‘କୃତ୍ରିମ ସୂର୍ଯ୍ୟ’ ତିଆରି କଲା ଦକ୍ଷିଣ କୋରିଆ; ସୂର୍ଯ୍ୟଠାରୁ ୭ଗୁଣ ଉତ୍ତାପରେ ଜଳୁଛି

ସୂର୍ଯ୍ୟ ସକଳ ଶକ୍ତିର ଆଧାର। ଆମେ ଆାକାଶରେ ଗୋଟିଏ ମାତ୍ର ସୂର୍ଯ୍ଯ ଦେଖୁ। ମାତ୍ର ଦକ୍ଷିଣ କୋରିଆ ବୈଜ୍ଞାନିକମାନେ ଅଦ୍ଭୁତ କାରନାମା କରି ଦେଖାଇଛନ୍ତି । ସେମାନେ ତିଆରିଛନ୍ତି କୃତ୍ରିମ ସୂର୍ଯ୍ୟ। ଆଶ୍ଚର୍ଯ୍ୟ ଲାଗୁଥିଲେ ବି କଥାଟା ସତ। ତେବେ କୃତ୍ରିମ ସୂର୍ଯ୍ୟକୁ ନେଇ ଏବେ ବିଶ୍ୱବ୍ୟାପୀ ଚର୍ଚ୍ଚା ଜୋର ଧରିଛି ।

ଦକ୍ଷିଣ କୋରିଆ ବୈଜ୍ଞାନିକମାନେ ୧୦କୋଟି ଡିଗ୍ରୀ ସେଲସିୟସ ତାପମାତ୍ରା ସୃଷ୍ଟି କରୁଥିବା କୃତ୍ରିମ ସୂର୍ଯ୍ୟ ତିଆରି କରି ରେକର୍ଡ କରିଛନ୍ତି । ଏତେ ତାପମାତ୍ରା ଆଜି ପର୍ଯ୍ୟନ୍ତ କୌଣସି ଦେଶ ସୃଷ୍ଟି କରିବାରେ ସଫଳ ହୋଇପାରିନଥିଲେ । ଏହି ତାପମାତ୍ରା କୃତ୍ରିମ ରୂପେ ନ୍ୟୁକ୍ଲିୟର ଫ୍ୟୁଜନ ପ୍ରକ୍ରିୟା ଦ୍ବାରା ସୃଷ୍ଟି କରାଯାଇଛି । ଦକ୍ଷିଣକୋରିଆ ପକ୍ଷରୁ ଏସମ୍ପର୍କରେ ସୂଚନା ଦିଆଯାଇ କୁହାଯାଇଛି ଯେ, ଆଗାମୀ ଦିନରେ ଶକ୍ତି ଉତ୍ପନ୍ନ ଦିଗରେ ଏହା ଲାଭଦାୟକ ହେବ । ବୈଜ୍ଞାନିକଙ୍କ କହିବାନୁସାରେ, ସୂର୍ଯ୍ୟର କୋର୍ ଅପେକ୍ଷା ଏହାର ତାପମାତ୍ରା ସାତ ଗୁଣ ଅଧିକ ।

ଅଧିକ ପଢ଼ନ୍ତୁ: ଆପଣ କେତେ ଦିନ ବଞ୍ଚିବେ? AI କହିଦେବ ମୃତ୍ୟୁ ସମୟ

ଏହି କୃତ୍ରିମ ସୂର୍ଯ୍ୟର ପରୀକ୍ଷଣ ଡିସେମ୍ବରରୁ ଫେବୃଆରୀ ମଧ୍ୟରେ କରାଯାଇଥିଲା। ଏହି ସମୟରେ ତାପମାତ୍ରା ୪୮ ସେକେଣ୍ଡ ପାଇଁ ସୃଷ୍ଟି ହୋଇଥିଲା । ଦକ୍ଷିଣ କୋରିଆର "କୃତ୍ରିମ ସୂର୍ଯ୍ୟ" ଭାବରେ ନାମିତ କୋରିଆ ସୁପରକଣ୍ଡକ୍ଟିଂ ଟେକାମାକ ଆଡଭାନ୍ସଡ ରିସର୍ଚ୍ଚ (KSTAR) ରିଆକ୍ଟର ପୂର୍ବ ବିଶ୍ୱ ରେକର୍ଡ ୩୧ ସେକେଣ୍ଡକୁ ଭାଙ୍ଗିଛି। ପୂର୍ବରୁ ସେହି ରିଆକ୍ଟର ୨୦୨୧ ମସିହାରେ ଏକ ରେକର୍ଡ ସୃଷ୍ଟି କରିଥିଲା।

୧୦କୋଟି ଡିଗ୍ରୀ ସେଲସିୟସରେ ପ୍ଲାଜମାର ଭାରି ହାଇଡ୍ରୋଜେନ୍ ଆଇସୋଟୋପ୍ ଏକାସାଙ୍ଗେ ଫ୍ୟୁଜ୍ କରାଯାଏ। ଏଥିରୁ ଏତେ ପରିମାଣର ତାପଶକ୍ତି ଉତ୍ପନ୍ନ ହୁଏ ଯାହା ସୂର୍ଯ୍ୟର କୋରରେ ଥିବା ତାପ ସହ ସମାନ ଭାବରେ ତାପଶକ୍ତି ନିର୍ଗତ କରିଥାଏ। ଫ୍ୟୁଜନ୍ ଶକ୍ତି ହାସଲ କରିବାର ସାଧାରଣ ଉପାୟ ଏଥିରେ ଅନ୍ତର୍ଭୁକ୍ତ କରାଯାଇଛି। ଟେକାମାକ ନାମକ ଏକ ଡୋନାଟ୍ ଆକୃତିର ରିଆକ୍ଟର ଯେଉଁଥିରେ ହାଇଡ୍ରୋଜେନ୍ ଭ୍ୟାରିଆଣ୍ଟ ପ୍ଲାଜମା ସୃଷ୍ଟି କରିବା ପାଇଁ ଅସାଧାରଣ ଉଚ୍ଚ ତାପମାତ୍ରାରେ ଗରମ କରାଯାଏ।

KSTAR ଅନୁସନ୍ଧାନ କେନ୍ଦ୍ର ନିର୍ଦ୍ଦେଶକ ସି-ୱୋ କହିଛନ୍ତି, “ସଂପୂର୍ଣ୍ଣ ହାର୍ଡୱେର୍ ପରୀକ୍ଷଣ ଏବଂ ଅଭିଯାନ ପ୍ରସ୍ତୁତିରେ ଆମକୁ ସ୍ୱଳ୍ପ ସମୟ ମଧ୍ୟରେ ପୂର୍ବ KSTAR ରେକର୍ଡଗୁଡିକ ତୁଳନାରେ ଭଲ ଫଳାଫଳ ପାଇଛୁ। ଯଦିଓ ଏହା ନୂତନ ଟଙ୍ଗଷ୍ଟନ୍ ଡାଇଭର୍ଟରଙ୍କ ପରିବେଶରେ କରାଯାଇଥିବା ପ୍ରଥମ ପ୍ରୟୋଗ। ସେ କହିଛନ୍ତି ଯେ ୨୦୨୬ ସୁଦ୍ଧା ୩୦୦ ସେକେଣ୍ଡ ପାଇଁ ୧୦କୋଟି ଡିଗ୍ରୀ ସେଲସିୟସ ତାପମାତ୍ରା ସୃଷ୍ଟି କରିବାକୁ ଏହି ଟିମ୍ ରିଆକ୍ଟର ସହିତ ପରୀକ୍ଷା ଜାରି ରଖିବ।

ଏହି ପରୀକ୍ଷଣଗୁଡିକ ବିଶ୍ୱର ସର୍ବବୃହତ ଟେକାମାକର ଦକ୍ଷିଣ ଫ୍ରାନ୍ସରେ ITER ନାମରେ ଜଣାଶୁଣା ଆନ୍ତର୍ଜାତୀୟ ଥର୍ମୋନ୍ୟୁକ୍ଲିୟର ପରୀକ୍ଷାମୂଳକ ରିଆକ୍ଟରର ବିକାଶରେ ଏଡା ସାହାଯ୍ୟ କରିବ । ସି-ୱୋ ୟୋନ୍ କହିଛନ୍ତି, “KSTAR ର କାର୍ଯ୍ୟ ITER କାର୍ଯ୍ୟରେ ଧାର୍ଯ୍ୟ କାର୍ଯ୍ୟଦକ୍ଷତାକୁ ଠିକ୍ ସମୟରେ ସୁରକ୍ଷିତ ରଖିବା ଏବଂ ଫ୍ୟୁଜନ୍ ଶକ୍ତିର ବ୍ୟବସାୟିକରଣକୁ ଅଗ୍ରଗତି କରିବାରେ ମଧ୍ୟ ସାହାଯ୍ୟ କରିବ ।

ତେବେ ଦକ୍ଷିଣକୋରିଆ ପୂର୍ବରୁ ଆମେରିକା, ଚୀନ୍ ଏବଂ ଫ୍ରାନ୍ସ ମଧ୍ୟ ନିଜସ୍ୱ ଉଦ୍ୟମ ବଳରେ ଗୋଟିଏ ଲେଖାଏ କୃତ୍ରିମ ସୂର୍ଯ୍ୟ ନିର୍ମାଣ କରିବା ପାଇଁ ପ୍ରୟାସ ଜାରି ରଖିଛନ୍ତି । ତେବେ ଆଜି ପର୍ଯ୍ୟନ୍ତ କୌଣସି ଦେଶ ଏହି ପରିମାଣର ଶକ୍ତି ସମ୍ପନ୍ନ ତାପମାତ୍ରା ସୃଷ୍ଟି କରିବାରେ ସଫଳ ହୋଇପାରିନଥିଲେ । ବିଶ୍ୱର ପ୍ରଥମ ଦେଶ ଭାବେ ଦକ୍ଷିଣକୋରିଆ ଏହି ବିରଳ କୃତିତ୍ୱ ହାସଲ କରିଛି ।