ବିଗତ କିଛି ବର୍ଷ ମଧ୍ୟରେ ଯଦି କୌଣସି ଖାଦ୍ୟସାର ସପ୍ଲିମେଣ୍ଟସ୍ ବା ଟାବଲେଟ୍ସ ବଜାରରେ ସର୍ବାଧିକ ବ୍ୟବସାୟ କରିଥାଏ ତାହେଲେ ତା’ ଭିତରୁ ଅନ୍ୟତମ ହେଉଛି “ବାୟୋଟିନ୍”! ସୁନ୍ଦର ଲମ୍ବା, ସାଇନି କେଶ ଓ ସୁସ୍ଥ ନଖ ପାଇଁ ଅନେକ ପରିବାର, ପ୍ରତ୍ୟେକ ମାସରେ ହଜାର ହଜାର ଟଙ୍କାର ବାୟୋଟିନ୍ ଟାବଲେଟ୍ସ କିମ୍ବା କ୍ୟାପସୁଲ୍ କିଣି ବ୍ୟବହାର କରନ୍ତି। କିନ୍ତୁ କେବେ ଜାଣିବା ପାଇଁ ଚେଷ୍ଟା କରିଛନ୍ତି ଏ ବାୟୋଟିନ୍ କ’ଣ, ପ୍ରତିଦିନ ଆପଣଙ୍କ ଶରୀର ପାଇଁ କେତେ ମାତ୍ରାରେ ଆବଶ୍ୟକ ଏବଂ ପ୍ରକୃତରେ ଶରୀର ପାଇଁ ଏହି ଟାବଲେଟ୍ସ ଖାଇବା ଜରୁରୀ ନା’ ଅନାବଶ୍ୟକ ?
ସାଧାରଣତଃ ଜଣେ ମଣିଷର ଚୁଟି ଗୋଟିଏ ମାସରେ ଗୋଟିଏ ସେଣ୍ଟିମିଟର ବଢିଥାଏ । ସେହିପରି ହାତ ଆଙ୍ଗୁଠିର ନଖ ମାତ୍ର ୩ ମିଲିମିଟର ବଢିଥାଏ । ଉଭୟ କେଶ ଏବଂ ଚୁଟି କେରାଟିନରେ ତିଆରି ହୋଇଥାଏ ଏବଂ ଉଭୟ ଶରୀର ଭିତରେ ଥିବା ମାଟ୍ରିକ୍ସ ସେଲରୁ ତିଆରି ହୋଇଥାନ୍ତି । ହେଲେ ଏମାନଙ୍କର ସେଲ ଫର୍ମେସନ ପଦ୍ଧତି ଭିନ୍ନ ହୋଇଥାଏ । ନଖର କୋଷିକା ଚମଡା ଭିତରେ ଥିବା ନଖର ମୂଳରୁ ତିଆରି ହୋଇଥାଏ ଏବଂ ବିଭାଜିତ ହୋଇଥାଏ । ଫଳରେ ପୁରୁଣା କୋଷିକା ଆଗକୁ ବାହାରି ଯାଇଥାଏ । ଯଦ୍ୱାରା ନଖ ବଢିଥାଏ ।
LIVE TV
