News from Odisha

<p>କେନ୍ଦୁଝର: କେନ୍ଦୁଝର ଦୁର୍ଗା ମନ୍ଦିରରୁ ଚୋରି। ଗତକାଲି ରାତିରେ ବସଷ୍ଟାଣ୍ଡ ନିକଟରେ ଥିବା ଦୁର୍ଗା ମନ୍ଦିରର କବାଟ ଭାଙ୍ଗି ଲକ୍ଷାଧିକ ଟଙ୍କାର ଅଳଙ୍କାର ଚୋରି ହୋଇଥିବା&nbsp;ନେଇ ଥାନାରେ ଅଭିଯୋଗ ହୋଇଛି।<br /> &lt;p&gt;&lt;/p&gt;</p> <p>ଦୁର୍ବୃତ୍ତମାନେ ମନ୍ଦିରରୁ ବହୁ ସୁନା ଅଳଙ୍କାର ସମେତ&nbsp; ୫ଟି ରୂପା ମୁକୁଟ ମଧ୍ୟ ଚୋରି କରି ନେଇଛନ୍ତି। &nbsp;ଏହାସହ ମନ୍ଦିର ହୁଣ୍ଡି ଭାଙ୍ଗି ନଗଦ ଟଙ୍କା ମଧ୍ୟ ଚୋରି କରି ନେଇଥିବା ଅଭିଯୋଗ ହୋଇଛି। ଏନେଇ କେନ୍ଦୁଝର ଟାଉନ ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି।</p>

<p>ଭୁବନେଶ୍ୱର: ଗୁଣାତ୍ମକ ଶିକ୍ଷା ନାଁରେ ଶିକ୍ଷକମାନଙ୍କ ଯୋଗ୍ୟତା କମାଇବା ପାଇଁ ଚକ୍ରାନ୍ତ କରାଯାଉଛି।&nbsp; ଏହାସହିତ ସମସ୍ତ ଉଚ୍ଚପ୍ରାଥମିକ ବିଦ୍ୟାଳୟରେ ଟିଜିଟି ଶିକ୍ଷକ ବଦଳରେ ସିଟି ଶିକ୍ଷକଙ୍କୁ ନିଯୁକ୍ତି ଦେବା ପାଇଁ ସରକାର ଯୋଜନା କରୁଛନ୍ତି ବୋଲି ଅଭିଯୋଗ କରିଛି ମିଳିତ ବି.ଏଡ. ଶିକ୍ଷକ ମହାସଂଘ।</p> <p>ଆଦର୍ଶ ବିଦ୍ୟାଳୟ ଓ ସମସ୍ତ ହାଇସ୍କୁଲରେ ଟିଜିଟି ସ୍କେଲରେ ସରକାର ଦରମା ଦେଉଥିବା ବେଳେ ଉଚ୍ଚପ୍ରାଥମିକ ବିଦ୍ୟାଳୟର ଟିଜିଟି ଶିକ୍ଷକଙ୍କୁ ଟିଜିଟି ସ୍କେଲ ଦିଆଯାଉନି ବୋଲି ଅଭିଯୋଗ କରିଛି ମହାସଂଘ।<br /> &lt;p&gt;&lt;/p&gt;</p> <p>ତେଣୁ ସମାନ କାମକୁ ସମାନ ଦରମା ପ୍ରଦାନ ଦାବି ଉଠାଇଛି ସଂଘ।&nbsp; ନହେଲେ ଆସନ୍ତା ବିଧାନସଭା ଅଧିବେଶନ ସମୟରେ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି ମହାସଂଘ। ଅନ୍ୟପକ୍ଷରେ ସଂଘର ଏଭଳି ଅଭିଯୋଗ ନେଇ ବିଭାଗୀୟ ମନ୍ତ୍ରୀଙ୍କ କୌଣସି ପ୍ରତିକ୍ରିୟା ମିଳିପାରିନି।</p>

<p>ନୂଆପଡ଼ା: ନୂଆପଡ଼ା ଜିଲ୍ଲା ସୁନାବେଡା ଅଭୟାରଣ୍ୟର ବଡଝୋଲା ଜଙ୍ଗଲରେ ଏସଓଜି ଓ ମାଓବାଦୀଙ୍କ ମଧ୍ୟରେ ଗତକାଲି ଗୁଳି ବିନିମୟ ହୋଇଛି ଏଥିସହ କମ୍ବିଂ ବେଳେ ବୋମା ବିସ୍ଫୋରଣ ହେବା ଯୋଗୁ ଦୁଇ ଏସଓଜି ଯବାନ ଆହତ ହୋଇଛନ୍ତି।</p> <p>ସେମାନଙ୍କୁ ଚିକିତ୍ସା ନିମନ୍ତେ ନୂଆପଡା ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି।&nbsp; ଏସଓଜିର ୧୬ ନମ୍ବର ଟିମ୍ ପକ୍ଷରୁ କମ୍ବିଂ ଅପରେସନ ଜାରି ରହିଥିଲା। ଏହି ସମୟରେ ବଡଝୋଲା ଜଙ୍ଗଲରେ ମାଓବାଦୀ ଓ ଯବାନ ମୁହାଁମୁହିଁ ହୋଇଥିଲେ।&nbsp; ମାଓବାଦୀଙ୍କ ଗୁଳିର ପାଲଟା ଜବାବ ଦେଇଥିଲେ ଯବାନ।<br /> &lt;p&gt;&lt;/p&gt;</p> <p>ମାଓବାଦୀ ଛତ୍ରଭଙ୍ଗ ଦେଇଥିବା ବେଳେ ସେଠାରୁ ମାଓ ପୋଷାକ, ବହୁ ପରିମାଣର ଗୁଳି, ଔଷଧ ଆଦି ଜବତ କରାଯିବା ସହ କମ୍ବିଂ ଅପରେସନକୁ ଜୋରଦାର କରାଯାଇଛି।</p>

<p>ଭୁବନେଶ୍ୱର: ଭୁବନେଶ୍ୱର ଏମ୍ସରେ ପଢ଼ୁଥିବା କାଶ୍ମୀର ଛାତ୍ର ସୋହେଲଙ୍କର ଏଯାଏଁ କୌଣସି ପତ୍ତା ମିଳିପାରିନାହିଁ। ଶେଷରେ ପୁଅକୁ ଖୋଜିବାକୁ ପରିବାର ଲୋକ ପୋଲିସର ସହାୟତା ଲୋଡିଛନ୍ତି ।</p> <p>ସୋହେଲ ଏକ ବାହାଘର ଉତ୍ସବରେ ଯୋଗ ଦେବାକୁ ଯାଉଥିବା କଥା ନିଜ ସହପାଠୀଙ୍କୁ କହିଥିଲେ ଓ ୧୭ରେ ଫେରିବେ ବୋଲି ମଧ୍ୟ ସୂଚନା ବି ଦେଇଥିଲେ।&nbsp; ତେବେ ୧୭ରେ ନଫେରିବାରୁ ୧୮ ତାରିଖରେ ଖଣ୍ଡଗିରି ଥାନାରେ ଏମ୍ସ କର୍ତ୍ତୃପକ୍ଷ&nbsp; ଏତଲା ଦାୟର କରିଥିଲେ।</p> <p>ଅନ୍ୟପକ୍ଷରେ, ପୋଲିସ ସୋହେଲଙ୍କ ରୁମରୁ ଏକ ହାତଲେଖା ଚିଠି ଜବତ କରିଛି। ଏଥିରେ &lsquo;&lt;strong&gt;ଆଇ କୁଇଟ୍, ଥ୍ୟାଙ୍କସ ଟୁ ଅଲ୍&lt;/strong&gt;&rsquo; ଲେଖାଯାଇଥିବା ପୋଲିସ ସୂଚନା ଦେଇଛି। ସେହିପରି ସୋହେଲଙ୍କ ଫୋନ ଶେଷଥର ପାଇଁ ଗତ ୧୦ ତାରିଖରେ ପଶ୍ଚିମବଙ୍ଗ ହାଓ୍ୱଡ଼ାରେ ଟ୍ରାକ୍ ହୋଇଥିବା ପୋଲିସ କହିଛି।<br /> &lt;p&gt;&lt;/p&gt;</p> <p>କୁହାଯାଉଛି ଯେ, ସୋହେଲ ଗତ ପରୀକ୍ଷାରେ ଖରାପ କରିଥିଲେ। ସେପଟେ ସୋହେଲଙ୍କ ଘର କୁପଓ୍ୱାରା ଜିଲ୍ଲା ବି ଅତି ଆତଙ୍କବାଦ ପ୍ରବଣ&nbsp; ତେଣୁ ତାଙ୍କ ରହସ୍ୟମୟ ନିଖୋଜ ପଛରେ ଏସବୁର କିଛି ଲିଙ୍କ ରହିଛି କି? ତାକୁ ନେଇ ବି ପ୍ରଶ୍ନ ଉଠିଛି।</p> <p>ଜାମ୍ମୁ ଓ କାଶ୍ମୀରର କୁପଓ୍ୱାଡ଼ା ଜିଲ୍ଲାର ସୋହେଲ ୨୦୧୬ରୁ ଭୁବନେଶ୍ୱର ଏମ୍ସରେ ପଢୁଥିଲେ।&nbsp; ତେବେ ଗତ ୯ ତାରିଖରୁ ତାଙ୍କର ପତ୍ତା ମିଳୁନାହିଁ&nbsp; ଯାହାକୁ ନେଇ କଳ୍ପନାଜଳ୍ପନା ପ୍ରକାଶ ପାଇଛି।</p>

<p>କଟକ: ବଲାଙ୍ଗିର ଜିଲ୍ଲା ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାରେ ଆହତ ବୋହୂ ରୀନାରାଣୀ ସାହୁଙ୍କ ଅବସ୍ଥା ସଙ୍କଟାପନ୍ନ ହେବାଫଳରେ ତାଙ୍କୁ ଆଜି ବୁର୍ଲାରୁ&nbsp; କଟକ ଏସ୍&zwnj;ସିବିକୁ ସ୍ଥାନାନ୍ତର କରାଯାଇଛି।<br /> &lt;p&gt;&lt;/p&gt;</p> <p>ତାଙ୍କ ଶରୀରର ୩୫ ପ୍ରତିଶତ ପୋଡ଼ି ଯାଇଛି। ତାଙ୍କ ସହିତ ତାଙ୍କ ଭାଇ ରାକେଶ ସାହୁ ବି ଆସିଛନ୍ତି। ରାକେଶ କହିଛନ୍ତି ଯେ ତାଙ୍କର କିମ୍ବା ରୀନାଙ୍କ ଶାଶୂ ଘର ଲୋକଙ୍କ ସହିତ କାହାରି ଶତ୍ରୁତା ନାହିଁ।</p>

<p>ପାରାଦୀପ: ପାରାଦୀପରେ ଏବେ ବାର୍ଡ ଫ୍ଲ୍ୟୁ ଆତଙ୍କ। ଗତ&nbsp; କିଛି ଦିନ ହେବ ଏହି ଅଞ୍ଚଳରେ କାଉ ମଡକ ଦେଖାଯାଇଥିବା ବେଳେ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିଲା।</p> <p>ତେବେ ଗତକାଲି ପରୀକ୍ଷା ରିପୋର୍ଟରେ ବାର୍ଡ ଫ୍ଲ୍ୟୁ ହୋଇଥିବା ନେଇ ଜଣାପଡିବା ପରେ ବ୍ୟବସାୟୀଙ୍କ ମଧ୍ୟରେ ଛନକା ପଶିଛି। ଜିଲ୍ଲା ପ୍ରଶାସନ ପକ୍ଷରୁ ଏକ ବୈଠକରେ ଆଲୋଚନା ପରେ ପ୍ରତିଷେଧକ ମୂଳକ ବ୍ୟବସ୍ଥା ଗ୍ରହଣ କରାଯାଉଛି।</p> <p>ଅନ୍ୟପକ୍ଷରେ, ପାରାଦୀପ ବାସିଙ୍କୁ ଚିକେନ, ଅଣ୍ଡା ଆଦି ଖାଇବାକୁ ବାରଣ କରାଯାଇଛି।&nbsp; ବର୍ତ୍ତମାନ ବିବାହ ଋତୁ ଚାଲିଥିବାରୁ କୁକୁଡା ବ୍ୟବସାୟୀମାନେ ଅଧିକ ମାତ୍ରାରେ କୁକୁଡା ସଂଗ୍ରହ କରି ରଖିଛନ୍ତି&nbsp; ତେଣୁ ବ୍ୟବସାୟରେ କ୍ଷତିଗ୍ରସ୍ତ ହେବା ନେଇ ଆଶଙ୍କା କରିଛନ୍ତି ବ୍ୟବସାୟୀ।</p> <p>ଏପଟେ ପାରାଦୀପ ପୌର ପରିଷଦରେ ଲୋକଙ୍କୁ ସଚେତନ କରାଯିବା ସହ ଆବଶ୍ୟକ ପଡିଲେ ଚିକେନ ଦୋକାନଗୁଡିକ ସିଲ କରିଦିଆଯିବ ବୋଲି କହିଛନ୍ତି ପୌରାଧ୍ୟକ୍ଷ।</p>

<p>କଟକ: କଟକର ଏକ ଆବାସିକ ବିଦ୍ୟାଳୟର ପରିତ୍ୟକ୍ତ ଘରୁ ୪ କୋମଳମତି ଶିଶୁଙ୍କୁ ଉଦ୍ଧାର କରାଯାଇଛି। ବିଡାନାସୀସ୍ଥିତ ଗୋଦାବରୀଶ ସନ୍ଥ ସଂସ୍କୃତ ବିଦ୍ୟାଳୟ ଓ ଶିଶୁ ସନ୍ଥ ଯୋଗଭିତ୍ତିତ୍ତିକ ଆବାସିକ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରୁ ଏହି ଶିଶୁମାନଙ୍କୁ ଉଦ୍ଧାର କରାଯାଇଛି।</p> <p>&amp;nbsp;<br /> &lt;p&gt;&lt;/p&gt;<br /> ପିଲାମାନଙ୍କୁ ଯେଉଁ ଘରେ ରଖାଯାଇଥିଲା ତାହା ଏକ ପରିତ୍ୟକ୍ତ ସ୍କୁଲ ଘର। କେଉଁ ମୂହୁର୍ତ୍ତରେ ଯେ ଭୁଷୁଡି ପଡିବ ତାହା କହିହେବ ନାହିଁ&nbsp; ଘରେ ବିଦ୍ୟୁତ ସଂଯୋଗ ମଧ୍ୟ ନଥିଲା।&nbsp; ତୁରନ୍ତ ଏହି ପିଲାମାନଙ୍କୁ ଉଦ୍ଧାର କରିବାକୁ ସ୍ଥାନୀୟ ଲୋକେ ଦାବି କରିଥିଲେ। &nbsp;ଏହାପରେ ଶିକ୍ଷା ବିଭାଗ ଡିଇଓ, ଶିଶୁ କଲ୍ୟାଣ ସମିତିର ଅଧ୍ୟକ୍ଷ ଏବଂ ଚାଇଲ୍ଡ ଲାଇନ କର୍ମକର୍ତ୍ତା ପହଞ୍ଚି ଏହି ଶିଶୁମାନଙ୍କୁ ଉଦ୍ଧାର କରିଥିଲେ। ଉଦ୍ଧାର ପିଲାମାନଙ୍କ ମଧ୍ୟରୁ ୩ଜଣ ପୁଅ ଓ ଜଣେ ଝିଅ।&nbsp; ତେବେ ଏହି ପିଲାମାନେ କିଏ, କେଉଁଠୁ ଅସିଛନ୍ତି ଓ ତାଙ୍କୁ ଏଠାରେ କିଏ ରଖିଥିଲା, ସେ ସଂପର୍କରେ ସ୍ପଷ୍ଟ ହୋଇ ନଥିବାବେଳେ ସ୍କୁଲର ପ୍ରଧାନଶିକ୍ଷକ ମଧ୍ୟ ଅନୁପସ୍ଥିତ ଅଛନ୍ତି&nbsp; ତେଣୁ ସ୍କୁଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନି।</p> <p>&amp;nbsp;</p>

<p>କେନ୍ଦୁଝର: କେନ୍ଦୁଝର କାଞ୍ଜିପାଣି ଘାଟିରେ ଶନିବାର ବିଳମ୍ବିତ ରାତିରେ ଏକ ମର୍ମନ୍ତୁଦ ବସ୍ ଦୁର୍ଘଟଣାରେ ୨୫ରୁ ଅଧିକ ଆହତ ହୋଇଛନ୍ତି। ଆହତମାନଙ୍କ ମଧ୍ୟରେ ଶିଶୁ ଅଛନ୍ତି।</p> <p>ସାଇ ବାବା ନାମକ ବସଟି &nbsp;ଟାଟାରୁ ଅନୁଗୁଳ ଯାଉଥିଲା ବେଳେ କୌଣସି କାରଣରୁ ଭାରସାମ୍ୟ ହରାଇ ତଳକୁ ଖସିପଡିଥିଲା।&nbsp; ଆହତମାନଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ତେଲକୋଇ କମ୍ୟୁନିଟି ହେଲଥ୍ ସେଣ୍ଟର (ସିଏଚସି)ରେ ଭର୍ତ୍ତି କରାଯବା ସହ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।</p>

<p>ନୟାଗଡ: ନୟାଗଡ଼ ଗାୟତ୍ରୀ କଲୋନୀରେ ଏକ କୂଅରୁ&nbsp; ଜଣେ ବାଳକର ମୃତଦେହ ଉଦ୍ଧାର କରାଯାଇଛି। &nbsp;ବାଳକର ନାଁ ଆଶୁତୋଷ ସ୍ୱାଇଁ। ଗତ ତିନି ଦିନ ହେବ ଆଶୁତୋଷ ନିଖୋଜ ଥିଲେ।<br /> &lt;p&gt;&lt;/p&gt;</p> <p>ଆଶୁତୋଷଙ୍କ ମାଆଙ୍କ ପୂର୍ବରୁ ମୃତ୍ୟୁ ଘଟିଥିବା ବେଳେ ତାଙ୍କ ବାପା&nbsp; ବାହାରେ ଚାକିରି କରୁଛନ୍ତି। ସେ ତାଙ୍କ ଜେଜେ ମାଆ ଓ ଜେଜେ ବାପାଙ୍କ ପାଖରେ ରଖୁଥିଲେ। କେହି ଦୁର୍ବୃତ୍ତ ଆଶୁତୋଷଙ୍କୁ ହତ୍ୟା କରି କୂଅରେ ଫିଙ୍ଗି ଦେଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି।</p>

<p>ବରଗଡ: ବିଜେପୁର ନିର୍ବାଚନର ଠିକ୍ ପୂର୍ବରୁ ରାଜନୈତିକ ହିଂସା ଦେଖାଦେଇଛି। ଗତକାଲି ବିଳମ୍ବିତ ରାତିରେ ଶ୍ରମ ମନ୍ତ୍ରୀ ସୁଶାନ୍ତ ସିଂଙ୍କ ଭାଇ ସୁବ୍ରତ ସିଂଙ୍କୁ କିଛି ଦୁର୍ବୃତ୍ତ ବରଗଡ଼ ଜିଲ୍ଲା ସୋହେଲା ବ୍ଲକ୍ ବନାବିରା ଠାରେ ଅତର୍କିତ ଆକ୍ରମଣ କରିଥିଲେ। ଏହି ଆକ୍ରମଣରେ ସୁବ୍ରତଙ୍କ ସମେତ ୪ଜଣ ଆହତ ହୋଇଛନ୍ତି।</p> <p>ସୁବ୍ରତ ଓ ଅନ୍ୟ ତିନି ଜଣ ଏକ ଚାରିଚକିଆ ଗାଡ଼ିରେ ଯାଉଥିବାବେଳେ ହଠାତ୍ ଦୁର୍ବୃତ୍ତ ମାନେ ସେମାନଙ୍କ ଉପରକୁ ଆକ୍ରମଣ କରିବା ସହ ଗାଡ଼ି ଭଙ୍ଗାରୁଜା କରିଥିଲେ। ଆହତ ୪ଜଣଙ୍କୁ ପ୍ରଥମେ ସୋହେଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ବୁର୍ଲା ମେଡିକାଲ୍&zwnj;କୁ ସ୍ଥାନାନ୍ତର କରାଯାଇଛି।&nbsp; ବୁର୍ଲାରେ ସେମାନଙ୍କ ଚିକିତ୍ସା ଜାରି ରହିଛି। ଆହତ ୪ଜଣଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ରହିଛି।&nbsp; ଅନ୍ୟ ୩ ଆହତ ହେଲେ କାର୍ତ୍ତିକ ନାଗ, ମାଜି ସାହୁ ଓ ଖଗେଶ୍ୱର ମହାମଲ୍ଲିକ।&nbsp; ଆକ୍ରମଣ ସମୟରେ ଦୁର୍ବୃତ୍ତମାନେ ସେମାନଙ୍କ ଉପରକୁ ଗୁଳି ଚଳାଇଥିବା କୁହାଯାଉଛି।</p> <p>ତେବେ କାହିଁକି, କେଉଁ କାରଣରୁ ଏବଂ କେଉଁମାନେ ଆକ୍ରମଣ କରିଛନ୍ତି ସେନେଇ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ। &nbsp;ପୋଲିସ ଏହି ଘଟଣାରେ ୩ଜଣଙ୍କୁ ଅଟକ ରଖି ତଦନ୍ତ ଜାରି କରିବା ସହ ଘଟଣାସ୍ଥଳରୁ ଗୋଟିଏ ଅଫୁଟା ଗୁଳି ସହ ୨ଟି ଖୋକା ଜବତ କରିଛି।</p> <p>ଅନ୍ୟପକ୍ଷରେ, ଏହି ଆକ୍ରମଣ ପଛରେ ବିଜେପି କର୍ମୀଙ୍କ ହାତ ରହିଥିବା ବିଜେଡି ମୁଖପାତ୍ର&nbsp; ପ୍ରତାପ ଦେବ ଅଙ୍ଗୁଳି ନିର୍ଦ୍ଦେଶ କରିଛନ୍ତି। କାଲି ସାମ୍ୱାଦିକ ସମ୍ମିଳନୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୁଶାନ୍ତ ସିଂହଙ୍କୁ ଟାର୍ଗେଟ କରିଥିଲେ। ବିଜେପି ଔଷଧ ବିକଳରେ ତାଟିଆ କାମୁଡୁଛି। ବିଜେପୁରରେ ପରାଜୟ ଭୟରେ ବିଜେପି ଏପରି କରିଛି ବୋଲି ପ୍ରତାପ ଅଭିଯୋଗ କରିଛନ୍ତି।</p>

<p>&lt;p style=&quot;text-align: justify;&quot;&gt;&lt;strong&gt;ଧର୍ମଗଡ଼ : &lt;/strong&gt;କଳାହାଣ୍ଡି ଜିଲ୍ଲା ଧର୍ମଗଡ଼ରେ ଘଟିଛି ଏକ ଅଭାବନୀୟ ଘଟଣା । ବ୍ୟାଣ୍ଡପାର୍ଟି ଗାଡ଼ିକୁ ଧକ୍କା ଦେଇଛି ଟ୍ରକ୍ । ଧର୍ମଗଡ଼ ୨୬ ନଂ ଜାତୀୟ ରାଜପଥର କାଲୋପଲା ନିକଟରେ ଟ୍ରକ୍-ପିକ୍ଅପ୍ ଭ୍ୟାନ୍ ଧକ୍କା ହୋଇଛି ।&lt;/p&gt;<br /> &lt;p style=&quot;text-align: justify;&quot;&gt;ମିଳିଥିବା ସୂଚନାନୁସାରେ, ଏଥିରେ ୨ ଜଣଙ୍କ ମୃତ୍ୟୁ ହୋଇଛି । ଭ୍ୟାନ୍&zwnj;ରେ ଥିବା ସମସ୍ତ ମୃତାହତ ଏକ ବ୍ୟାଣ୍ଡପାର୍ଟି ଦଳର । ଜୁନାଗଡ଼ର ଏକ ବାହାଘର ପ୍ରୋସେସନ୍ ସାରି ସେମାନେ ଜୟପାଟଣା ଫେରୁଥିଲେ । ୨୪ ଜଣ ଅାହତଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ରହିଛି । ଏବଂ ସେମାନଙ୍କୁ ଭବାନୀପାଟଣା ମେଡିକାଲକୁ ସ୍ଥାନାନ୍ତର କରାଯାଇଛି ।&lt;/p&gt;</p>

<p>&lt;strong&gt;ବିଜେପୁର :&lt;/strong&gt;&nbsp;ବିଜେଡି କର୍ମୀଙ୍କ ମାଡ଼ ଅଭିଯୋଗରେ ବିଜେପୁର ଥାନା ଘେରାଉ କରିଛି ବିଜେପି । ମନ୍ତ୍ରୀ ସୁଶାନ୍ତ ସିଂଙ୍କ ଉପସ୍ଥିତିରେ ବିଜେପି କର୍ମୀଙ୍କୁ ମାଡ଼ ହୋଉଥିବାର ଅଭିଯୋଗ ହୋଇଛି ।</p> <p>ମନ୍ତ୍ରୀ ସୁଶାନ୍ତ ସିଂ ନିଜେ ବିଜେପି କର୍ମୀଙ୍କୁ ମାଡ଼ ମାରିଥିବାର ଅଭିଯୋଗ କରାଯାଇଛି । &nbsp;ଏହାର ପ୍ରତିବାଦ କରି ମନ୍ତ୍ରୀ ସୁଶାନ୍ତ ସିଂହଙ୍କୁ ଗିରଫ କରିବା ଦାବିରେ ଥାନା ଘେରାଉ କରିଛନ୍ତି&nbsp; ବିଜେପି କର୍ମୀ । ବର୍ତ୍ତମାନ ସୁଦ୍ଧା ବିଜେପି କର୍ମୀଙ୍କ ଅାନ୍ଦୋଳନ ଜାରି ରହିଥିବା ସୂଚନା ମିଳିଛି ।</p> <p>&amp;nbsp;</p>

<p>ଭୁବନେଶ୍ୱର: ସ୍ୱଦେଶୀ ନିର୍ମିତ ଇଣ୍ଟରମିଡିଏଟ୍ ରେଞ୍ଜ ବାଲିଷ୍ଟିକ ମିସାଇଲ ଅଗ୍ନି-୨ ଆଜି ଭଦ୍ରକ ଧାମରା ସ୍ଥିତ ଅବଦୁଲ୍ କଲାମ ଦ୍ୱୀପରୁ ବ୍ୟବହାରିକ ପରୀକ୍ଷଣ କରାଯାଇଛି। ଭୂପୃଷ୍ଠରୁ ଭୂପୃଷ୍ଠକୁ ନିକ୍ଷେପ ହେଉଥିବା ଏହି କ୍ଷେପଣାସ୍ତ୍ର ଆଜି ସକାଳ ୮ ଟା ୩୮ ମିନିଟ୍ ସମୟରେ ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜର ଲଞ୍ଚ କମ୍ପ୍ଲେକ୍ସ-୪ରୁ ଉତକ୍ଷେପଣ କରାଯାଇଥିଲା। ସୂଚନାନୁଯାୟୀ, ଏହି ବ୍ୟବହାରିକ ପରୀକ୍ଷଣ ଭାରତୀୟ ସେନାର ଷ୍ଟ୍ରାଟେଜିକ ଫୋର୍ସେସ କମାଣ୍ଡ (ଏସଏଫସି) ଦ୍ୱାରା କରାଯାଇଛି। ତେବେ ଅଗ୍ନି-୨ ମିସାଇଲ ଏହାପୂର୍ବରୁ ଭାରତୀୟ ସେନାରେ ସାମିଲ ହୋଇସାରିଛି। ୨ ଟି ଇଞ୍ଜିନରେ ପରିଚାଳିତ ଏହି କ୍ଷେପଣାସ୍ତ୍ରର ଲମ୍ବ ୨୦ ମିଟର ଓ ଓଜନ ୧୭ ଟନ୍ ଓ ଏହା ୧୦୦୦ କିଲୋଗ୍ରାମ ପର୍ଯ୍ୟନ୍ତ ଯୁଦ୍ଧାସ୍ତ୍ର ବହନ କ୍ଷମତା ରହିଛି। ଏଥିସହ ଏହି କ୍ଷେପଣାସ୍ତ୍ର ୨୦୦୦ କିଲୋମିଟର ପର୍ଯ୍ୟନ୍ତ&nbsp; ଲକ୍ଷ୍ୟଭେଦ କ୍ଷମତା ରହିଛି।</p>

<p>ବରଗଡ଼: ପୁଣି ଜଣେ ଚାଷୀ ଆତ୍ମହତ୍ୟାର ଖବର ସାମ୍ନାକୁ ଆସିଛି। ବିଜେପୁର ଉପନିର୍ବାଚନ ଲାଗି ସେଠାରେ ରାଜନୈତିକ ମହୋତ୍ସବ ଲାଗି ରହିଥିବା ବେଳେ ଏଭଳି ଖବର ଶୁଣିବାକୁ ମିଳିଛି। ମୃତ ଚାଷୀ ଜଣକ ହେଲେ ଗାଇସିଲଟ ବ୍ଲକ ନୂଆପାଲ୍ଲୀ ଗାଁର ଖେମସାଗର ବିଶ୍ୱାଳ। ଫସଲହାନୀ ଓ ଋଣ ଭାର ଯୋଗୁଁ ସେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।</p> <p>ଖେମସାଗର ଗତ ୧୫ ତାରିଖ ଦିନ ବିଷ ପିଇ ଦେଇଥିଲେ। ଗତକାଲି ରାତିରେ ତାଙ୍କର ମୃତ୍ୟୁ ହୋଇଥିଲା। ପରିବାର ଲୋକଙ୍କ ଅଭିଯୋଗ ହେଉଛି ଯେ ଖେମସାଗର ଝିଅ ବାହାଘର ପାଇଁ ମହାଜନୀ ଋଣ ଆଣିଥିଲେ, କିନ୍ତୁ କ୍ରମାଗତ ଭାବେ ୩ ବର୍ଷ ଧରି ଫସଲହାନୀ ହେବା ପରେ ଋଣ ଶୁଝି ନପାରିବାରୁ ଚାପରେ ପଡ଼ି ସେ ଆତ୍ମହତ୍ୟା କରିଛନ୍ତି। ତେବେ ଏନେଇ ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ। ଏହି ଘଟଣା ପରେ ମୃତ ଚାଷୀଙ୍କ ପରିବାରକୁ ଭେଟିଛନ୍ତି ପିସିସି ସଭାପତି ପ୍ରସାଦ ହରିଚନ୍ଦନ। ଗାଁକୁ ଯାଇ ସ୍ଥିତିର ଅନୁଧ୍ୟାନ କରିବା ସହ ପରିବାର ଲୋକଙ୍କୁ ଭେଟି ସେ ସାନ୍ତ୍ୱନା ଜଣାଇଛନ୍ତି।</p>

<p>ଢେଙ୍କାନାଳ: ପାରିବାରିକ କଳହର କରୁଣ ପରିଣତି ଉପୁଜିଛି। କଳିଝଗଡ଼ା ଲାଗି ଗୋଟିଏ ପରିବାରର ୪ ଜଣ ସଦସ୍ୟ ନିଆଁରେ ପୋଡ଼ି ଆହତ ହୋଇଛନ୍ତି। ଢେଙ୍କାନାଳର ଲକ୍ଷ୍ମୀବଜାର ଅଞ୍ଚଳରେ ଏଭଳି ଅଭାବନୀୟ ଘଟଣା ଘଟିଛି।&nbsp; ଅଭିଯୋଗ ଅନୁଯାୟୀ ଶାଶୂ ଓ ବୋହୂ ମଧ୍ୟରେ ପ୍ରଥମେ ଝଗଡ଼ା ଲାଗିଥିଲା। ପରେ ତାହା ଉଗ୍ରରୂପ ନେଇଥିଲା। କିରୋସିନ ଫିଙ୍ଗାଫିଙ୍ଗି ହୋଇ ଶାଶୂ, ବୋହୂ ଓ ପୁଅ ଆହତ ହୋଇଛନ୍ତି। ସେମାନଙ୍କ ସହିତ ୮ମାସର ଶିଶୁ କନ୍ୟା ମଧ୍ୟ ଆହତ ହୋଇଛି।&nbsp; ସମସ୍ତଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।</p>

<p>ମାଲକାନଗିରି: ୩ ଜଣ କ୍ୟାଡର୍ ମହିଳା ମାଓବାଦୀଙ୍କୁ ଗିରଫ କରିଛି ମାଲକାନଗିରି ପୋଲିସ। ଗିରଫ ମାଓବାଦୀଙ୍କ ମଧ୍ୟରୁ ଜଣେ ଏରିଆ କମାଣ୍ଡର ଏବଂ ଅନ୍ୟ ଦୁଇ ଜଣ ଏରିଆ କମିଟି ମେମ୍ବର ବୋଲି ଜଣାପଡ଼ିଛି। ଏରିଆ କମାଣ୍ଡର ହେଲେ ଯୋଗୀ କବାସୀ ଓ କମିଟି ମେମ୍ବର ହେଲେ ଇଡ୍&zwnj;ମେ ମାଣ୍ଡବୀ ଏବଂ ଜାମଲୀ କୁରାମୀ। ପୂର୍ବରୁ ଯୋଗୀ କବାସୀଙ୍କୁ ଧରାଇଦେବାକୁ ୪ ଲକ୍ଷ ଟଙ୍କାର ପୁରସ୍କାର ରାଶି ଥିବାବେଳେ ଅନ୍ୟ ୨ ଜଣଙ୍କ ପାଇଁ ଏକ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା।</p> <p>ତୁଳସୀ ପାହାଡ଼ରେ ମାଓ ଶିବିର ଥିବା ସୂଚନା ପାଇ ମାଲକାନଗିରି ପୋଲିସ ଅପରେସନ କରିଥିଲା। ଏସ୍&zwnj;ପିଙ୍କ ନେତୃତ୍ୱରେ ହୋଇଥିବା ଏହି ଅପରେସନରେ ଏସ୍ଓଜି ଏବଂ ଡିଭିଏଫ୍ ବାହିନୀ ସାମିଲ୍ ହୋଇଥିଲେ। ତେବେ ସୁରକ୍ଷାକର୍ମୀଙ୍କୁ ଦେଖି ମାଓବାଦୀମାନେ ଚମ୍ପଟ ମାରିଥିବା ବେଳେ ପୋଲିସ୍&zwnj; ଏହି ୩ ଜଣଙ୍କୁ ଗିରଫ କରିଛି।</p>

<p>ଭୁବନେଶ୍ୱର&lt;strong&gt;:&lt;/strong&gt; ଓଡ଼ିଶା କ୍ୟାଡରର ୫ଜଣ ନୂଆ ଆଇପିଏସ୍ଙ୍କୁ ନିଯୁକ୍ତି ଦିଆଯାଇଛି। ଏନେଇ ବିଜ୍ଞପ୍ତି ପ୍ରକାଶ କରିଛି ଗୃହ ବିଭାଗ। ବିଜ୍ଞପ୍ତି ଅନୁସାରେ ପଦ୍ମିନୀ ସାହୁଙ୍କୁ ବ୍ରହ୍ମପୁର ଏସ୍&zwnj;ଡିପିଓ ଭାବେ ନିଯୁକ୍ତି ଦିଆଯାଇଛି। ସେହିପରି ଶର୍ବଣା ବିବେକ.ଏମ୍&zwnj;ଙ୍କୁ ମାଲକାନଗିରି ଏସ୍&zwnj;ଡିପିଓ, କୁଶାଲକର ନୀତିନ ଡାଗଡୁଙ୍କୁ ବାଲିଗୁଡ଼ା ଏସ୍&zwnj;ଡିପିଓ, ପ୍ରତ୍ୟୁଷ ଦିବାକରଙ୍କୁ ଜୟପୁର ଏସ୍&zwnj;ଡିପିଓ ଓ ରାହୁଲ ଜୈନଙ୍କୁ ବଡ଼ବିଲ ଏସ୍&zwnj;ଡିପିଓ ଭାବେ ନିଯୁକ୍ତି ଦିଆଯାଇଛି। ଏହି ସମସ୍ତ ଆଇପିଏସ୍&zwnj; ଅଫିସର ହଉଛନ୍ତି ୨୦୧୫ ବ୍ୟାଚ୍&zwnj;ର।</p>

<p>&lt;strong&gt;ଭୁବନେଶ୍ୱର:&lt;/strong&gt; ତିନି ଦିନ ଧରି ହାତୀ ଆତଙ୍କ ପରେ ଶାନ୍ତିରେ ନିଶ୍ୱାସ ମାରିଛନ୍ତି ଖଣ୍ଡଗିରି ଓ ଆଖପାଖ ଅଞ୍ଚଳର ଲୋକେ। ହାତୀ ଘଉଡ଼ାଇବାରେ ଲାଗିଥିବା ବନ ବିଭାଗ ଶେଷରେ ସଫଳ ହୋଇଛି। ଆତଙ୍କ ଖେଳାଉଥିବା ଦନ୍ତା ହାତୀ ଶନିବାର ରାତିରେ ଭୁବନେଶ୍ୱର ଛାଡ଼ି ଚାଲିଯାଇଛି। ହାତୀଟି ଗତକାଲି ରାତି ପ୍ରାୟ ୧୧ଟା ବେଳେ ଜୟଦେବ ବାଟିକାରୁ ବାହାରିଥିଲା। ସେ ଘାଟିକିଆ ଗହିର ପରେ ଶ୍ୟାମପୁର ନୂଆ ଗାଁ ଦେଇ ସହର ସୀମା ଛାଡ଼ିଥିବା ଜଣା ପଡ଼ିଛି।</p> <p>ହାତୀଟି ତିନିଦିନ ଧରି ଖଣ୍ଡଗିରି ଓ ଆଖପାଖ ଅଞ୍ଚଳରେ ଆତଙ୍କ ଖେଲାଇଥିଲା। OUATର ଉଦ୍ୟାନ ବିଭାଗ ଫାର୍ମରେ ଦୁଇ ଦିନ ଧରି ଉପଦ୍ରବ କରିବା ପରେ ଜୟଦେବ ବାଟିକାରେ ପଶିଯାଇଥିଲା। ହାତୀ ଘଉଡ଼ାଇବାକୁ ଚେଷ୍ଚା କରି ତିନି ଜଣ ଲୋକ ଆହତ ହୋଇଥିଲେ। ହାତୀ ସହର ଛାଡ଼ିଥିବାର ଖବର ଶୁଣିବା ପରେ ଲୋକମାନଙ୍କୁ ଆଶ୍ୱସ୍ତି ମିଳିଛି।</p>

<p>&lt;strong&gt;କଳାହାଣ୍ଡି :&lt;/strong&gt; ଭବାନୀପାଟଣାରେ ଘଟିଛି ଏକ ଅଭାବନୀୟ ଘଟଣା । ବରଯାତ୍ରୀ ଗାଡି ହୋଇଛି ଦୁର୍ଘଟଣା ଗସ୍ତ । ଏଥିରେ ୨ ଜଣଙ୍କ ମୃତ୍ୟୁ ହେବା ସହ ୫ ଜଣ ଗୁରୁତର ଅଛନ୍ତି। ମୃତକଙ୍କ ମଧ୍ୟରେ ବରର ବାପା ଓ ମାମୁଁ ଅଛନ୍ତି । ରାୟପୁରରୁ ବରଯାତ୍ରୀ ନେଇ ସ୍କର୍ପିଓ ଗାଡି&nbsp; ଭବାନୀପାଟଣା ଅାସୁଥିଲା। ଖଇରମାଲ ନିକଟରେ ପୋଲ ତଳକୁ&nbsp; ଗାଡିଟି ଖସିପଡିଥିଲା।</p> <p>&lt;strong&gt;ଏହାସହ ଦେଖନ୍ତୁ ଏହି ଭିଡିଓ -&lt;/strong&gt;</p>

<p>&lt;p style=&quot;text-align: justify;&quot;&gt;&lt;strong&gt;ବିଜେପୁର :&lt;/strong&gt; ବିଜେପୁର ଉପନିର୍ବାଚନ ପ୍ରଚାର ଚାଲିଥିବା ବେଳେ ପୁଣି ଜବତ ହେଲା ଟଙ୍କା । ଗତକାଲି ବରଗଡ଼ ଜିଲ୍ଲା ମହୁଲିପାଲି ଛକରୁ ଏକ କାରରୁ ୪୦ ଲକ୍ଷ ୫୦ ହଜାର ଟଙ୍କା ଜବତ ହୋଇଛି । ପଦ୍ମପୁର ପୋଲିସ ପକ୍ଷରୁ ମହୁଲିପାଲି ଚେକପୋଷ୍ଟରେ ଯାଞ୍ଚ ବେଳେ କାର ଡିକିରୁ ଏତେ ପରିମାଣର ଟଙ୍କା ଜବତ ହୋଇଛି ।&lt;/p&gt;<br /> &lt;p style=&quot;text-align: justify;&quot;&gt;&nbsp;ଗତକାଲି ରାତିରେ OR 17 G 1855 ନମ୍ବର ବିଶିଷ୍ଟ କାରଟି ପଦ୍ମପୁରରୁ ବିଜେପୁର ଅଭିମୁଖେ ଯାଉଥିଲା ତେବେ ପୋଲିସର ସନ୍ଦେହ ହେବାରୁ କାରଟିକୁ ଯାଞ୍ଚ୍ ବେଳେ ଏହି ଟଙ୍କା ଥିବା ଦେଖିବାକୁ ମିଳିଥିଲା । ଏହି କାର ଚଳାଉଥିବା କାରର ମାଲିକ ରାଜେଶ ଅଗ୍ରଓ୍ୱାଲଙ୍କୁ ପୋଲିସ ଅଟକ ରଖି ଅଧିକ ପଚରାଉଚରା କରୁଛି । ଜବତ ଟଙ୍କା ସମ୍ପର୍କରେ ରାଜେଶ ଠିକରେ ତଥ୍ୟ ଦେଇ ପାରିନଥିବା ପଦ୍ମପୁର ଏସଡିପିଓ କହିଛନ୍ତି ।&lt;/p&gt;<br /> &lt;p style=&quot;text-align: justify;&quot;&gt;ଏହା ପୂର୍ବରୁ ମଧ୍ୟ ଗତ ୧୪ ତାରିଖରେ ଗାଇସିଲେଟ୍ ଥାନା ତାଲପାଲି ଛକରୁ ୨ଟି କାରରୁ ୩ ଲକ୍ଷ ୨୦ ହଜାର ଟଙ୍କା ଜବତ ହୋଇଥିଲା ।&lt;/p&gt;<br /> ଏହାସହ ଦେଖନ୍ତୁ ଏହି ଭିଡିଓ -</p>

<p>ନୟାଗଡ଼: ଶନିବାର ଦିନ ଖଣ୍ଡପଡ଼ା ବାଣପୁର ନିକଟରେ ଏକ ପିକ୍&zwnj;ଅପ୍&zwnj; ଭ୍ୟାନ୍&zwnj; ଉପରକୁ ବୋମାମାଡ଼ ହୋଇଛି। ଦୁଇ ଛେଳି ବେପାରୀଙ୍କଠାରୁ ୩ ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ। ବୋମା ମାଡ଼ରେ ଦୁଇ ବେପାରୀ ଆହତ ହୋଇଛନ୍ତି। ଉଭୟ ବେପାରୀଙ୍କୁ ନୟାଗଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି। ଜଣଙ୍କର ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ଭୁବନେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।</p> <p>ଆହତ ବେପାରୀ ହେଲେ ୟୁସୁଫ ଖାନ୍&zwnj; ଓ ମୀର ନିଜାମୁଦ୍ଦିନ୍। ଏମାନେ ଛେଳି କିଣିବାକୁ ଭୁବନେଶ୍ୱରରୁ ଗଣିଆ ଦଶିପୁର ହାଟକୁ ଯାଉଥିଲେ। ଅପରାହ୍ନ ୪ ବେଳେ ତାଙ୍କୁ ଟାର୍ଗେଟ୍ କରିଥିଲେ ଦୁର୍ବୃତ୍ତ। ଖବର ଅନୁସାରେ ୮ରୁ ଦଶ ଜଣ ଦୁର୍ବୃତ୍ତ ପ୍ରଥମେ ଗାଡ଼ି ଉପରକୁ ବୋମା ମାଡ଼ କରିଥିଲେ। ପରେ ଧାରୁଆ ଅସ୍ତ୍ରରେ ୟୁସୁଫ &nbsp;ଓ ନିଜାମୁଦ୍ଦିନଙ୍କ ଉପରକୁ ଆକ୍ରମଣ କରିଥିଲେ। ୟୁସୁଫଙ୍କ ଅବସ୍ଥା ଗୁରୁତର ରହିଛି। ଖବର ପାଇ ପୋଲିସ ତନାଘନା ଆରମ୍ଭ କରିଛି।</p>

<p>&lt;p style=&quot;text-align: justify;&quot;&gt;&lt;strong&gt;ଗଞ୍ଜାମ :&lt;/strong&gt; ଗଞ୍ଜାମ ଜିଲ୍ଲା କବିସୂର୍ଯ୍ୟନଗରରେ ଭାଲୁ ଅାତଙ୍କ । କବିସୂର୍ଯ୍ୟନଗରର ବୋରସିଂ ଗାଁରେ ଭାଲୁ ଅାକ୍ରମଣରେ ଦେବରାଜ ନାୟକ ନାମକ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି ।&lt;/p&gt;<br /> &lt;p style=&quot;text-align: justify;&quot;&gt;ମିଳିଥିବା ସୂଚନା ଅନୁସାରେ , ବ୍ୟକ୍ତି ଜଣକ&nbsp;ପୋଖରୀରୁ ଗାଧୋଇ ଘରକୁ ଫେରୁଥିବା ବେଳେ ଏହି ଅଘଟଣ ଘଟିଛି । ପ୍ରଥମେ ଅାସିକା ଏବଂ ପରେ ଅବସ୍ଥା ସଂକଟାପନ୍ନ ହେବାରୁ ବ୍ରହ୍ମପୁର ବଡ ଡାକ୍ତରଖାନାରେ ଭର୍ତ୍ତି କରାଯାଇଛି । ତିନି ଦିନ ତଳେ ପାଇକ ଯମୁନା ଗ୍ରାମର ୨ଜଣଙ୍କୁ ଭାଲୁ ଅାକ୍ରମଣ କରିଥିଲା ।&lt;/p&gt;</p>

<p>&lt;p style=&quot;text-align: justify;&quot;&gt;&lt;strong&gt;ଭଦ୍ରକ :&lt;/strong&gt; ଭଦ୍ରକ ବାସୁଦେବପୁରରେ ଘଟିଛି ଅଭାବନୀୟ ଘଟଣା । ଜଗନ୍ନାଥପ୍ରସାଦ ଗାଁ ପୋଖରୀରୁ ୨ଜଣ ନାବାଳକଙ୍କ ମୃତଦେହ ଉଦ୍ଧାର କରାଯାଇଛି ।&lt;/p&gt;<br /> &lt;p style=&quot;text-align: justify;&quot;&gt;ଗତ ଶିବରାତ୍ରୀଠାରୁ ଉଭୟ ନାବାଳକ ନିଖୋଜ ଥିଲେ । ମୃତକ ଦୁଇ ନାବାଳକ ହେଲେ ଜଗନ୍ନାଥ ପ୍ରସାଦର କୁଳମଣି ବାରିକ ଓ ସରୋଜ ପାଢ଼ୀ । ତେବେ ସେମାନଙ୍କୁ କିଏ ହତ୍ୟା କରି ପୋଖରୀରେ ଫିଙ୍ଗି ଦେଇଛି ନା ପୋଖରୀରେ ବୁଡି ପ୍ରାଣ ହରାଇଛନ୍ତି ତାକୁ ନେଇ ସନ୍ଦେହ ଲାଗି ରହିଛି । ଏହି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି ।&lt;/p&gt;</p>

<p>&lt;strong&gt;ରାଉରକେଲା:&lt;/strong&gt; ରାଉରକେଲା ସିଭିଲ୍ ଟାଉନସିପ୍&zwnj; ଅଞ୍ଚଳରେ ଥିବା ଏକ ଘରୋଇ ହସ୍ପିଟାଲରେ ଅଗ୍ନିକାଣ୍ଡ ଘଟିଛି। ଆଜି ଭୋରରୁ ହସ୍ପିଟାଲର ଦ୍ୱିତୀୟ ମହଲାରେ ନିଆଁ ଲାଗିଥିଲା । ଫଳରେ ପୂରା ହସ୍ପିଟାଲ ଧୂଆଁରେ ଭର୍ତ୍ତି ହୋଇ ଯାଇଥିଲା। ସଙ୍ଗେ ସଙ୍ଗେ ସେଠାରେ ଥିବା ନବଜାତ ଶିଶୁଙ୍କୁ ଅନ୍ୟତ୍ର ସ୍ଥାନାନ୍ତର କରିବା ସହିତ ହସ୍ପିଟାଲ କର୍ତ୍ତୃପକ୍ଷ ନିଆଁକୁ ଆୟତ୍ତ କରିଛନ୍ତି।</p> <p>ଏହି ଅଗ୍ନିକାଣ୍ଡରେ ଏକ ୬ ଦିନର ଶିଶୁର ପ୍ରାୟ ୫୦ ପ୍ରତିଶତ ପୋଡ଼ିଯାଇଛି। ଗୁରୁତର ଅବସ୍ଥାରେ ତାକୁ ଆଇଜିଏଚ୍&zwnj;କୁ ସ୍ଥାନାନ୍ତର କରାଯାଇଛି। ଅଗ୍ନିକାଣ୍ଡର ପ୍ରକୃତ କାରଣ ଜଣା ପଡ଼ିନାହିଁ।</p>

ଭୁବନେଶ୍ୱର: ଏମ୍ସ ଭୁବନେଶ୍ୱର କାଶ୍ମୀରୀ ଛାତ୍ର ସୁହେଲ୍ ଅଜାଜ୍ ନିଖୋଜ ଘଟଣାର ତଦନ୍ତ କରି ତ୍ୱରିତ ପଦକ୍ଷେପ ନେବାକୁ ଜାମ୍ମୁ ଓ କାଶ୍ମୀର ମୁଖ୍ୟମନ୍ତ୍ରୀ ମେହବୁବା ମୁଫ୍ତିଙ୍କ ଅନୁରୋଧ। ମେହବୁବା ତାଙ୍କ ଟ୍ବିଟର୍ ଆକାଉଣ୍ଟରେ ଏ ନେଇ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟଙ୍କୁ ଅନୁରୋଧ କରିଛନ୍ତି। ଜାମ୍ମୁ ଓ କାଶ୍ମୀର କୁପୱାଡ଼ା ଜିଲ୍ଲାର ସୁହେଲ୍ ଅଜାଜ୍ ଫେବ୍ରୁୟାରୀ ୯ ପରଠୁ ତାଙ୍କ ପରିବାର କିମ୍ବା ସାଙ୍ଗସାଥିଙ୍କ ସହ କୌଣସି ଯୋଗାଯୋଗ କରିନଥିବା ଥାନାରେ […]