LIVE TV
ସମଗ୍ର ଦେଶରେ କରୋନାର ତୃତୀୟ ଲହର ମଧ୍ୟରେ କର୍ଣ୍ଣାଟକର ଶିଭାମୋଗାରେ ପୁଣି ଏକ ନୂଆ ରୋଗ ଚିହ୍ନଟ ହୋଇଛି । କର୍ଣ୍ଣାଟକର ଶିଭା ଶିବାମୋଗାର ତିର୍ଥହାଲ୍ଲୀର କୁଡିଜେ ଗାଁର ଜଣେ ୫୭ ବର୍ଷ ବୟସ୍କା ମହିଳା କିଆସାନୁର ଫରୋଷ୍ଟ ଡିଜିଜ୍ରେ (Kyasanur Forest Disease) ଆକ୍ରାନ୍ତ ହୋଇଛନ୍ତି ।
୨୦୧୯ ପରେ ଦେଶରେ ପ୍ରଥମ ଥର ପାଇଁ କିଆସାନୁର ଫରୋଷ୍ଟ ଡିଜିଜ୍ର ମାମଲା ସାମ୍ମାକୁ ଆସିଛି । ପ୍ରଥମେ ମହିଳା ଜଣକ କିଛି ଦିନ ଧରି ଜ୍ୱରରେ ପୀଡିତ ଥିଲେ, ପରେ ତାଙ୍କ ରକ୍ତ ନମୁନା ପରୀକ୍ଷା ପାଇଁ ପଠାଯାଇଥିବାରୁ ସେ କେଏଫଡିରେ ପୀଡିତ ଥିବା ଜଣାପଡିଥିଲା। ଏହାକୁ ମାଙ୍କି ଫିବର ମଧ୍ୟ କୁହାଯାଏ ।
Also Read
ଶିବମୋଗାରେ କ୍ରନିକ୍ ରୋଗ ଚିହ୍ନଟ ହେବା ପରେ ପରେ ସ୍ୱାସ୍ଥ୍ୟ ବିଭାଗର ଚିନ୍ତା ମଧ୍ୟ ବଢ଼ିଥିବାର ଦେଖିବାକୁ ମିଳିଛି । ଘନ ଜଙ୍ଗଲ ମଧ୍ୟରେ ରହିଥିବା କୁଡିଜେ ଗାଁରେ ଏହି ରୋଗ ବ୍ୟାପିଥିବା ହେତୁ ଶିବାମୋଗା ସ୍ୱାସ୍ଥ୍ୟ ବିଭାଗ କେଏଫଡି ପାଇଁ ଏହାର ନମୁନା ପରୀକ୍ଷା କରିବାକୁ ନିଷ୍ପତ୍ତି ନେଇଥିଲା । ଆକ୍ରାନ୍ତ ମହିଳାଙ୍କୁ ପୂର୍ବରୁ ତିର୍ଥହାଲୀ ତାଲୁକ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଗତକାଲି ସନ୍ଧ୍ୟାରେ ମଣିପାଲକୁ ପଠାଯାଇଛି ।
ଏନେଇ ଶିବମୋଗାର ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡ଼ ରାଜେଶ ଏସ୍ ଉରାଘିଆଲ୍ଲି (Dr Rajesh S Uragihalli) କହିଛନ୍ତି ଯେ, ‘ମଙ୍କି ଫିଭର ଆକ୍ରାନ୍ତ ମହିଳାଙ୍କ ଠାରେ ସାମାନ୍ୟ ଲକ୍ଷଣ ଦେଖାଯାଇଥିବା ବେଳେ ଚିନ୍ତାର କୌଣସି ବିଷୟ ନାହିଁ । ’
- କେମିତି ବ୍ୟାପିଥାଏ ‘ମଙ୍କି ଫିଭର’ ବା ‘କିଆସାନୁର ଫରୋଷ୍ଟ ଡିଜିଜ୍’
କିଆସାନୁର ଫରୋଷ୍ଟ ଡିଜିଜ୍ ସୃଷ୍ଟି କରୁଥିବା ଜୀବାଣୁ ଫ୍ଲାଭିଭାଇରସ୍ ବଂଶର ଏକ ସଦସ୍ୟ । ଏକ ପ୍ରକାର ପୋକ ଦ୍ୱାରା ଏହି ସଂକ୍ରମଣ ବ୍ୟାପିଥାଏ । ଯାହାକୁ ପିସ୍ଲୁ ମଧ୍ୟ କୁହାଯାଏ । ଏହି ପୋକଟି କାମୁଡିବା ତଥା ମାଙ୍କଡ଼ର ସଂସ୍ପର୍ଶରେ ଆସିବା ପରେ ହିଁ ମଣିଷମାନେ ଏହି ରୋଗରେ ଆକ୍ରାନ୍ତ ହୋଇଥାନ୍ତି ।
ବର୍ତ୍ତମାନ ପରୀକ୍ଷା କରାଯାଇଥିବା ମୋଟ୍ ୫୦ଟି ନମୁନା ମଧ୍ୟରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ମହିଳା ଜଣକ କିଆସାନୁର ଫରୋଷ୍ଟ ଡିଜିଜ୍ ବିରୋଧରେ ଟିକା ନେଇଥିଲେ ବୋଲି ସୂଚନା ମିଳିଛି ।
ଜାତୀୟ ଗଣମାଧ୍ୟମ ଅନୁସାରେ, ୨୦୧୯ ମସିହା ଡିସେମ୍ୱର ମାସରେ କର୍ଣ୍ଣାଟକର ସାଗର ତାଲୁକର ଆର୍ଲାଗୋଡୁ ଅଞ୍ଚଳର ଲୋକମାନେ ପ୍ରଭାବିତ ହୋଇଥିଲେ । ଯେଉଁଥିରେ ପ୍ରାୟ ୨୨ ଜଣଙ୍କ ମୃତ୍ୟୁ ହୋଇଥିଲା ।ଶିବାମୋଗାରେ ଗତ ଦୁଇ ବର୍ଷ ମଧ୍ୟରେ ଏହି ରୋଗ ହେତୁ ମୋଟ ୨୬ ଜଣଙ୍କର ମୃତ୍ୟୁ ହୋଇଥିଲା। ହେଲେ କରୋନା ମହାମାରୀ ଆସିବା ପରେ KFDର ଗ୍ରାଫ୍ ଶୂନ୍ୟ ହୋଇଗଲା । ଏହି ସମୟରେ, ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି (NIV) ର ଏକ ଟିମ୍ ଆର୍ଲାଗୋଡୁ ଗାଁ ପରିଦର୍ଶନ କରିଥିଲେ ।
