ଲକଡାଉନ୍ ବଢ଼ିବା ପରେ ମୋ ବସ୍ ସେବାକୁ ମଧ୍ୟ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି। ଏ ନେଇ କ୍ୟାପିଟାଲ ରିଜିଅନ୍ ଅର୍ବାନ ଟ୍ରାନ୍ସପୋର୍ଟ କ୍ରୁଟ୍ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି।
ଭୁବନେଶ୍ୱରର କରୋନା ସ୍ଥିତି ନେଇ ବିଏମସି କମିଶନରଙ୍କ ପ୍ରେସମିଟ୍। କହିଲେ, ଗତ ଦୁଇ ତିନି ଦିନ ହେଲା ଭୁବନେଶ୍ୱରରୁ ଏକ ହଜାର ପାଖାପାଖି କେସ୍ ଆସୁଛି। 'ଏବେ ଆମ ପାଖରେ ୩୫୫୩ ବିଭିନ୍ନ ବିଭାଗର ବେଡ୍ ଅଛି'। ୫୩୧ ଆଇସିୟୁ, ୮୩୬ ଏଚଡିୟୁ, ୨୧୮୬ ସାଧାରଣ ବେଡ୍ ରହିଛି।
ସଂକ୍ରମଣ ବଢିବା ପରେ ତତ୍ପରତା ଦେଖାଇଲା ପ୍ରଶାସନ। କୋଭିଡ ନିୟମ ଉଲ୍ଲଘଂନ କରି କମ୍ପ୍ୟୁଟର ଶିକ୍ଷା ପ୍ରଦାନ କରୁଥିବା କଳିଙ୍ଗ ବିକାଶ କମ୍ପ୍ୟୁଟର ଶିକ୍ଷାକେନ୍ଦ୍ରକୁ ସିଲ୍ କଲା ପ୍ରଶାସନ
ଓଡିଶାରେ ପହଞ୍ଚିଲା ଦେଢ ଲକ୍ଷ କୋଭାକ୍ସିନ୍ ଟିକା । ୧୮ରୁ ୪୪ ବର୍ଷ ବୟସ୍କଙ୍କ ପାଇଁ ଏହି ଟିକା ଆସିଛି। ୩ ତାରିଖରୁ ଭୁବନେଶ୍ୱରରେ ଦିଆଯିବ ଏହି ଟିକା। ଇଣ୍ଡିଗୋ ବିମାନରେ ଏହି ଟିକା ସବୁ ପହଞ୍ଚିଥିବା ସୂଚନା ମିଳିଛି। ସୋମବାରରୁ କେବଳ ବିଏମ୍ସି ଅଞ୍ଚଳରେ ହେବ ଟିକାକରଣ ।
କରୋନାର କଷ୍ଟ ଭିତରେ ବଢୁଛି ମାନସିକ ଚାପ, ବଢୁଛି ମାତ୍ରାଧିକ ଭୟ। ବିଷାଦଗ୍ରସ୍ତ ହୋଇ କେଉଁଠି ନା କେଉଁଠି ଆତ୍ମୀୟ ସ୍ୱଜନଙ୍କୁ ହରାଇ ବସୁଛନ୍ତି ଲୋକେ।
ନୂଆ ସଂକ୍ରମଣରେ ଲଗାମ ନାହିଁ। କି ଟିକା ଟେନସନରେ ବିରାମ ବି ନାହିଁ। କେଉଁଠି କରୋନା ସଂଜୀବନୀ ନେବାକୁ ଲମ୍ବା ଲାଇନ୍ ତ ପୁଣି କେଉଁଠି ଟିକା ନଥିବାରୁ ଭ୍ୟାକ୍ସିନେସନ ବନ୍ଦ ଲେଖି କାନ୍ଥରେ ଲାଗିଛି ନୋଟିସ୍। ଏମିତି ଦୃଶ୍ୟ ସମ୍ବଲପୁର ସହର ହସ୍ପିଟାଲରେ ଦେଖିବାକୁ ମିଳିଛି।
କରୋନାକୁ ନେଇ ପ୍ରେସମିଟ୍ କଲେ ସ୍ୱାସ୍ଥ୍ୟ ବିଭାଗର ACS। କହିଲେ, କୋଭିଡ୍ ନିୟମ ମାନିଲେ ହିଁ କରୋନାକୁ ଆମେ ରୋକିପାରିବା। ଦ୍ୱିତୀୟ ଲହରୀ ଏତେ ଭୟାନକ ହେବ ବୋଲି କେହି ଭାବିନଥିଲେ। ଦେଶରେ ୮ ଦିନ ହେଲା ୩.୫ ଲକ୍ଷରୁ ଅଧିକ କେସ୍ ଆସୁଛି
ପୋଲିସ୍ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଶେଖ୍ ବାବୁ ଆହତ। କମିଶନରେଟ୍ ପୋଲିସ୍ ସ୍ପେଶାଲ ସ୍କ୍ୱାର୍ଡ଼ କଲା ଏନକାଉଣ୍ଟର। ସୂଚନା ଅନୁସାରେ, ବାବୁର ବାମ ଗୋଡ଼ରେ ଗୁଳି ବାଜିଛି। ପୋଲିସ ଗୁଳିରେ ଆହତ ହୋଇ SCB ମେଡିକାଲରେ ଭର୍ତ୍ତି ହୋଇଛି।
ରାଜ୍ୟରେ ଦିନକୁ ଦିନ ଗମ୍ଭୀର ହେଉଛି କରୋନା ସ୍ଥିତି। କେତେବେଳେ ସଂକ୍ରମଣ ତ କେତେବେଳେ ବଢୁଛି ମୃତ୍ୟୁସଂଖ୍ୟା। ରାଜ୍ୟବାସୀଙ୍କ ପାଇଁ ମହାମାରୀ ଦୈନିକ ସତର୍କ ଘଣ୍ଟି ବଜାଉଥିବା ସତ୍ତ୍ୱେ କିଛି ଲୋକ ଏବେ ବି ବେଫିକର, ବେପରବାୟ ଅଛନ୍ତି।
ବାରିପଦାରୁ ବାଲେଶ୍ୱର, କଟକରୁ କୋରାପୁଟ ସବୁଠି ସମାନ ଚିତ୍ର ଦେଖିବାକୁ ମିଳିଛି। ଟିକାର ଅଭାବ ଯୋଗୁଁ ଟିକାକରଣ ଅଭିଯାନରେ ବାଧା ଉପୁଜିଛି। ଆଜି ୧୨ଟି ଜିଲ୍ଲାରେ ବନ୍ଦ ରହିଛି କୋଭିଡ୍ ଭ୍ୟାକ୍ସିନେସନ୍
କରୋନାକୁ ନେଇ ପ୍ରେସମିଟ୍ କଲେ ପୋଲିସ ମହାନିର୍ଦ୍ଦେଶକ। କହିଲେ, କରୋନାକୁ ରୋକିବାକୁ ହେଲେ ମାସ୍କ ପିନ୍ଧିବା ନିହାତି ଦରକାର। ଏହାସହ ସାମାଜିକ ଦୂରତା ପିନ୍ଧିବା ମଧ୍ୟ ନିହାତି ଦରକାର ବୋଲି କହିଲେ ପୋଲିସ ଡିଜିପି ଅଭୟ।
ପିପିଲି ଲାଗି କଂଗ୍ରେସ କଲା ପ୍ରାର୍ଥୀ ଘୋଷଣା। ବିଶ୍ୱକେଶନ ହରିଚନ୍ଦନ ମହାପାତ୍ର ହେଲେ ପିପିଲିର କଂଗ୍ରେସ ପ୍ରାର୍ଥୀ। ବିଶ୍ୱକେଶନଙ୍କ ନାଁ ଘୋଷଣା କଲେ କଂଗ୍ରେସ ନେତ୍ରୀ ସୋନିଆ ଗାନ୍ଧୀ।
ରାଜ୍ୟରେ ଲଗାତର ଦୁଇ ଦିନ ଧରି ସଂକ୍ରମଣର ୬ ହଜାର ଟ୍ରେଣ୍ଡ ରହିଛି। ପ୍ରତିଦିନ ନୂଆ ନୂଆ ଅଲୋଡ଼ା ରେକର୍ଡ। ହେଲେ, ଏହାର ଶେଷ କେଉଁଠି?
ସାଘାଂତିକ ଭାବେ ସଂକ୍ରମଣ କରିବାର କ୍ଷମତା ଥିବା ବେଙ୍ଗଲ ଷ୍ଟ୍ରେନକୁ ଜଗିବାକୁ ପୁରା ସଜାଗ ହୋଇଛନ୍ତି ସରକାର। ମୁଖ୍ୟ ଶାସନ ସଚିବଙ୍କ ଘୋଷଣା ପରେ ଆଜିଠୁ ପଶ୍ଚିମବଙ୍ଗର ଦୁଇ ମୁଖ୍ୟ ପ୍ରବେଶପଥ ଉଦୟପୁର ଓ ଲକ୍ଷ୍ମଣନାଥ ସହ ମୟୂରଭଞ୍ଜ ଜିଲ୍ଲାର ଜାମଶୋଳାରେ ଆରମ୍ଭ ହୋଇଛି କଡ଼ାକଡ଼ି କୋଭିଡ୍ ଯାଞ୍ଚ।
କରୋନା ଲଢ଼େଇରେ ବଡ଼ ଆଶ୍ୱସ୍ତି ଆଣିଥିବା କରୋନା ଟିକାକୁ ନେଇ ରାଜ୍ୟରେ ଦ୍ୱନ୍ଦ୍ୱ ଦେଖାଦେଇଛି। କାରଣ ମେ୧ରୁ ରାଜ୍ୟ ସରକାର ଆଉ ଘରୋଇ ହସ୍ପିଟାଲକୁ ଯୋଗାଇବେନି କରୋନା ଟିକା। ଟିକା ଉତ୍ପାଦନକାରୀ କମ୍ପାନୀଙ୍କଠାରୁ ଘରୋଇ ହସ୍ପିଟାଲ୍ ଗୁଡ଼ିକ ସିଧାସଳଖ ଟିକା କିଣିବେ
ଗ୍ରାମୀଣ ଡାକ ସେବକ ଭଳି ଏକ ଗୁରୁ ଦାୟିତ୍ୱରେ ଥିଲେ ମଧ୍ୟ ପକ୍ଷୀ ମାନଙ୍କ ପ୍ରତି ତାଙ୍କର ଭଲ ପାଇବା ସଷ୍ଟ ବାରି ହୋଇ ପଡୁଛି । ନିଜର ଦୈନନ୍ଦିନ ଜୀବନରୁ ଟିକିଏ ସମୟ ପାଇଲେ କିଏ ପରିବାର ସହିତ ସମୟ ଅତିବାହିତ କରୁଥିବା ବେଳେ ସେ କିନ୍ତୁ ନିଜର ପରିବାର କହୁଥିବା ପକ୍ଷୀଙ୍କ କାମରେ ଲାଗି ପଡନ୍ତି ।
ରାଜ୍ୟରେ ବଢିଚାଲିଛି କରୋନା। ଏହାସହ ରାଜଧାନୀରେ ସ୍ଥିତି ଗମ୍ଭୀର ରହିଛି। ଆଉ ଏହାରି ମଧ୍ୟ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ପ୍ରେସମିଟ୍ କରିଛନ୍ତି। ସେ କହିଛନ୍ତି ଯେ, ନାଇଟ କର୍ଫ୍ୟୁ ଓ ସଟଡାଉନ ସମୟରେ ଟୁଇନ ସିଟିରେ ୬୮ ପଏଣ୍ଟରେ ଚେକିଂ କରାଯିବ
ପାଣି ପାଇଁ ହଇରାଣ ହେଉଛନ୍ତି ରାୟଗଡ଼ା ଜିଲ୍ଲା ନିୟମଗିରିର ତେନ୍ତୁଳିପଦର ଗାଁର ଡଙ୍ଗରିଆ କନ୍ଧ। ବର୍ଷକ ପୂର୍ବେ ପାଣି ଯୋଗାଣ ପାଇଁ ଏଠାରେ ଆରମ୍ଭ ହୋଇଛି ବିଭିନ୍ନ ପ୍ରକଳ୍ପ। କିନ୍ତୁ କୌଣସି ଗୋଟିଏରୁ ମିଳିପାରୁନି ପାନୀୟ ଜଳ। ଯାହାଫଳରେ ପଥର ସନ୍ଧିରୁ ପାଣି ସଂଗ୍ରହ କରି ଚଳୁଛନ୍ତି ଗାଁ ଲୋକେ।
ଭୁବନେଶ୍ୱର: କାହିଁକି ଅଦିନରେ ଝରିଗଲା ଝରାଫୁଲ ? କିଏ ମାରିଲା ମେଧାବୀ ଛାତ୍ରୀ ଝରାଫୁଲଙ୍କୁ ? କ’ଣ ପାଇଁ ମାରିଲା ? ଏମିତି ଅନେକ ପ୍ରଶ୍ନର ଉତ୍ତର ମିଳିଛି। ପ୍ରାୟ ତିନିମାସ ପରେ ଝରାଫୁଲ ହତ୍ୟା ରହସ୍ୟରୁ ପରଦା ଉଠିଛି। ରମାଦେବୀ ଛାତ୍ରୀ ଝରାଫୁଲଙ୍କୁ ହତ୍ୟା କରାଯାଇଛି। ଟଙ୍କା ପାଇଁ ତାଙ୍କୁ ତଣ୍ଟିଚିପି ହତ୍ୟା କରାଯାଇଛି । ପୂର୍ବରୁ ଗିରଫ ହୋଇଥିବା ମୁଖ୍ୟ ଅଭିଯୁକ୍ତ ରାକେଶ ହିଁ ଝରାଫୁଲକୁ ହତ୍ୟା କରିଛି। ଏ ନେଇ ଆଜି ସୂଚନା […]
ରାଜ୍ୟରେ ଭୟଙ୍କର ସ୍ଥିତି। ମାତ୍ର ୨୪ ଘଂଟାରେ ରାଜ୍ୟରୁ ୬୧୬୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାରି ମଧ୍ୟରୁ ଖୋର୍ଧା ଜିଲ୍ଲାରୁ ୧୧୩୨ ଜଣ ସଂକ୍ରମଣ ଚିହ୍ନଟ ହୋଇଛନ୍ତି। ଏନେଇ ଟ୍ୱିଟ୍ କରି ସୂଚନା ଦେଇଛି ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ
ଦେଶର କରୋନା ଲଢ଼େଇରେ ବଡ଼ ଆଶ୍ୱସ୍ତି ମିଳିଛି। ଦେଶରେ ତ୍ୱରିତ ବେଗରେ ଟିକାକରଣ ଆଗେଇ ଚାଲିଥିବା ବେଳେ ସୂଚନା ମିଳିଛି, ଘାତକ ଭୂତାଣୁର ୟୁକେ ଓ ବ୍ରାଜିଲ୍ ସହ ଡବଲ୍ ମ୍ୟୁଟାଣ୍ଟ୍ ଷ୍ଟ୍ରେନକୁ ମଧ୍ୟ ରୋକିବାରେ ସଫଳ ହେଉଛି ସ୍ୱଦେଶୀ ଟିକା କୋଭାକ୍ସିନ୍
ତେବେ କରୋନାର ଉଗ୍ରରୂପର ମୁକାବିଲା ଲାଗି କେତେ ପ୍ରସ୍ତୁତ ଅଛନ୍ତି ରାଜ୍ୟ ସରକାର? ଓଡ଼ିଶାରେ ଯଦି ମହାରାଷ୍ଟ୍ର ଓ ଦିଲ୍ଲୀ ଭଳି ସ୍ଥିତି ସୃଷ୍ଟି ହୁଏ ତାର କିଭଳି ସାମନା କରାଯିବ?
ସରକାରଙ୍କୁ ଚୂଡ଼ାନ୍ତ ନିଷ୍ପତ୍ତି ନେବାକୁ ବାଧ୍ୟ କଲା ଛାତ୍ରଛାତ୍ରୀଙ୍କ ଆନ୍ଦୋଳନ। ନବୀନ ନିବାସ ଯିବାର ୨୪ ଘଣ୍ଟା ଭିତରେ ପୂରଣ ହେଲା ମାଟ୍ରିକ ପରୀକ୍ଷାର୍ଥୀଙ୍କ ଦାବି
ଗୋଟିଏ ବାଟ ବନ୍ଦ ହେଲେ କଳାକାରକୁ ଅନ୍ୟ ବାଟ ଦେଖାଇଦେବ କଳା। ବଲାଙ୍ଗିର ଜିଲ୍ଲା ମୁରିବାହାଲ୍ ବ୍ଲକ ମାଲିଶିରା ଗାଁର ରାମନାଥ ଷାଣ୍ଢଙ୍କୁ ନେଇ କୁହାଯାଇଛି ଏମିତି କଥା। କରୋନା ପୂର୍ବରୁ ପାଲା ଗାଇ ପରିବାର ଚଳାଉଥିଲେ ହେଲେ କରୋନା ମାହାମାରୀ ଯୋଗୁଁ ହୋଇଗଲେ ରୋଜଗାର ଶୂନ୍ୟ
ଅଧପନ୍ତରିଆ ଅବସ୍ଥାରେ ପଡିରହିଛି ଯାଜପୁର ଜିଲ୍ଲା ବ୍ରହ୍ମବରଦା-କାକୁଡିକୁଦକୁ ସଂଯୋଗ କରୁଥିବା ବିଜୁ ସେତୁ। ନିର୍ମାଣ ଅବଧି ଶେଷ ହେବାର ୨ ବର୍ଷ ପୂରିବାକୁ ବସିଥିଲେ ବି ଏବେଯାଏ ସରିପାରୁନି କାମ। ୭ଟି ସ୍ପାନରୁ ମାତ୍ର ୨ ଟି ସ୍ପାନ୍ ରେ ଅଟକିଛି ସେତୁ ନିର୍ମାଣ କାମ।
LIVE TV
