୫ ବର୍ଷ ହେବ ନିଖୋଜ କୁକୁର ସହ ମାଲିକର ପ୍ରଥମ ଦେଖା : ସୋସିଆଲ ମିଡିଆରେ ଭାଇରାଲ ହେଲା ଭାବପ୍ରବଣ ଦୃଶ୍ୟ

ଘରକୁ ଫେରିଛି ହଜିଲା କୁକୁର । ନିଖୋଜ କୁକୁରର ୫ ବର୍ଷ ପରେ ପତ୍ତା ମିଳିଛି । ମାଲିକ ପାଖକୁ ଫେରିଆସିଛି ପୋଷା କୁକୁର । ତେବେ ସେହି ସମୟର ଦୃଶ୍ୟ ଦେଖି ସମସ୍ତେ ଭାବପ୍ରବଣ ହୋଇଯାଉଛନ୍ତି । ନିକଟରେ ସୋସିଆଲ୍‌ ମିଡିଆରେ ଏପରି ଏକ ଭିଡିଓ ଭାଇରାଲ୍‌ ହୋଇଛି । ଭାଇରାଲ୍‌ ଭିଡିଓରେ ୫ ବର୍ଷ ଧରି ଅଲଗା ହୋଇଥିବା ଏକ କୁକୁର ମାଲିକକୁ ଭେଟୁଥିବା ଦେଖିବାକୁ ମିଳିଛି। ସତରେ ଏସମ୍ପର୍କ ଖୁବ ନିଆରା ।

ଗୁଡ୍‌ନିଉଜ୍‌ ମୁଭ୍‌ମେଣ୍ଟର ଟ୍ବିଟର୍‌ ପେଜ୍‌ରେ ଏ ଭିଡିଓଟି ସେୟାର ହୋଇଛି। ଭିଡିଓରେ ଏ କୁକୁରର ମାଲିକାଣୀ ପ୍ରତି ଥିବା ଭାବ ପ୍ରବଣତାକୁ ଦେଖିଲେ ଆପଣଙ୍କ ଆଖି ଛଳ ଛଳ ହୋଇଯିବ। ମହିଳା ଜଣକ ଦୀର୍ଘ ୫ ବର୍ଷ ପରେ ନିଜର ପୋଷା କୁକୁରକୁ ଦେଖିବା ପରେ ଖୁସିରେ ଆତ୍ମ ବିଭୋର ହୋଇ ଯାଇଛନ୍ତି। ଆଉ କୁକୁର ମଧ୍ୟ ମହିଳା ଭଲ ପାଇବାକୁ ବୁଝି ଯାଇଛି।

Dog and owners are reunited after 5 years apart. This dog was stolen and family thought they'd never see dog again. pic.twitter.com/MBYZz52uCN

— GoodNewsMovement (@GoodNewsMoveme3) April 11, 2022

ସୋସିଆଲ ମିଡିଆର ଏହି ଭିଡିଓଟି ଆଜି ସୁଦ୍ଧା ୧୦ ଲକ୍ଷ ଭିୟୁ ହୋଇ ସାରିଲାଣି । କୁହାଯାଉଛି, ଏହି କୁକୁରଟିକୁ ୫ ବର୍ଷ ତଳେ କେହି ଜଣେ ଚୋରି କରି ନେଇ ଯାଇଥିଲେ । ପରିବାର ଲୋକ ବହୁ ଖୋଜା ଖୋଜି କରିବା ପରେ ପୁଣି ଥରେ ନିଜ କୁକୁରକୁ ଫେରି ପ‌ାଇଥିଲେ । ପଶୁମାନଙ୍କ ମଧ୍ୟରେ କୁକୁର ହେଉଛି ବେଶୀ ବିଶ୍ୱସ୍ତ। ସେଥି ପାଇଁ ଅଧିକାଂଶ ଲୋକ କୁକୁର ପାଳିବାକୁ ପସନ୍ଦ କରିଥାନ୍ତି।