ଗର୍ଭପାତ ବଟିକା ଉପରେ ନିଷେଧାଦେଶ; ବିକି ପାରିବେ ନାହିଁ କି କିଣିପାରିବେ ନାହିଁ

ଏହି ମାସ ଆରମ୍ଭରେ ଆମେରିକାର ୱୟୋମିଙ୍ଗ(Wyoming) ରାଜ୍ୟରେ ଗର୍ଭପାତ ବଟିକା ସମ୍ବନ୍ଧୀୟ ଏକ ବିଲ୍ ଆଗତ କରାଯାଇଥିଲା। ରିପବ୍ଲିକାନ୍ ପାର୍ଟି ଦ୍ୱାରା ଏହି ବିଲ୍ ଜାରି କରାଯାଇଥିଲା। ଏହି ବିଲ୍ ଅନୁଯାୟୀ ଗର୍ଭପାତ ବଟିକା ଉପରେ ନିଷେଧାଦେଶ ଲଗାଯାଇଥିଲା।

ୱୟୋମିଙ୍ଗ ଗଭର୍ଣ୍ଣର ମାର୍କ ଗର୍ଡନ ଶୁକ୍ରବାର ଗର୍ଭପାତ ବଟିକା ଉପରେ ନିଷେଧାଦେଶ ସହ ଜଡିତ ଏକ ବିଲ୍‌ରେ ଦସ୍ତଖତ କରିଛନ୍ତି। ଏହା ପରେ ୱୟୋମିଙ୍ଗ ରାଜ୍ୟରେ ଗର୍ଭପାତ ବଟିକା ବ୍ୟବହାରକୁ ବେଆଇନ ଘୋଷଣା କରିବାରେ ଆମେରିକାର ପ୍ରଥମ ରାଜ୍ୟ ହୋଇଛି।

ଦୁଇ ପୃଷ୍ଠାର ୱୟୋମିଙ୍ଗ ବିଲ୍ ଅନୁସାରେ ଗର୍ଭପାତ କରାଇବା ଉଦ୍ଦେଶ୍ୟରେ କୌଣସି ଔଷଧ ଲେଖିବା, ବିତରଣ କରିବା, ବିକ୍ରି କରିବା ବା ବ୍ୟବହାର କରିବା ବେଆଇନ। ତେବେ ଗର୍ଭଧାରଣ ନିଶ୍ଚିତ ହେବା ପୂର୍ବରୁ ଗର୍ଭପାତ ବଟିକା ବ୍ୟବହାର ଉପରେ କୌଣସି ପ୍ରତିବନ୍ଧକ ନାହିଁ। ଗର୍ଭଧାରଣ ନିଶ୍ଚିତ ହେବା ପରେ ଗର୍ଭପାତ ବଟିକା ବ୍ୟବହାର ବେଆଇନ ବୋଲି କୁହାଯାଇଛି।

ୱାୟୋମିଙ୍ଗ୍‌ ଏସିଏଲ୍‌ୟୁ(ACLU)ର ଆଡଭୋକେଟୀ ନିର୍ଦ୍ଦେଶକ ଆଣ୍ଟୋନିଓ ସେରାନୋ ଏକ ବିବୃତ୍ତିରେ ଗର୍ଭପାତ ବଟିକା ଉପରେ ନିଷେଧାଦେଶ ଲାଗୁ କରିବାକୁ ରାଜ୍ୟପାଳଙ୍କ ନିଷ୍ପତ୍ତିକୁ ସମାଲୋଚନା କରିଛନ୍ତି। ସେ କହିଛନ୍ତି ଯେ ଜଣେ ବ୍ୟକ୍ତିଙ୍କ ସ୍ୱାସ୍ଥ୍ୟ ରାଜନୀତି ନୁହେଁ। ଗୁରୁତ୍ୱପୂର୍ଣ୍ଣ ଚିକିତ୍ସା ନିଷ୍ପତ୍ତି ନେବା ଉଚିତ, ଯେଉଁଥିରେ ଗର୍ଭପାତର ନିଷ୍ପତ୍ତି ରହିଛି।

ଯୁକ୍ତରାଷ୍ଟ୍ରର ସମୁଦାୟ ୧୩ଟି ରାଜ୍ୟ ବର୍ତ୍ତମାନ ଗର୍ଭଧାରଣର ଯେକୌଣସି ସମୟରେ ଗର୍ଭପାତକୁ ନିଷିଦ୍ଧ କରିଛନ୍ତି। ଏଥିରେ ଏବେ ୱୟୋମିଙ୍ଗ୍‌ ନାମ ଯୋଡିହୋଇଛି। ସେହିପରି ଆମେରିକାର ଅନ୍ୟ ରାଜ୍ୟ ଯେପରିକି ଜର୍ଜିଆ, ହୃଦ୍‌ରୋଗ ଚିହ୍ନଟ ହେଲେ କିମ୍ବା ଗର୍ଭାବସ୍ଥାର ପ୍ରାୟ ୬ ସପ୍ତାହ ଭିତରେ କୌଣସି ବଟିକା ବ୍ୟବହାର ଉପରେ ପ୍ରତିବନ୍ଧକ ଲଗାଯାଇଛି।

ଆରିଜୋନା, ଇଣ୍ଡିଆନା, ମୋଣ୍ଟାନା, ଓହିଓ, ଦକ୍ଷିଣ କାରୋଲିନା, ୟୁଟା ଏବଂ ୱୟୋମିଙ୍ଗ୍‌ରେ ଗର୍ଭପାତ ନିଷେଧକୁ ଲାଗୁ କରିବା ନେଇ ସ୍ଥଗିତ ରଖାଯାଇଛି। ତେବେ ମେଡିକାଲ ଜରୁରୀକାଳୀନ ପରିସ୍ଥିତିରେ ଗର୍ଭପାତକୁ ଅନୁମତି ଦେବା ପାଇଁ ଇଡାହୋର କୋର୍ଟ ରାଜ୍ୟକୁ ଅନୁମତି ଦେଇଛନ୍ତି।