• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

କରୋନା ଭାଇରସ୍ ଦୁନିଆର ଲକ୍ଷ ଲକ୍ଷ ଲୋକଙ୍କୁ ପ୍ରଭାବିତ କରିଛି। ସଂକ୍ରମଣକୁ ମୁକାବିଲା କରିବା ପାଇଁ କିଛି ଲୋକଙ୍କ ପାଖରେ ଅଧିକ ପ୍ରତିରୋଧକ ଶକ୍ତି ଥିବାବେଳେ, ଅନ୍ୟକିଛି ଲୋକ କୋଭିଡ୍ ଜୀବାଣୁ ଆକ୍ରମଣରେ ପୀଡିତ ହୋଇଥିଲେ। ଜଣେ ଯଦି ଧୂମପାନ କରନ୍ତି ଏଥିରେ ଆକ୍ରାନ୍ତ ହେବାର ସମ୍ଭାବନା ଅଧିକ ହୋଇଥାଏ ବୋଲି ଏକ ଅଧ୍ୟୟନ କହିଛି।

AHA ତମାଖୁ ନିୟାମକ କେନ୍ଦ୍ର ଏବଂ କେଣ୍ଟୁକିରେ ଥିବା ଲୁଇସ୍‌ଭିଲ୍ ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ ଆମେରିକୀୟ ହାର୍ଟ ଆସୋସିଏସନ୍ କୋଭିଡ୍ କାର୍ଡିଭାସ୍କୁଲାର୍ ରୋଗ ରେଜିଷ୍ଟ୍ରିର ତଥ୍ୟକୁ ଦେଖିଲେ ଏଥିରେ ୧୮ ବର୍ଷରୁ ଅଧିକ ୪ ହଜାରରୁ ଅଧିକ ଲୋକ ଅନ୍ତର୍ଭୁକ୍ତ ଥିଲେ, ଯେଉଁମାନେ ଜାନୁଆରୀ ୨୦୨୦ରୁ ମାର୍ଚ୍ଚ ୨୦୨୧ ମଧ୍ୟରେ କୋଭିଡ୍‌ରେ ଡାକ୍ତରଖାନାରେ ଭର୍ତ୍ତି ହୋଇଥିଲେ।

ଅଧ୍ୟୟନରେ ସମ୍ପୂର୍ଣ୍ଣ ଧୂମପାନର ଇତିହାସ ଦେଖାଯାଇଥିଲା। ସେମାନେ ପ୍ରତିଦିନ କେତେ ସିଗାରେଟ୍ କିମ୍ବା ଅନ୍ୟାନ୍ୟ ତମାଖୁ ଦ୍ରବ୍ୟ ବ୍ୟବହାର କରୁଥିଲେ ଏବଂ କେତେ ବର୍ଷ ହେବ ଏହାର ସୂଚନା ଅନ୍ତର୍ଭୁକ୍ତ ଥିଲା।

ଅଧ୍ୟୟନରେ ଅନୁସନ୍ଧାନକାରୀମାନେ ଜାଣିବାକୁ ପାଇଥିଲେ ଯେ ଧୂମପାନ କାରଣରୁ ଅଧିକ ଲୋକ କୋଭିଡ୍‌ରେ ମୃତ୍ୟୁ ବରଣ କରିଛନ୍ତି ଏବଂ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।

ଅନୁସନ୍ଧାନକାରୀ ପ୍ରକାଶ କରିଛନ୍ତି ଯେ ବିପଦର ଆକଳନ ଟିକେ ଆଶ୍ଚର୍ଯ୍ୟଜନକ ଏବଂ ଏପରିକି "ଆମେ ଭାବିଥିବା ଠାରୁ ଅଧିକ"। ସେମାନେ ଜାଣିବାକୁ ପାଇଥିଲେ ଯେ ଯେଉଁମାନେ ତମାଖୁ ଦ୍ରବ୍ୟର ବ୍ୟବହାର କରୁଥିଲେ ସେମାନେ ଧୂମପାନ କରୁ ନଥିବା ଲୋକଙ୍କ ଅପେକ୍ଷା ୩୯% ଅଧିକ ଭେଣ୍ଟିଲେସନ୍‌ରେ ରହିଥିଲେ। ସେହିପରି ଧୂମପାନ କରୁ ନଥିବା ଲୋକଙ୍କ ତୁଳନାରେ ସେମାନଙ୍କ ମୃତ୍ୟୁ ସଂଖ୍ୟା ୪୫% ଅଧିକ ଥିଲା।

ଅନୁସନ୍ଧାନକାରୀମାନେ ଏହା ମଧ୍ୟ ଜାଣିବାକୁ ପାଇଥିଲେ ଯେ ରୋଗୀଙ୍କ ବୟସ ମଧ୍ୟ କୋଭିଡଜନିତ ମୃତ୍ୟୁର ଆଶଙ୍କା ହୋଇପାରେ। ୧୮ ରୁ ୫୬ ବର୍ଷ ବୟସର ଧୂମପାନକାରୀମାନେ ୬୦ ବର୍ଷରୁ ଅଧିକ ବୟସ୍କଙ୍କ ଅପେକ୍ଷା କୋଭିଡ୍‌ରେ ମୃତ୍ୟୁବରଣ କରିବାର ସମ୍ଭାବନା ଅଧିକ।

ଇ-ସିଗାରେଟ୍ ବ୍ୟବହାରକାରୀମାନେ କୋଭିଡ୍‌ରେ ଅଧିକ ଆକ୍ରାନ୍ତ ହେବାର ସମ୍ଭାବନା ଅଧିକ। ଏହାର କାରଣ ହେଉଛି ଧୁମ୍ର ଫୁସ୍‌ଫୁସ୍‌କୁ ସିଧାସଳଖ କ୍ଷତି ପହଞ୍ଚାଇଥାଏ। ଇ-ସିଗାରେଟ୍‌ରେ ପ୍ରୋପିଲିନ ଗ୍ଲାଇକଲ, ଗ୍ଲାଇସେରୋଲ ଏବଂ ଫ୍ଲେବୋରିଙ୍ଗ୍ ଭଳି କ୍ଷତିକାରକ ରାସାୟନିକ ପଦାର୍ଥ ରହିଥାଏ, ଯାହା ଫୁସଫୁସକୁ ଯାଇ କ୍ଷତି କରିଥାଏ।

ଅନେକ ଇ-ସିଗାରେଟ୍ ଉତ୍ପାଦରେ ବହୁ ପରିମାଣର ନିକୋଟିନ୍ ମଧ୍ୟ ରହିଥାଏ ଯାହା ପ୍ରତିରକ୍ଷା ପ୍ରଣାଳୀ ଏବଂ ହୃଦ୍‌ରୋଗ ଉପରେ ନକାରାତ୍ମକ ପ୍ରଭାବ ପକାଇଥାଏ। ଅଧ୍ୟୟନରୁ ଜଣାପଡିଛି ଯେ ଇ-ସିଗାରେଟ୍‌ ଧୂଆଁ ଫୁସ୍‌ଫୁସ୍‌ କୋଷଗୁଡ଼ିକୁ କ୍ଷତି କରି ରୋଗ ପ୍ରତିରୋଧକ ଶକ୍ତିର ପ୍ରଭାବକୁ ହ୍ରାସକରେ। ଏହା କରୋନା ଭାଇରସ୍‌ର ଗୁରୁତର ପ୍ରଭାବ ପକାଇବାରେ ସାହାଯ୍ୟ କରିଥାଏ।