ବାପା’ଙ୍କ ଠାରୁ ମାଡ଼ ଖାଇ ଘର ଛାଡ଼ି ଦେଇଥିଲେ, ଏବେ ୩୨ ବର୍ଷ ପରେ ଘରକୁ ଫେରିଛନ୍ତି, ହେଲେ . . . .

ଦୀର୍ଘ ୩୨ବର୍ଷ ପରେ ଘରକୁ ଫେରିଛି ରଘୁଆ । ହାତର ଚିତା ପାଇଁ ଚିହ୍ନି ପାରିଲେ ପରିବାର ଲୋକେ। ଦିନେ ବାପାଙ୍କ ମାଡ଼ ଖାଇ ଘର ଛାଡି ଦେଇଥିଲେ, ଆଉ ଘର ଛାଡିବା ପରେ ତାଙ୍କ ନାଁ ବଦଳି ଯାଇଛି । ରଘୁନାଥ ପ୍ରଧାନ ହୋଇ ଯାଇଛନ୍ତି ରଘୁ ସିଂ। ଦୀର୍ଘ ବର୍ଷ ପରେ ତାଙ୍କୁ ମନେ ପଡିଛି ଗାଁ ଓ ଘର କଥା । ଏବେ ଗାଁକୁ ଫେରିଛନ୍ତି ସେହି ରଘୁଆ । ହେଲେ ଦୁଃଖର କଥା ତାଙ୍କର ବାପା ଓ ମାଆ ନାହାନ୍ତି ।

ଭଦ୍ରକୀର ଧାମନଗର ବ୍ଲକ ଜୟନଗର ଗାଁର ରଘୁଆ ପ୍ରଧାନ ଓରଫ୍‌ ରଘୁ ସିଂଙ୍କ କାହାଣୀ । ୩୨ ବର୍ଷ ଭିତରେ ସମୟ ବଦଳିଛି ଵଦଳିଛି ରଘୁଆ ତାସଙ୍ଗେ ବଦଳିଛି ଧାମନଗରର ଭୌଗଳିକ ସ୍ଥିତି। ୧୪ ଵର୍ଷର ରଘୁଆ ଘରୁ ଚାଲି ଯାଇଥିବା ବେଳେ ଏବେ ୪୬ ବର୍ଷରେ ଫେରିଛନ୍ତି। ରଘୁଙ୍କ ଶୁଭ ନାଁ ରଘୁନାଥ ପ୍ରଧାନ । ଛୋଟ ବେଳେ ମେଳା ବୁଲିବା ବେଳେ ହାତରେ ଚିତା କରାଇଥିଲେ। ବାପାଙ୍କ ସହ ଦୋକାନରେ କାମ କରିବା ବେଳେ ଦିନରେ ବାପା ମାଡ଼ ମାରିଥିଲେ ।

ସେତେବେଳକୁ ରଘୁଙ୍କୁ ପ୍ରାୟ୧୪ ବର୍ଷର ହୋଇଥିଲା । ବାପାଙ୍କ ଠାରୁ ମାଡ଼ ଖାଇବା ପରେ ସେ ରାଗରେ ଘର ଛାଡି ଦେଇଥିଲେ । ପରେ ସମୟର ତାଡନାରେ ମଧ୍ୟପ୍ରଦେଶରେ ପହଞ୍ଚିଥିଲେ ସେଠାରେ ଜଣେ ଲୋକଙ୍କ ନିକଟରେ ରହି କାମ କରୁଥିଲେ । ଆଉ ସେଇଠି ହିଁ ବଦଳି ଯାଇଥିଲା ତାଙ୍କ ନାଁ ।

ରଘୁନାଥ ପ୍ରଧାନ ହୋଇଯାଇଥିଲେ ରଘୁ ସିଂ । କିନ୍ତୁ ଘର କଥା ଆଉ ମନେ ପକାଇ ପାରିନଥିଲେ । ଶେଷରେ ନାଗା ବାବାଙ୍କ ସଂସ୍ପର୍ଶରେ ଆସିଥିଲେ । ଆଉ ରଘୁ କୁହନ୍ତି ବାବା ତାଙ୍କୁ ଗୋଟିଏ ବଳା ଓ କିଛି ଲକେଟ ଦେଇଥିଲେ ଆଉ ପରେ ତାଙ୍କ ଘର କଥା ମନେ ପଡିଥିଲା । ଏବେ ୩୨ ବର୍ଷ ପରେ ଖୋଜି ଖୋଜି ଘରକୁ ଫେରିଛନ୍ତି ରଘୁଆ ।

ସେପଟେ ପୁଅକୁ ଝୁରି ଝୁରି ବାପା ଓ ମାଆଙ୍କର ଦେହାନ୍ତ ହୋଇଛି, ଭଉଣୀ ବାହା ହୋଇ ଯାଇଛନ୍ତି । ଆଉ ଭାଇ ମାନେ ଗାଁରେ ଅଛନ୍ତି । ହେଲେ ଯେଉଁଦିନ ରଘୁଆ ଘରକୁ ଫେରିଥିଲେ, ଗାଁ ଲୋକେ ତାଙ୍କୁ କେହି ଜାଣିପାରି ନଥିଲେ । ସେ କିନ୍ତୁ ମନେ ପକାଇ ସାଙ୍ଗ ମାନଙ୍କୁ ଚିହ୍ନିଥିଲେ । ଆଉ ଭାଇ ମଧ୍ୟ ଭାଇକୁ ଜାଣି ପାରୁନଥିଲେ କିନ୍ତୁ ଗାଁର ଜଣେ ସାଙ୍ଗ ଦେଖିଥିଲା ହାତରେ ହୋଇଥିବା ଚିତା ।

ଦୁଇ ହାତରେ ପାନ ପତ୍ର ଭିତରେ ଲେଖା ଥିଲା ରଘୁ ପ୍ରଧାନ । ଆଉ ଚିତାରୁ ହିଁ ସମସ୍ତେ ଜାଣିଲେ ଏ ହେଉଛନ୍ଥି ୩୨ ବର୍ଷ ତଳେ ଘରୁ ପଳାଇ ଯାଇଥିବା ରଘୁଆ । ଏବେ ସମସ୍ତେ ଖୁସି କାରଣ ରଘୁଆ ଫେରିଛି । ଏହି ଘଟଣା ଏବେ ଗାଁରେ ଖୁସିରେ ଲହରି ଖେଳିଛି।