LIVE TV
ଏକ ଅନୁସନ୍ଧାନରୁ ଜଣାପଡିଛି ଯେ ଯେତେବେଳେ ଆମେ ପିଲାମାନଙ୍କୁ ଘର କାମ କରିବାକୁ ଅନୁମତି ଦେଇଥାଉ କିମ୍ବା ସେମାନେ କୌଣସି ଜରୁରୀ କାମକୁ କରିବା ଆରମ୍ଭ କରନ୍ତି, ଏହା ସେମାନଙ୍କର ଆତ୍ମ ସମ୍ମାନକୁ ବଢାଇଦେଇଥାଏ। ଏହିସବୁ ଛୋଟ ଛୋଟ କାମ ସେମାନଙ୍କ ବ୍ୟକ୍ତିତ୍ୱରେ ଚମତ୍କାର ଆଣିଥାଏ। ଏହା ମଧ୍ୟ ସେମାନଙ୍କ ପାଖରେ ଟିମ୍ ୱାର୍କ କରିବାର ଭାବନାକୁ ଜାଗ୍ରତ କରେ।
ଏକ ସୂଚନା ଅନୁଯାୟୀ ଯେତେବେଳେ ପିଲାମାନେ ପିଲାଦିନରୁ ଘରର ଦାୟିତ୍ୱ ବୁଝିବା ଆରମ୍ଭ କରନ୍ତି ଏବଂ କାମରେ ସାହାଯ୍ୟ କରିବାକୁ ଶିଖନ୍ତି, ସେତେବେଳେ ଏହି ଅଭ୍ୟାସ ବଡ଼ ହେବା ପରେ ମଧ୍ୟ ସେମାନଙ୍କ ଉପରେ ପ୍ରଭାବ ପକାଏ ଏବଂ ସେମାନଙ୍କ ଉପକାର କରିଥାଏ। ଏହିପରି ପିଲାମାନେ ଟିମ୍ ୱାର୍କରେ ମାହିର ହୋଇଯାଆନ୍ତି ଏବଂ ସେମାନଙ୍କର ଆତ୍ମ ସମ୍ମାନ ବଢିଯାଏ। ସେମାନେ ମଧ୍ୟ ନିଜ ପାଇଁ ଗର୍ବ ଅନୁଭବ କରନ୍ତି।
ଘରର କାମ କରିବା ସେମାନଙ୍କ ମଧ୍ୟରେ ଲିଙ୍ଗଗତ ସମାନତା ବଢାଇଥାଏ ଏବଂ ସେମାନେ କାମର ଭାର ବାଣ୍ଟିବାକୁ ଶିଖନ୍ତି। ଏହି ସମସ୍ତ ଜିନିଷ ସେମାଙ୍କ ବ୍ୟକ୍ତିତ୍ୱର ଉନ୍ନତି ଏବଂ ଆତ୍ମସମ୍ମାନ ପାଇବାରେ ସାହାଯ୍ୟ କରେ। ପିଲାମାନଙ୍କୁ ଘର କାମ କରିବା ଏବଂ ନୂଆ ଜିନିଷ ଶିଖିବା ଦ୍ୱାରା, ସେମାନଙ୍କ ଅନ୍ୟାନ୍ୟ ଅନେକ କୌଶଳ ମଧ୍ୟ ଦ୍ରୁତ ଗତିରେ ବିକାଶ ହୁଏ।
Also Read
ଯଦି ଆପଣ ୫ ବର୍ଷ ପରେ ନିଜ ପିଲାଙ୍କୁ ସେମାନଙ୍କ ବୟସ ଅନୁସାରେ କାମ ଦିଅନ୍ତି, ତେବେ ସେମାନେ କାମ ଶେଷ କରିବାର ଗୁରୁତ୍ୱକୁ ଅନୁଭବ କରନ୍ତି ଏବଂ ସେମାନେ କାମକୁ ଅସମ୍ପୂର୍ଣ୍ଣ କରିବା ବନ୍ଦ କରନ୍ତି। ଏହା ମଧ୍ୟ ସେମାନଙ୍କର ଧୈର୍ଯ୍ୟ ଶକ୍ତିକୁ ବଢାଇଥାଏ ଏବଂ ସେମାନେ ଘରେ ଏବଂ ଶିକ୍ଷାନୁଷ୍ଠାନରେ ଦାୟିତ୍ୱପୂର୍ଣ୍ଣ ଭାବରେ କାମ କରନ୍ତି।
ଯେତେବେଳେ ସେମାନେ ଘରେ କୌଣସି ଜିନିଷ ସଫା କରିବା ଶିଖନ୍ତି, ଧୂଳି ସଫା କରନ୍ତି ଏବଂ ଜିନିଷଗୁଡ଼ିକ ଯତ୍ନ ନେବାର ଶିଖନ୍ତି ଏହା ସେମାନଙ୍କ ଅଭ୍ୟାସକୁ ବିକଶିତ କରେ। ଏହି ଉପାୟରେ ସେମାନେ ନିଜକୁ ଯଥେଷ୍ଟ ଯୋଗ୍ୟ ବିବେଚନା କରିବାକୁ ସକ୍ଷମ ହୁଅନ୍ତି ଏବଂ ଛୋଟ ଛୋଟ କାମ ପାଇଁ ସେମାନେ ଅନ୍ୟମାନଙ୍କ ଉପରେ ନିର୍ଭରଶୀଳ ହୁଅନ୍ତି ନାହିଁ।
ଯେତେବେଳେ ଆପଣ ସେମାନଙ୍କୁ ବଗିଚା କିମ୍ବା ରୋଷେଇ କାମରେ ସାହାଯ୍ୟ କରିବାକୁ କୁହନ୍ତୋ ଏବଂ ସେମାନେ ଧୀରେ ଧୀରେ ବଗିଚାର ଯତ୍ନ ନେବାକୁ ଶିଖନ୍ତି, ସେମାନେ ନିଜର ଯତ୍ନ ନେବାର ମୌଳିକ ଉପାୟଗୁଡିକ ମଧ୍ୟ ଶିଖିବା ଆରମ୍ଭ କରନ୍ତି। ଏହିପରି ଭାବେ ସେମାନେ ପାଣି, ଖାଦ୍ୟ, ପରିଷ୍କାର ପରିଚ୍ଛନ୍ନତା, ବାୟୁ, ସମୟ ସାରଣୀ ଇତ୍ୟାଦିର ମୂଲ୍ୟ ଜାଣିବା ଆରମ୍ଭ କରନ୍ତି ଏବଂ ସେମାନେ ନିଜେ ଏସବୁ ଉପରେ ମାହିର ହୋଇଯାଆନ୍ତି।
ପିଲାଦିନରୁ ଛୋଟ ଛୋଟ କାମ ଶିଖିବା ଦ୍ୱାରା ସେମାନେ କେବଳ ନିଜର ନୁହେଁ ବରଂ ପରିବାରର ମଧ୍ୟ ଯତ୍ନ ନେବାକୁ ଶିଖନ୍ତି। ଉଦାହରଣ ସ୍ୱରୂପ କିଏ କ’ଣ ଖାଇବାକୁ ପସନ୍ଦ କରେ, ସମସ୍ତେ ଠିକଭାବେ ଖାଇଲେଣି କି ନାହିଁ, ଯଦି କେହି ଅସୁସ୍ଥ ଅଛନ୍ତି ତାଙ୍କୁ କ’ଣ ଦରକାର ଅଛି ଏସବୁ ସେମାନେ ଶିଖିବା ଆରମ୍ଭ କରନ୍ତି ଏବଂ ଯତ୍ନବାନ ହୁଅନ୍ତି। ଏହି ଉପାୟରେ ସେମାନେ ନିଜ ତଥା ଅନ୍ୟମାନଙ୍କ ଆଖିରେ ନିଜର ମୂଲ୍ୟକୁ ବୃଦ୍ଧି କରିବାକୁ ସକ୍ଷମ ହୁଅନ୍ତି ଏବଂ ସେମାନଙ୍କର ଆତ୍ମସମ୍ମାନ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗେ।
