Pahalgam Attack: ପାକିସ୍ତାନୀ ଆତଙ୍କବାଦୀଙ୍କ ସହ ଲଢିଥିଲେ କାଶ୍ମୀର ମହିଳା; ଏହି ଦୁଇ ଜଣ ଥିଲେ ପୋଷ୍ଟର ଚେହେରା

କାଶ୍ମୀରର ପହଲଗାମରେ ହୋଇଥିବା ବର୍ବର ଆତଙ୍କବାଦୀ ଆକ୍ରମଣ ଯୋଗୁଁ ସାରା ଦେଶ କ୍ରୋଧିତ। ୧୯୪୭ ମସିହାରୁ କାଶ୍ମୀରରେ ଆତଙ୍କବାଦ ଏବଂ ପାକିସ୍ତାନ ପ୍ରାୟୋଜିତ ପ୍ରକ୍ସି ଯୁଦ୍ଧ ଚାଲିଛି। ସ୍ୱାଧୀନତାର ମାତ୍ର ଦୁଇ ମାସ ପରେ, ଅକ୍ଟୋବରରେ, ପାକିସ୍ତାନୀ ସେନା ଆଦିବାସୀ ବେଶରେ କାଶ୍ମୀର ଉପରେ ଆକ୍ରମଣ କରିଥିଲା। ଏହା କାଶ୍ମୀରରେ ଭୟଙ୍କର ନରସଂହାର ଘଟାଇଥିଲା।

ସେତେବେଳେ ଗୋଟିଏ ପଟେ, ଭାରତୀୟ ସେନା ପାକିସ୍ତାନୀ ଅନୁପ୍ରବେଶକାରୀଙ୍କୁ ଘଉଡ଼ାଇବା ପାଇଁ ଅଭିଯାନ ଆରମ୍ଭ କରିଥିଲା। ଅନ୍ୟପକ୍ଷରେ, ତତ୍କାଳୀନ ବାମପନ୍ଥୀ ଦଳ ନ୍ୟାସ୍‌ନାଲ୍‌ କନ୍‌ଫରେନ୍ସର ପିପୁଲ୍ସ ମିଲିସିଆ ମଧ୍ୟ ଅନୁପ୍ରବେଶକାରୀଙ୍କ ବିରୁଦ୍ଧରେ ଅସ୍ତ୍ର ଉଠାଇଥିଲା। ଯେଉଁଥିରେ ଏହାର ମହିଳା ଶାଖା, ମହିଳା ଆତ୍ମରକ୍ଷା ବାହିନୀ ମଧ୍ୟ ଅନ୍ତର୍ଭୁକ୍ତ ଥିଲା। ଏଥିରେ ସାମିଲ ମହିଳାମାନଙ୍କୁ ଅସ୍ତ୍ରଶସ୍ତ୍ର ଚାଳନା ଏବଂ ଡ୍ରିଲ୍ ତାଲିମ ଦିଆଯାଇଥିଲା।

ଅନୁପ୍ରବେଶକାରୀଙ୍କ ଆକ୍ରମଣର ବିଫଳତା ପରେ, ୧୯୪୮ ମେ ମାସରେ ଶ୍ରୀନଗରରେ ଏକ ସପ୍ତାହ ପାଇଁ କାଶ୍ମୀରର ସ୍ୱାଧୀନତା ପାଳନ କରାଯାଇଥିଲା। ଏଥିରେ ଭାରତର ପ୍ରଧାନମନ୍ତ୍ରୀ ଜବାହର ଲାଲ ନେହରୁ ଅଂଶଗ୍ରହଣ କରିଥିଲେ। ଏହି ସମୟରେ, ପୁରୁଷ ଏବଂ ମହିଳା ମିଲିସିଆର ଏକ ପରେଡ୍ ଅନୁଷ୍ଠିତ ହୋଇଥିଲା। ଏହାକୁ ପ୍ରଧାନମନ୍ତ୍ରୀ ନେହରୁ ଯାଞ୍ଚ କରିଥିଲେ।

ଅଧିକ ପଢ଼ନ୍ତୁ:ପହଲଗାମରେ ହମଲା; ଏହି ଆତଙ୍କୀ ସଂଗଠନ କଲା ନିଜକୁ ଦାୟୀ

କେବେ ପ୍ରତିଷ୍ଠା ହେଲା ମହିଳା ମିଲିସିଆ:

ପାକିସ୍ତାନୀ ଆଦିବାସୀମାନଙ୍କ ସହିତ ଲଢ଼ିବା ପାଇଁ ମୁଖ୍ୟତଃ ନ୍ୟାସ୍‌ନାଲ୍‌ କନ୍‌ଫରେନ୍ସର ନେତୃତ୍ୱରେ ୧୯୪୭ ମସିହାର ଶେଷ ଭାଗରେ କାଶ୍ମୀରର ପିପୁଲ୍ସ ମିଲିସିଆ ଗଠନ କରାଯାଇଥିଲା। ସେତେବେଳେ ନ୍ୟାସ୍‌ନାଲ୍‌ କନ୍‌ଫରେନ୍ସର ନେତୃତ୍ୱ ଶେଖ୍‌ ଅବଦୁଲ୍ଲା ନେଇଥିଲେ।

ଏହାର ଲକ୍ଷ୍ୟ ଥିଲା କାଶ୍ମୀର ଘାଟିର ଜନସଂଖ୍ୟା, ବିଶେଷକରି ଶ୍ରୀନଗର, ବାରାମୁଲ୍ଲା ଏବଂ ପାକିସ୍ତାନୀ ଆଦିବାସୀ ଆକ୍ରମଣ ଦ୍ୱାରା ପ୍ରଭାବିତ ଅନ୍ୟାନ୍ୟ ଅଞ୍ଚଳକୁ ସୁରକ୍ଷା ଦେବା।

ମହିଳା ମିଲିସିଆର ପ୍ରମୁଖ ଚେହେରା:

ମହିଳା ମିଲିସିଆ ଅର୍ଥାତ୍ ମହିଳା ଆତ୍ମରକ୍ଷା ବାହିନୀରେ ଦୁଇ କିମ୍ବା ତିନୋଟି ନାଁ ବହୁତ ପ୍ରମୁଖ ଥିଲା। ଏମାନେ ଏହି ମିଲିସିଆର ପୋଷ୍ଟର ଚେହେରା ଥିଲେ। ଏଥିରେ ଆଦିବାସୀ ମୁସ୍‌ଲିମ୍‌ ମହିଳା ଜୁନି ଗୁଜ୍ଜରୀ ଏବଂ କୃଷ୍ଣା ମିଶ୍ର ପ୍ରମୁଖ ଥିଲେ।

ଅଧିକ ପଢ଼ନ୍ତୁ:ପହଲ୍‌ଗାମ୍‌ରେ ହୋଇଥିବା ଆତଙ୍କୀ ଆକ୍ରମଣ ପରେ ସୋଏବ ଇବ୍ରାହିମ କଲେ ଏମିତି ପୋଷ୍ଟ୍; ହେଲେ ଟ୍ରୋଲ୍

ସ୍ୱାଧୀନତା ପୂର୍ବରୁ ମଧ୍ୟ ମହାରାଜା ହରି ସିଂହଙ୍କ ଶାସନ ବିରୁଦ୍ଧରେ କାଶ୍ମୀରରେ ଚାଲିଥିବା ଆନ୍ଦୋଳନରେ ଜୁନି ଗୁଜ୍ଜରୀ ସାମିଲ ଥିଲେ। ଯଦିଓ ମହିଳା ଆତ୍ମରକ୍ଷା ବାହିନୀ କେବେ ଯୁଦ୍ଧରେ ସାମିଲ ହୋଇ ନଥିଲା, ତଥାପି ଏଥିରେ ଥିବା ମହିଳାମାନେ କାଶ୍ମୀରର ଜାତୀୟତାବାଦୀ ଏବଂ ପ୍ରଗତିଶୀଳ ଆନ୍ଦୋଳନର ପ୍ରତୀକ ହୋଇଗଲେ।