LIVE TV
ଯଦି ହ୍ୱାଟସ୍ଆପ୍ ମେସେଜ୍ରୁ ଏନକ୍ରିପସନ୍ ହଟାଇବାକୁ କୁହାଯାଏ, ତେବେ ଆମକୁ ଭାରତ ଛାଡ଼ିବାକୁ ପଡ଼ିବ । ଦିଲ୍ଲୀ ହାଇକୋର୍ଟରେ ଏମିତି କିଛି କହିଛି ହ୍ୱାଟସ୍ଆପ୍ । କମ୍ପାନୀ କହିଛି ଯେ ଗୋପନୀୟତା ଏବଂ ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ପାଇଁ ହିଁ ଲୋକମାନେ ଏହି ପ୍ଲାଟଫର୍ମ ବ୍ୟବହାର କରନ୍ତି। ଯଦି ଏହାକୁ ହଟାଇବାକୁ କୁହାଯାଏ ତେବେ ଏହି ଅନଲାଇନ୍ ମେସେଜିଂ ପ୍ଲାଟଫର୍ମ ଭାରତରେ କାମ କରିବା ବନ୍ଦ କରିବ ।
Also Read
ଦିଲ୍ଲୀ ହାଇକୋର୍ଟରେ ଚାଲିଥିବା ଏକ ମାମଲାର ଶୁଣାଣି ବେଳେ ହ୍ୱାଟସ୍ଆପ୍ ପକ୍ଷରୁ ଏହା କୁହାଯାଇଛି । ହ୍ୱାଟସ୍ଆପ୍ ଏବଂ ଏହାର ପ୍ୟାରେଣ୍ଟ କମ୍ପାନୀ ମେଟାର ଆବେଦନକୁ କୋର୍ଟରେ ଶୁଣାଣି କରାଯାଉଛି । ଯେଉଁଥିରେ ୨୦୨୧ IT ନିୟମକୁ ଚ୍ୟାଲେଞ୍ଜ କରାଯାଇଛି ।
ସୂଚନା ଅନୁସାରେ, IT ନିୟମ ୨୦୨୧ ଅନୁସାରେ ହ୍ୱାଟସ୍ଆପରୁ ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ସିକ୍ୟୁରିଟି ବ୍ୟବସ୍ଥା ହଟାଇବାକୁ କେନ୍ଦ୍ର ସରକାରଙ୍କ ପକ୍ଷରୁ ଏକ ଆବେଦନ କରାଯାଇଛି। ଏହା ଦ୍ୱାରା ଚାଟ୍ର ଯାଞ୍ଚ ଏବଂ ପ୍ରକୃତରେ କିଏ ଚାଟ୍ କରିଛନ୍ତି ଜାଣିବା ସହଜ ହେବ। କିନ୍ତୁ କମ୍ପାନୀ ପକ୍ଷରୁ ଏହାକୁ ବିରୋଧ କରାଯାଇଛି।
ଅଧିକ ପଢ଼ନ୍ତୁ: EVMକୁ ସୁପ୍ରିମକୋର୍ଟଙ୍କ କ୍ଲିନ୍ଚିଟ୍, VVPAT ଯାଞ୍ଚ ନେଇ ସମସ୍ତ ଆବେଦନ ଖାରଜ
ଏହା ଦ୍ୱାରା ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ଭାଙ୍ଗିବ। ୨୫ ଫେବୃଆରୀ ୨୦୨୧ରେ କେନ୍ଦ୍ର ସରକାର ୨୦୨୧ IT ନିୟମର ଘୋଷଣା କରିଥିଲେ। ଫେସବୁକ୍, ଇନଷ୍ଟାଗ୍ରାମ, ହ୍ୱାଟସ୍ଆପ୍, ଟ୍ୱିଟର (ବର୍ତ୍ତମାନ X) ପରି ବଡ଼ ବଡ଼ ପ୍ଲାଟଫର୍ମଗୁଡିକ ନୂତନ ନିୟମ ଅନୁସରଣ କରିବାକୁ ପଡିବ ବୋଲି କେନ୍ଦ୍ର ସରକାର ପକ୍ଷରୁ କୁହାଯାଇଥିଲା।
ଦିଲ୍ଲୀ ହାଇକୋର୍ଟରେ ଏହି ମାମଲାରେ ହ୍ୱାଟସ୍ଆପ୍ ପକ୍ଷରୁ ଲଢ଼ୁଥିବା ଓକିଲ ତେଜସ୍ କାରିଆ କହିଛନ୍ତି ଯେ, ପ୍ଲାଟଫର୍ମ ଭାବରେ ଆମେ କହୁଛୁ ଯଦି ଏନକ୍ରିପସନ୍ ହଟାଇବାକୁ କୁହାଯାଏ, ତେବେ କମ୍ପାନୀ ଭାରତରେ କାର୍ଯ୍ୟକାରୀ କରିବନି। କାରଣ ଲୋକମାନେ କେବଳ କମ୍ପାନୀର ଗୋପନୀୟତା ବୈଶିଷ୍ଟ୍ୟକୁ ଦୃଷ୍ଟିରେ ରଖି ହ୍ୱାଟସ୍ଆପ୍ ବ୍ୟବହାର କରନ୍ତି।
ଦିଲ୍ଲୀ ହାଇକୋର୍ଟରେ ଯେଉଁ ବେଞ୍ଚ ଏହି ମାମଲାର ଶୁଣାଣି କରୁଥିଲେ ସେ ପଚାରିଥିଲେ ଯେ ଅନ୍ୟ ଦେଶରେ ମଧ୍ୟ ଏପରି ନିୟମ ଅଛି କି ? ଏହାର ଉତ୍ତରରେ ହ୍ୱାଟସ୍ଆପ୍ କହିଛି ଯେ ଦୁନିଆର କୌଣସି ସ୍ଥାନରେ ଏପରି ନିୟମ ନାହିଁ। ବ୍ରାଜିଲରେ ମଧ୍ୟ ନୁହେଁ। ତେବେ ଏହି ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୧୪ରେ ହେବ ।
