ଗର ଟାର୍ଗେଟରେ ପ୍ରଥମେ ଥିଲେ ଅଭିନେତା ସଲମାନ୍ । ତାଙ୍କୁ ହତ୍ୟା କରିବା ପାଇଁ ଏହି ଗ୍ୟାଙ୍ଗ୍ ଫେଲ୍ ମାରିବା ପରେ ଏନସିପି ନେତା ବାବା ସିଦ୍ଦିକିଙ୍କୁ ହତ୍ୟା କରିବାକୁ ଯୋଜନା କରିଥିଲା । ସଲମାନ କଡା ସୁରକ୍ଷା ବଳୟରେ ରହୁଥିବାରୁ ସଫଳ ହୋଇପାରିନଥିଲା ଏହି ଗ୍ୟାଙ୍ଗ ।

ଦୁଷ୍କର୍ମ ମାମଲାରେ ଆଜୀବନ କାରାଦଣ୍ଡ ପାଇଥିବା ଆତ୍ମଘୋଷିତ ବାବା ଆଶାରାମ ବାପୁଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରାଯାଇଛି। ମେଡିକାଲ ଗ୍ରାଉଣ୍ଡରେ ଆଶାରାମଙ୍କୁ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଅନ୍ତରୀଣ ଜାମିନ ପ୍ରଦାନ କରାଯାଇଛି। ଏହା ସହିତ ବାହାରେ ଥିବା ସମୟରେ କୌଣସି ପ୍ରମାଣ ନଷ୍ଟ କରି ପାରିବେ ନାହିଁ କିମ୍ବା ନିଜର ଅନୁଗାମୀ ମାନଙ୍କୁ ଭେଟି ପାରିବେ ନାହିଁ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି।

୬ ଛୁଆ ଓ ସ୍ବାମୀର ସଂସାରକୁ ପଛରେ ଛାଡି ଭିକାରୀ ସହ ଚମ୍ପଟ ମାରିଛନ୍ତି ଜଣେ ୩୬ ବର୍ଷୀୟା ମହିଳା। ଉତ୍ତର ପ୍ରଦେଶର ହରଦୋଇ ଜିଲ୍ଲାରେ ଏଭଳି ଘଟଣା ଦେଖିବାକୁ ମିଳିଛି।

ସାଧାରଣତଃ ଜଣେ ମଣିଷର ଚୁଟି ଗୋଟିଏ ମାସରେ ଗୋଟିଏ ସେଣ୍ଟିମିଟର ବଢିଥାଏ । ସେହିପରି ହାତ ଆଙ୍ଗୁଠିର ନଖ ମାତ୍ର ୩ ମିଲିମିଟର ବଢିଥାଏ । ଉଭୟ କେଶ ଏବଂ ଚୁଟି କେରାଟିନରେ ତିଆରି ହୋଇଥାଏ ଏବଂ ଉଭୟ ଶରୀର ଭିତରେ ଥିବା ମାଟ୍ରିକ୍ସ ସେଲରୁ ତିଆରି ହୋଇଥାନ୍ତି । ହେଲେ ଏମାନଙ୍କର ସେଲ ଫର୍ମେସନ ପଦ୍ଧତି ଭିନ୍ନ ହୋଇଥାଏ । ନଖର କୋଷିକା ଚମଡା ଭିତରେ ଥିବା ନଖର ମୂଳରୁ ତିଆରି ହୋଇଥାଏ ଏବଂ ବିଭାଜିତ ହୋଇଥାଏ । ଫଳରେ ପୁରୁଣା କୋଷିକା ଆଗକୁ ବାହାରି ଯାଇଥାଏ । ଯଦ୍ୱାରା ନଖ ବଢିଥାଏ ।

'ପୁଷ୍ପା ୨'ର କ୍ରେଜ୍ ଧିରେ ଧିରେ ଶେଷ ହେବାକୁ ଲାଗିଛି, ବର୍ତ୍ତମାନ ସମସ୍ତଙ୍କ ନଜର ସୁପରଷ୍ଟାର ରାମ ଚରଣଙ୍କ ଫିଲ୍ମ 'ଗେମ୍ ଚେଞ୍ଜର୍‌' ଉପରେ ରହିଛି। ଏହାରି ଭିତରେ, ‘ଗେମ୍ ଚେଞ୍ଜର୍‌’ ଉତ୍ତର ଆମେରିକାରେ ଆଗୁଆ ବୁକିଂରେ ଆଲୋଡ଼ନ ସୃଷ୍ଟି କରିଛି।

ବେଡ୍ ହଲିଲା, ମୁଁ ଭାବିଲି ମୋ ଛୋଟ ପୁଅ ବେଡ୍ ଟାଣୁଛି । ତେଣୁ ମୁଁ ଧ୍ୟାନ ଦେଲିନି । ଯେତେବେଳେ ଝରକା ଥରିଲା, ମୁଁ ଜାଣିଲି ଭୂମିକମ୍ପ ହେଉଛି । ମୋ ପୁଅକୁ ଧରି ମୁଁ ସିଧା ଘର ଛାଡି ବାହାରକୁ ଚାଲି ଆସିଲି । ଆମେ ଆସି ଏକ ଖୋଲା ପଡିଆରେ ଛିଡା ହେଲୁ ।

ନୂଆଦିଲ୍ଲୀର ୭୦ ବିଧାନସଭା ଆସନ ପାଇଁ ନିର୍ବାଚନ ତାରିଖ ଘୋଷଣା କରାଯାଇଛି। ଫେବୃୟାର ୫ତାରିଖରେ ଦିଲ୍ଲୀର ବିଧାନସଭା ନିର୍ବାଚନ ଗୋଟିଏ ପର୍ଯ୍ୟାୟରେ ଅନୁଷ୍ଠିତ ହେବ। ୧୦ ଜାନୁୟାରୀରେ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବ। ଜାନୁୟାରୀ ୧୭ ତାରିଖ ନାମାଙ୍କନର ଅନ୍ତିମ ତାରିଖ ରଖାଯାଇଛି।

ତାଙ୍କ ଅଟୋ ମଧ୍ୟରେ ରୋମାନ୍ସ କରିବା ଉପରେ ସେ ଶକ୍ତ କଟକଣା ଲଗାଇଛନ୍ତି। ଏହା ଏକ କ୍ୟାବ। ଏହା ମଧ୍ୟରେ ରୋମାନ୍ସର ଆବଶ୍ୟକତା ନାହିଁ। ଏହା ଆପଣଙ୍କ ବ୍ୟକ୍ତିଗତ ଜାଗା ଅଥବା ଓୟୋ ନୁହେଁ ତେଣୁ ଦୟା ପୂର୍ବକ ଦୂରତା ବଜାୟ ରଖନ୍ତୁ ବୋଲି ଲେଖା ଯାଇଛି।

ମମତା ଏହା ମଧ୍ୟ କହିଛନ୍ତି ଯେ, ଓଡ଼ିଶା ସରକାର ତାଙ୍କର ଜଙ୍ଗଲ ବିଭାଗର ଏକ ଟିମ୍‌ ପଠାଇ ପଶ୍ଚିମବଙ୍ଗରୁ ବାଘକୁ ଧରି ନେବା ଉଚିତ୍ ।

ପ୍ରବଳ ଶୀତରେ ଲୋକମାନେ ଘରୁ ବାହାରି ପାରୁନଥିବା ବେଳେ ଏହି ସାଧୁ ପ୍ରତିଦିନ ଭୋର୍ ୪ଟାରେ ୬୧ ଗରା ଥଣ୍ଡା ଜଳରେ ସ୍ନାନ କରୁଛନ୍ତି । ସେ ଏକ ସ୍ଥାନରେ ବସୁଛନ୍ତି ଓ ତାଙ୍କର ସହଯୋଗୀମାନେ ଥଣ୍ଡା ପାଣି ଢାଳୁଛନ୍ତି । ଦେହରେ ବିଭୂତି ବୋଳି ହୋଇ ନିଆଁ ପାଖରେ ପ୍ରାଣାୟାମ କରିବା ପରେ ସେ ଥଣ୍ଡା ପାଣିରେ ସ୍ନାନ କରୁଛନ୍ତି ।

ଭାରତୀୟ ଦୂତାବାସର ଅଧିକାରୀମାନେ ତାଙ୍କ ସମସ୍ୟା ସମ୍ପର୍କରେ ଜାଣିବା ପରେ ମଧ୍ୟ ସାହାଯ୍ୟ କରିନଥିଲେ । କେବଳ ଏୟାର ଆସ୍ଥାନାର ନମ୍ବର ଦେବାପରେ ନିଜ ଉପରୁ ଦାୟିତ୍ୱ ହଟାଇ ନେଇଥିଲେ । ଆହତଙ୍କ ସାଥୀରେ ଯିବାପାଇଁ ମଧ୍ୟ କେହି ବାହାରିନଥିଲେ । ଜଣେ ମଣିଷ ଯନ୍ତ୍ରଣାରେ ଚିତ୍କାର କରୁଥିବା ବେଳେ ଚୁପ ବସିଯାଇଥିଲେ ଅଧିକାରୀ । ଅନ୍ୟପଟେ ଭାଷା ପ୍ରତିବନ୍ଧକ ସମସ୍ୟାକୁ ଆହୁରି ଜଟିଳ କରିଦେଇଥିଲା ।

ଅହଂକାର ନୁହେଁ, ଶାନ୍ତି ପାଇଁ ସମାଧାନ ଜରୁରୀ। ଯୁଦ୍ଧର ଶେଷକଥା ମୁଠାଏ ପାଉଁଶ।

ଆଜି ଭୁବନେଶ୍ୱରରେ ୧୦ ଗ୍ରାମର ୨୪ କ୍ୟାରେଟ୍ ସୁନା ଦର ୭୮,୭୧୦ ଟଙ୍କା ରହିଛି । ସେହିପରି ୨୨ କ୍ୟାରେଟ୍‌ ସୁନାର ମୂଲ୍ୟ ଆଜି ୧୦ ଗ୍ରାମ ପିଛା ୭୨,୧୫୦ ଟଙ୍କା ରହିଛି ।

ଏହି ଭୟଙ୍କର ଭୂମିକମ୍ପ ଫଳରେ ବ୍ୟାପକ କ୍ଷୟକ୍ଷତି ହୋଇଥିବା ସୂଚନ ମିଳିଛି । ଏହି ଭୂକମ୍ପରେ ବର୍ତ୍ତମାନ ସୁଦ୍ଧା ୫୩ ଜଣଙ୍କ ମୃତ୍ୟୁ ହୋଇଥିବା ଜାତୀୟ ଗଣମାଧ୍ୟମରୁ ସୂଚନା ମିଳିଛି ।