LIVE TV
ଏସି ବ୍ଲାଷ୍ଟ ହୋଇ ସୋସାଇଟିରେ ଭୟାବହ ଅଗ୍ନିକାଣ୍ଡ । ନୋଏଡାର ଏକ ସୋସାଇଟିରେ ଏସି ବ୍ଲାଷ୍ଟ ହୋଇ ଭୀଷଣ ଅଗ୍ନିକାଣ୍ଡ ଘଟଣା ସାମ୍ନାକୁ ଆସିଛି । ଯେଉଁ କାରଣରୁ ଅନେକ ଫ୍ଲାଟରେ ନିଆଁ ଲାଗିଯାଇଥିଲା । ଏହି ଘଟଣା ଘଟିଛି ନୋଏଡା ସେକ୍ଟର ୧୦୦ରେ ଅବସ୍ଥିତ ଲୋଟସ୍ ବଲ୍ଲଭ ସୋସାଇଟିରେ ।
ସୂଚନା ଅନୁସାରେ, ଏସିରେ ବିସ୍ଫୋରଣ ହେତୁ ପୁରା ଫ୍ଲାଟ୍ରେ ନିଆଁ ଲାଗିଯାଇଛି । ଫଳରେ ସେଠାରେ ରହୁଥିବା ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ଫ୍ଲାଟ୍ରେ ରହୁଥିବା ଲୋକେ ସେମାନଙ୍କର ଫ୍ଲାଟ ଛାଡି ବାହାରକୁ ଚାଲିଆସିଥିଲେ । ନିଆଁର ପ୍ରକୋପ ଏତେ ଅଧିକ ରହିଥିଲା ଯେ, ଏହି ନିଆଁ ଫ୍ଲାଟର ଅନେକ ସ୍ଥାନକୁ ବ୍ୟାପିଯାଇଥିଲା । ଖବର ପାଇଁ ଅଗ୍ନିଶମ ବାହିନୀ ତୁରନ୍ତ ସେଠାରେ ପହଞ୍ଚି ରେସକ୍ୟୁ ଅପରେସନ୍ ଜାରି କରିଥିଲେ । ଭଲ ଖବର ହେଉଛି ଯେ ଏଥିରେ କୌଣସି ବ୍ୟକ୍ତି ଆହତ ହୋଇନାହାଁନ୍ତି । ବହୁ ପରିଶ୍ରମ ପରେ ଏକ ଘଣ୍ଟା ମଧ୍ୟରେ ଅଗ୍ନିଶମ ବିଭାଗ ନିଆଁକୁ ଆୟତ୍ତ କରିଥିଲା।
Also Read
#WATCH | Noida, UP: Pradeep Kumar, Chief Fire Officer (CFO) of Noida says, "5 fire tenders were rushed to the spot. The fire fighting systems in the society were working and the fire was doused off before we reached. The fire was caused by an explosion in a Split AC. No injuries… https://t.co/y5d3Ucp6fw pic.twitter.com/mfh0U7fXvz
— ANI (@ANI) May 30, 2024
ଅଧିକ ପଢ଼ନ୍ତୁ: ଆପଣ AC ବ୍ୟବହାର କରୁଛନ୍ତି କି… ଜାଣନ୍ତୁ ରୁମ୍ର ତାପମାତ୍ରା କେତେ ରହିଲେ ଭଲ ନିଦ ହୁଏ
ଏସି ବ୍ଲାଷ୍ଟରୁ କେମିତି ପାଇବେ ରକ୍ଷା ?
ଦେଶର ବିଭିନ୍ନ ସ୍ଥାନରେ ତାପମାତ୍ରା ୪୦ ଡିଗ୍ରୀ ଟପିସାରିଥିବା ବେଳେ ଦିଲ୍ଲୀ ତାପମାତ୍ରା ୫୪ ଡିଗ୍ରି ଛୁଇଁଛି। ଜନସାଧାରଣ ଅସହ୍ୟ ଗୁଳୁଗୁଳିରେ ଛଟପଟ ହେଉଛନ୍ତି । ତେଣୁ ପ୍ରଚଣ୍ଡ ଗ୍ରୀଷ୍ମ ପ୍ରବାହରୁ ରକ୍ଷା ପାଇବା ପାଇଁ ଲୋକମାନେ ଏସି, କୁଲର ସହ ସମୟ ବିତାଇବାକୁ ପସନ୍ଦ କରୁଛନ୍ତି । ସାଧାରଣ ଭାବେ କୌଣସି ଜିନିଷକୁ ଅଧିକ ସମୟ ଧରି ଚଳାଇବା ଦ୍ୱାରା ତାହା ଉପରେ ନିଶ୍ଚିତ ଭାବେ ଚାପ ପଡ଼ିଥାଏ । ସେହିପରି ଆମେ ବ୍ୟବହାର କରୁଥିବା, ଏସି, କୁଲର ଓ ଫ୍ୟାନ ବିଦ୍ୟୁତ ଦ୍ୱାରା ପରିଚାଳିତ ହେଉଥିବାରୁ ସେଥିରେ ମଧ୍ୟ ବିପଦର ଆଶଙ୍କା ରହିଥାଏ । ତେବେ ଆପଣଙ୍କ ଘରେ ରହିଥିବା ଏସିରେ ନିଆଁ ଲାଗିବାର ସମ୍ଭାବନା ରହିଥାଏ । ତେଣୁ ଆପଣମାନେ ଏନେଇ ସତର୍କ ରହିବା ଆବଶ୍ୟକ । କେଉଁ କାରଣରୁ ଏସିରେ ସର୍ଟ ସର୍କିଟ ସୃଷ୍ଟି ହୁଏ ତାହା ଜାଣିବା ଆପଣଙ୍କ ପାଇଁ ନିହାତି ଜରୁରୀ ।
ଯେ କୌଣସି ବୈଦ୍ୟୁତିକ ଉପକରଣରେ ଅନେକ ସମୟରେ ସର୍ଟ ସର୍କିଟ ହୋଇପାରେ, ଏହା ଆପଣମାନେ ମନେ ରଖିବା ଆବଶ୍ୟକ । ତେଣୁ ଏସି ଆମ ପାଇଁ ଯେତିକି ଆରାମଦାୟକ ସେତିକି ବିପଜ୍ଜନକ । ଏସିରେ ଅଗ୍ନିକାଣ୍ଡ ସୃଷ୍ଟି ହେଲେ ଏକ ବଡ଼ଧରଣର ଦୁର୍ଘଟଣା ଘଟିବାର ସମ୍ଭାବନା ରହିଥାଏ । ସେଥିପାଇଁ ସମୟ ସମୟରେ ଏସିର ରକ୍ଷଣାବେକ୍ଷଣ କରିବା ନିହାତି ଜରୁରୀ । ଏସି ଦୁର୍ଘଟଣାକୁ ଏଡ଼ାଇବା ପାଇଁ ସଠିକ୍ ଗୁଣବତ୍ତା ଓ ନିର୍ଦ୍ଦିଷ୍ଟ ପାୱାର କେବୁଲ ବ୍ୟବହାର କରିବା ଦରକାର । ଜଣେ ଦକ୍ଷ ଟେକ୍ନିସିଆନଙ୍କ ଦ୍ୱାରା ଏସି କଣ୍ଡିସନରକୁ ନିୟମିତ ଭାବେ ସଫା ସୁତୁରା ରଖିବା ଦରକାର । ଏସି ୟୁନିଟ୍ ଫ୍ୟାନ୍ ଓ ଫିଲ୍ଟରକୁ ମଧ୍ୟ ନିୟମିତ ଭାବେ ପରିଷ୍କାର କରିବା ଆବଶ୍ୟକ । ଆପଣ ବିଶେଷଜ୍ଞଙ୍କ ସହିତ ପରାମର୍ଶ କରି ଫିଲ୍ଟର ପରିବର୍ତ୍ତନ କରିପାରିବେ ।
ଅଧିକ ପଢ଼ନ୍ତୁ: ଆପଣଙ୍କ AC ରିମୋଟ୍ ହଜିଯାଇଛି କି ଭାଙ୍ଗିଯାଇଛି; ମୋବାଇଲ୍ ଦ୍ୱାରା ଏମିତି କରନ୍ତୁ କଣ୍ଟ୍ରୋଲ୍
ଏସିର କମ୍ପ୍ରେସର ଠିକ୍ରେ କାମ କରୁଛି କି ନାହିଁ ତାହା ମଧ୍ୟ ଚେକ୍ କରନ୍ତୁ । ଅଧିକ ସମୟ ଧରି ଏସି ଚାଲିବା ପରେ ଯଦି ରୁମ୍ ଥଣ୍ଡା ହେଉନାହିଁ, ତେବେ ସେ କ୍ଷେତ୍ରରେ କମ୍ପ୍ରେସର କାମ କରୁନଥାଏ ବୋଲି ଜଣାପଡ଼ିଥାଏ । ସାଧାରଣ ଭାବେ ଏସି ଚାଲିବା ପାଇଁ ଅଧିକ ଭୋଲଟେଜ୍ ଖର୍ଚ୍ଚ ହୋଇଥାଏ । ତେଣୁ ଏସି ସହ ସଂଯୋଗ ହୋଇଥିବା ଇଲେକ୍ଟ୍ରି କେବୁଲର ଗୁଣବତ୍ତା ମଧ୍ୟ ଯାଞ୍ଚ କରିବା ଦରକାର । ଏସି ପାଇଁ ସବୁବେଳେ ଏକ ଅଲଗା ସର୍କିଟ ବ୍ରେକର ରଖିବା ଆବଶ୍ୟକ । ଏହାଦ୍ୱାରା ସର୍ଟ ସର୍କିଟ ଆଶଙ୍କା କମ୍ ରହିଥାଏ । ଏଥିସହିତ ତାହା ଠିକରେ କାମ କରୁଛି କି ନାହିଁ ତାହା ନିଶ୍ଚିତ କରିବା ପାଇଁ ପ୍ରତିବର୍ଷ ଖରାଦିନ ଆସିବା ପୂର୍ବରୁ ପ୍ରଫେସନାଲ ଲୋକଙ୍କ ଦ୍ୱାରା ଏସି ସର୍ଭିସ କରାନ୍ତୁ ।
