LIVE TV
ବାଳୁଙ୍ଗାଙ୍କୁ ସାବାଡ଼ କଲେ ଏକୁଟିଆ ଯୁବତୀ । ଏକାବେଳେ ୬ ଜଣ ରୋଡ ରୋମିଓକୁ ଦେଖି ଡରିଗଲେନି । ସେ ଶିଖିଥିବା ଆତ୍ମରକ୍ଷା କୌଶଳ କାମଦେଲା । ଦିନକୁ ଦିନ ଯୁଗ ପରିବର୍ତ୍ତନ ହେଲା ସୁଦ୍ଧା ମହିଳାଙ୍କ ପ୍ରତି ହିଂସା, ଦୁର୍ବ୍ୟବହାର ଦିନକୁ ଦିନ ବଢ଼ିବାରେ ଚାଲିଛି । ତେବେ ବେଳେବେଳେ ନିଜକୁ ରକ୍ଷା କରିବା ପାଇଁ ସିଂହବାହିନୀ ରୂପ ଧରିଥାଆନ୍ତି ମହିଳା ଓ ଯୁବତୀ । ବର୍ତ୍ତମାନ ଏପରି ଏକ ଭିଡିଓ ଭାଇରାଲ୍ ହେଉଛି । ଯେଉଁଥିରେ ଜଣେ ଯୁବତୀ ୬ ଜଣ ଯୁବକଙ୍କ ଉପରେ ଭାରି ପଡ଼ିଥିବା ଥିବା ଦେଖାଯାଉଛି । ଭିଡିଓ ଦେଖିବା ପରେ ସମସ୍ତେ ଯୁବତୀଙ୍କ ସାହସିକତାକୁ ପ୍ରଶଂସା କରୁଛନ୍ତି ।
ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି ଜଣେ ଯୁବତୀ ନିର୍ଜନ ରାସ୍ତାରେ ଚାଲି ଚାଲି ଯାଉଥିବା ବେଳେ ହଠାତ ପହଞ୍ଚି ଯାଆନ୍ତି ୬ ଜଣ ଯୁବକ । ତେବେ ଯୁବତୀଙ୍କୁ ଏକୁଟିଆ ଦେଖି ସମସ୍ତେ ମିଶି ଦୁର୍ବ୍ୟବହାର ଆରମ୍ଭ କରିଦେଇଥିଲେ । ହେଲେ ଯୁବତୀଙ୍କ ପାଲଟା ଜବାବ ଦେଖି ସମସ୍ତଙ୍କ ହୋସ୍ ଉଡ଼ି ଯାଇଥିଲା । ଛଅ ଜଣ ଯୁବକଙ୍କୁ ଜଣେ ଯୁବତୀ ଡେଇଁ ଡେଇଁ ଫିଲ୍ମ ଷ୍ଟାଇଲରେ ଗୋଇଠା ମାରୁଥିବା ଦେଖିବାକୁ ମିଳୁଛି ।
Don't mess with the girl! Hiyaaaaaaaaaaaaaa! 💪💪pic.twitter.com/xZt3rhpiuq
— Figen (@TheFigen) June 11, 2022
ତେବେ ଯୁବତୀ ଜଣକଙ୍କ ଫ୍ଲାଇଙ୍ଗ୍ କିକ୍ ଦେଖି ଲାଗୁଛି ସେ ମାର୍ଶଲ ଆର୍ଟ ଶିଖିଛନ୍ତି । ତେବେ ଯୁବତୀଙ୍କ ଠାରୁ ମାଡ଼ ଖାଇ ସମସ୍ତେ ଘଟଣାସ୍ଥଳରୁ ଫେରାର ହୋଇଯାଆନ୍ତି । ବର୍ତ୍ତମାନ ଏହି ଭିଡିଓ ଇଣ୍ଟରନେଟରେ ଅଧିକରୁ ଅଧିକ ଭାଇରାଲ ହେବାରେ ଲାଗିଛି । ଭିଡିଓ ଦେଖିବା ପରେ ସମସ୍ତେ ଯୁବତୀଙ୍କୁ ଭୁରି ଭୁରି ପ୍ରଶଂସା କରୁଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମରେ ଟ୍ୱିଟର ଏହି ଭିଡିଓକୁ ଦ ଫିଗେନ୍ ନାମକ ଆକାଉଣ୍ଟରୁ ସେୟାର କରାଯାଇଛି । ଭିଡିଓ ଶେୟାର କରି କ୍ୟାପସନରେ ଲେଖାଥିଲା, ଝିଅ ମାନଙ୍କ ସହ ଦୁର୍ବ୍ୟବହାର କରିବା ପୂର୍ବରୁ ସାବଧାନ । ଏହି ୨୫ ସେକେଣ୍ଡର ଭିଡିଓକୁ ବର୍ତ୍ତମାନ ପର୍ଯ୍ୟନ୍ତ ୩୫ ଲକ୍ଷ ଲୋକ ଦେଖି ସାରିଥିବାବେଳେ ୯୦୦୦ରୁ ଅଧିକ ଥର ସେୟାର କରାଯାଇଛି ।
