Career Tips: ଲୋକୋ ପାଇଲଟ୍ ହେବାକୁ ଚାହାନ୍ତି କି? ଜାଣନ୍ତୁ କ’ଣ କରିବାକୁ ହେବ…

ଟ୍ରେନରେ ପରିବାର ସଦସ୍ୟ ଓ ସାଙ୍ଗମାନଙ୍କ ସହିତ ଯାତ୍ରା କରିବାର ମଜ୍ଜା ନିଆରା ହୋଇଥାଏ। ଟ୍ରେନ୍ ଭ୍ରମଣର ଅନେକ ଅଭିଜ୍ଞତା ପ୍ରାୟ ସମସ୍ତଙ୍କର ଥିବ। ତେବେ ଆମକୁ ସୁରକ୍ଷିତ ଭାବେ ଗନ୍ତବ୍ୟସ୍ଥଳରେ ପହଞ୍ଚେଇବାର ଦାୟିତ୍ୱ ଲୋକୋ ପାଇଲଟଙ୍କର ଥାଏ। ଲୋକୋ ପାଇଲଟଙ୍କ ଦାୟିତ୍ୱ ଏକ ବିମାନ ପାଇଲଟଙ୍କ ଭୂମିକା ସହିତ ସମାନ।

ଏକ ସାଧାରଣ ଟ୍ରେନ୍‌ରେ ପାଖାପାଖି ୧୦,୦୦୦ରୁ ଅଧିକ ଯାତ୍ରୀ ଏବଂ ବିଭିନ୍ନ ସାମଗ୍ରୀ ପରିବହନ ହୋଇଥାଏ। ୧୦,୦୦୦ରୁ ଅଧିକ ଲୋକଙ୍କର ଯାତାୟତର ଦାୟିତ୍ୱ ଲୋକୋ ପାଇଲଟଙ୍କ କାନ୍ଧରେ ଥାଏ। ଆପଣମାନେ ଜାଣିଛନ୍ତି କି ଏହି ଲୋକୋ ପାଇଲଟ୍ ହେବା ପାଇଁ ଯୋଗ୍ୟତା କ’ଣ, ଦରମା କେତେ? ଆସନ୍ତୁ ଜାଣିବା…

ଲୋକୋ ପାଇଲଟ୍ କ’ଣ:

ଲୋକୋ ପାଇଲଟ୍ ହେଉଛନ୍ତି ଜଣେ ବ୍ୟକ୍ତି ଯିଏ ଟ୍ରେନ୍ ଚାଳିବା ସମୟରେ ଗତିବିଧି ଉପରେ ନଜର ରଖନ୍ତି। ଏହା ଭାରତୀୟ ରେଳବାଇର ଏକ ବରିଷ୍ଠ ପଦବୀ ଏବଂ କୌଣସି ପ୍ରାର୍ଥୀଙ୍କୁ ଲୋକୋ ପାଇଲଟ୍ ଭାବରେ ସିଧାସଳଖ ନିଯୁକ୍ତି କରାଯାଏ ନାହିଁ। ଆସିଷ୍ଟାଣ୍ଟ୍‌ ଲୋକୋ ପାଇଲଟ୍‌ ନିଯୁକ୍ତି ପାଇଁ ଭାରତୀୟ ରେଳ ଏକ ପ୍ରବେଶିକା ପରୀକ୍ଷା କରିଥାଏ। ପରେ ଲୋକୋ ପାଇଲଟ୍‌ କିମ୍ବା ଅନ୍ୟାନ୍ୟ ପରିଚାଳନା ପଦବୀକୁ ପଦୋନ୍ନତି କରାଯାଏ।

ଲୋକୋ ପାଇଲଟ୍‌ର କାମ:

ଲୋକୋ ପାଇଲଟ୍ ଆସିଷ୍ଟାଣ୍ଟ୍‌ଙ୍କ କାମ ହେଉଛି ଟ୍ରେନକୁ ସୁରୁଖୁରୁରେ ଚଳାଇବାରେ ଲୋକୋ ପାଇଲଟ୍‌ଙ୍କୁ ସାହାଯ୍ୟ କରିବା। ଲୋକୋ ପାଇଲଟ୍‌ଙ୍କ କାମରେ ଅନେକ ଜଟିଳ କାର୍ଯ୍ୟ ରହିଛି, ଯେପରିକି ଲୋକୋମୋଟିଭ୍ ଇଞ୍ଜିନକୁ କାମ କରିବାରେ ଠିକ୍ କ୍ଷମତା ବଜାୟ ରଖିବା, ଟ୍ରେନ୍‌ରେ ମରାମତି ଏବଂ ରକ୍ଷଣାବେକ୍ଷଣ କାମ କରିବା, ସିଗ୍‌ନାଲ୍ ପରିବର୍ତ୍ତନର ତଦାରଖ କରିବା ଏବଂ ଅନ୍ୟ ରେଳ ଅଧିକାରୀଙ୍କ ସହ ଯୋଗାଯୋଗ କରିବା।

ଲୋକୋ ପାଇଲଟଙ୍କ ପାଇଁ ତାଙ୍କ କର୍ତ୍ତବ୍ୟକୁ ବୁଦ୍ଧିମାନ ସହିତ ପାଳନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ହଜାର ହଜାର ଯାତ୍ରୀଙ୍କ ସୁରକ୍ଷା ତାଙ୍କ ଉପରେ ନିର୍ଭର କରେ।

କିପରି ହେବେ ଲୋକୋ ପାଇଲଟ୍:

ଲୋକୋ ପାଇଲଟ୍ ହେବାକୁ ଇଛା କରୁଥିବା ପ୍ରାର୍ଥୀମାନେ ନିଶ୍ଚିତ ଭାବରେ କୌଣସି ସ୍ୱୀକୃତିପ୍ରାପ୍ତ ବୋର୍ଡ କିମ୍ବା ଅନୁଷ୍ଠାନରୁ ୫୦% ମାର୍କ ସହିତ ଦ୍ୱାଦଶ ପାସ୍ କରିଥିବା ଆବଶ୍ୟକ ଏବଂ କୌଣସି ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ସ୍ନାତକ ଡିଗ୍ରୀ ହାସଲ କରିଥିବା ଜରୁରୀ। ଏହା ସହିତ, ସମ୍ପୃକ୍ତ ଟ୍ରେଡ୍‌ରେ ITIର ଏକ ପ୍ରମାଣପତ୍ର ମଧ୍ୟ ରହିବା ଉଚିତ।

ଲୋକୋ ପାଇଲଟ୍‌ଙ୍କ ଦରମା:

ରେଲୱେ ନିଯୁକ୍ତି ବୋର୍ଡରେ ଆସିଷ୍ଟାଣ୍ଟ ଲୋକୋ ପାଇଲଟ୍‌ଙ୍କ ଦରମା ଖୁବ ଭଲ। ରେଳବାଇ ନିଯୁକ୍ତି ବୋର୍ଡ ଦ୍ୱାରା ଦରମା ବିବରଣୀ ଘୋଷଣା କରାଯାଏ ଯାହା RRB ALP ପରୀକ୍ଷା କରିଥାଏ। ସପ୍ତମ ବେତନ ଆୟୋଗର ବ୍ୟବସ୍ଥା ଅନୁଯାୟୀ RRB ALP ଦରମା ସ୍ଥିର କରାଯାଇଛି। ଲୋକୋ ପାଇଲଟଙ୍କ ଦରମା ୧୯,୯୦୦ ରୁ ୩୫,୦୦୦ ଟଙ୍କା ଏବଂ ଏହା ସହିତ ଅନ୍ୟାନ୍ୟ ଭତ୍ତା ଏବଂ ସୁବିଧା ମଧ୍ୟ ରହିଛି।

ଚୟନ ପ୍ରକ୍ରିୟା:

• ପ୍ରଥମ ସ୍ତର CBT
• ଦ୍ୱିତୀୟ ସ୍ତର CBT
• CBAT / କମ୍ପ୍ୟୁଟର ଆଧାରିତ ଦକ୍ଷତା ପରୀକ୍ଷା
• ଡକ୍ୟୁମେଣ୍ଟ୍ ଯାଞ୍ଚ