LIVE TV
ଘର ଭିତରେ ଆଲମାରି ରହିଛି । ଆଉ ଥାକସାରା ଧାଡି ଧାଡି ହୋଇ ବହି ଭର୍ତ୍ତି ହୋଇଛି । ବର୍ଷେ କି ଦୁଇ ବର୍ଷର ନୁହେଁ ବରଂ ବର୍ଷ ବର୍ଷ ଧରି ବହି ଗୁଡିକ ଥାକରେ ସାଉତା ହୋଇ ରହିଛି । ଆଉ ଅନେକ ଦିନ ହେବ ରହିଯିବାରୁ ବହିରେ ପ୍ରବଳ ମାତ୍ରାରେ ଧୂଳି ବି ଜମିଯାଇଛି । ତେବେ ବହି ଗୁଡିକୁ ଏମିତି ସାଇତି ରଖିଛନ୍ତି ଗଂଜାମ ସାନଖେମୁଣ୍ଡିର ଉଦୟ ନାଥ ହୋତା ।
ଏ ଦୃଶ୍ୟ ହେଉଛି ଉଦୟନାଥଙ୍କ ଲାଇବ୍ରେରୀ । ଯେଉଁଠି କାହିଁ କେତେ ବର୍ଷର ବହିକୁ ସାଇତାଯାଇଛି । ଇଏ ଏବେର ନୁହେଁ ବରଂ ୧୯୬୬ ମସିହାରୁ ସଂଗ୍ରହ କରାଯ।ଇଛି । ବିଭିନ୍ନ ଉପାଦେୟ ପୁସ୍ତକ, ଖବରକାଗଜର କଟିଂ ପିସ୍କୁ ଧଳା ପେପରରେ ଅଠା ଦ୍ୱାରା ଛପାଇ କରିଛନ୍ତି ହୋତା ସାର୍ କରିଛନ୍ତି ନିଜର ଏହି ସଂଗ୍ରହାଳୟ ।
Also Read
୫୬ ବର୍ଷ ହେଲାଣି ଗୋଟିଏ ପରେ ଗୋଟିଏ ବହିକୁ ସଂଗ୍ରହାଳୟରେ ସାଇତି ରଖିଛନ୍ତି ହୋତା ସାର୍ । ଆଉ ଲକ୍ଷ୍ୟ ରଖିଛନ୍ତି ଆଜିର ଯୁବପୀଢିଙ୍କ ପାଖରେ ସବୁ ତଥ୍ୟ ପହଞ୍ଚାଇବାର । ଗାଁରେ ଲୋକଙ୍କ ଜନ୍ମ ଠାରୁ ମୃତ୍ୟୁ, ଘଟଣ ଅଘଟଣା ଠାରୁ ଆରମ୍ଭ କରି ରାଜ୍ୟ, ଦେଶ-ବିଦେଶର ଘଟଣାବଳିକୁ ନିଜ ଦୁଇ ମହଲା କୋଠାରେ ରଖିଛନ୍ତି । ଆଉ ଗାଁର ଲୋକଙ୍କୁ ଯେତେବେଳେ ଯେଉଁ ବିଷୟରେ ଜାଣିବାକୁ ଇଚ୍ଛା ହୁଏ ବାସ୍ ହୋତା ସାର୍ଙ୍କ ଘରକୁ ସମସ୍ତେ ଦୌଡି ଆସନ୍ତି ଆଉ ତଥ୍ୟ ନେଇ ଘରକୁ ଫେରନ୍ତି।
ଉଦୟ ନାଥ ହୋତା, ସ୍ଥାନୀୟ ନୋଡ଼ାଲ ଉଚ୍ଚ ବିଦ୍ୟାଳୟର ପୂର୍ବତନ ପ୍ରଧାନଶିକ୍ଷକ । ପେଶା ସିନା ଶିକ୍ଷକ ହେଲେ ନିଶା ତାଙ୍କର ବହି ସଂଗ୍ରହ ଆଦି । ଆଉ ନିଜର ଇଚ୍ଛା ଶକ୍ତି ବଦଳରେ କରିପାରିଛନ୍ତି ଏହି ସଂଗ୍ରହାଳୟ। ପ୍ରଥମେ ପ୍ରଥମେ ହୋତା ସାର୍ଙ୍କ ଏହି କାର୍ଯ୍ୟକୁ ସମସ୍ତେ ନାପସନ୍ଦ କରୁଥିଲେ ହେଲେ ଆଜି ହୋତା ସାର୍ଙ୍କ ଲାଇବ୍ରେରୀରୁ ତଥ୍ୟ ଲାଗି ଲୋକଙ୍କର ଲାଗିଛି ଲମ୍ବା ଲାଇନ୍ । ଆଉ ସମସ୍ତଙ୍କ ମନରେ ଗୋଟିଏ କଥା । ଯଦି ତଥ୍ୟ ଦରକାର, ତେବେ ହୋତା ସାର୍ଙ୍କ ସଂଗ୍ରହାଳୟକୁ ଆସ ।
(ରିପୋର୍ଟ- ଗଞ୍ଜାମ ଏରେଣ୍ଡ୍ରାରୁ ଜଗନ୍ନାଥ ସାହୁ)
