World Tourism Day 2023: ବନାରସର ୫ ପ୍ରସିଦ୍ଧ ତୀର୍ଥସ୍ଥଳ, ସମସ୍ତେ ବୁଲିବା ଜରୁରୀ

ଭାରତରେ ଭ୍ରମଣ କରିବାକୁ ଏତେଗୁଡ଼ିଏ ସ୍ଥାନ ଅଛି ଯେ ସମସ୍ତେ ସେସବୁ ବିଷୟରେ ଜାଣିବାକୁ ଆଗ୍ରହୀ। ଦେଶର ପ୍ରତ୍ୟେକ କୋଣରେ ଅନେକ ପର୍ଯ୍ୟଟନ ସ୍ଥାନ ଅଛି, ଯାହା ପର୍ଯ୍ୟଟକଙ୍କୁ ଆକର୍ଷିତ କରିଥାଏ। ଯଦିଓ ପର୍ଯ୍ୟଟକମାନେ ପାହାଡିଆ ଅଞ୍ଚଳ ପ୍ରତି ଅଧିକ ଆକର୍ଷିତ ହୁଅନ୍ତି, କିନ୍ତୁ ଆପଣ ଜାଣନ୍ତି କି ପ୍ରତି ମାସରେ ଭାରତ ତଥା ବିଦେଶରୁ ବହୁ ସଂଖ୍ୟାରେ ପର୍ଯ୍ୟଟକ କାଶୀ ଧାର୍ମିକ ତଥା ସାଂସ୍କୃତିକ ସହରରକୁ ଛୁଟି ଆସନ୍ତି।

ପ୍ରସିଦ୍ଧ ତୀର୍ଥସ୍ଥାନ ଠାରୁ ଆରମ୍ଭ କରି ପର୍ଯ୍ୟଟନ ସ୍ଥଳ ମଧ୍ୟ ଏଠାରେ ରହିଛି। ଆପଣ ଏଠାରେ ସୁନ୍ଦର ଘାଟ ଏବଂ ମନ୍ଦିର ଦେଖିପାରିବେ। କିନ୍ତୁ ଆପଣ ଜାଣନ୍ତି କି ବନାରସ ସହରର ଚାରିପାଖରେ ଏପରି ଅନେକ ସ୍ଥାନ ଅଛି ଯାହାକି ବହୁତ ପ୍ରସିଦ୍ଧ। ଆସନ୍ତୁ ନଜର ପକେଇବା ଓ ବୁଲି ଯିବାକୁ ଯୋଜନା କରିବା।

ବାବା ବିଶ୍ୱନାଥ ମନ୍ଦିର:

କାଶୀ ସହରକୁ ଆସୁଥିବା ପର୍ଯ୍ୟଟକମାନେ ନିଶ୍ଚିତ ଭାବରେ ବାବା ବିଶ୍ୱନାଥଙ୍କୁ ଦେଖିବାକୁ ଯାଆନ୍ତି। ଏଠାରେ ଦର୍ଶନ ଏବଂ ପୂଜା କରିବା ପରେ, ଆପଣ ଗଙ୍ଗା ଘାଟ ଆଡକୁ ଯାଇପାରିବେ ଯେଉଁଠାରୁ ଆପଣ ସନ୍ଧ୍ୟାର ଗଙ୍ଗା ଆରତୀକୁ ଦେଖିପାରିବେ।

କାଶୀ ଘାଟ:

ବାରାଣାସୀରେ ସମୁଦାୟ ୮୪ ଘାଟ ଅଛି ଏବଂ ଏଠାକୁ ଆସୁଥିବା ପର୍ଯ୍ୟଟକମାନେ ଏହି ଘାଟଗୁଡିକ ପରିଦର୍ଶନ କରିବାକୁ ପସନ୍ଦ କରନ୍ତି। ଏଠାରେ ଲୋକମାନେ ବୋଟିଂକୁ ମଧ୍ୟ ଉପଭୋଗ କରନ୍ତି। ଏଠାରେ ମଣିକର୍ଣ୍ଣିକା ଘାଟ ଏବଂ ଅସି ଘାଟ ଭ୍ରମଣ ପାଇଁ ଖୁବ ପ୍ରସିଦ୍ଧ।

ସାରନାଥ:

ଆପଣ ସାରନାଥକୁ ଯାଇ ଏଠାରେ ଶାନ୍ତିପୂର୍ଣ୍ଣ ମୁହୂର୍ତ୍ତ ବିତାଇ ପାରିବେ। ସାରନାଥ ବାରାଣାସୀ ଠାରୁ ପ୍ରାୟ ୧୨ କିଲୋମିଟର ଦୂରରେ ଅବସ୍ଥିତ ଏକ ପ୍ରସିଦ୍ଧ ବୌଦ୍ଧ ତୀର୍ଥସ୍ଥାନ। ଶାନ୍ତିପୂର୍ଣ୍ଣ ପରିବେଶରେ କିଛି ସମୟ ବିତାଇବା ପାଇଁ ଏହି ସ୍ଥାନଟି ଏକ ଉତ୍ତମ ବିକଳ୍ପ। ଏହି ସ୍ଥାନରେ ଗୌତମ ବୁଦ୍ଧ ତାଙ୍କର ପ୍ରଥମ ଶିକ୍ଷା ଦେଇଥିଲେ।

ଚୁନାର ଦୁର୍ଗ:

ବନାରସରେ ଭ୍ରମଣ କରିନା ତାଲିକାରେ ଚୁନାର ଦୁର୍ଗ ମଧ୍ୟ ଅନ୍ୟତମ ଆକର୍ଷଣୀୟ ସ୍ଥାନ। ଏହା ସହରଠାରୁ ୪୦ କିଲୋମିଟର ଦୂରରେ ଥିବା ମିର୍ଜାପୁର ଜିଲ୍ଲାର ଗଙ୍ଗା ନଦୀ କୂଳରେ ଅବସ୍ଥିତ। ଏହି ଦୁର୍ଗ ୩୪୦୦୦ ବର୍ଗଫୁଟ ଆକାରରେ ବିସ୍ତାର ହୋଇଛି। ଏହି ଦୁର୍ଗ ଉଜୈନର ରାଜା ବିକ୍ରମଦିତ୍ୟ ତାଙ୍କ ଭାଇ ଭାରଥରୀଙ୍କ ପାଇଁ ନିର୍ମିତ କରିଥିଲେ।

ରାଜଦରୀ ଏବଂ ଦେବଦରୀ ଜଳପ୍ରପାତ:

ରାଜଦରୀ ଏବଂ ଦେବଦରୀ ଜଳପ୍ରପାତ ବାରାଣାସୀଠାରୁ ପ୍ରାୟ ୭୦ କିଲୋମିଟର ଦୂରରେ ରହିଛି। ଏହା ଚନ୍ଦୌଲିର ନୌଗଡ଼ ଜଙ୍ଗଲରେ ଅବସ୍ଥିତ। ଯେତେବେଳେ ଚନ୍ଦ୍ରପ୍ରଭା ଡ୍ୟାମରୁ ନିର୍ଗତ ଜଳ ତଳକୁ ଖସେ ସେତେବେଳେ ଏହା ବହୁତ ଆକର୍ଷଣୀୟ ଦେଖାଯାଏ।