LIVE TV
ୱାସିଂଟନ୍ : ଆମେରିକା କମ୍ପାନୀ ଜନ୍ସନ୍ ଆଣ୍ଡ୍ ଜନ୍ସନ୍ର କିଛି ପ୍ରଡକ୍ଟରେ ବେଂଜିନ୍ ଥିବା ଜଣାପଡିଛି, ଯାହା ଦ୍ୱାରା କ୍ୟାନସର୍ ପ୍ରତି ବିପଦ ରହିଛି। ତେଣୁ କମ୍ପାନୀ ଏହାର ସନ୍ସ୍କ୍ରିନ୍ ପ୍ରଡକ୍ଟଗୁଡ଼ିକୁ ବୁଧବାର ବଜାରରୁ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛି। ନ୍ୟୁଜ୍ ଏଜେନ୍ସି ଏପି ଅନୁଯାୟୀ, ଯେତେବେଳେ ସନ୍ସ୍କ୍ରିନ୍ ଉତ୍ପାଦଗୁଡିକ ଆଭ୍ୟନ୍ତରୀଣ ପରୀକ୍ଷଣ କରାଯାଇଥିଲା, ସେତେବେଳେ ସେଥିରେ ଅଳ୍ପ ପରିମାଣର ବେଂଜିନ୍ ଥିବା ଦେଖିବାକୁ ମିଳିଥିଲା।
ପ୍ରତ୍ୟାହାର ହୋଇଥିବା ଉତ୍ପାଦଗୁଡ଼ିକରେ ସମସ୍ତ କେନ୍ ସାଇଜ୍, ସନ୍ ପ୍ରୋଟେକ୍ସନ୍ ଫ୍ୟାକ୍ଟର୍ର ସମସ୍ତ ଲେବଲ୍ ବା ଏସ୍ପିଏଫ୍ ସାମିଲ୍ ଅଛି। ପ୍ରକାଶଥାଉ ଯେ କୌଣସି ସନ୍ସ୍କ୍ରିନ୍ ତିଆରି କରିବା ସମୟରେ ବେଂଜିନ୍ ବ୍ୟବହାର କରାଯାଏ ନାହିଁ।
ଏହି ସନ୍ସ୍କ୍ରିନ୍ ଉତ୍ପାଦଗୁଡ଼ିକରେ ଅଭିନୋ ପ୍ରୋଟେକ୍ଟ + ରିଫ୍ରେସ୍ ଏରୋସୋଲ୍ ସନ୍ସ୍କ୍ରିନ୍ ଏବଂ ଚାରୋଟି ନିଉଟ୍ରୋଜେନା ସନ୍ସ୍କ୍ରିନ୍ ସଂସ୍କରଣ - ବିଚ୍ ଡିଫେନ୍ସ ଏରୋସୋଲ୍ ସନ୍ସ୍କ୍ରିନ୍, କୁଲଡ୍ରାଏ ସପୋର୍ଟ ଏରୋସୋଲ ସନ୍ସ୍କ୍ରିନ୍, ଇନ୍ଭିଜିବଲ୍ ଡେଲି ଡିଫେନ୍ସ ଏରୋସୋଲ୍ ସନ୍ସ୍କ୍ରିନ୍ ଏବଂ ଅଲ୍ଟ୍ରାସିର ଏରୋସୋଲ୍ ସନ୍ସ୍କ୍ରିନ୍ ଅନ୍ତର୍ଭୁକ୍ତ।
Also Read
ଏଜେନ୍ସିର ରିପୋର୍ଟ ଅନୁଯାୟୀ, ଏହି ଉତ୍ପାଦଗୁଡିକ ସମଗ୍ର ଦେଶରେ ଖୁଚୁରା ବ୍ୟବସାୟୀମାନଙ୍କୁ ଦିଆଯାଇଥିଲା। କମ୍ପାନୀ କହିଛି ଯେ କମ୍ପାନୀ ଏବଂ ସ୍ୱତନ୍ତ୍ର ଲ୍ୟାବ ଅନୁସନ୍ଧାନରେ ବେଂଜିନ ଚିହ୍ନଟ କରାଯାଇଛି। ଏହା ସହିତ ଗ୍ରାହକମାନଙ୍କୁ ତୁରନ୍ତ ସନ୍ସ୍କ୍ରିନ୍ ବ୍ୟବହାର କରିବାକୁ ବାରଣ କରାଯାଇଛି, କିନ୍ତୁ ଯେଉଁମାନେ ଉତ୍ପାଦ କିଣିଛନ୍ତି ସେମାନଙ୍କୁ ଟଙ୍କା ଫେରସ୍ତ କରାଯିବ। ଏହି ବ୍ୟକ୍ତିମାନେ ଟଙ୍କା ଫେରସ୍ତ ପାଇଁ କଞ୍ଜ୍ୟୁମର୍ କେୟାରକୁ ଫୋନ୍ କରିବାକୁ ପଡିବ।
ଜନ୍ସନ୍ ଆଣ୍ଡ୍ ଜନ୍ସନ୍ ମୁଖପାତ୍ର କହିଛନ୍ତି ଯେ ଏହି ବିଷୟରେ ଆମକୁ ସଚେତନ କରାଯିବା ମାତ୍ରେ ଆମେ ତୁରନ୍ତ ଆମର କଞ୍ଚାମାଲ ଏବଂ ଉତ୍ପାଦନ ପ୍ରକ୍ରିୟା ଅନୁସନ୍ଧାନ ଆରମ୍ଭ କରିଛୁ। ଏଥିରେ ଆମେ ଆଭ୍ୟନ୍ତରୀଣ ପରୀକ୍ଷା ମଧ୍ୟ କରିଛୁ।
ପ୍ରକାଶଥାଉ ଯେ ବେଂଜିନ ଏକ ପ୍ରକାର ଜ୍ୱଳନଶୀଳ ଏବଂ ବହୁଳ ଭାବରେ ବ୍ୟବହୃତ କେମିକାଲ୍। ଏହାର ବାରମ୍ବାର ସଂସ୍ପର୍ଶରେ ଆସିବା ଦ୍ୱାରା କର୍କଟ ରୋଗ ହୋଇପାରେ।
ଏହାପୂର୍ବରୁ ଜନ୍ସନ୍ ଆଣ୍ଡ୍ ଜନ୍ସନ୍ଙ୍କ ଶିଶୁ ପାଉଡର ବ୍ୟବହାର ହେତୁ କର୍କଟ ରୋଗର ଅଭିଯୋଗ ଆସିଥିଲା। ବ୍ରୁକଲିନ୍ ମହିଳା ଏବଂ ତାଙ୍କ ସ୍ୱାମୀ କମ୍ପାନୀର ଶିଶୁ ପାଉଡର ବ୍ୟବହାର ଯୋଗୁଁ କର୍କଟ ରୋଗ ପ୍ରତି ବିପଦ ରହିଥିବା ଅଭିଯୋଗ କରିଥିଲେ। ଏହାର ନ୍ୟୁୟର୍କ ଷ୍ଟେଟ୍ ଜଜ୍ କମ୍ପାନୀକୁ ୧୨୦ ମିଲିୟନ୍ ଡଲାର୍ କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି।
