LIVE TV
ଲଣ୍ଡନ: ବ୍ରିଟେନ୍ର ୱେଲ୍ସରେ ଦୁଇ ଦିନ ଧରି ପ୍ରାୟ ୨୦ ହଜାର ମହୁମାଛି ଗୋଟେ କାରର ପିଛା କରୁଥିଲେ । ଏତେ ମହୁମାଛିକୁ କାର୍ ପଛରେ ଗୋଡାଉଥିବା ଦେଖି ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ପ୍ରଥମ ଦିନ ମହୁମାଛି ଚାଷୀମାନେ ଏମାନଙ୍କୁ ଘଉଡାଇଥିଲେ । ହେଲେ ମହୁମାଛିମାନେ ସେଠାରୁ ଯିବାକୁ ନାରାଜ ଥିଲେ । ଫଳରେ ପୁଣିଥରେ ସେମାନେ ସେହି କାର୍ ପାଖକୁ ଯାଇଥିଲେ ।
Also Read
Swarm of bees follows car around for two days after their queen gets stuck in the boot https://t.co/MOxgPCCwzA pic.twitter.com/AlkS5aRk2t
— Daily Mail U.K. (@DailyMailUK) May 24, 2016
ମହୁମାଛିମାନେ ଏଭଳି କାର୍ ପାଖ ଛାଡି ଯାଉନଥିବା ଘଟଣାରୁ ଯଦି ଆପଣ ଭାବୁଛନ୍ତି ସେମାନେ କାର୍କୁ ଭଲପାଉଛନ୍ତି, ତେବେ ଏହା ନୁହେଁ । ପ୍ରକୃତରେ ମହୁମାଛିମାନଙ୍କ ରାଣୀ ମହୁମାଛି କାର ଭିତରେ ରହିଥିଲା । ଯାହା କାରଣରୁ ରାଣୀକୁ ସୁରକ୍ଷା ଦେବା ପାଇଁ ମହୁମାଛିଙ୍କ ଏକ ବିରାଟ ଦଳ ସେହି କାର ପଛରେ ଯାଉଥିଲେ । ବ୍ରିଟେନ୍ ପଶ୍ଚିମ ୱେଲ୍ସ ଅଞ୍ଚଳରୁ ଏହି ଘଟଣାଟି ସାମ୍ନାକୁ ଆସିଛି ।
Swarm of bees follows woman’s car for two days to rescue queen https://t.co/jJluC5jnS1 pic.twitter.com/DEy6vznFdx
— New York Daily News (@NYDailyNews) May 26, 2016
କାର ଉପରେ ଭିଡ ଜମାଇଥିଲେ ମହୁମାଛି ଦଳ
ନ୍ୟୁଜ୍ ଏଜେନ୍ସି ସିଏନ୍ଏନ୍ର ଏକ ରିପୋର୍ଟ ଅନୁଯାୟୀ, ୬୮ ବର୍ଷୀୟ କାରୋଲ ହାୱାରଥ ଜାଣି ନଥିଲେ ଯେ ତାଙ୍କ କାର୍ର ପଛ ଭାଗରେ ହଜାର ହଜାର ମହୁମାଛି ଲାଗିରହିଛନ୍ତି ବୋଲି । ସେ ନିଜ କାରକୁ ପାର୍କିଂ କରି ସପିଂ କରିବାକୁ ଯାଇଥିଲେ । ସପିଂରୁ ଫେରି ସେ ଦେଖିବାକୁ ପାଇଥିଲେ ଯେ, ତାଙ୍କ କାର୍ ପଛରେ ଏତେ ସଂଖ୍ୟକ ମହୁମାଛି ଅଛନ୍ତି । ମହୁମାଛିଙ୍କୁ ହଟାଇହା ପାଇଁ ସେ ବିଭିନ୍ନ ପ୍ରୟାସ କରିବା ସହ ପାଖ ଆଖ ଲୋକଙ୍କୁ ସାହାଯ୍ୟ ମଧ୍ୟ ମାଗିଥିଲେ । ଶେଷରେ ସେଠାରେ ଜଣେ ମହୁମାଛି ଚାଷୀ ଆସି ମହୁମାଛିଙ୍କୁ ଘଉଡାଇଥିଲେ ।
ଘଉଡାଇବା ପରେ ପୁଣି ଫେରିଆସିଲେ ମହୁମାଛି
ମହୁମାଛି ଚାଷୀ ନିଜ କୌଶଳ ବଳରେ ସେଠାରୁ ମହୁମାଛିଙ୍କୁ ହଟାଇ ଏକ ବାକ୍ସ ଭର୍ତ୍ତି କରି ସେମାନଙ୍କୁ ନେଇ ଅନ୍ୟତ୍ର ସ୍ଥାନରେ ଛାଡିଦେଇଥିଲେ । ହେଲେ ତା ପର ଦିନ ସମସ୍ତ ମହୁମାଛି ପୁଣି ଥରେ ଆସି ସେମାନଙ୍କ କାର୍ ବାହାରେ ଜମା ହୋଇଗଲେ ।
ବୈଜ୍ଞାନିକଙ୍କ ମତରେ, ମହୁମାଛି ଦଳ ଯେତେବେଳେ ନିଜ ସ୍ଥାନ ପରିବର୍ତ୍ତନ କରନ୍ତି ସେତେବେଳେ ସେମାନେ ନିଜ ରାଣୀ ମହୁମାଛିକୁ ଅନୁସରଣ କରନ୍ତି । ଏଭଳି ପରିସ୍ଥିତିରେ ରାଣୀ ମହୁମାଛି କୌଣସି କାରଣରୁ କାରରେ ଫସି ରହିଥିବା ହେତୁ ଅନ୍ୟ ମହୁମାଛି ମାନେ ଲଗାତାର ୨ ଦିନ ଧରି କାର ପଛରେ ଘୂରି ବୁଲୁଥିଲେ । ରାଣୀ ମହୁମାଛିକୁ କାରରୁ ବାହାର କରିବାକୁ ଚେଷ୍ଟା କରାଯାଇଥିଲା, ତଥାପି ସେ ବାହାରକୁ ଆସିପାରିନଥିଲା ।
