Online Scam: ଅନ୍‌ଲାଇନ୍ ଟ୍ରେଡିଂ ସ୍କାମ କ’ଣ...କେମିତି ରହିବେ ଦୂରେଇ, ଜାଣନ୍ତୁ...

ବର୍ତ୍ତମାନ ସମୟରେ ଚାରିଆଡ଼େ ଠକଙ୍କର ଆଡା ମେଲିଛି । ବିଭିନ୍ନ ଉପାୟରେ କରୁଛନ୍ତି ଠକେଇ । ସମୟ ଯେତେ ବଦଳୁଛି ଠକେଇର ତରିକା ମଧ୍ୟ ବଦଳୁଛି । ଆପଣ ମଧ୍ୟ ଦେଖିଥିବେ ଠକେଇର ଶିକାର ହୋଇଥିବା ଲୋକଙ୍କୁ । ସେଥିମଧ୍ୟରୁ ଅନ୍‌ଲାଇନ୍ ଟ୍ରେଡିଂ ସ୍କାମ ଠକମାନଙ୍କର ବଡ଼ ଗେମ୍‌ ପାଲିଟିଛି, ଯାହାଙ୍କର ଉଦ୍ଦେଶ୍ୟ ହେଉଛି ଲୋକଙ୍କର ସଞ୍ଚିତ ଧନକୁ ଠକିବା ଓ ତା’ପରେ ସେମାନଙ୍କ ଟଙ୍କା ଚୋରି କରିବା । ଯଦିଓ ଏହି ସ୍କାମଗୁଡିକ ବିଭିନ୍ନ ଉପାୟରେ କରାଯାଏ, ତଥାପି ସେମାନଙ୍କର କିଛି ତରିକା ରହିଛି ।  ସ୍କାମରମାନେ କେମିତି ଆପଣଙ୍କୁ  ତାଙ୍କ ଫାନ୍ଦରେ ପାକାନ୍ତି ଆସନ୍ତୁ ଜାଣିବା…

ଠକମାନେ ଅନେକ ସମୟରେ ଭଲ ଲାଭ, ରୋଜଗାର କିମ୍ବା ଲୋକଙ୍କୁ ଫାନ୍ଦରେ ପକାଇବା ପାଇଁ କିଛି ମିଛ ପ୍ରତିଶ୍ରୁତି ଦିଅନ୍ତି । ଏହି ପ୍ରତିଶ୍ରୁତି ପ୍ରାୟତଃ ଅତ୍ୟଧିକ ବା ସଂପୂର୍ଣ୍ଣ ମିଛ ହୋଇଥାଏ, ଯାହାକି ଲୋକମାନଙ୍କୁ କିଛି ଚିନ୍ତା ନକରି କିମ୍ବା ସର୍ଚ୍ଚ ନକରି ଟଙ୍କା ବିନିଯୋଗ କରିବାକୁ କହିଥାନ୍ତି ।

ପ୍ରଲୋଭନ କରିବା ପରି ମେସେଜ୍‌ ପଠାଇବା...

ଠକମାନେ ଆପଣଙ୍କୁ ଫୋନ୍ କଲ, ଇମେଲ୍‌, ସୋସିଆଲ ମିଡିଆରେ ମେସେଜ୍‌ ମାଧ୍ୟମରେ ଯୋଗାଯୋଗ କରିପାରନ୍ତି । ସେମାନେ ବେଳେବେଳେ ବଡ଼ ବ୍ୟାଙ୍କ କିମ୍ବା ନିବେଶ ପରାମର୍ଶଦାତା ବୋଲି କୁହନ୍ତି, ଯାହା ଦ୍ୱାରା ଆପଣ ସେମାନଙ୍କୁ ବିଶ୍ୱାସ କରିପାରିବେ । 

ସ୍କାମ ଲୋକମାନଙ୍କୁ ଶୀଘ୍ର ଟଙ୍କା ରୋଜଗାର କରିବାକୁ ପ୍ରଲୋଭିତ କରନ୍ତି...

ସେମାନେ ପ୍ରାୟତଃ ମିଛ ଭୟ ଦେଖାନ୍ତି ଯେ ଯଦି ତୁମେ ତୁରନ୍ତ ବିନିଯୋଗ ନକର, ତେବେ ତୁମେ ଏହି ଭଲ ସୁଯୋଗକୁ ହାତଛଡ଼ା କରିବ । ଶୀଘ୍ର ନିଷ୍ପତ୍ତି ନେବାକୁ ସେମାନେ ତୁମ ଉପରେ ଚାପ ପକାନ୍ତି ଯାହା ଦ୍ୱାରା ତୁମେ ସଠିକ୍ ଚିନ୍ତା କରିବାକୁ ସମର୍ଥ ହେବ ନାହିଁ । 

ନକଲି ଆପ୍‌ରେ...

ଠକମାନେ ଆପଣଙ୍କୁ ନକଲି କିମ୍ବା ଲାଇସେନ୍ସପ୍ରାପ୍ତ ଅନ୍‌ଲାଇନ୍‌ ଟ୍ରେଡିଂ ପ୍ଲାଟଫର୍ମ କିମ୍ବା ମୋବାଇଲ୍ ଆପ୍ସରେ ଟଙ୍କା ବିନିଯୋଗ କରିବାକୁ କହିପାରନ୍ତି । ଏହି ଆପ୍ସ ଓ ପ୍ଲାଟଫର୍ମଗୁଡିକ ପ୍ରକୃତ ମନେହୁଏ, କିନ୍ତୁ ବାସ୍ତବରେ ସେଗୁଡ଼ିକ କେବଳ ଆପଣଙ୍କ ଟଙ୍କା ଚୋରି କରିବା ପାଇଁ ବ୍ୟବହାର କରିଥାନ୍ତି ।

ଅଧିକ ଟଙ୍କା ମାଗିବା...

ଯଦି କୌଣସି ପ୍ଲାଟଫର୍ମ କିମ୍ବା ବିନିଯୋଗ ଯୋଜନା ଅତ୍ୟଧିକ ଫି, କମିଶନ ଟଙ୍କା ମାଗୁଛନ୍ତି ତେବେ ସତର୍କ ରୁହନ୍ତୁ ।

ବ୍ୟକ୍ତିଗତ ସୂଚନା ମାଗିବା...

ପ୍ରକୃତ ବ୍ୟାଙ୍କ କିମ୍ବା ପୁଞ୍ଜି ବିନିଯୋଗ କମ୍ପାନୀଗୁଡିକ ଆପଣଙ୍କୁ ଆଧାର କାର୍ଡ ନମ୍ବର, ବ୍ୟାଙ୍କ ଆକାଉଣ୍ଟ ନମ୍ବର କିମ୍ବା ଫୋନ୍, ଇମେଲ୍ କିମ୍ବା ମେସେଜ୍‌ ମାଧ୍ୟମରେ ଅନ୍ୟ ବ୍ୟକ୍ତିଗତ ସୂଚନା ମାଗିବେ ନାହିଁ । ଯଦି କେହି ଆପଣଙ୍କୁ ଏହି ସୂଚନା ମାଗନ୍ତି, ସାବଧାନ ରୁହନ୍ତୁ । ଟଙ୍କା ବିନିଯୋଗ କରିବା ପୂର୍ବରୁ କାହାକୁ ଏପରି ସୂଚନା ଦିଅନ୍ତୁ ନାହିଁ ।

ଅନଲାଇନ୍ ଟ୍ରେଡିଂ ସ୍କାମରୁ କିପରି ଦୂରେଇ ରହିବେ ?

- ହଠାତ୍ କଲ୍, ଇମେଲ୍ କିମ୍ବା ମେସେଜ୍‌ଗୁଡ଼ିକର ଶିକାର ହୁଅନ୍ତୁ ନାହିଁ, ନିଜର ସର୍ଚ୍ଚ କରନ୍ତୁ । 
- କୌଣସି ବିନିଯୋଗ କରିବା ପୂର୍ବରୁ, ସଠିକ୍ ଭାବରେ ବୁଝନ୍ତୁ , ତର ତର ହୁଅନ୍ତୁ ନାହିଁ ।
- କେବଳ ବିଶ୍ୱସ୍ତ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନ ମାଧ୍ୟମରେ ଟଙ୍କା ବିନିଯୋଗ କରନ୍ତୁ ।
- ଅଜଣା ଲୋକଙ୍କ ସହିତ କେବେବି ଆପଣଙ୍କର ବ୍ୟକ୍ତିଗତ ସୂଚନା ସେୟାର କରନ୍ତୁ ନାହିଁ । 
- ଉଚ୍ଚ ଲାଭ ଦେଖାଉଥିବା ଯୋଜନାଗୁଡିକ ପ୍ରତି ସାବଧାନ ରୁହନ୍ତୁ, ସେମାନେ ପ୍ରାୟତଃ ମିଥ୍ୟା କଥା କହିଥାନ୍ତି ।