LIVE TV
ଦୁନିଆର ଇତିହାସକୁ ପୁଙ୍ଖାନୁପୁଙ୍ଖ ଭାବେ ଜାଣିବା ପାଇଁ ପ୍ରତ୍ନତତ୍ତ୍ୱ ବିଭାଗ ତା’ର କାମ କରିଚାଲିଛି। ଏନେଇ ବିଭିନ୍ନ ଅଞ୍ଚଳରେ ଖନନ କାର୍ଯ୍ୟ ଜାରି ରଖିଛି। ଏହି ଖନନ ସମୟରେ ଏପରି ଅନେକ ଜିନିଷ ମିଳିଥାଏ ଯାହା ଅତୀତକୁ ଜାଣିବାରେ ସାହାଯ୍ୟ କରେ। ତେବେ ଏହା ଏକ ମମି ହେଉ କି ପୂରା ସହର। ଅନେକ ସମୟରେ ବିଭିନ୍ନ ଜିନିଷ ସେମାନଙ୍କ ହାତରେ ଲାଗିଥାଏ।
ସମ୍ପ୍ରତି, ୱାର୍ସ ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ ଏପରି କିଛି ପାଇଛନ୍ତି ଯାହା ସେମାନଙ୍କୁ ଉତ୍ସାହିତ କରିଛି। ତାଙ୍କ ହାତରେ ଜଣେ ମହିଳାଙ୍କ ମମି ଲାଗିଛି। ସେ ଏହି ମମିକୁ ରହସ୍ୟମୟ ଲେଡି ନାମରେ ନାମିତ କରିଛନ୍ତି। ଏହି ମମି ଦୁଇ ହଜାର ବର୍ଷର ପୁରୁଣା। କିନ୍ତୁ ଏହାର ସବୁଠାରୁ ବଡ ଏବଂ ରହସ୍ୟମୟ ବିଷୟ ହେଉଛି ସେ ତାଙ୍କ ଗର୍ଭରେ ଦୁଇ ହଜାର ବର୍ଷ ଧରି ଏକ ଶିଶୁକୁ ପାଳୁଥିଲେ।
Also Read
ଏହି ଅନୁସନ୍ଧାନରେ ଏହି ମମିର ଗର୍ଭରୁ ୨୮ ସପ୍ତାହର ଏକ ଭ୍ରୂଣ ମିଳିଛି। ଏତେ ବର୍ଷ ଧରି ମାତୃ ଗର୍ଭରେ ସଂରକ୍ଷିତ ରହି ଏହା ଏକ ଆଚାର ମୁଣ୍ଡା ଭଳି ହୋଇଯାଇଛି। ଅନୁସନ୍ଧାନକାରୀମାନେ ଏହାର ନାମ ପିକଲ୍ଡ ଫିଟସ୍(ଭ୍ରୂଣ) ଅର୍ଥାତ୍ ଭ୍ରୂଣର ଆଚାର ବୋଲି ନାମ ଦେଇଛନ୍ତି। ଏହି ମମି ୧୮୨୬ ମସିହାରେ ୱାର୍ସ ବିଶ୍ୱବିଦ୍ୟାଳୟକୁ ଦିଆଯାଇଥିଲା। ଏହା ମିଶରରୁ ଚିହ୍ନିତ ହୋଇଥିଲା। କିନ୍ତୁ ଗତ ବର୍ଷ ଏହା ଦେଖିବାକୁ ମିଳିଥିଲା ଯେ ଏହି ମମିଙ୍କ ଗର୍ଭରେ ମଧ୍ୟ ଏକ ଶିଶୁ ଅଛି। ଅନୁସନ୍ଧାନକାରୀମାନେ ଏହି ମା’ଙ୍କୁ ରହସ୍ୟମୟ ଲେଡି ବୋଲି ନାମ ଦେଇଛନ୍ତି। ତେବେ ତାଙ୍କର କିପରି ମୃତ୍ୟୁ ହେଲା ତାହା ଏପର୍ଯ୍ୟନ୍ତ ଜଣା ପଡିନାହିଁ। ତେବେ କେବଳ ଏହା ହିଁ ଅନୁମାନ କରାଯାଉଛି ଯେ ତାଙ୍କର ମୃତ୍ୟ ଖ୍ରୀଷ୍ଟପୂର୍ବ ପ୍ରଥମ ଶତାବ୍ଦୀରେ ହୋଇଥାଇପାରେ।
ଅନୁସନ୍ଧାନକାରୀମାନେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଏହି ମହିଳାଙ୍କ ମୃତ୍ୟୁ ଶିଶୁଟିକୁ ଜନ୍ମ ଦେବାବେଳେ ମଧ୍ୟ ହୋଇ ନାହିଁ। ଏହାର କାରଣ ହେଉଛି, ଭ୍ରୂଣ ଯେଉଁଠାରେ ଥିଲା ତାହା ଦେଖି ଅନୁମାନ କରାଯାଇଥିଲା ଯେ ତାଙ୍କୁ ପ୍ରସବ ଯନ୍ତ୍ରଣା ହୋଇ ନ ଥିଲା। ଏହି ଭ୍ରୂଣ ଗର୍ଭରେ ଏତେଦିନ ପର୍ଯ୍ୟନ୍ତ ଫ୍ରିଜ ହୋଇ ଏକ ଆଚାର ପରି ହୋଇଯାଇଥିଲା। ଏହା ଦେଖାଯାଇଥିଲା ଯେ ପ୍ରଥମ ଥର ପାଇଁ ଏକ ମମିର ଗର୍ଭାଶୟରୁ ଏକ ଶିଶୁ ବାହାରିଲା। ଏହା ଭିତରେ ଅନେକ ପ୍ରକାରର ଏସିଡ୍ ମିଳିବା ସହିତ ଏଥିରେ ରକ୍ତର ଅଂଶ ମଧ୍ୟ ଦେଖିବାକୁ ମିଳିଥିଲା ।
ଏହି ମମି ବିଷୟରେ, ଅନୁସନ୍ଧାନକାରୀମାନେ କହିଛନ୍ତି ଯେ ଯେତେବେଳେ କାହାର ଶରୀର ମମିରେ ପରିଣତ ହୁଏ, ସେତେବେଳେ ଏହା ଉପରେ ଏକ ଆବରଣ ପ୍ରୟୋଗ କରାଯାଏ। ଯାହା ଫଳରେ ଏହା ଭିତରକୁ ବାୟୁ ଏବଂ ଅମ୍ଳଜାନ ଯାଏ ନାହିଁ। ଏହା ସହିତ ସମଗ୍ର ଶରୀର ସିଲ୍ ପ୍ୟାକ୍ ହୋଇଯାଏ। ଏହି ଗର୍ଭବତୀ ମମି ସହିତ ମଧ୍ୟ ସେମିତି ହୋଇଥିଲା। ଏପରି ହେବା ଦାରା ପିଲାଟି ମଧ୍ୟ ଗର୍ଭାଶୟ ଭିତରେ ସିଲ୍ ହୋଇଗଲା। ବର୍ତ୍ତମାନ ଅନୁସନ୍ଧାନକାରୀମାନେ ଏହି ମମିର ପୁଙ୍ଖାନୁପୁଙ୍ଖ ଅନୁସନ୍ଧାନରେ ନିୟୋଜିତ ଅଛନ୍ତି। ଯାହାଫଳରେ ଭବିଷ୍ୟତରେ ଆହୁରି ଅନେକ ରହସ୍ୟମୟ ତଥ୍ୟ ସାମ୍ନାକୁ ଆସିବ।
