LIVE TV
ପ୍ରାୟତଃ ସବୁ ଚାକିରି ସାକ୍ଷାତକାରରେ ନିଯୁକ୍ତିଦାତା ଆପଣଙ୍କୁ ପଚାରିଥିବା ପ୍ରଥମ ପ୍ରଶ୍ନ ହେଉଛି, “ନିଜ ବିଷୟରେ ଆମକୁ କିଛି କୁହନ୍ତୁ?” ଏହି ପ୍ରଶ୍ନର ଉତ୍ତର ଦେବାକୁ ହେଲେ ନିଜକୁ ଏକ ପ୍ରକାର ରିଜ୍ୟୁମ ବୁଝିବାର ଅଛି। ଅବଶ୍ୟ, ଏହା ଆପଣଙ୍କ ପାଇଁ ଏକ ସରଳ ପ୍ରଶ୍ନ ପରି ମନେହେଉଥିବ, କିନ୍ତୁ ଏହାର ଉତ୍ତର ହିଁ ଆପଣଙ୍କ ଚାକିରିକୁ ପକ୍କା କରିପାରେ।
ଏପରି ପରିସ୍ଥିତିରେ, କିଛି ଆଡୁସାଡୁ କହିବା ପରିବର୍ତ୍ତେ, ଏକ ସ୍ପଷ୍ଟ, ସଂକ୍ଷିପ୍ତ କାହାଣୀ ଉପରେ ଧ୍ୟାନ ଦିଅନ୍ତୁ ଯାହା ଆପଣଙ୍କର ଦକ୍ଷତାକୁ ପ୍ରମାଣିତ କରିପାରିବ। ତେଣୁ, ନିଯୁକ୍ତିଦାତାଙ୍କର ଧ୍ୟାନକୁ ଆକର୍ଷଣ କରିବା ପାଇଁ ଦୁଇ ମିନିଟ୍ରୁ କମ୍ ସମୟ ମଧ୍ୟରେ ଆପଣଙ୍କର ଉତ୍ତର ଉପସ୍ଥାପନ କରିବା ଜରୁରୀ।
Also Read
ଅଧିକ ପଢ଼ନ୍ତୁ: ଆପଣ ନୂଆ ନୂଆ ସାକ୍ଷାତକାର ସାମ୍ନା କରୁଛନ୍ତି କି; ଜାଣନ୍ତୁ ପାଞ୍ଚଟି ପ୍ରଶ୍ନ ଓ ଉତ୍ତର
ନୂତନ ଭୂମିକାକୁ ନେଇ ପ୍ରସ୍ତୁତି:
ଯଦି ଆପଣ କୌଣସି ଏକ ସାକ୍ଷାତକାରରେ ଯୋଗଦେବାକୁ ଯାଉଛନ୍ତି, ତେବେ ଆପଣଙ୍କର କାର୍ଯ୍ୟ ଅଭିଜ୍ଞତା ବିଷୟରେ କହିବା ପରିବର୍ତ୍ତେ ନୂତନ ଭୂମିକାକୁ ନେଇ ଆପଣଙ୍କର ଉତ୍ତର ପ୍ରସ୍ତୁତ କରିବା ଦରକାର। ଆପଣ ଯେଉଁ ପଦବୀ ପାଇଁ ସାକ୍ଷାତକାର ଦେଉଛନ୍ତି ସେହି ପଦବୀ ସହ ଜଡିତ ଅତୀତର ସଫଳତା, ଦକ୍ଷତା ଏବଂ କ୍ଷମତା ବିଷୟରେ କୁହନ୍ତୁ।
ନିଜର ପୁରୁଣା ଭୂମିକା ସହିତ ମେଳ ଖାଉଥିବା ଏକ ଚାକିରି ବିଷୟରେ କହି ଆପଣ ପରିଚାଳକଙ୍କ ଦୃଷ୍ଟି ଆକର୍ଷଣ କରିପାରିବେ। ଏହା ତାଙ୍କୁ ବୁଝିବାରେ ସାହାଯ୍ୟ ହେବ ଯେ ଆପଣଙ୍କ ପାଖରେ ଏହି ଭୂମିକା ପାଇଁ ପ୍ରାସଙ୍ଗିକ କାର୍ଯ୍ୟ ଅଭିଜ୍ଞତା ଅଛି।
ଚାକିରି ପରିବର୍ତ୍ତନ କରିବାର ସ୍ପଷ୍ଟ କାରଣ:
ଯଦି ଆପଣ ମଧ୍ୟ ସେହି ପ୍ରଫେସନାଲ୍ମାନଙ୍କ ମଧ୍ୟରୁ ଜଣେ ଯିଏ ବାରମ୍ବାର ଚାକିରି ବଦଳାନ୍ତି, ତେବେ ପୂରା ଆତ୍ମବିଶ୍ୱାସ ସହିତ ଏଭଳି କରିବା ପଛର ସ୍ପଷ୍ଟ କାରଣ ଶେୟାର କରନ୍ତୁ। ଯଦି ବି ପୂର୍ବ ଚାକିରିରେ ଖରାପ ପ୍ରଦର୍ଶନ କାରଣରୁ ଆପଣଙ୍କୁ ଚାକିରିରୁ ବାହାର କରାଯାଇଥିବ ତେବେ ଏହାକୁ ସିଧାସଳଙ୍କ ନ କହି ଏକ ସକରାତ୍ମକ ଦିଗରେ ଉପସ୍ଥାପନ କରନ୍ତୁ।
ସାକ୍ଷାତକାରରେ, ସେହି କାରଣ ବିଷୟରେ ମଧ୍ୟ କୁହନ୍ତୁ, ଯେଉଁ ଆଧାରରେ ଆପଣ ପୂର୍ବ ଚାକିରି ପାଇଁ ନିଯୁକ୍ତି ପାଇଥିଲେ। ଏହା କରିବା ଦ୍ୱାରା ମ୍ୟାନେଜର ଆପଣଙ୍କର ପ୍ରଫେସନାଲ୍ ପ୍ରତିଷ୍ଠା ବିଷୟରେ ଜାଣିପାରିବେ। ଏଥିସହ, ଯଦି ଆପଣ କ୍ୟାରିୟରରେ ପରିବର୍ତ୍ତନ କରିଛନ୍ତି, ତେବେ ଏହି ପରିବର୍ତ୍ତନ ଆପଣଙ୍କ ପାଇଁ ଏକ ରଣନୀତିକ ପଦକ୍ଷେପ ବୋଲି କିପରି ପ୍ରମାଣ କରୁଛି ତାହା ମଧ୍ୟ କୁହନ୍ତୁ।
ବିଶିଷ୍ଟ ମୂଲ୍ୟ ବିଷୟରେ ସୂଚନା:
ଯଦି ଆପଣ ଏକ ଭଲ ସଂଗଠନରେ କାମ କରିବାକୁ ଚାହାଁନ୍ତି, ତେବେ ଆପଣ ଅନ୍ୟ ପ୍ରାର୍ଥୀଙ୍କ ଅପେକ୍ଷା ନିଜକୁ କିପରି ଭଲ ଭାବରେ ଉପସ୍ଥାପନ କରିବେ ତାହା ଜଣେଇବା ଉଚିତ। ସାକ୍ଷାତକାରରେ ଆପଣ ମ୍ୟାନେଜରଙ୍କ ସାମ୍ନାରେ ସେହିସବୁ କୌଶଳ, ଅଭିଜ୍ଞତା ଏବଂ ଦୃଷ୍ଟିକୋଣଗୁଡିକ ମଧ୍ୟ ଶେୟାର କରିପାରିବେ ଯାହାକୁ ଆପଣ ଗ୍ରହଣ କରି ନୂତନ ଭୂମିକାରେ ଆପଣ ଯୋଗଦାନ କରିପାରିବେ।
ଏହା ମଧ୍ୟ ଆପଣଙ୍କ ମୂଲ୍ୟ ଏବଂ ସୃଜନଶୀଳତାକୁ ପ୍ରଦର୍ଶନ କରିପାରିବ। ଉଦାହରଣ ସ୍ୱରୂପ, ଯଦି ଆପଣ ସାମ୍ବାଦିକତା ପରି ଏକ ସୃଜନଶୀଳ କ୍ଷେତ୍ରରୁ ମାର୍କେଟିଂରେ କ୍ୟାରିୟର କରିବାକୁ ଚିନ୍ତା କରୁଛନ୍ତି, ତେବେ ସାକ୍ଷାତକାରରେ କୌଶଳ ଏବଂ ଅଭିଜ୍ଞତା ବିଷୟରେ କଥାବାର୍ତ୍ତା କରନ୍ତୁ ଯାହା ମାର୍କେଟିଂ କ୍ୟାରିୟରରେ ଭଲ ଫଳାଫଳ ଆଣିପାରେ।
ଅଧିକ ପଢ଼ନ୍ତୁ: ସାକ୍ଷାତକାର ସମୟରେ କେବେ ବି କରନ୍ତୁ ନାହିଁ ଏହି ଭୁଲ୍, ହାତକୁ ଆସିଥିବା ଚାକିରି ଚାଲିଯିବ
