LIVE TV
ମଝି ଆକାଶରେ ମହା ଅଘଟଣ । ହଠାତ ଭୟଙ୍କର ଭାବେ ଥରି ଉଠିଲା ଚଳନ୍ତା ବିମାନ । ଲଣ୍ଡନରୁ ସିଙ୍ଗାପୁର ଯାଉଥିବା ଯାତ୍ରୀବାହୀ ବିମାନରେ ଏହି ଅଘଟଣ ଘଟିଛି । ଏଥିରେ ଜଣେ ଯାତ୍ରୀଙ୍କ ମୃତ୍ୟୁ ହୋଇଛି । ଲଣ୍ଡନର ଏହି ଯାତ୍ରୀଙ୍କ ବୟସ ପ୍ରାୟ ୭୩ ବର୍ଷ । ବିମାନ କ୍ର୍ୟୁ ମେମ୍ବରଙ୍କ ସହ ପ୍ରାୟ ୭୦ ଜଣ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ୬ ଜଣ ଆହତଙ୍କ ଅବସ୍ଥା ଗୁରୁତର ରହିଛି । ସମସ୍ତ ଆହତଙ୍କ ଚିକିତ୍ସା ଚାଲିଛି । ବିମାନକୁ ବ୍ୟାଙ୍କକରେ ଇମର୍ଜେନସୀ ଲ୍ୟାଣ୍ଡିଂ କରାଯାଇଛି ।
ଭାରତ ମହାସାଗରରେ ଅପ୍ରତ୍ୟାଶିତ ଅଘଟଣର ସମ୍ମୁଖୀନ ହୋଇଥିବା ଏହି ବିମାନ ଦୁର୍ଘଟଣାରେ ଅନେକ ଯାତ୍ରୀ ଆହତ ହୋଇଛନ୍ତି । ଫଳରେ ପୂରା ବିଶ୍ୱରେ ଏହାକୁ ନେଇ ହଇଚଇ ସୃଷ୍ଟି ହୋଇଛି । ସମସ୍ତଙ୍କ ନଜର ବର୍ତ୍ତମାନ ବିମାନ ସୁରକ୍ଷା ପ୍ରସଙ୍ଗରେ ରହିଛି । ତେବେ ଏପରି ହେବାର ପ୍ରମୁଖ କାରଣ ହେଉଛି ଅସ୍ଥିର ବାୟୁ । ଏହା ମୁଖ୍ୟତଃ ଆଟମୋସ୍ଫେରିକ୍ ପ୍ରେସର ଉପରେ ନିର୍ଭର କରିଥାଏ ।
Also Read
ଅଧିକ ପଢ଼ନ୍ତୁ: ଆପଣ ଫାଷ୍ଟ୍ ଟାଇମ୍ ଭୋଟର କି ? ଯାଆନ୍ତୁ ଏହି ବିମାନରେ, ପାଇବେ ରିହାତି....
ଏହା କେତେବେଳେ ମଧ୍ୟ ସଙ୍ଗଠିତ ହୋଇପାରେ । କେଉଁଠାରେ ମଧ୍ୟ ଘଟିପାରେ । ବେଳେ ବେଳେ ଏହା ଘାତକ ସାବ୍ୟସ୍ତ ହୋଇପାରେ । ଆମେରିକାର ଜାତୀୟ ପରିବହନ ସୁରକ୍ଷା ବୋର୍ଡର ୨୦୨୧ ରିପୋର୍ଟ ଅନୁଯାୟୀ, ୨୦୦୯ ରୁ ୨୦୧୮ ପର୍ଯ୍ୟନ୍ତ ରିପୋର୍ଟ ହୋଇଥିବା ବିମାନ ସେବାଗୁଡିକର ପ୍ରାୟ ଏକ ତୃତୀୟାଂଶରୁ ଅଧିକ ଏହି ଦୁର୍ଘଟଣାର ସମ୍ମୁଖୀନ ହୋଇଥିଲା । ଅନେକ ସମୟରେ ଏପରି ଆଘାତ ଲାଗିବା ପରେ ମଧ୍ୟ କ୍ଷୟକ୍ଷତି ହୋଇନଥାଏ । କ୍ୱଚିତ୍ ବିମାନର କ୍ଷତି ଘଟାଇଥାଏ ।
ପାଇଲଟମାନେ ଝଡ଼ ସମ୍ବନ୍ଧୀୟ ବାୟୁକୁ ଏଡ଼ାଇବା ପାଇଁ ପାଣିପାଗ ରାଡ଼ାରର ବ୍ୟବହାର କରିଥାଆନ୍ତି । ବିମାନକୁ କିପରି ପବନରେ ବେଗ ହିସାବରେ ଆଡଜଷ୍ଟ କରିବେ ସେନେଇ ପାଇଲଟ୍ ମାନଙ୍କୁ ତାଲିମ ଦିଆଯାଏ । ବିମାନରେ ଥିବା ଷ୍ଟ୍ରେନ୍ ହ୍ରାସ କରିବା ପାଇଁ ପ୍ରଥମେ ବିମାନକୁ ମନ୍ଥର କରିଦିଆଯାଏ । ତେବେ ଅପ୍ରତ୍ୟାଶିତ ପରିସ୍ଥିତିରେ, ପାଇଲଟମାନେ ଅନ୍ୟ ବିମାନର ରିପୋର୍ଟ ଉପରେ ନିର୍ଭର କରନ୍ତି ।
ଆଧୁନିକ ବିମାନଗୁଡ଼ିକରେ ଉନ୍ନତ ପାଣିପାଗ ରାଡାର ସିଷ୍ଟମ ଲାଗିଛି । ଫଳରେ ବର୍ତ୍ତମାନ ଏପରି ଦୁର୍ଘଟଣାକୁ ପ୍ରାୟତଃ ଏଡ଼ାଇ ଦିଆଯାଇପାରିଛି । ରାଡ଼ାରଗୁଡ଼ିକ ଝଡ଼ ଚିହ୍ନିବାରେ ସାହାଯ୍ୟ କରିଥାଏ ।
ଅଧିକ ପଢ଼ନ୍ତୁ: ବିମାନରେ ଯାତ୍ରା କରୁଛନ୍ତି କି...ସାବଧାନ...ମିଳି ନପାରେ ସିଟ୍...
ଯାତ୍ରୀମାନେ ସୁରକ୍ଷିତ ରହିବା ପାଇଁ କ’ଣ କରିପାରିବେ?
ଯାତ୍ରୀମାନଙ୍କ ପାଇଁ ପ୍ରଥମ ସରଳ ଓ ପ୍ରଭାବଶାଳୀ ପଦକ୍ଷେପ ହେଉଛି ସିଟ୍ ବେଲ୍ଟ । କୌଣସି ଝଡ଼ ଆସିଲେ ଭୟଭୀତ ନହୋଇ ସେମାନେ ବସିଥିବା ସମୟରେ ସିଟ୍ ବେଲ୍ଟକୁ ବାନ୍ଧି ରଖିବା ହେଉଛି ପ୍ରଥମ କାମ । ଫଳରେ ନିଜ ସୁରକ୍ଷା ନିଜ ହାତରେ ପରି ଅନେକ ସମୟରେ ବଡ଼ ବିପଦକୁ ଏଡ଼ାଇ ଦିଆଯାଇପାରେ । ଏହା ହଠାତ୍ ଥରିବା ସମୟରେ ଆଘାତର ଆଶଙ୍କାକୁ କମାଇ ଦେଇଥାଏ । ଯାତ୍ରୀମାନେ ମଧ୍ୟ ସେମାନଙ୍କ ସୁରକ୍ଷା ଏବଂ ସେମାନଙ୍କ ଆଖପାଖରେ ଥିବା ଅନ୍ୟମାନଙ୍କ ସୁରକ୍ଷାକୁ ନିଶ୍ଚିତ କରିବା ପାଇଁ ଝଡ଼ ସମୟରେ କ୍ରୁ ନିର୍ଦ୍ଦେଶାବଳୀକୁ ଅନୁସରଣ କରିବା ଉଚିତ୍ । ତେବେ ସବୁଠୁ ବଡ଼ କଥାଟି ହେଉଛି, ଏହି ସମୟରେ ଧର୍ଯ୍ୟ ଧରିବା ଜରୁରୀ। କାରଣ ଅନେକ ସମୟରେ ଅତ୍ୟଧିକ ଭୟ କାରଣରୁ ମଧ୍ୟ ଶରୀରିକ କ୍ଷତି ହୋଇଥାଏ।
