LIVE TV
ନୂଆଦିଲ୍ଲୀ : ଗହଳି ବଢ଼ିବା ସହ କିଛି ରାଜ୍ୟରେ ବଢ଼ିଲାଣି କରୋନାର R-ଫ୍ୟାକ୍ଟର । R-ଫ୍ୟାକ୍ଟର କହିଲେ କରୋନାର ରିପ୍ରଡକ୍ସନ ନମ୍ବର ବା ବଂଶବୃଦ୍ଧି ହାରକୁ ବୁଝାଇଥାଏ । କିଛି ରାଜ୍ୟରେ କରୋନା ସତର୍କତାର ଖୋଲାଖୋଲି ଉଲ୍ଲଂଘନ ଫଳରେ ଏହି R-ଫ୍ୟାକ୍ଟର ବଢ଼ିଛି । ଏନେଇ ସବୁ ରାଜ୍ୟର ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ସତର୍କ କରାଇଛନ୍ତି କେନ୍ଦ୍ର ଗୃହ ସଚିବ ଅଜୟ ଭଲ୍ଲା । ସେ ଚିଠିରେ ଲେଖିଛନ୍ତି, ଏପର୍ଯ୍ୟନ୍ତ ଦ୍ୱିତୀୟ ଲହର ଯାଇନି କିନ୍ତୁ ଦେଶର ବିଭିନ୍ନ ପ୍ରାନ୍ତରେ କୋଭିଡ୍ ନିୟମର ଖୋଲାଖୋଲି ଉଲ୍ଲଂଘନ ହେଉଛି ।
ବିଶେଷ କରି ପବ୍ଲିକ୍ ଟ୍ରାନ୍ସପୋର୍ଟ, ହିଲ୍ ଷ୍ଟେସନ୍ ଓ ହାଟବଜାରରେ ଅତ୍ୟଧିକ ଭିଡ଼ ଦେଖିବାକୁ ମିଳୁଛି । ଫଳରେ କିଛି ରାଜ୍ୟରେ R-ଫ୍ୟାକ୍ଟର ବଢ଼ିବା ଚିନ୍ତାଜନକ ବିଷୟ । R-ଫ୍ୟାକ୍ଟର ୧ ଉପରକୁ ଗଲେ, ଏହା କୋଭିଡ୍ ସଂକ୍ରମଣ ବ୍ୟାପିବାକୁ ସୂଚାଇଥାଏ । ତେଣୁ ଦୋକାନ, ମଲ୍, ମାର୍କେଟ୍, ସାପ୍ତାହିକ ହାଟ, ମଣ୍ଡି, ରେସ୍ତୋରାଁ ଓ ରେଳ ଷ୍ଟେସନ୍ ସହ ଭିଡ଼ ଜମୁଥିବା ସମସ୍ତ ସ୍ଥାନରେ କୋଭିଡ୍ ଗାଇଡଲାଇନ କଡ଼ାକଡ଼ି ଉପରେ ସେ ଗୁରୁତ୍ୱ ଦେଇଛନ୍ତି । ଏପରିକି ଭିଡ଼ ନିୟନ୍ତ୍ରଣରେ ବିଫଳ ହେଲେ ଯେଉଁ ଅଧିକାରୀ ଦାୟିତ୍ୱରେ ଥିବେ ତାଙ୍କୁ ବ୍ୟକ୍ତିଗତ ଭାବେ ଏଥିପାଇଁ ଦାୟୀ କରାଯିବାକୁ ଦର୍ଶାଯାଇଛି ।
ଚେନ୍ନାଇ ସ୍ଥିତ ଇନଷ୍ଟିଚ୍ୟୁଟ୍ ଅଫ୍ ଗଣିତ ବିଜ୍ଞାନ ଦ୍ୱାରା କରାଯାଇଥିବା ବିଶ୍ଳେଷଣ ଅନୁସାରେ, ଜୁନ ମାସ ତୁଳନାରେ ଜୁଲାଇ ପ୍ରଥମ ସପ୍ତାହରେ ଆର-ଫ୍ୟାକ୍ଟର୍ ସଂକ୍ରମଣ ଅଧିକ । ଗାଣିତିକ ଉପସ୍ଥାପନା ଅନୁସାରେ ସଂକ୍ରମଣ କେତେ ଶୀଘ୍ର ବିସ୍ତାର କରୁଛନ୍ତି ତାହା ସ୍ପଷ୍ଟ ହୋଇଛି । ଜୁନ୍ ୩୦ରେ ୦.୭୮ ରୁ ଜୁଲାଇ ପ୍ରଥମ ସପ୍ତାହରେ ୦.୮୮ କୁ ବୃଦ୍ଧି ପାଇଛି । ଉତ୍ତର-ପୂର୍ବ ରାଜ୍ୟ ଗୁଡ଼ିକରେ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି ।
Also Read
ଚେନ୍ନାଇର ଗଣିତ ବିଜ୍ଞାନ ପ୍ରତିଷ୍ଠାନର ପ୍ରଫେସର ସୀତାଭାରା ସିହ୍ନା ଏହି ଅନୁସନ୍ଧାନକାରୀ ଦଳର ନେତୃତ୍ୱ ନେଇଥିଲେ । ସକ୍ରିୟ ମାମଲା ଦୀର୍ଘ ଦିନ ଧରି ବୃଦ୍ଧି ପାଇଲେ, ସୁପର-ସ୍ପ୍ରେଡର୍ ବୃଦ୍ଧି ସୃଷ୍ଟି ହେବାର ଅନେକ ସମ୍ଭାବନା ଥିବା ସେ କହିଛନ୍ତି । ଯଦ୍ୱାରା ଖୁବ ଶୀଘ୍ର ଦେଶକୁ ପହଞ୍ଚିବ କରୋନାର ତୃତୀୟ ଲହରୀ । ଚଳିତ ବର୍ଷ ଫେବୃଆରୀରେ ଆର-ଫ୍ୟାକ୍ଟରର ବୃଦ୍ଧି ପରିଲକ୍ଷିତ ହୋଇଥିଲା, ଆଉ ସେହି ସମୟରେ ୦.୯୩ ରୁ ୧.୦୨ କୁ ବୃଦ୍ଧି ପାଇଥିଲା । ସେହିପରି ମାର୍ଚ୍ଚ ୯ରୁ ଏପ୍ରିଲ ୨୧ ମଧ୍ୟରେ କରୋନା ମହାମାରୀର ଦ୍ୱିତୀୟ ଲହରୀ ଶିଖରରେ ଥିବାବେଳେ ଆର-ଫ୍ୟାକ୍ଟର ୧.୩୭ ଥିଲା । ଏହାର ଅର୍ଥ ହେଉଛି ସେହି ସମୟରେ ପ୍ରତି ୧୦୦ ସଂକ୍ରମିତ ୧୩୭ ଜଣଙ୍କ ସଂକ୍ରମିତ କରୁଥିଲେ । ଆଉ ସେବେଠାରୁ କରୋନାର ଆର୍-ଫ୍ୟାକ୍ଟର ଲଗାତାର ହ୍ରାସ ପାଉଥିଲା ।
