LIVE TV
ମିଠା ବା କାହାକୁ ପସନ୍ଦ ନୁହେଁ। ତେଣୁ ମିଠା ଖାଇବା ପାଇଁ ଆମେ କେତେବେଳେ ବାହରୁ ମଗେଇଥାଉ ତ ପୁଣି କେତେବେଳେ ଘରେ ହିଁ ବନେଇଥାଉ। ବର୍ତ୍ତମାନ ଲକଡାଉନ ଓ ସଟଡାଉନ କାରଣରୁ ଦୋକାନ ସବୁ ରହୁଛି। ମିଠା ପସନ୍ଦ ଥିବା ଲୋକେ ତ ମିଠା ପାଇଁ ଝୁରୁଥିବେ। ଏଭଳି ପରିସ୍ଥିତିରେ, ଯଦି ଆପଣ ଏଥର ଘରେ କିଛି ମିଠା ତିଆରି କରିବାକୁ ଚିନ୍ତା କରୁଛନ୍ତି, ତେବେ ସର୍ବୋତ୍ତମ ବିକଳ୍ପ ଆପଣଙ୍କ ପାଇଁ ରସମଲାଇ ହୋଇପାରେ। ଏହାର ଭିନ୍ନ ସ୍ୱାଦ ହେତୁ ଅଧିକାଂଶ ଲୋକ ଏହାକୁ ଖାଇବାକୁ ପସନ୍ଦ କରନ୍ତି। ତେଣୁ ଏଥର ଆପଣ ଘରେ ଅଙ୍ଗୁରୀ ରସମଲାଇ ତିଆରି କରିବାକୁ ଚେଷ୍ଟା କରନ୍ତୁ। ଏହି ରସମଲାଇ ସାଧାରଣ ରସମଲାଇଠାରୁ ସାମାନ୍ୟ ଭିନ୍ନ, କାରଣ ଏଥିରେ ଛେନାର ଛୋଟ ଛୋଟ ଦାନା ପକାଯାଏ। ଅଙ୍ଗୁରୀ ରସମଲାଇ ହେଉଛି ଏକ ପ୍ରସିଦ୍ଧ ଉତ୍ତର ଭାରତୀୟ ମିଠା। ସମସ୍ତେ ଏହାର ସ୍ୱାଦ ପସନ୍ଦ କରନ୍ତି। ତେବେ ଆସନ୍ତୁ ଜାଣିବା ଅଙ୍ଗୁରୀ ରସମଲାଇ ତିଆରି କରିବାର ସହଜ ଉପାୟ।
ଅଙ୍ଗୁରୀ ରସମଲାଇ ତିଆରି ପାଇଁ ଉପାଦାନ :
- କ୍ଷୀର – ଦେଢ ଲିଟର
- ଛେନା – ୧/୩ କପ୍
- ଲେମ୍ବୁ ରସ – ୧ ଚାମଚ
- ଚିନି – ୧ କପ୍
- ଗୁଜୁରାତି – ୪ଟା
- କେସର – ୧ ଚାମଚ
- ଉପରେ ପକେଇବା ପାଇଁ କଟା ବାଦାମ ଓ ପିସ୍ତା
କିପରି ତିଆରି କରିବେ :
ଅଙ୍ଗୁରୀ ରସମଲାଇ ତିଆରି କରିବାକୁ, ଆପଣଙ୍କୁ ପ୍ରଥମେ ପ୍ୟାନରେ କ୍ଷୀର ଗରମ କରିବାକୁ ପଡିବ। ତା’ପରେ ଏହାକୁ ଫୁଟାଇବା ପରେ ଲେମ୍ବୁ ରସ ମିଶାଇ କ୍ଷୀରକୁ ମୋଟା ହେବାକୁ ଦିଅନ୍ତୁ। ଏକ କପଡା ବ୍ୟବହାର କରି ଲେମ୍ବୁ ରସରୁ ମୁକ୍ତି ପାଇବା ପାଇଁ ଘନୀଭୂତ କ୍ଷୀରକୁ ବାହାର କରି ପାଣିରେ ଧୋଇ ଦିଅନ୍ତୁ। ଏବେ ଛେନା ପ୍ରସ୍ତୁତ ହୋଇଗଲା। ଅନ୍ୟପଟେ, ଏକ ଲିଟର କ୍ଷୀରକୁ ଏକ ଅଲଗା ପ୍ୟାନରେ ଗରମ କରନ୍ତୁ। ତା’ପରେ ଏଥିରେ କେସର, ଚିନି, କଟା ବାଦାମ ଓ ଗୁଜୁରାତି ଗୁଣ୍ଡ ମିଶାଇ କ୍ଷୀରକୁ ଅଧା ହେବା ପର୍ଯ୍ୟନ୍ତ ଫୁଟାନ୍ତୁ। ଏବେ ଛେନାକୁ ନରମ ମଇଦା ପରି ଗୋଳାନ୍ତୁ। ତା’ପରେ, ଏହି ମିଶ୍ରଣରୁ ଛୋଟ ଆକୃତିର ବଲ ତିଆରି କରି ନିଜ ପାପୁଲିରେ ଦବାନ୍ତୁ।
ତା’ପରେ ଏକ ପ୍ୟାନରେ ଚାରି କପ୍ ପାଣି ଗରମ କରି ସେଥିରେ ଦେଢ କପ୍ ଚିନି ପକାନ୍ତୁ। ଏହାକୁ ଫୁଟାନ୍ତୁ। ଯେତେବେଳେ ଚିନି ପାଣି ଫୁଟିବା ଆରମ୍ଭ କରିବ ସେଥରରେ ପ୍ରସ୍ତୁତ ଛେନା ବଲ ଗୁଡ଼ିକୁ ପକେଇ ଏହାକୁ କିଛି ମିନିଟ୍ ପାଇଁ ଗରମ କରନ୍ତୁ। କିଛି ମିନିଟ୍ ପରେ, ବଲଗୁଡିକ ବାହାର କରି ପୂର୍ବରୁ ପ୍ରସ୍ତୁତ କ୍ଷୀରରେ ପକେଇ ଏକ ପାତ୍ରରେ ରଖନ୍ତୁ। ଏବେ ଅଙ୍ଗୁରୀ ରସମଲାଇ ପ୍ରସ୍ତୁତ। ବର୍ତ୍ତମାନ ଏହାକୁ ୫-୬ ଘଣ୍ଟା କିମ୍ବା ରାତିସାରା ଥଣ୍ଡା କରନ୍ତୁ। ଫଳକୁ ଛୋଟ ଛୋଟ ଆକାରେ କାଟି ଏଥିରେ ପକାନ୍ତୁ ଓ ଏହାର ମଜ୍ଜା ନିଅନ୍ତୁ।
