ଗ୍ରୀଷ୍ମ ଋତୁରେ ପ୍ରବଳ ଖରା, ଗରମ, ଝାଳରୁ ରକ୍ଷା ପାଇବା ପାଇଁ ମଣିଷ ଅନେକ ଉପଚାର କରିଥାଏ। କିନ୍ତୁ ଏହି ସମୟରେ ଯେ କେବଳ ଝାଳ, ଘିମିରି, ମୁଖବ୍ରଣ ଦେଖାଯାଏ ତା’ ନୁହେଁ, ଆମ ପାଚନତନ୍ତ୍ର ବା ପେଟର ମଧ୍ୟ ଅନେକ ସମସ୍ୟା ଦେଖାଯାଇଥାଏ। ଏହି ସବୁ ବିଷୟରେ ଆମେ ଜାଣି ସଜାଗ ରହିଲେ ଆମେ ଅନେକ ଗୁରୁତର ସ୍ବାସ୍ଥ୍ୟ ସମସ୍ୟାରୁ ରକ୍ଷା ପାଇ ପାରିବା।
ଖରାଦିନ ଆସିଲା ମାନେ ସବୁ ସ୍କୁଲ ଛୁଆଙ୍କ ମନ ଖୁସି ହୋଇଯାଏ। ସକାଳୁଆ ଅଧା ଦିନ ସ୍କୁଲ ସାଙ୍ଗକୁ ଲମ୍ବା ଦିନ, ଖେଳିବା ପାଇଁ ଅଧିକ ସମୟ ମିଳିଯାଏ। କିନ୍ତୁ ଖରା, ତାତି ସାଙ୍ଗକୁ ଅଧିକ ସମୟ ଖେଳାଖେଳି କରିବା ଅନେକ ସମୟରେ କିଶୋର ମାନଙ୍କ ଠାରେ ଡିହାଇଡ୍ରେସନ୍ ର କାରଣ ହୋଇଥାଏ। ଯଦିଓ ସାଧାରଣ ଡିହାଇଡ୍ରେସନ୍ ଘରେ ମ୍ୟାନେଜ୍ ହୋଇଯାଏ କିନ୍ତୁ ଅତ୍ୟଧିକ ଡିହାଇଡ୍ରେସନ୍ ଅନେକ ଜଟିଳ ସମସ୍ୟା ସୃଷ୍ଟି କରିପାରେ।
ଯେତେବେଳେ ଆମ ଶରୀରର ପାଣି ଗ୍ରହଣ କରିବାର ମାତ୍ରା ଶରୀରରୁ ନଷ୍ଟ ହେଉଥିବା ଜଳୀୟ ଅ°ଶଠୁ କମ୍ ହେବା ଦ୍ୱାରା ପରିସ୍ରା ହେବାର ମାତ୍ରାକୁ ପ୍ରଭାବିତ କରେ ସେଇ ଅବସ୍ଥାକୁ ଡିହାଇଡ୍ରେସନ୍ କୁହାଯାଏ। ଅନେକ ଏହାକୁ ଅତି ସାଧାରଣ ସମସ୍ୟା ଭାବିଥାଆନ୍ତି କିନ୍ତୁ ବହୁତ ସମୟରେ ଶିଶୁ ଓ ବୟସ୍କମାନଙ୍କ କ୍ଷେତ୍ରରେ ଏହା ମାରାତ୍ମକ ମଧ୍ୟ ହୋଇପାରେ।
LIVE TV
