LIVE TV
ଚୀନ୍ର ସ୍ପାଏ ବେଲୁନ୍କୁ ଗୁଳି କରି ଖସାଇଲା ଆମେରିକା। ଆମେରିକାର ପୂର୍ବ ଉପକୂଳ ଅଞ୍ଚଳରେ ଉଡୁଥିବା ଚୀନ୍ର ଏକ ସନ୍ଦିଗ୍ଧ ବେଲୁନ୍କୁ ଗୁଳି କରି ଖସାଇ ଦିଆଯାଇଥିବା ନେଇ ପେଣ୍ଟାଗନ୍ ପକ୍ଷରୁ ସୂଚନା ଦିଆଯାଇଛି। ଏହାର କିଛି ଭିଡିଓ ମଧ୍ୟ ସାମ୍ନାକୁ ଆସିଛି। ଆଟଲାଣ୍ଟିକ୍ ମହାସାଗର ଉପରେ ଉଡୁଥିବା ଏକ ବେଲୁନ୍ ବିସ୍ଫୋରଣ ହେଉଥିବା ଭିଡିଓରେ ଦେଖିବାକୁ ମିଳିଛି।
ବେଲୁନ୍ ନିକଟରେ କିଛି ଯୁଦ୍ଧ ବିମାନ ଉଡୁଥିବା ମଧ୍ୟ ଭିଡିଓରେ ସ୍ପଷ୍ଟ ଦେଖାଯାଉଛି। ଆଉ ଏହି ଯୁଦ୍ଧ ବିମାନରୁ ହିଁ ଗୁଳି କରି ବେଲୁନ୍କୁ ଖସାଇ ଦିଆଯାଇଛି। ବିସ୍ଫୋରଣ ପରେ ବେଲୁନ୍ର ଅବଶେଷ ସମୁଦ୍ର ମଧ୍ୟରେ ପଡ଼ିଛି। ଉତ୍ତର ଆମେରିକାରର ସମ୍ବେଦନଶୀଳ ସୈନ୍ୟ କ୍ୟାମ୍ପ ଉପରେ ସ୍ପାଏ ବେଲୁନ୍ ଦ୍ୱାରା ଚୀନ୍ ଗୁଇନ୍ଦାଗିରି କରୁଥିବା ନେଇ ଆମେରିକା ପୂର୍ବରୁ ଅଭିଯୋଗ ଆଣିଥିଲା।
Also Read
#ଆମେରିକା_ଗୁଳିରେ_ଖସିଲା_ଚୀନ୍_ସ୍ପାଏ_ବେଲୁନ୍
— ଓଟିଭି (@otvkhabar) February 5, 2023
ଆମେରିକାର ପୂର୍ବ ଉପକୂଳ ଅଞ୍ଚଳରେ ଉଡୁଥିବା ଚୀନ୍ର ଏକ ସନ୍ଦିଗ୍ଧ ବେଲୁନ୍କୁ ଗୁଳି କରି ଖସାଇ ଦିଆଯାଇଥିବା ନେଇ ପେଣ୍ଟାଗନ୍ ପକ୍ଷରୁ ସୂଚନା...#ChineseSpyBalloon #US pic.twitter.com/7AozofjLGC
ଜାନୁଆରୀ ୨୮ ତାରିଖରେ ହିଁ ଆମେରିକା ଆକାଶରେ ଏଭଳି ବେଲୁନ୍ ଦେଖା ଦେଇଥିଲା। ଆମେରିକାର ମୋଣ୍ଟାନା ଅଞ୍ଚଳରେ ବେଲୁନ୍ଟି ଆକାଶରେ ଉଡୁଥିଲା। ପରେ ଏହା ଉତ୍ତର କେରୋଲିନା ଅଞ୍ଚଳରେ ପହଞ୍ଚି ଯାଇଥିଲା। ଏହାକୁ ଗୁଳିକରି ଖସାଇ ଦେବା ଲାଗି ଆମେରିକା ରାଷ୍ଟ୍ରପତି ଜୋ ବାଇଡେନ୍ ନିର୍ଦ୍ଦେଶ ଦେଇଥିଲେ। ତେବେ ଏହାର ଅବଶେଷ ଜନବସତି ଉପରେ ପଡ଼ି କ୍ଷୟକ୍ଷତି ଘଟାଇବା ଆଶଙ୍କାରେ ଏହି ପଦକ୍ଷେପ ନିଆଯାଇନଥିଲା। ପରେ ଏହା ସମୁଦ୍ର ଉପର ଦେଇ ଗତି କରୁଥିବା ବେଳେ ଏହାକୁ ଗୁଳିକରି ଖସାଇ ଦିଆଯାଇଛି।
ସୂଚନାଥାଉ କି, ପୂର୍ବରୁ ବେଲୁନ୍ଟି ନିଜର ବୋଲି କହିଥିଲା ଚୀନ୍। ତେବେ ଏହା ପାଣିପାଗ ସମ୍ବନ୍ଧୀୟ ସୂଚନା ଦେବା ଲାଗି ତିଆରି ହୋଇଥିବା ବେଲୁନ୍ ଏବଂ ଦିଗ ଭୁଲି ଚାଲିଯାଇଥିବା ଚୀନ ପକ୍ଷରୁ କୁହାଯାଇଥିଲା।
