Technology: ଆପଣଙ୍କ AC ରିମୋଟ୍‌ ହଜିଯାଇଛି କି ଭାଙ୍ଗିଯାଇଛି; ମୋବାଇଲ୍ ଦ୍ୱାରା ଏମିତି କରନ୍ତୁ କଣ୍ଟ୍ରୋଲ୍

ଗରମ ଯେଉଁଭଳି ହେଉଛି ବିନା ଏସିରେ ରହିବା କଷ୍ଟ। ଏସି ଯଦି ଅଛି ତେବେ ଆରାମ। କିନ୍ତୁ ବେଳେବେଳେ ଏମିତି ହୁଏ ଏସିର ରିମୋଟ୍‌ କୋଉଠି ରହିଯାଏ, ସେହି ସମୟରେ ମିଳେନି, କିମ୍ବା ପଡିକି ଭାଙ୍ଗିଯାଇଥାଏ। କିନ୍ତୁ ପ୍ରବଳ ଗରମ ହେଉଥିବ। ଏହି ସମୟରେ ଯେ କେହି ବି ଚିନ୍ତାରେ ପଡିଯିବ।

ଏଭଳି ପରିସ୍ଥିତିରେ ସମସ୍ତେ ଭାବନ୍ତି ଯେ ମୋବାଇଲ୍‌କୁ କଲ୍ କରି ଖୋଜିବା ଭଳି ରିମୋଟ୍ କଲ୍ କରି ହୁଅନ୍ତା କି, କିନ୍ତୁ ଏମିତି ହୁଏନି। ଫଳରେ ଚିଡା ଲାଗେ। କିନ୍ତୁ ଏହାକୁ ଏଡାଇବା ପାଇଁ, ଆମେ ଆପଣଙ୍କୁ କହିବୁ ଯେ ଆପଣ ନିଜ ସ୍ମାର୍ଟଫୋନ୍‌ରୁ କିପରି ଆପଣଙ୍କ ଘର କିମ୍ବା ଅଫିସ୍‌ର ACକୁ ନିୟନ୍ତ୍ରଣ କରିପାରିବେ।

ଅନେକ ଆଣ୍ଡ୍ରଏଡ୍ ସ୍ମାର୍ଟଫୋନ୍ ବିଲ୍ଟ-ଇନ୍ ଆଇଆର ବ୍ଲାଷ୍ଟର ସହିତ ଆସିଥାଏ। ଆପଣ ଏହି ଟେକ୍ନୋଲୋଜିକୁ ଭିଣ୍ଟେଜ୍ ରିମୋଟ୍ କଣ୍ଟ୍ରୋଲରେ ମଧ୍ୟ ଦେଖିପାରିବେ। ଯଦି ଆପଣଙ୍କର ସ୍ମାର୍ଟଫୋନରେ ଇମ୍‌ଫ୍ରାଡ୍ ବ୍ଲାଷ୍ଟର ଅଛି, ତେବେ ଆପଣ ରିମୋଟ୍ ଏସି ପାଇଁ ଆପଣଙ୍କର ସ୍ମାର୍ଟଫୋନ୍‌କୁ ବ୍ୟବହାର କରିପାରିବେ।

ଅଧିକ ପଢ଼ନ୍ତୁ: AC ବ୍ୟବହାର କଲେ ଅଧିକ ବିଲ୍ ଆସୁଛି କି… ମାନନ୍ତୁ ଏହି ୫ ଟିପ୍ସ, କମ୍ ଆସିବ ବିଲ୍

ସ୍ମାର୍ଟଫୋନରୁ କିପରି ଏସି ନିୟନ୍ତ୍ରଣ କରିବେ:

ଏଥିପାଇଁ ସର୍ବପ୍ରଥମେ ସ୍ମାର୍ଟଫୋନରେ IR Universal Remote କିମ୍ବା Galaxy Universal Remote ପରି ଯେକୌଣସି ଆପ୍ ଇନ୍‌ଷ୍ଟଲ୍ କରନ୍ତୁ। କେଉଁ ଆପ୍ ଆପଣଙ୍କ ଏସି ସହିତ କନେକ୍ଟ ହୋଇପାରିବ ତାହା ଆପଣ ଯାଞ୍ଚ କରିପାରିବେ।

କେତେକ କମ୍ପାନୀର ଉପକରଣ ମଧ୍ୟ ବଜାରରେ ସେମାନଙ୍କର ନିଜସ୍ୱ ଆପ୍ ଉପଲବ୍ଧ। ଆପଣ ଆପଣଙ୍କର ଡିଭାଇସରେ କମ୍ପାନୀର ନାମ ଟାଇପ୍ କରି ଗୁଗୁଲ୍ ପ୍ଲେ ଷ୍ଟୋର୍ କିମ୍ବା ଆପଲ୍ ଆପ୍ ଷ୍ଟୋର୍‌ରେ ସର୍ଚ୍ଚ କରିପାରିବେ। ଏହା ପରେ ହୋମ୍‌ପେଜ୍‌କୁ ଯାଆନ୍ତୁ।

ଆପ୍ ଖୋଲନ୍ତୁ ଏବଂ ହୋମ୍‌ପେଜ୍‌କୁ ଯାଆନ୍ତୁ, ଏଠାରେ IR Remote କୁ ବାଛନ୍ତୁ। ଏହା ପରେ AC ଉପରେ କ୍ଲିକ୍ କରନ୍ତୁ।| ଏହା ପରେ ଆପଣ ତାଲିକାରେ ଥିବା ସମସ୍ତ ଏସି ବ୍ରାଣ୍ଡ ଦେଖିବା ଆରମ୍ଭ କରିବେ। ଏଠାରୁ ଆପଣଙ୍କ ଏସିର ବ୍ରାଣ୍ଡ ଚୟନ କରନ୍ତୁ।

ସେଟିଂ କରିବା ପରେ, ଆପଣଙ୍କ ଫୋନକୁ AC ଆଡକୁ ଦେଖାନ୍ତୁ। ଯଦି ଆପଣଙ୍କର ଫୋନ୍ IR ବ୍ଲାଷ୍ଟରକୁ ସପୋର୍ଟ କରୁ ନାହିଁ, ତେବେ ଆପଣଙ୍କୁ ଏକ ବିଜ୍ଞପ୍ତି ଆସିବ। ଯଦି IR ବ୍ଲାଷ୍ଟର ସପୋର୍ଟ କରୁଛି, ଆପଣ ଫୋନକୁ ରିମୋଟ ଭାବରେ ବ୍ୟବହାର କରିବାରେ ସକ୍ଷମ ହେବେ। ଏହା ସହିତ ଆପଣ ଫ୍ୟାନ୍‌ ସ୍ପିଡ୍, ତାପମାତ୍ରା ଇତ୍ୟାଦି ମଧ୍ୟ ନିୟନ୍ତ୍ରଣ କରିପାରିବେ।

ଏହି ପ୍ରକ୍ରିୟା ମାଧ୍ୟମରେ, ଆପଣ ମୋବାଇଲରୁ ନିଜର ACକୁ ନିୟନ୍ତ୍ରଣ କରିବାରେ ସକ୍ଷମ ହେବେ। ଆପଣଙ୍କୁ ଆଉ ରିମୋଟ୍‌ ଦରକାର ହେବ ନାହିଁ।

ଅଧିକ ପଢ଼ନ୍ତୁ: ଆପଣ ଜଣେ ୱାର୍କିଂ ଲେଡି କି… ଜାଣନ୍ତୁ ପିଲାର ଯତ୍ନ ନେବାର ୬ଟି ଉପାୟ