ସୂର୍ଯ୍ୟ ମିଶନରେ ଥିବା ଆଦିତ୍ୟ L1 ପ୍ରଥମ ଥର ପାଇଁ ସୌର ଝଡ଼ର ସାମ୍ନା କଲା

ପ୍ରଥମ ଥର ପାଇଁ ସୌର ଝଡ଼ର ସାମ୍ନା କଲା ସୂର୍ଯ୍ୟ ମିଶନରେ ଥିବା ଆଦିତ୍ୟ L1। ୧୦ ଘଣ୍ଟା ଧରି ଏକ୍ସ-ରେ ବିସ୍ଫୋରଣ ତୀବ୍ରତା ମାପିବାରେ ସକ୍ଷମ ହେଲା ହିଲିୟସ ପେ ଲୋଡ୍। ଏନେଇ ISRO ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି।

ସୂର୍ଯ୍ୟ ରହସ୍ୟ ଭେଦିବାକୁ ସେପ୍ଟେମ୍ବର ୨ ତାରିଖରେ ଆଦିତ୍ୟ L1କୁ ଲଞ୍ଚ୍ କରିଥିଲା ISRO । ଏହା ପୃଥିବୀ ଠାରୁ ୧୫ ଲକ୍ଷ କିଲୋମିଟର ଦୂରରେ ଥିବା L1 ପଏଣ୍ଟ ଅଭିମୁଖେ ଯାତ୍ରା କରୁଛି। ଏହା ୨୦୨୪ରେ ସେଠାରେ ପହଞ୍ଚିବାକୁ ଥିବା ବେଳେ, ତା ପୂର୍ବରୁ କାର୍ଯ୍ୟ ଆରମ୍ଭ କରିସାରିଛି। ସୂର୍ଯ୍ୟରୁ ନିର୍ଗତ ଏକ୍ସରେ ଓ ଅତିବାଇଗଣୀ ରଶ୍ମି ସଂପର୍କିତ ତଥ୍ୟ ହାସଲ ଲାଗି ଏଥିରେ ଖଞ୍ଜାଯାଇଥିବା ସ୍ୱତନ୍ତ୍ର ପେ-ଲୋଡ୍ ବା ଯନ୍ତ୍ରାଂଶ ହିଲିୟସ୍ ଅକ୍ଟୋବର ୨୯ ତାରିଖରେ ୧୦ ଘଣ୍ଟା ପାଇଁ ପ୍ରଥମ ଥର ପାଇଁ ସୌରଝଡ଼ର ତୀବ୍ରତା ମାପିଥିଲା।

Also Read

ମହାକାଶରେ ଇତିହାସ ରଚିବା ରାସ୍ତାରେ ଭାରତ, ଗଗନୟାନର କ୍ରୁ ମଡ୍ୟୁଲର ହେଲା ସଫଳ ଲଞ୍ଚିଂ

Read More

ଉତ୍‌କ୍ଷେପଣର ୫ ସେକେଣ୍ଡ ପୂର୍ବରୁ ଅଟକିଲା ଗଗନୟାନ ମିଶନ

Read More

ଆଜି ଗଗନୟାନର ପ୍ରଥମ ଟ୍ରାଏଲ, ସମୁଦ୍ର ମଝିରେ ଖସିବ ମାନବ-ବିହୀନ କ୍ରୁ-ମଡ୍ୟୁଲ୍

Read More

ISRO ସୋସିଆଲ ମିଡିଆ ପ୍ଲାଟ୍‌ଫର୍ମ X ରେ କହିଛି ଯେ “୨୯ ଅକ୍ଟୋବର ୨୦୨୩ ରେ ପ୍ରାୟ ୧୨:୦୦ ରୁ ୨୨:୦୦ UT ପର୍ଯ୍ୟନ୍ତ ଏହାର ପ୍ରଥମ ପର୍ଯ୍ୟବେକ୍ଷଣ ସମୟ ମଧ୍ୟରେ ଆଦିତ୍ୟ L1 ବୋର୍ଡ ଉପରେ ହାଇ ଏନର୍ଜି L1 କକ୍ଷପଥରେ ଏକ୍ସ-ରେ ସ୍ପେକ୍ଟ୍ରୋମିଟର ସୌର ନିଆଁ ରେକର୍ଡ କରିଛି।”

ISRO ପୁଣି କହିଛି, “ରେକର୍ଡ ହୋଇଥିବା ତଥ୍ୟ NOAA (ନ୍ୟାସ୍‌ନାଲ୍ ଓସିୟନ୍ ଆଣ୍ଡ୍ ଆଟମୋସଫେରିକ୍ ଆଡମିନିଷ୍ଟ୍ରେସନ୍) ର GOES (ଜିଓଷ୍ଟେସନାରୀ ଅପରେସନ୍ ଏନ୍‌ଭାଏରନମେଣ୍ଟାଲ ସାଟେଲାଇଟ୍) ଦ୍ୱାରା ପ୍ରଦତ୍ତ ଏକ୍ସ-ରେ ଆଲୋକ ବକ୍ର ସହିତ ସମାନ।”

ISROର କହିବା କଥା ୨୭ ଅକ୍ଟୋବର ୨୦୨୩ରେ କାର୍ଯ୍ୟକ୍ଷମ ହୋଇଥିବା HEL1OS ବର୍ତ୍ତମାନ ଥ୍ରେସ୍‌ହୋଲ୍ଡ ଏବଂ କାଲିବ୍ରେସନ୍ ଅପରେସନ୍‌ର ଫାଇନ୍-ଟ୍ୟୁନିଙ୍ଗରେ ବିଚରଣ କରୁଛି। ଏହି ଉପକରଣଟି ହାଇ ଟାଇମିଂ ଏବଂ ହାଇ-ରିଜୋଲେସନ ସ୍ପେକ୍ଟ୍ରା ସହିତ ସୂର୍ଯ୍ୟଙ୍କର ହାଇ-ଏନର୍ଜି ଏକ୍ସ-ରେ କାର୍ଯ୍ୟକଳାପ ଉପରେ ନଜର ରଖିବାକୁ ସ୍ଥିର ହୋଇଛି।