LIVE TV
ଆଜିକାଲି ପିଲାମାନଙ୍କ ଉପରେ ଶିକ୍ଷାର ଭାର ଯଥେଷ୍ଟ ବୃଦ୍ଧି ପାଇଛି, ତାହା ପୁଣି ବହୁ କମ ବୟସରୁ। ଏପରି ପରିସ୍ଥିତିରେ, ଯଦି ପିଲାମାନେ ପାଠ ପଢାରେ ଟିକେ ପଛରେ ପଡିଯାଆନ୍ତି କିମ୍ବା ପାଠ ମନେ ରୁହେନି ତେବେ ବାପାମାଆ ଗାଳିଦିଅନ୍ତି ନଚେତ ପିଟନ୍ତି।
ବାପାମାଆଙ୍କ ଏହି ଉପାୟ କିନ୍ତୁ ଠିକ୍ ନୁହେଁ। ଏହା ବେଳେବେଳେ ପିଲାମାନଙ୍କୁ ସଜାଡିବା ବଦଳରେ ବିଗାଡି ଦେଇଥାଏ। ତେବେ ଗାଳି କିମ୍ବା ମାରଧର ପରିବର୍ତ୍ତେ, ଶିକ୍ଷାଦାନର ଶୈଳୀକୁ ପରିବର୍ତ୍ତନ କରିଦେଲେ ଏହି ସମସ୍ୟାର ସମାଧାନ ହୋଇଯାଏ।
ଅଧିକ ପଢ଼ନ୍ତୁ: Parenting Tips: ପାଠ ପଢ଼ିବା ବେଳେ ଆପଣଙ୍କ ପିଲାର ମନ ଲାଗୁନି କି… ମାନନ୍ତୁ ଏହି ଟିପ୍ସ, ହେଇଯିବ ସମାଧାନ
Also Read
ପ୍ରଥମେ ପିଲାମାନଙ୍କ ମାନସିକ ସ୍ୱାସ୍ଥ୍ୟକୁ ଭଲ ରଖିବା ପାଇଁ ଉପାୟ ବାହାର କରିବା ଉଚିତ। ବାସ୍ତବରେ, ଆଖପାଖର ପରିବେଶ, ଖାଦ୍ୟ ଅଭ୍ୟାସ ବା ଜୀବନଶୈଳୀ ପିଲାମାନଙ୍କ ମାନସିକ ଅଭିବୃଦ୍ଧି ଉପରେ ବହୁତ ପ୍ରଭାବ ପକାଇଥାଏ। ଏପରି ପରିସ୍ଥିତିରେ, ଯଦି ଏମିତି କିଛି ଜିନିଷ ଉପରେ ଧ୍ୟାନ ଦିଆଯାଏ ତେବେ ପିଲାଙ୍କ ସ୍ମୃତିଶକ୍ତି ବୃଦ୍ଧି ପାଇଥାଏ। ଆସନ୍ତୁ ସେ ଉପାୟଗୁଡିକ ଜାଣିବା।
ପ୍ରଶ୍ନ ପଚାରିବାର ସ୍ୱାଧୀନତା:
ଅକ୍ସଫୋର୍ଡ ଲର୍ନିଂ ଅନୁଯାୟୀ, ଯଦି ପିଲାଙ୍କୁ ବିଷୟ ସମ୍ବନ୍ଧୀୟ ପ୍ରଶ୍ନ ପଚାରିବାକୁ ଉତ୍ସାହିତ କରାଯାଏ, ତେବେ ସେମାନେ ସବୁକିଛିକୁ ଉତ୍ତମ ଉପାୟରେ ବୁଝିବାକୁ ସକ୍ଷମ ହେବେ ଏବଂ ସେମାନଙ୍କ ପ୍ରଶ୍ନର ଉତ୍ତର ସବୁଦିନ ପାଇଁ ସେମାନଙ୍କ ସ୍ମୃତିରେ ରହିଯିବ।
ସଙ୍ଗୀତ ଦ୍ୱାରା ଶିକ୍ଷା:
ସଂଗୀତ ସାହାଯ୍ୟରେ ମଧ୍ୟ ପିଲାଙ୍କୁ ପାଠ ବୁଝାଯାଇପାରେ । ଉଦାହରଣ ସ୍ୱରୂପ, ଯଦି ପିଲାଙ୍କୁ କବିତା ଶୈଳୀରେ ସୂଚନା ଦିଆଯାଏ, ତେବେ ଏହା ସେମାନଙ୍କ ପାଇଁ ସହଜ ଏବଂ ମଜାଦାର ହୋଇଥାଏ। ଏହା ସେମାନଙ୍କ ମନରେ ରହିଯାଏ।
ଉତ୍ସାହ ପାଇଁ ବ୍ୟବସ୍ଥା:
ଯଦି ପିଲାମାନଙ୍କୁ ଏକ ବହି ତୁଳନାରେ ବ୍ୟବହାରିକ ଢଙ୍ଗରେ ପାଠକୁ ବ୍ୟାଖ୍ୟା କରାଯାଏ, ତେବେ ପିଲାମାନେ ସେହି ବିଷୟକୁ ସହଜରେ ବୁଝିବାରେ ସକ୍ଷମ ହୁଅନ୍ତି। ତେଣୁ, ଯଦି ସେମାନଙ୍କୁ ଏକ ଶିକ୍ଷଣୀୟ ଟ୍ରିପ୍ରେ ନେଇଯାଆନ୍ତି ଏବଂ ସଂଗ୍ରହାଳୟ, ଗ୍ୟାଲେରୀ ଇତ୍ୟାଦି ଉତ୍ସାହରେ ପରିପୂର୍ଣ୍ଣ ସ୍ଥାନଗୁଡିକ ପରିଦର୍ଶନ କରାନ୍ତି ତେବେ ଏହା ଭଲ ହୋଇଥାଏ।
ଅଧିକ ପଢ଼ନ୍ତୁ: Parenting Tips: ଆପଣଙ୍କ ପିଲା ଆପଣଙ୍କ କଥା ଶୁଣୁ ନାହାନ୍ତି… ଜାଣନ୍ତୁ ଆପଣଙ୍କ କେଉଁ ଭୁଲ୍ ପାଇଁ ଏମିତି ହୁଏ
ପ୍ରଶ୍ନ-ଉତ୍ତରରେ ଶିକ୍ଷା:
ଯେତେବେଳେ ବି ପିଲାଙ୍କୁ ଶିକ୍ଷା ଦିଆଯାଏ, ସେମାନଙ୍କୁ ପ୍ରଶ୍ନ କରିବା କିମ୍ବା ପ୍ରଶ୍ନ ପଚାରିବାକୁ ଉତ୍ସାହିତ କରିବା ଉଚିତ। ଯେତେବେଳେ ପିଲାମାନେ ପ୍ରଶ୍ନ ପଚାରନ୍ତି କିମ୍ବା ଉତ୍ତର ଦିଅନ୍ତି, ସେମାନଙ୍କର ମସ୍ତିଷ୍କ ଅଧିକ ସକ୍ରିୟ ଭାବରେ କାର୍ଯ୍ୟ କରେ ଏବଂ ସହଜରେ ମନେ ରହିଯାଏ।
ଶିକ୍ଷକ ହେବାକୁ ଉତ୍ସାହ ପ୍ରଦାନ:
ପିଲାମାନଙ୍କୁ ବେଳେବେଳେ ଶିକ୍ଷକ ହେବାକୁ ଦିଅନ୍ତୁ। ଯେତେବେଳେ ସେମାନେ ନିଜକୁ ଶିକ୍ଷକ ଭାବରେ ବିବେଚନା କରନ୍ତି ଏବଂ ଯେକୌଣସି ବିଷୟ ଉପରେ କଥାବାର୍ତ୍ତା କରନ୍ତି, ସେତେବେଳେ ସେମାନଙ୍କ ଧାରଣ ଭଲ ଭାବରେ କ୍ଲିୟର ହୋଇଥାଏ। ଯଦି ସେମାନେ କୌଣସି ପ୍ରସଙ୍ଗକୁ ନେଇ ଅଟକି ଯାଆନ୍ତି, ସେମାନଙ୍କୁ ଶୀଘ୍ର ରିଭାଇଜ୍ କରିବାର ସୁଯୋଗ ଦିଅନ୍ତୁ ଏବଂ ସେମାନଙ୍କୁ ପୁନର୍ବାର ଶିକ୍ଷାଦାନ କରିବାକୁ ଉତ୍ସାହିତ କରନ୍ତୁ।
