Latest Videos

ଜନ୍ମରୁ ହାତ ଅସଂପୂର୍ଣ୍ଣ ଥିବାରୁ ବାପା ମା ନାଆ ଦେଇଥିଲେ କାଳିଆ। ତଥାପି ହାର ମାନି ନାହାଁନ୍ତି ସେ । କାଳିଆ ସମସ୍ତଙ୍କ ଦୁଃଖ ବୁଝେ କିନ୍ତୁ କାଳିଆର ଦୁଃଖ କିଏ ବୁଝୁଛି…

ଯନ୍ତ୍ରଣା ଦେଉଛି ଦୂଷିତ ପାନୀୟ ଜଳ । ଗାଁରେ ଥିବା ଦୁଇଟି ନଳକୂଅରୁ ବାହାରୁଛି ଗୋଳିଆ ପାଣି। ଲୋକେ କିଡନୀ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ । ୧୦ ବର୍ଷରେ କିଡନୀ ରୋଗରେ ଗଲାଣି ଅନେକ ଲୋକଙ୍କ ଜୀବନ।

ମାର୍ଚ୍ଚ ଆରମ୍ଭରୁ କଫି ଗଛରେ ଫୁଲ ଧରିଲାଣି। ଏବର୍ଷ ଭଲ ଫୁଲ ଧରି ଥିବା ହେତୁ ଚାଷୀ ଖୁବ୍ ଉତ୍ସାହିତ ଅଛନ୍ତି। ହେଲେ ଚଳିତ ବର୍ଷ ହେଉଥିବା ତାପମାତ୍ରା ବୃଦ୍ଧି ଏବଂ ଆବଶ୍ୟକୀୟ ବର୍ଷା ହେଉ ନଥିବା ଯୋଗୁଁ ଏହି ଚାଷ ପ୍ରଭାବିତ ହେବ ବୋଲି କୃଷି ବୈଜ୍ଞାନିକ ମାନେ କହିଛନ୍ତି ।

କାଳ କାଳରୁ ବଣ ପାହାଡ଼ର ବନ୍ଧୁରତା ସହୁଥିବା ଖାଲିପାଦକୁ ଏବେ ଆରାମ ମିଳୁଛି । କମ୍ ଦରରେ ମୁଲାୟମ୍ ଚପଲ ପିନ୍ଧିବାକୁ ଆଦିବାସୀଙ୍କୁ ସୁଯୋଗ ମିଳିଛି । କୋରାପୁଟ ସେମିଳିଗୁଡ଼ା ଅଞ୍ଚଳର ଜଣେ ITI ପଢ଼ୁଆ ଯୁବକ ନିଜ ଗାଁରେ ମେସିନ୍ ପକାଇ, ନିଜ ଲୋକଙ୍କ ପାଇଁ ତିଆରି କରୁଛନ୍ତି ଶସ୍ତା ସୁନ୍ଦର ଚପଲ। 

ସରକାରୀ ସ୍କୁଲ୍ ରୂପାନ୍ତୀକରଣ ନାଁରେ ଯେଉଁ ଭୁରୁଡ଼ି ମାରୁଥିଲେ ରାଜ୍ୟ ସରକାର, ଧିରେ ଧିରେ ତାର ଅସଲ ରୂପ ପଦାକୁ ଆସୁଛି। 5T ନାଁରେ ଚୂନ ଏବଂ ରଙ୍ଗ ବୋଳି ଚଳାଇଥିବା ତୁଚ୍ଛା ଆତ୍ମପ୍ରଚାର ଧରାପଡ଼ିଛି। ଏହିକ୍ରମରେ ଏମିତି ଏକ ସ୍କୁଲର ଅଭାବନୀୟ ଦୃଶ୍ୟ ଦେଖାଉଛୁ, ବୋଧହୁଏ ପୂର୍ବରୁ ଆପଣ କେବେ ଦେଖିନଥିବେ। ମାତ୍ର ୨ଟି କ୍ଲାସରୁମରେ ଚାଲିଛି ୧୦ଟି ଶ୍ରେଣୀର ପାଠପଢ଼ା। 

ଦକ୍ଷିଣ ଓଡ଼ିଶାର ଅନ୍ୟତମ ଚର୍ଚ୍ଚିତ ବିଧାନସଭା ଆସନ ପାରଳାଖେମୁଣ୍ଡିରେ ଏଥର ହେବ ରୋଚକ ଲଢ଼େଇ। ଅଭିଜ୍ଞ ନେତା ତଥା ବର୍ତ୍ତମାନର ବିଧାୟକ କେ.ନାରାୟଣ ରାଓଙ୍କୁ ବିଜେପି ପୁଣି ଟିକେଟ୍ ଦେଇଥିବାବେଳେ ତାଙ୍କ ବିରୋଧରେ ବିଜେଡିରୁ ମଇଦାନକୁ ଓହ୍ଲାଇଛନ୍ତି ବିଜେଡିର ନବାଗତ ଚେହେରା ରୂପେଶ ପାଣିଗ୍ରାହୀ ଓ କଂଗ୍ରେସର ପ୍ରଶାସକରୁ ନେତା ସାଜିଥିବା ବିଜୟ ପଟ୍ଟନାୟକ। 

ଘୋଷଣା ହୋଇ ନଥିବା ପ୍ରାୟ ସବୁ ବିଧାନସଭା ଆସନରେ ବିଜେଡିର ବିଦ୍ରୋହ ତେଜୁଛି । ଆମଦାନୀ ନେତାଙ୍କୁ ବିରୋଧ କରୁଛନ୍ତି ଦଳୀୟ ନେତା ଓ କର୍ମୀ। ଆଉ କେଉଁଠି ବାହାର ନେତାଙ୍କୁ ଟିକେଟ ପ୍ରତ୍ୟାହାର ଦାବିରେ ଇସ୍ତଫା ଦେଲେଣି ନେତା। 

ବିରୋଧୀ ନେତାଙ୍କ ପାଇଁ ଏବେ ସାହାଣମେଲା ବିଜେଡି ଦରବାର। ଲଗାତର ଭାବେ ପାଞ୍ଚ ପାଞ୍ଚ ଥର ସରକାରରେ ଥିବା ବିଜେଡିକୁ ଘାରିଛି କି ହାରିବା ଭୟ ? କାରଣ ଦଳରେ ଯେତେବେଳେ ପୁଳା ପୁଳା ଆଶାୟୀ, ସେତେବେଳେ କାହିଁକି ବିଜେପି ଓ କଂଗ୍ରେସ ନେତା ଦଳକୁ ଆମଦାନୀ ହେଉଛନ୍ତି ।  

ଦେହରେ ହଳଦିଆ ବସ୍ତ୍ର ହାତରେ ଝୁଲ ମୁଠା, କାନ୍ଧରେ ବାନା ବାଡ଼ି ଧରି ଗାଁକୁ ଗାଁ ଖାଲି ପାଦରେ ଚାଲିଛନ୍ତି ବ୍ରତଧାରୀ ଦଣ୍ଡୁଆ । ତତଲା ଭୂଇଁ ଓ ଡହ ଡହ ଖରାକୁ ଖାତିର ନକରି ପରିବାରର ମଙ୍ଗଳ ଓ ସମାଜର ଶୁଭ ମନାସି ବାହାରିଛନ୍ତି ଦଣ୍ଡ ଯାତ୍ରାରେ । ଢୋଲ, ଘଣ୍ଟ, ମହୁରୀ ବାଦ୍ୟରେ ପ୍ରକମ୍ପିତ ହେଉଛି ପୁର ପଲ୍ଲୀ ।

ବିଶ୍ୱ ଧନୀ ତାଲିକାରେ ପଛରେ ପଡ଼ିଲେ ଏଲନ୍ ମସ୍କ । ମସ୍କଙ୍କୁ ପଛରେ ପକାଇ ଜୁକରବର୍ଗ ହେଲେ ବିଶ୍ୱର ତୃତୀୟ ଧନୀ । ୨୦୨୦ ପରଠାରୁ ପ୍ରଥମ ଥର ପାଇଁ ଜୁକରବର୍ଗ ସମ୍ପତ୍ତି ଦୃଷ୍ଟିରୁ ମସ୍କଙ୍କୁ ଅତିକ୍ରମ କରିଛନ୍ତି ।

ଦୋକାନ ଆଗରେ ଜନ ଗହଳି । କାନ୍ଧରେ ନୂଆ ବସ୍ତ୍ର ହାତରେ ଖାଇବା ପୁଡ଼ିଆ ଧରି ଜଣେ ଜଣେ ବାହାରକୁ ଆସୁଛନ୍ତି । ଆପଣ ଭାବୁଥିବେ ଏଠି କଣ ଚାଲିଛି । ନୂଆ ବସ୍ତ୍ର ଓ ଖାଦ୍ୟ ପୁଡ଼ିଆ ବଣ୍ଟା ହେଉଛି ନା କଣ ? ଏହାର ଉତ୍ତର ହଁ । କାରଣ ଏ ହେଉଛି କାସିମ ଚାଚାଙ୍କ ମୁକ୍ତ ହୋଟେଲ ।

ଲିଭ୍-ଇନରେ ରହୁଥିବା ବ୍ୟକ୍ତିଙ୍କ ପାଇଁ ସତର୍କତା । ଯଦି ଏପରି କିଛି ଭୁଲ୍ କରୁଛନ୍ତି ତ ଆପଣଙ୍କ ପାର୍ଟନରଙ୍କୁ ଦେବାକୁ ପଡ଼ିବ ଭରଣପୋଷଣ ଖର୍ଚ୍ଚ ।

ଗାଁରେ ବସୁଧା ଯୋଜନାରେ ପାଣିଟାଙ୍କି ବସିଛି l ହେଲେ ଘରେ ଘରେ ପହଞ୍ଚି ପାରୁନି ପିଇବା ପାଣି l ଖରାଦିନ ହୋଇଥିବା ବେଳେ ପାଣି ପାଇଁ ହନ୍ତସନ୍ତ ହେଉଛନ୍ତି ସାଧାରଣ ଲୋକେ l

ତତଲା କଡ଼େଇରେ ସିଝୁଛି ସାରା ଓଡ଼ିଶା। ଗୁଳୁଗୁଳିରେ ଦହଗଞ୍ଜ କରୁଛି, ଟାଣ ଖରାରେ ମୁଣ୍ଡ ଘୁରାଇ ଦେଉଛି। ଖାଲି ସେତିକି ନୁହେଁ, ଗତକାଲି ଗୋଟିଏ ଦିନରେ ୮ଜଣ ଅଂଶୁଘାତର ଶିକାର ହୋଇଛନ୍ତି ।

ପୁଣି ଦୁର୍ଘଟଣାଗ୍ରସ୍ତ ହେଲା ମୋ ବସ୍, ଆହତ ହେଲେ ପ୍ରାୟ ୨୦ ଜଣ ଯାତ୍ରୀ । ଭୁବନେଶ୍ବର ଉପକଣ୍ଠ ପିତାପଲ୍ଲୀଠାରେ ବସ୍ ରାସ୍ତାରୁ ଖସି ନାଳରେ ପଶିଯିବା ପଛରେ, ସାମ୍ନାକୁ ଆସୁଛି ଡ୍ରାଇଭରର ବେପରୁଆ ଗାଡ଼ି ଚାଳନା ଭଳି ସଂଗୀନ ଆରୋପ୍।

କେବେ ନିଜକୁ ସଚ୍ଚା କଂଗ୍ରେସିଆ କହୁଛନ୍ତି, ଆଉ କେବେ ୫ ଦଶନ୍ଧିର ସ୍ୱାଭିମାନ ନାଁରେ ଭାଷଣ ଝାଡୁଛନ୍ତି। ହେଲେ ନିର୍ବାଚନୀ ରାଜନୀତିରୁ ବିରାମ ନେଇଥିବା ବରିଷ୍ଠ କଂଗ୍ରେସ ନେତା ସୁର ରାଉତରାୟ କିନ୍ତୁ ପୁତ୍ରମୋହରେ ଦଳୀୟ ନୀତିନୈତିକତା ସବୁ ଯେପରି ଛାଡ଼ିଦେଇଛନ୍ତି।

୨୪ ମହାସଂଗ୍ରାମରେ ବଡ଼ ମୁଦ୍ଦା ହେବାକୁ ଯାଉଛି ଓଡ଼ିଆ ଅସ୍ମିତା। ବିଜେପିର ଶୀର୍ଷ ସ୍ତରର ନେତା ଏହି ପ୍ରସଙ୍ଗକୁ ବାରମ୍ବାର ଉଖାରି ଚାଲିଥିବାରୁ ଦଳ ଯୋଜନାବଦ୍ଧ ଭାବେ ବିଜେଡି ବିରୋଧରେ ଏହାକୁ ମୁଖ୍ୟ ଅସ୍ତ୍ର କରିବାକୁ ଯାଉଥିବା ସ୍ପଷ୍ଟ ହେଉଛି।

ମାପିଚୁପି ଟିକେଟ୍ ଘୋଷଣା କରୁଛି ବିଜେଡି। ଗୋଷ୍ଠୀ କନ୍ଦଳ ଓ ଦଳ ଡିଆଁ ଭୟ ଘାରିଛି ଶାସକ ଦଳକୁ। ଯେଉଁଥି ପାଇଁ ବିଜେଡି ଓ ବିଜେପି ଭିତରେ ଛକାପଞ୍ଝା ଆରମ୍ଭ ହୋଇଯାଇଛି। ରାଜ୍ୟର ପ୍ରାୟ ୧୮ ନିର୍ବାଚନ ମଣ୍ଡଳୀରେ ଉଭୟ ଦଳ ଏପର୍ଯ୍ୟନ୍ତ ଟିକେଟ ଘୋଷଣା କରିନାହାନ୍ତି।

ପୋଖରୀ ପୁନରୁଦ୍ଧାର ନାଁରେ ସାଂସଦ ପାଣ୍ଠିରୁ ହରିଲୁଟ୍ ।

କୂଳ ଖାଉଛି ବୈତରଣୀ । ନଦୀରେ ସୁରକ୍ଷା ବନ୍ଧର ନିର୍ମାଣ ନେଇ ନାଁ ଧରୁନି ପ୍ରଶାସନ । ଯାହାକୁ ନେଇ ତାତିଲେଣି ନଦୀ କୂଳିଆବାସୀ । ଆଉ କହିଲେଣି ନଦୀରେ ସୁରକ୍ଷା ବନ୍ଧ ନାହିଁ ତ ଭୋଟ୍ ନାହିଁ ।

ଦାମ୍ପତ୍ୟ ଜୀବନ ଆରମ୍ଭ କରିବା ପୂର୍ବରୁ ଠାକୁରଙ୍କ ପାଖରେ ଆଶୀର୍ବାଦ କାମନା କରୁଛନ୍ତି ଦମ୍ପତି । ହେ ଠାକୁର ଆମକୁ ସିନା ଦୃଷ୍ଟି ଶକ୍ତି ଦେଲନାହିଁ । କିନ୍ତୁ ସଂସାରର ଘନଘଟା ସହିବାର କ୍ଷମତା ଦିଅ ।

ଗାଁରେ ବସିଛି ମାଳମାଳ ୱାଟର ପୋଷ୍ଟ । କେଉଁଥିରେ ଟ୍ୟାପ ନାହିଁ ତ କେଉଁଠି ହୁଗୁଳି ଗଲାଣି ପାଇପ୍ । ଆଉ ଏପଟେ ଦେଖନ୍ତୁ କେମିତି ଚୁଆ ପାଣି ସଂଗ୍ରହ କରି ଘରକୁ ନେଇଛନ୍ତି ଲୋକେ ।

ପାଣି ଟୋପେ ପାଇଁ କେତେ ସଂଘର୍ଷ । ଜଣେ ଜଣେ କରି ଆସୁଛନ୍ତି ଆଉ କୁଣ୍ଡରୁ ପାଣି ନେଇଯାଉଛନ୍ତି । ସେ ପୁଣି ଗୋଳିଆ ପାଣି । ଏ ଦୃଶ୍ୟ ହେଉଛି କୋରାପୁଟ ଜିଲ୍ଲା ଲମତାପୁଟ ବ୍ଲକ ଜଳାହାଞ୍ଜର ଗାଁର ।

୨୪ ମହାସଂଗ୍ରାମ ପାଇଁ ପ୍ରାର୍ଥୀ ବଛା କସରତ୍ ଭିତରେ ପୂରା ସ୍ପଷ୍ଟ ହୋଇଯାଇଛି ବଲାଙ୍ଗିର ବିଧାନସଭା କ୍ଷେତ୍ରରେ ଲଢ଼େଇର ଚିତ୍ର। ଉଭୟ ବିଜେଡି ଓ କଂଗ୍ରେସ. ପୁରୁଣା ଚେହେରାଙ୍କ ଛାଇରେ ସେମାନଙ୍କ ଦାୟଦଙ୍କୁ ଏଥର ମୈଦାନକୁ ଛାଡ଼ିଛନ୍ତି, ତ ଏ ଦୁଇ ଦଳଙ୍କୁ ଟକ୍କର ଦେବାକୁ ଏଥର ବି ନୂଆ ମୁହଁଙ୍କୁ ପ୍ରାର୍ଥୀ କରିଛି ବିଜେପି।

ଅନ୍ଧ କରିଦେଲା ପୁତ୍ର ମୋହ। ପର ହୋଇଗଲା ନିଜ କଅଁଳ ଶିଶୁକନ୍ୟା। ସେହି କନ୍ୟାକୁ ଛାଡ଼ି ଶେଷରେ ଅନ୍ୟର ଶିଶୁପୁତ୍ରକୁ ମେଡ଼ିକାଲରୁ ନେଇଗଲେ ଦମ୍ପତ୍ତି। ସଭ୍ୟ ସମାଜକୁ ଲଜ୍ଜିତ କଲା ଭଳି ଏବଂ ପ୍ରତ୍ୟେକ ବାପା, ମା’ଙ୍କୁ ଭୟଭୀତ କଲା ଭଳି ଚାଞ୍ଚଲ୍ୟକର ଘଟଣା, ଆଜି ବାଲେଶ୍ବରରେ ଦୋହଲାଇ ଦେଇଛି। ତା’ସହ ମେଡ଼ିକାଲ୍ ପରିସରରେ ଢ଼ିଲା ସୁରକ୍ଷା ବ୍ୟବସ୍ଥାର ପୋଲ୍ ଖୋଲିଥିବାବେଳେ ଘଟଣାରେ ଅଭିଯୁକ୍ତ ଦମ୍ପତ୍ତିଙ୍କୁ ଗିରଫ କରିଛି ପୋଲିସ।