LIVE TV
ଭୁଲ ଜୀବନଶୈଳୀ ଏବଂ ଖାଦ୍ୟରେ ପୋଷଣ ତତ୍ତ୍ୱ ଅଭାବରୁ ଲୋକମାନେ ଅନେକ ଶାରୀରିକ ସମସ୍ୟାର ଶିକାର ହୁଅନ୍ତି। ଆଜିର ଦୌଡମୟ ଜୀବନରେ ଲୋକମାନଙ୍କୁ କାମ କରିବା ପାଇଁ ଧାଁଧପଡ ହେବାକୁ ପଡୁଛି। ବ୍ୟସ୍ତବହୁଳ ଜୀବନ ହେତୁ ବିଶ୍ରାମ ନେବାକୁ ଲୋକଙ୍କ ପାଖରେ ସମୟ ନାହିଁ। ଏହି କାରଣରୁ ପାଦ ଉପରେ ଅଧିକ ଚାପ ପଡୁଥିବାରୁ ଗୋଡ ଯନ୍ତ୍ରଣା ବଢିଯାଏ।
ଲୋକମାନେ ଏହି ଶାରୀରିକ ଯନ୍ତ୍ରଣାରୁ ମୁକ୍ତି ପାଇବା ପାଇଁ ଅନେକ ସମୟରେ ହାତ – ଗୋଡ ମସାଜ୍ କରନ୍ତି। ମସାଜ୍ ଯନ୍ତ୍ରଣାକୁ ସାଙ୍ଗେ ସାଙ୍ଗେ ଆରାମ ଦେଇଥାଏ ସତ କିନ୍ତୁ ଏହା ଦୀର୍ଘ ସମୟ ପାଇଁ ନୁହେଁ। ତେଣୁ ଶରୀରର ଯନ୍ତ୍ରଣାରୁ ମୁକ୍ତି ପାଇବା ପାଇଁ ଯୋଗ ଏକ ସ୍ଥାୟୀ ଚିକିତ୍ସା ଭାବରେ ଲାଭଦାୟକ। ଯୋଗ ବିଶେଷଜ୍ଞଙ୍କ ଅନୁଯାୟୀ, ନିୟମିତ ଯୋଗ ଅଭ୍ୟାସ ଦ୍ୱାରା ହାତ ଏବଂ ପାଦରେ ଯନ୍ତ୍ରଣା ହେବାର ସମସ୍ୟା କମିଯାଏ। ତେବେ ଆସନ୍ତୁ ଜାଣିବା କେଉଁ ସବୁ ଆସନ ହାତ-ଗୋଡ ଯନ୍ତ୍ରଣାରୁ ମୁକ୍ତି ଦେବ।
Also Read
ସେତୁବନ୍ଧାସନ:
ଗୋଡ ଓ ପିଠି ଯନ୍ତ୍ରଣାରୁ ମୁକ୍ତି ପାଇଁ ସେତୁବନ୍ଧାସନ ବହୁର ଉପକାରୀ। ଏହି ଆସନ କରିବା ଦ୍ୱାରା ଗୋଡର ମାଂସପେଶୀରେ ରକ୍ତ ସଞ୍ଚାଳନ ବଢିଯାଏ। ଫଳରେ ପାଦ ଯନ୍ତ୍ରଣା ଭଲ ହେବା ଆରମ୍ଭ କରେ। ଏହି ଆସନ କରିବା ପାଇଁ, ସର୍ବପ୍ରଥମେ ଆପଣଙ୍କ ପିଠି ଉପରେ ଶୋଇପଡନ୍ତୁ। ଏହା ପରେ ପାଦକୁ କାନ୍ଧ ଚଉଡାରେ ଅଲଗା କରି ଆଣ୍ଠୁକୁ ବଙ୍କା କରନ୍ତୁ। ହାତକୁ ଖୋଲା ରଖନ୍ତୁ ଏବଂ ସିଧା ଭୂମିରେ ରଖନ୍ତୁ। ନିଶ୍ୱାସ ନେଇ ଅଣ୍ଟାକୁ ଉପରକୁ ଉଠାନ୍ତୁ ଏବଂ କାନ୍ଧ ଓ ମୁଣ୍ଡକୁ ଭୂମିରେ ରଖନ୍ତୁ। କିଛି ସମୟ ରହିବା ପରେ ଶ୍ୱାସ ଛାଡି ମୂଳ ସ୍ଥିତିକୁ ଆସନ୍ତୁ।
ଉତ୍ତାନାସନ:
ଉତ୍ତାନାସନ ଅଭ୍ୟାସ ପାଦ ଯନ୍ତ୍ରଣାରୁ ମୁକ୍ତି ଦେଇଥାଏ। ଏହି ଆସନ ଅଣ୍ଟା ଏବଂ ମେରୁଦଣ୍ଡ ପାଇଁ ମଧ୍ୟ ଲାଭଦାୟକ। ଏହି ଆସନା କରିବା ପାଇଁ ସର୍ବପ୍ରଥମେ, ପାଦକୁ ଅଣ୍ଟା ଚଉଡାରେ ଅଲଗା କରି ଆଣ୍ଠୁକୁ ସିଧା ରଖି ଠିଆ ହୁଅନ୍ତୁ। ଅଣ୍ଟା ପାଖରୁ ଆଗକୁ ଭାଙ୍ଗି ହାତରେ ପାଦର ପଛକୁ ଛୁଇଁବାକୁ ଚେଷ୍ଟା କରନ୍ତୁ।
ବାଳାସନ:
ବାଳାସନର ନିୟମିତ ଅଭ୍ୟାସ ଦ୍ୱାରା ପାଦ ଯନ୍ତ୍ରଣା କମିଯାଏ। ଏହାକୁ କରିବାକୁ, ବଜ୍ରାସନରେ ବସନ୍ତୁ। ଏହା ପରେ ନିଶ୍ୱାସ ନେଇ ଦୁଇ ହାତକୁ ସିଧାସଳଖ ମୁଣ୍ଡ ଉପରେ ଉଠାନ୍ତୁ। ତା’ପରେ ନିଶ୍ୱାସ ଛାଡି ଅଣ୍ଟା ପାଖରୁ ଆଗକୁ ଭାଙ୍ଗକୁ। ହାତ ଓ ମୁଣ୍ଡକୁ ଭୂମିରେ ରଖନ୍ତୁ। ଦୁଇ ହାତର ଆଙ୍ଗୁଠିକୁ ଏକାଠି କରନ୍ତୁ ଏବଂ ମୁଣ୍ଡକୁ ଦୁଇ ହାତ ମଝିରେ ରଖନ୍ତୁ। ଏହି ଅବସ୍ଥାରେ କିଛି ସମୟ ରହିବା ପରେ ମୂଳ ସ୍ଥିତିକୁ ଆସନ୍ତୁ।
ଭୁଜଙ୍ଗାସନ:
ଗୋଡ ଏବଂ ଶରୀରର ଯନ୍ତ୍ରଣାରୁ ମୁକ୍ତି ପାଇଁ ଭୁଜଙ୍ଗାସନ ବହୁତ ଲାଭଦାୟକ। ଏହି ଆସନ କରିବା ପାଇଁ ପେଟ ଉପରେ ଶୋଇ ପଡନ୍ତୁ। ଉଭୟ ଗୋଡ ମଧ୍ୟରେ ଅଳ୍ପ ଦୂରତା ରଖନ୍ତୁ ଏବଂ ଗଭୀର ଶ୍ୱାସ ନେଇ ଅଣ୍ଟା ଠାରୁ ଉଠାନ୍ତୁ। ଏହି ସମୟରେ କାନ୍ଧକୁ ସିଧା ରଖନ୍ତୁ।
