• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ଅନେକ ସଂସ୍ଥା କମ୍ ଲୋକରେ କାମ ଚଳେଇନେବା ନୀତିରେ ଆଗେଇ ଚାଲିଛନ୍ତି। ଏନେଇ ଏହିସବୁ ସଂସ୍ଥାଗୁଡିକରେ ନିଯୁକ୍ତି ପାଇଥିବା ଲୋକଙ୍କୁ ଦିନକୁ ଆବଶ୍ୟକତା ଠାରୁ ଅଧିକ ସମୟ କାମ କରିବାକୁ ପଡେ। ଏପରିକି ଛୁଟିଟିଏ ମିଳିବା ମଧ୍ୟ କଷ୍ଟକର ହୋଇପଡେ।

ଜରୁରୀ ଥିଲେ ବି ଛୁଟି ମାଗିବା ସହଜ ହୁଏ ନାହିଁ। ଯଦିଓ କେହି କୌଣସି ପ୍ରକାରେ ଛୁଟି ଦାବି କରନ୍ତି ଆଉ ଏହି ଛୁଟି ଆବେଦନ ପ୍ରତ୍ୟାଖ୍ୟାନ ହୋଇଯାଏ ତେନେ ଅନେକ ଲଜ୍ଜାର ସମ୍ମୁଖୀନ ହେବାକୁ ପଡିପାରେ। କିନ୍ତୁ ଏମିତି ବି କିଛି ଲୋକ ଅଛନ୍ତି ଯେଉଁମାନେ ଯେକୌଣସି ବି ସମୟରେ ଅତି ସହଜରେ ଛୁଟି ନେଇଯାଆନ୍ତି। ଛୁଟି ମାଗିବା ମଧ୍ୟ ଏକ କଳା ବୋଲି ଅନେକ କ୍ୟାରିୟର ବିଶେଷଜ୍ଞ ବିଚାର କରନ୍ତି।

ଅଧିକ ପଢ଼ନ୍ତୁ: ଏକ ସଫଳ କ୍ୟାରିୟର୍ ଚାହୁଛନ୍ତି କି; ତେବେ ଏହିସବୁ ଦିଗ ପ୍ରତି ଧ୍ୟାନ ଦିଅନ୍ତୁ

ଯଦି ବି ଆପଣ ବର୍ତ୍ତମାନ କେଉଁଠିକୁ ବୁଲୁଯିବାକୁ ପ୍ଲାନ କରୁଛନ୍ତି ବା କାମରୁ କିଛିଦିନ ପାଇଁ ଛୁଟି ନେବାକୁ ଚାହୁଁଛନ୍ତି ତେବେ ଆଜିଠାରୁ ପ୍ରସ୍ତୁତି ଆରମ୍ଭ କରିଦିଅନ୍ତୁ। ଏମିତି କିଛି ଟିପ୍ସ ଅଛି ଯାହାକୁ ଆପଣ ବ୍ୟବହାର କରି ବସଙ୍କ ଠାରୁ ଖୁବ ସହଜରେ ଛୁଟି ମାଗିପାରିବେ। ଏହାକୁ ମଞ୍ଜୁର କରିବା ପାଇଁ ମଧ୍ୟ କୌଣସି ଅସୁବିଧା ହେବ ନାହିଁ। 

ପ୍ରି-ପ୍ଲାନିଂ ଆବଶ୍ୟକ:

ଯଦି ଆପଣଙ୍କର କୌଣସି ଜରୁରୀକାଳୀନ ଛୁଟି ଦରକାର ନାହିଁ, ତେବେ ଆପଣଙ୍କର ପ୍ରୋଜେକ୍ଟ କିମ୍ବା କମିଣ୍ଟମେଣ୍ଟ୍ ଠିକ୍ ସମୟରେ ସାରିଦିଅନ୍ତୁ। ଏମିତି କରିପାରିଲେ ଆପଣ ସହଜରେ ଛୁଟି ମାଗିବାରେ ସକ୍ଷମ ହେବେ ଏବଂ ଛୁଟି ସମୟରେ ବସ୍ କିମ୍ବା କଲିଗ୍‌ଙ୍କୁ ଆପଣଙ୍କ ଆବଶ୍ୟକତା ପଡିବ ନାହିଁ।
ସମୟର ମୁହୂର୍ତ୍ତକୁ ବୁଝିବା:

ଛୁଟି ମାଗିବାବେଳେ, ଆପଣଙ୍କ ବସ୍‌ଙ୍କ ମନୋଭାବ ପରୀକ୍ଷା କରିବା ଉଚିତ। ଯଦି ସେ କାର୍ଯ୍ୟରେ ବ୍ୟସ୍ତ ଥିବା ପରି ମନେ ହେବେ କିମ୍ବା କମ୍ପାନୀ ଏକ ସଙ୍କଟ ଦେଇ ଗତି କରୁଥିବ, ତେବେ ଛୁଟି ମାଗିବା ପାଇଁ ଏହା ସବୁଠାରୁ ଖରାପ ସମୟ ହୋଇପାରେ।

ଛୁଟି ପାଇଁ କାରଣ:

ଯଦି ଆପଣଙ୍କୁ ଅନେକ ଦିନ ପାଇଁ ଛୁଟି ଦରକାର, ତେବେ ସେଥିପାଇଁ ଏକ ଯୁକ୍ତିଯୁକ୍ତ କାରଣ ରହିବା ଉଚିତ। ଯଦି ଛୁଟିର କାରଣ ଜଣାଇବାରେ ସକ୍ଷମ ହେବେ ନାହିଁ, ତେବେ ଛୁଟି ପାଇବା କଷ୍ଟକର ହେବ।

ଆଡଭାନ୍ସ ନୋଟିସ୍ ଆବଶ୍ୟକ:

ଅସୁସ୍ଥତା, ଦୁର୍ଘଟଣା କିମ୍ବା ଦୁଃଖଦ ସମୟ ବେଳେ ଆଗୁଆ ନୋଟିସ୍ ଦେବା ସମ୍ଭବ ନୁହେଁ। କିନ୍ତୁ ଯଦି ଆପଣ କୌଣସି ସ୍ଥାନକୁ ବୁଲିବାକୁ ଯାଉଛନ୍ତି ଏବଂ ଏଥିପାଇଁ ଏକ ଦୀର୍ଘ ଛୁଟି ଆବଶ୍ୟକ କରୁଛନ୍ତି, ତେବେ ମାଲିକଙ୍କୁ ଆଗୁଆ ଜଣାଇବା ଜରୁରୀ। ଏହା ଦ୍ୱାରା ସେମାନେ ସେହି ଅନୁଯାୟୀ ସେମାନଙ୍କର କାର୍ଯ୍ୟସୂଚୀ ପ୍ରସ୍ତୁତ କରିବାକୁ ସମର୍ଥ ହେବେ।

ବ୍ୟାକ୍‌ଅପ୍ ଯୋଜନା:

ଯଦି ଆପଣଙ୍କର କମ୍ପାନୀରେ ଅଧିକ କାମ ଅଛି କିମ୍ବା ଆପଣ ଏକ ଦାୟିତ୍ୱପୂର୍ଣ୍ଣ ପଦରେ ଅଛନ୍ତି, ତେବେ ନିଶ୍ଚିତ ଭାବରେ ଆପଣଙ୍କ କାମ ପାଇଁ ଏକ ବ୍ୟାକଅପ୍ ବ୍ୟବସ୍ଥା କରନ୍ତୁ।