LIVE TV
ରାଜଧାନୀ ନୂଆଦିଲ୍ଲୀର ଏକ ଗହଣା ଦୋକାନରୁ ଚୋରି ହେବା ଖବର ବର୍ତ୍ତମାନ ଖୁବ୍ ଚର୍ଚ୍ଚାର ବିଷୟ ପାଲଟିଛି । ଲୁଟରାମାନେ ବହୁ ଚତୁରତାର ସହ ୨୫ କୋଟି ଟଙ୍କାର ଗହଣା ଲୁଟିବା ପରେ ଜୋରଦାର ତନାଘନା କରି ଅଭିଯକ୍ତମାନଙ୍କୁ ଗିରଫ କରିଛି ପୋଲିସ । ହେଲେ ଏବେ ଅଭିଯୁକ୍ତମାନଙ୍କୁ ପୋଲିସ ଧରିବା ପାଇଁ ଯେଉଁ ପନ୍ଥା ଆପଣାଇଥିଲା ତାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ ।
କାରଣ ପୋଲିସ ଅଭିଯୁକ୍ତମାନଙ୍କୁ ଧରିବାକୁ ପ୍ରାୟ ୫ହଜାର ମୋବାଇଲ୍ ନମ୍ବରରୁ ସେମାନଙ୍କ ନମ୍ବର ଖୋଜିଥିଲା । ତା’ପରେ ସେମାନଙ୍କ ନମ୍ବର ଖୋଜିବା ସହ ତା’କୁ ଟ୍ରାକ୍ କରି ସେମାନଙ୍କ ନିକଟରେ ପହଞ୍ଚିଥିଲା । ତେବେ କିଭଳି ପୋଲିସ ଏହା କରିଥିଲା ଆସନ୍ତୁ ଜାଣିବା ।
Also Read
ପୋଲିସର ସୂଚନା ଅନୁସାରେ ଏକ ସଫ୍ଟୱେୟାର ବ୍ୟବହାର କରି ତଥ୍ୟ ସଂଗ୍ରହକରିବାକୁ ଲାଗିପଡ଼ିଥିଲା । ପ୍ରଥମେ ଅଜୟ ଭରୱେଙ୍କ ନାମରେ ୯୬୬୯୧୭୯୨-- ନମ୍ବର ଦିଲ୍ଲୀ ବାହାରେ ପଞ୍ଜୀକୃତ ହୋଇଥିବା ଜାଣିବାକୁ ପାଇଥିଲା । ସେହି ନମ୍ବରକୁ ଆଧାରକରି ତଦନ୍ତ ଚଳାଇବା ସହ ଆହୁରି ଅନ୍ୟ ଦୁଇଟି ସନ୍ଦେହଜନକ ନମ୍ବରକୁ ଚିହ୍ନଟ କରିଥିଲା ।
ଚିହ୍ନଟ ହୋଇଥିବା ଦୁଇଟି ନମ୍ବର ମଧ୍ୟରୁ ୭୭୪୮୮୭୮୫—ନମ୍ବର ଆକ୍ଟିଭ୍ ଥିବା ଜଣାପଡ଼ିଥିଲା । ଯାହାକୁ ନେଇ ପୋଲିସ ଆରମ୍ଭ କରିଥିଲା ତଦନ୍ତ । ଆଉ ଜାଣିବାକୁ ପାଇଥିଲେ ଅଭିଯୁକ୍ତ ସେମାନେ ସେପ୍ଟେମ୍ବର ୧୦ ଏବଂ ୧୭ରେ ଆକ୍ଟିଭ୍ ରହିଥିଲେ । ପରେ ପରେ ପରେ ସେହି ନମ୍ବରକୁ ଟ୍ରାକ୍ କରାଯାଇଥିଲା ।
ଅନୁସନ୍ଧାନରୁ ଜଣାପଡ଼ିଥିଲା ଯେ, କାଶ୍ମୀର ଫାଟକରେ ଗୋଟିଏ ନମ୍ବରକୁ ପ୍ରଥମେ ସୁଇଚ୍ ଅନ୍ କରାଯାଇଥିଲା । ପରେ ସେଠାରୁ ମଧ୍ୟପ୍ରଦେଶରକୁ ଚାଲିଯାଇଥିଲା । ଏହାପରେ ଛତିଶଗଡକୁ ଚାଲିଯାଇଥିଲେ ଅଭିଯୁକ୍ତ । ଯାହାକୁ ଜାଣିବା ପରେ ଅହୁରି ସକ୍ରିୟ ହୋଇଥିଲେ କ୍ରାଇମ୍ବ୍ରାଞ୍ଚ ଓ ପୋଲିସ ଟିମ୍ । କ୍ରାଇମବ୍ରାଞ୍ଚର ତିନିଟି ଟିମ୍ ଏବଂ ସ୍ଥାନୀୟ ପୋଲିସର ଚାରିଟି ଟିମ୍ ଚୋରମାନଙ୍କ ପିଛା କରିଥିଲେ । ଏହି ତଦନ୍ତ ଅଭିଯାନରେ ପୋଲିସ କମିଶନର ସଞ୍ଜୟ ଆରୋରା, ସ୍ୱତନ୍ତ୍ର କମିଶନର ରବୀନ୍ଦ୍ର ଯାଦବ ଏବଂ ଡିସିପି ରାଜେଶ ଦେଓ ଏବଂ ସଞ୍ଜୟ ଭାଟିଆ ତୀକ୍ଷ୍ଣ ନଜର ରଖିଥିଲେ । ପରେ ପରେ ଅଭିଯୁକ୍ତମାନଙ୍କୁ ଧରିବାକୁ ସଫଳ ହୋଇଥିଲା ପୋଲିସ ଓ କ୍ରାଇମ୍ବ୍ରାଞ୍ଚ ।
ଘଟଣାକୁ ନେଇ ଜଣେ ବରିଷ୍ଠ ଅଧିକାରୀ ପ୍ରତିକ୍ରିୟା ରଖିଛନ୍ତି । ତଦନ୍ତ ବେଳର ସମସ୍ତ କଥା କହିବା ସହ ଭୋଗଲ ବଜାରରୁ ଫୁଟେଜରେ ଦେଖାଯାଇଥିବା ଅଭିଯୁକ୍ତଙ୍କ ବିଷୟରେ ଟିକିନିଖି ବର୍ଣ୍ଣନା କରିଛନ୍ତି । ତାହାଛଡ଼ା ଏହି ତଦନ୍ତରେ ସହଯୋଗ କରିଥିବା ଛତିଶଗଡ଼ ପୋଲିସକୁ ପ୍ରଶଂସା ମଧ୍ୟ ସେ କରିଛନ୍ତି ।
