ସାଇକାଟିକା ଓ ଉଚ୍ଚ ରକ୍ତଚାପରୁ ମୁକ୍ତି ଦେବ ଗୋମୁଖାସନ

ଯୋଗ ଶରୀର, ମନ ଏବଂ ଆତ୍ମାର ସମନ୍ୱୟର ଏକ କଳା। ସାମଗ୍ରିକ ସ୍ୱାସ୍ଥ୍ୟକୁ ବଜାୟ ରଖିବା ପାଇଁ ଏହା ସବୁଠାରୁ ସହାୟକ ଉପାୟ। | ଶରୀରକୁ ପୁଷ୍ଟିକର କରିବା ଏବଂ ଅଙ୍ଗକୁ ଟୋନ୍ କରିବା ଠାରୁ ଆରମ୍ଭ କରି ଶାରୀରିକ ସ୍ଥିତିକୁ ବଜାୟ ରଖିବା ଏବଂ ଏହି କାରଣରୁ ଶରୀରର ଯନ୍ତ୍ରଣାରୁ ମୁକ୍ତି ପାଇବା ପର୍ଯ୍ୟନ୍ତ ଦୈନିକ ଯୋଗାସନ ଅଭ୍ୟାସ ନିହାତୋ ଜରୁରୀ।

ଅନେକ ପ୍ରକାରର ଯୋଗକୁ ନିତ୍ୟକର୍ମରେ ସାମିଲ କରି ଏହାର ଲାଭ ଉଠାଯାଇଆରେ। ଏହା ଭିତରେ ଗୋମୁଖାସନା ଏପରି ଏକ ଅଭ୍ୟାସ ଯାହା ଶରୀରକୁ ଅନେକ ଲାଭ ଦେଇଥାଏ। ଯୋଗ ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହି ଯୋଗାସନ ଅଭ୍ୟାସ ବାହୁ, ଟ୍ରାଇସେପ୍ସ, କାନ୍ଧ ଏବଂ ଛାତିର ଉତ୍ତମ ପ୍ରସାରଣରେ ଅତ୍ୟନ୍ତ ଲାଭଦାୟକ ହୋଇପାରେ।

କିପରି କରିବେ:

• ସର୍ବପ୍ରଥମେ ଗୋଡକୁ ଛନ୍ଦି ବସନ୍ତୁ
• ଏଥିରେ ଡାହାଣ ପାଦକୁ ବାମ ପାଦର ଜଙ୍ଘ ଉପରେ ରଖନ୍ତୁ
• ବର୍ତ୍ତମାନ ଡାହାଣ ହାତକୁ କାନ୍ଧ ଉପରେ ରଖନ୍ତୁ ଏବଂ କହୁଣୀକୁ ଯଥାସମ୍ଭବ ପିଠି ପଛପଟୁ ନିଅନ୍ତୁ
• ତା’ପରେ ବାମ କହୁଣୀକୁ ପଛ ପଟୁ ଆଣି ଦୁଇ ହାତକୁ ଧରନ୍ତୁ
• ଏହି ଅବସ୍ଥାରେ କିଛି ସମୟ ରହି ଗଭୀର ଶ୍ୱାସକ୍ରିୟା କରନ୍ତୁ
• ମୂଳ ଅବସ୍ଥାକୁ ଫେରି ହାତ ପରିବର୍ତ୍ତନ କରି କରନ୍ତୁ

ଉପକାର:

• ସାଇକାଟିକା ସମସ୍ୟାର ଉପଶମ କରିବାରେ ଏହା ଅତ୍ୟନ୍ତ ପ୍ରଭାବଶାଳୀ
• ଉଚ୍ଚ ରକ୍ତଚାପରୁ ମୁକ୍ତି ମିଳେ
• ଯୌନକ୍ରିୟାରେ ସକରାତ୍ମକ ପ୍ରଭାବ ପକାଏ
• ଫ୍ରୋଜନ ସୋଲଡର ଏବଂ ବେକରେ ଯନ୍ତ୍ରଣାକୁ ଦୂର କରେ
• ମେରୁଦଣ୍ଡର ନମନୀୟତାକୁ ଉନ୍ନତ କରିବା ସହିତ ବିଶୃଙ୍ଖଳିତ ଶରୀରର ସ୍ଥିତିରେ ଉନ୍ନତି ଆଣେ
• ଚିନ୍ତା ଏବଂ ଚାପକୁ କମାଇବା ପାଇଁ ଏହା ଏକ ଭଲ ଆସନ
• ଏହି ଆସନ ପିଠି, ଜଙ୍ଘ, ଗୋଡ, କାନ୍ଧ, ପିଚା, ଟ୍ରାଇସେପ୍ ଏବଂ ଛାତିର ମାଂସପେଶୀକୁ ମଜଭୁତ କରିଥାଏ

ସାବଧାନତା:

ଯୋଗ ବିଶେଷଜ୍ଞମାନେ କୁହନ୍ତି ଯେ ଗୋମୁଖାସାନା ଅଭ୍ୟାସ ସମ୍ପୂର୍ଣ୍ଣ ସୁରକ୍ଷିତ ଏବଂ ଏହା ଶରୀରକୁ ଅନେକ ଉପାୟରେ ଲାଭ ଦେଇଥାଏ। ସକାଳେ ଏହାକୁ ଅଭ୍ୟାସ କରିବା ସବୁଠାରୁ ଭଲ। ଆସନ ଅଭ୍ୟାସ ସମୟରେ ଶରୀର ଉପରେ ଅଧିକ ଚାପ ପକାନ୍ତୁ ନାହିଁ। ଯେପର୍ଯ୍ୟନ୍ତ ଆରାମ ଅନୁଭବ କରୁଛନ୍ତି ସେପର୍ଯ୍ୟନ୍ତ ଏହି ଅବସ୍ଥାରେ ରୁହନ୍ତୁ। ଯଦି କାନ୍ଧ, ବେକ, ପିଠିରେ ଯନ୍ତ୍ରଣା ଅନୁଭବ କରୁଛନ୍ତି ତେବେ ଆସନ କରିବା ପୂର୍ବରୁ ଡାକ୍ତରଙ୍କ ସହିତ ପରାମର୍ଶ କରନ୍ତୁ।