ଚଳିତ ବର୍ଷର ପ୍ରଥମ ସୂର୍ଯ୍ୟପରାଗ ! ଜାଣନ୍ତୁ କେମିତି ଦେଖିବେ...

ଫାଲଗୁନ ପୂର୍ଣ୍ଣିମାରେ ବର୍ଷର ପ୍ରଥମ ଚନ୍ଦ୍ରଗ୍ରହଣ ପରେ ବର୍ତ୍ତମାନ ବର୍ଷର ପ୍ରଥମ ସୂର୍ଯ୍ୟ ପରାଗ ଲାଗିବାକୁ ଯାଉଛି । ଆସନ୍ତା ଏପ୍ରିଲ ୮ ତାରିଖରେ ଲାଗିବାକୁ ଯାଉଛି ବର୍ଷର ପ୍ରଥମ ସୂର୍ଯ୍ୟ ପରାଗ। ମା ଦୁର୍ଗାଙ୍କ ନବରାତ୍ରୀ ଏପ୍ରିଲ ୯ ତାରିଖରୁ ଆରମ୍ଭ ହେଉଥିବା ବେଳେ ଏହାର ଦିନକ ପୂର୍ବରୁ ଲାଗିବାକୁ ଯାଉଛି ସୂର୍ଯ୍ୟ ପରାଗ ।

ତେବେ ନାସାର କହିବାନୁଯାୟୀ, ଆକାଶରେ ଘଟୁଥିବା ଏହି ବିରଳ ଜ୍ୟୋର୍ତିବିଜ୍ଞାନ ଘଟଣା ଭାରତରେ ଦୃଶ୍ୟମାନ ହେବ ନାହିଁ । ଆମେରିକା, ମେକ୍ସିକୋ, କାନାଡା ଏବଂ ଉତ୍ତର ଆମେରିକାର ଅଧିକାଂଶ ଦେଶରେ ଦୃଶ୍ୟମାନ ହେବ । ନାସାର ଅଫିସିଆଲ ୱେବସାଇଟ ଏବଂ ୟୁଟ୍ୟୁବ ଚ୍ୟାନେଲରେ ଏହା ଦେଖିବାକୁ ମିଳିବ । ଯାହାକୁ ଆପଣ ଭାରତରେ ରହି ମଧ୍ୟ ଦେଖିପାରିବେ ।

ଯଦିଓ ଏହି ଜ୍ୟୋର୍ତିବିଜ୍ଞାନ ଇଭେଣ୍ଟ ପାଇଁ ଏକ ସପ୍ତାହରୁ ଅଧିକ ସମୟ ବାକି ଅଛି, ଏହାକୁ ଦେଖିବା ପାଇଁ ଲୋକଙ୍କ ମଧ୍ୟରେ ବହୁତ ଉତ୍ସାହ ଅଛି। ଚଳିତ ବର୍ଷର ଏହା ପ୍ରଥମ ସୂର୍ଯ୍ୟପରାଗ ହେବାକୁ ଯାଉଛି। ଏହାକୁ ଦେଖିବାକୁ ଭାରତୀୟମାନେ ବି କୌତୁହଳର ସହ ଅପେକ୍ଷା କରି ରହିଛନ୍ତି। ତେବେ ଏହି ସୂର୍ଯ୍ୟପରାଗ କ’ଣ ଏବଂ ଏହା କେବେ ଭାରତରେ ଦେଖାଯିବ ସେ ବିଷୟରେ ଜାଣିବାକୁ ସମସ୍ତେ ଆଗ୍ରହୀ।

ଚନ୍ଦ୍ର ପୃଥିବୀ ଏବଂ ସୂର୍ଯ୍ୟ ମଧ୍ୟରେ ଆସିବା ପରେ ଏକ ସୂର୍ଯ୍ୟ ପରାଗ ହୁଏ। ଚନ୍ଦ୍ର ସୂର୍ଯ୍ୟକୁ ସମ୍ପୂର୍ଣ୍ଣ କିମ୍ବା ଆଂଶିକ ଆଚ୍ଛାଦନ କରେ। ଯେତେବେଳେ ପୃଥିବୀରୁ ଦେଖାଯାଏ ଆମେ ସୂର୍ଯ୍ୟଙ୍କ ଉପରେ ଏକ ଅନ୍ଧକାର ଛାୟା ଦେଖୁ। କୌଣସି ପ୍ରକାରେ ପୃଥିବୀରେ ଚନ୍ଦ୍ରର ଛାୟା ପଡୁଛି। ଖରାଦିନେ ମଧ୍ୟ ରାତି ଭଳି ଅନୁଭବ କରିବାକୁ ଲାଗେ। ସୂର୍ଯ୍ୟ ଗ୍ରହଣ ସମୟରେ ସୂର୍ଯ୍ୟ, ଚନ୍ଦ୍ର ଏବଂ ପୃଥିବୀ ଏକ ସରଳ ରେଖାରେ ଅଛନ୍ତି। ଏହି ସମୟରେ ଘଟୁଥିବା ସୂର୍ଯ୍ୟ ପରାଗ ହେଉଛି ପୂର୍ଣ୍ଣ ସୂର୍ଯ୍ୟ ପରାଗ। ଏହି ସମୟରେ ଚନ୍ଦ୍ର ସୂର୍ଯ୍ୟଙ୍କୁ ସମ୍ପୂର୍ଣ୍ଣ ରୂପେ ଆଚ୍ଛାଦନ କରିବ।