Technology: ସାବଧାନ! କେବେବି ଉଠାନ୍ତୁ ନାହିଁ ଏହି ଦୁଇ ନମ୍ବରରୁ ଆସୁଥିବା କଲ୍; ଖାଲି ହୋଇଯିବ ଆକାଉଣ୍ଟ୍

ଦେଶରେ ପ୍ରତିଦିନ ହଜାର ହଜାର ଜାଲିଆତି କଲ ଆସୁଛି। ଏହି ଲୋକମାନଙ୍କ ମଧ୍ୟରୁ ଅନେକ ଏହି କଲ୍‌ର ଶିକାର ହେଉଛନ୍ତି ଏବଂ ସେମାନଙ୍କର କଷ୍ଟ ଉପାର୍ଜିତ ଟଙ୍କା ହରାଉଛନ୍ତି। ଟେଲିକମ୍ ଅପରେଟର୍‌ଙ୍କ ଠାରୁ ଆରମ୍ଭ କରି ସରକାର ପର୍ଯ୍ୟନ୍ତ ଏଭଳି କଲ୍‌କୁ ଲଗାମ ଦେବାକୁ ପ୍ରୟାସ କରାଯାଉଛି ସତ, କିନ୍ତୁ ଏହା ସମ୍ପୂର୍ଣ୍ଣ ରୂପେ ଶେଷ ହେଉ ନାହିଁ।

ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ (TRAI) ଦ୍ୱାରା ୦୧ ଅକ୍ଟୋବର ୨୦୨୪ରୁ ଲାଗୁ ହୋଇଥିବା ନୂତନ ନୀତିର ଲକ୍ଷ୍ୟ ହେଉଛି ନକଲି କଲ ଏବଂ ବାର୍ତ୍ତାଗୁଡିକୁ ହ୍ରାସ କରିବା। ଏହି ନୂତନ ନିୟମ ନେଟ୍‌ୱର୍କ ସ୍ତରରେ ଯେକୌଣସି ନକଲି କଲ୍ କିମ୍ବା ବାର୍ତ୍ତାକୁ ଅବରୋଧ କରିବ।

ଏହା ସହିତ, ଟେଲି ଯୋଗାଯୋଗ କମ୍ପାନୀଗୁଡିକ ଏହି ଜାଲିଆତି ବାର୍ତ୍ତା ଏବଂ କଲ୍ ରୋକିବା ପାଇଁ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଟେକ୍ନୋଲୋଜି ବ୍ୟବହାର କରୁଛନ୍ତ। କିନ୍ତୁ ସ୍କାମର୍‌ମାନେ କ୍ରମାଗତ ଭାବରେ ଲୋକଙ୍କୁ ଠକିବା ପାଇଁ ନୂତନ ଉପାୟ ଖୋଜୁଛନ୍ତି, ଯାହା ମଧ୍ୟରୁ ଗୋଟିଏ ହେଉଛି ଇଣ୍ଟର୍‌ନେଟ୍ କଲ୍ ବ୍ୟବହାର।

ଇଣ୍ଟରନେଟ୍ କଲ୍ ମାଧ୍ୟମରେ ଠକେଇ:

ଥାଇଲ୍ୟାଣ୍ଡ୍‌ର ଟେଲିକମ୍ ଅଥରିଟି ଅନୁଯାୟୀ ଇଣ୍ଟରନେଟ୍ କଲ୍ ପ୍ରାୟତଃ + 697 କିମ୍ବା +698 ରୁ ଆରମ୍ଭ ହୋଇଥାଏ। ଏହି ପ୍ରକାରର କଲ୍ ଟ୍ରାକ୍ କରିବା କଷ୍ଟକର, ଯେଉଁଥିପାଇଁ ସ୍କାମର୍‌ମାନେ ଲୋକଙ୍କୁ ଠକିବା ପାଇଁ ବ୍ୟବହାର କରନ୍ତି।

ଭର୍ଚୁଆଲ୍ ପ୍ରାଇଭେଟ୍‌ ନେଟ୍‌ୱାର୍କ (VPNs) ବ୍ୟବହାର କରି ସେମାନେ ସେମାନଙ୍କର ଲୋକେସନ୍ ଲୁଚାନ୍ତି, ଯାହା ସେମାନଙ୍କୁ ଟ୍ରାକ୍ କରିବା ଅଧିକ କଷ୍ଟକର କରିଥାଏ। ଯଦି ଆପଣ +697 କିମ୍ବା +698 ଭଳି କୌଣସି ଏକ ଆନ୍ତର୍ଜାତୀୟ ନମ୍ବରରୁ କଲ୍ ପାଆନ୍ତୋ, ଏହାକୁ ଅଣଦେଖା କରିବା ଭଲ।

ଏହିପରି କଲ୍‌ଗୁଡିକ ପ୍ରାୟତଃ ଜାଲିଆତି କିମ୍ବା ଆକ୍ରମଣାତ୍ମକ ମାର୍କେଟିଂ ହୋଇଥାଏ। ଆପଣ ନିଜ ଫୋନ୍‌ରେ ଏହି ନମ୍ବରଗୁଡ଼ିକୁ ମଧ୍ୟ ବ୍ଲକ୍ କରିପାରିବେ।

ତେବେ ଯଦି ଆପଣ ହଠାତ୍ ଭୁଲ୍‌ରେ ଏହି କଲ୍‌କୁ ଉଠେଇ ଦିଅନ୍ତି, ତେବେ କୌଣସି ବ୍ୟକ୍ତିଗତ ସୂଚନା ଶେୟାର୍ କରନ୍ତୁ ନାହିଁ। ସ୍କାମର୍‌ମାନେ ପ୍ରାୟତଃ ଏକ ସରକାରୀ ଏଜେନ୍ସି, ବ୍ୟାଙ୍କ୍‌ କିମ୍ବା ଅନ୍ୟାନ୍ୟ ସଂଗଠନର ବୋଲି କୁହନ୍ତି।

ଯଦି ସେମାନେ ସୂଚନା ମାଗନ୍ତି, ତେବେ ସେମାନଙ୍କ ଠାରୁ ଏକ କଲ୍‌ବ୍ୟାକ୍ ନମ୍ବର ମାଗନ୍ତୁ ଏବଂ କୁହନ୍ତୁ ଆପଣ ନିଜେ କଲ୍ କରିବେ। ଯଦି ସେମାନେ ତୁମକୁ ନମ୍ବର ଦେବାକୁ ମନା କରନ୍ତି, ଏହା ଏକ ଘୋଟାଲା ବୋଲି ଜାଣିନିଅନ୍ତୁ।

ଜାଲିଆତି ରିପୋର୍ଟ:

କେନ୍ଦ୍ର ସରକାର ସଞ୍ଚାର ସାଥି ୱେବସାଇଟରେ ଚକ୍ଷୁ ପୋର୍ଟାଲ ଲଞ୍ଚ୍‌ କରିଛନ୍ତି ଯେଉଁଠାରେ ଆପଣ ନକଲି କଲ ଏବଂ ବାର୍ତ୍ତାର ରିପୋର୍ଟ କରିପାରିବେ। ଯଦି ଆପଣ କୌଣସି ସନ୍ଦେହଜନକ କଲ୍ କିମ୍ବା ବାର୍ତ୍ତା ଗ୍ରହଣ କରନ୍ତି, ତେବେ ଆପଣ ଏହି ପୋର୍ଟାଲ୍‌କୁ ଯାଇ ଏବଂ ନିର୍ଦ୍ଦେଶାବଳୀ ଅନୁସରଣ କରି ଏହାକୁ ରିପୋର୍ଟ କରିପାରିବେ।