ଏଠି ଘଣ୍ଟାରେ ୪୮ ମହିଳା ଦୁଷ୍କର୍ମର ଶିକାର; ଅଭିଯୋଗ କଲେ ପୁଣି ନିର୍ଯାତନା

କଙ୍ଗୋରେ ପ୍ରାୟ ଦଶନ୍ଧି ଦଶନ୍ଧି ଧରି ସରକାରୀ ସୈନ୍ୟ ଓ ବିଦ୍ରୋହୀମାନଙ୍କ ମଧ୍ୟରେ ବିବାଦ ଲାଗି ରହିଥାଏ। କିନ୍ତୁ ଏହି ସଂଘର୍ଷରେ ମହିଳାମାନଙ୍କୁ ଅଧିକ ଯାତନା ଭୋଗିବାକୁ ପଡେ। ହିଳାମାନଙ୍କ ପାଇଁ ଏହା ଏତେ ଭୟାବହ ହୋଇଥାଏ ଯେ ସେମାନଙ୍କ କଥା ଶୁଣିବାକୁ କେହି ନ ଥା’ନ୍ତି।

ମହିଳାଙ୍କର ପରିସ୍ଥିତି:

ଏହି ଦେଶରେ ମହିଳାମାନଙ୍କର ପରିସ୍ଥିତି ଏତେ ଦୟନୀୟ ଯେ ସେମାନେ କୌଣସି ଅସୁବିଧାର ସମ୍ମୁଖୀନ ହେଲେ ସେମାନଙ୍କର ମତ ପ୍ରକାଶ କରିବାକୁ କୌଣସି ଅଧିକାର ନାହିଁ। କଙ୍ଗୋ ସୈନିକ କିମ୍ବା ସେଠାରେ ଥିବା ପୋଲିସ କେହି ସେମାନଙ୍କ କଥା ଶୁଣନ୍ତି ନାହିଁ। କାରଣ ସେମାନେ ଏଥିରେ ସାମିଲ ଥାଆନ୍ତି। ଦୁଷ୍କର୍ମର ଶିକାର ହୋଇଥିବା ମହିଳାମାନେ ମଧ୍ୟ ସେମାନଙ୍କ ପରିବାରର ସହାୟତା ପାଆନ୍ତି ନାହିଁ। ଏଭଳି ପରିସ୍ଥିତିରେ ତାଙ୍କ ଜୀବନ କୌଣସି ନର୍କଠାରୁ ବି କମ୍ ନୁହେଁ ବୋଲି ଭାବିବା କିଛି ନୂଆ କଥା ନୁହେଁ।

ଘଣ୍ଟାକୁ ୪୮ ମହିଳା ଦୁଷ୍କର୍ମ:

ମହିଳାମାନଙ୍କ ପାଇଁ ସବୁଠାରୁ ଅସୁରକ୍ଷିତ ସ୍ଥାନ ଭାବରେ ଜଣାଶୁଣା ଦେଶ ହେଉଛି କଙ୍ଗୋ। ଯେତେବେଳେ ଏଠାରେ ଯୁଦ୍ଧ ଜନିତ ଅପରାଧ ଚରମ ସୀମାରେ ଥିଲା, ପ୍ରତିଦିନ ୧୧୫୨ ମହିଳା ଦୁଷ୍କର୍ମର ଶିକାର ହେଉଥିଲେ। ଏହି ହାର ପ୍ରତି ଘଣ୍ଟାରେ ୪୮ ଜଣ ମହିଳାଙ୍କ ଦୁଷ୍କର୍ମ ସହିତ ସମାନ ଥିଲା। ମିଳିତ ଜାତିସଂଘ ନିଜେ ସ୍ୱୀକାର କରିଛି ଯେ ଗୋଟିଏ ବର୍ଷ ମଧ୍ୟରେ କଙ୍ଗୋରେ ୧୬ ହଜାର ମହିଳା ଦୁଷ୍କର୍ମର ଜାଲରେ ଶିକାର ହୋଇଛନ୍ତି।

ଯଦି ପ୍ରକୃତ ସଂଖ୍ୟା ଦେଖାଯାଏ ତେବେ ଏହାଠାରୁ ବହୁତ ଅଧିକ ବୋଲି କୁହାଯାଏ। କଙ୍ଗୋର ଜନସଂଖ୍ୟା ପ୍ରାୟ ୧୦ କୋଟି, ଯାହା ପଶ୍ଚିମ ୟୁରୋପ ସହିତ ସମାନ। ଏଠାରେ ଅନେକ ଦଶନ୍ଧି ଧରି ଯୁଦ୍ଧ ଚାଲିଛି ଏବଂ ଏଠାରେ ଥିବା ଜଙ୍ଗଲ ବିରୋଧୀରେ ପରିପୂର୍ଣ୍ଣ। ଏହି ବିରୋଧୀମାନେ ପ୍ରତିଦ୍ୱନ୍ଦ୍ୱୀ ସମ୍ପ୍ରଦାୟକୁ ଧ୍ୱଂସ କରିବାକୁ ଦୁଷ୍କର୍ମର ସାହାର ନେଇଥାନ୍ତି।

ଏଠାରେ ମହିଳାମାନଙ୍କ ସହିତ ଛୋଟ ଝିଅମାନଙ୍କୁ ମଧ୍ୟ ଗଣଦୁଷ୍କର୍ମ କରାଯାଏ। ଏହି କ୍ଷେତ୍ରରେ ଅଧିକ ଛୋଟ ଝିଅମାନେ ଥାଆନ୍ତି, ଯେଉଁମାନେ ବେଘର ହୋଇଥାନ୍ତି।

ତେବେ ଯେତେବେଳେ ପୀଡିତାଙ୍କୁ ଏ ଦିଗରେ ପଚରାଗଲା ଯେ ସେମାନେ କାହିଁକି ପୋଲିସ ନିକଟରେ ଅଭିଯୋଗ କରନ୍ତି ନାହିଁ, ଏହାର ଉତ୍ତର ସେମାନେ କହିଛନ୍ତି ଯେ ପୋଲିସକୁ ଯିବା ଅର୍ଥ ପୁଣି ଥରେ ଦୁଷ୍କର୍ମର ଶିକାର ହେବା।

ରାତ୍ରୀରେ ଆକ୍ରମଣକାରୀମାନେ ଘରେ ବସି ଖାଦ୍ୟ ଓ ମହିଳା-ଝିଅମାନଙ୍କ ଇଜ୍ଜତ ଲୁଟିବା ଏକ ସାଧାରଣ କଥା। ତେବେ ଶୋଷଣର ଭୟ ହିଁ ପୀଡିତ ମହିଳାଙ୍କୁ ଏ ଦିଗରେ ଅଭିଯୋଗ କରିବାକୁ ପଛକୁ ଟାଣେ।