LIVE TV
ସୋସିଆଲ୍ ମିଡିଆରେ ପ୍ରତିଦିନ ଅନେକ ଭିଡିଓ ସେୟାର ହୋଇଥାଏ । ଏଥିମଧ୍ୟରେ କିଛି ଏମିତି ଭିଡ଼ିଓ ମଧ୍ୟ ଥାଏ ଯାହାକୁ ଦେଖିବାକୁ ଆଶ୍ଚର୍ଯ୍ୟ ଲାଗେ। ୟୁଜର୍ସ ମାନେ ଏହି ସବୁ ଭିଡିଓର ଭରପୂର ମଜା ନେଇଥାନ୍ତି । ଏହାରି ଭିତରେ ଏକ ଭିଡିଓ ଏବେ ବେଶ୍ ଭାଇରାଲ୍ ହେବାରେ ଲାଗିଛି । ଯାହା ଦେଖିଲେ ହୁଏତ ଆପଣ ବି ଆଶ୍ଚର୍ଯ୍ୟ ହୋଇଯିବେ ।
ଭିଡିଓରେ ଏକ କୁକୁର ଉପରେ ଏକ ମାଙ୍କଡ ବସିଥିବାର ଦେଖିବାକୁ ମିଳିଛି । କୁକୁର ଉପରେ ଠିଆହୋଇଥିବା ମାଙ୍କଡ ନିକଟରେ ଥିବା ଏକ ଦୋକାନ୍ରୁ ଚିପ୍ସ ପ୍ୟାକେଟ୍ ଚୋରି କରିବାର ପ୍ରୟାସ କରୁଛି । ମାଙ୍କଡ଼ଟି ବାରମ୍ୱାର ତଳେ ପଡିଯିବା ସତ୍ତ୍ୱେ ସେ କୁକୁର ଉପରେ ବସି ଚିପ୍ସ ଆଣିବା ପ୍ରୟାସରେ ହାର୍ ମାନିନାହିଁ ।
ଭିଡିଓରେ କେବଳ ମାଙ୍କଡ ଚୋରି କରୁଛି ତାହା ନୁହେଁ ବରଂ ଚୋରି କରିବାରେ କିପରି କୁକୁର ତାର ସହାୟତା କରୁଛି ତାହା ମଧ୍ୟ ଦେଖିବାକୁ ମିଳିଛି । ଉଭୟଙ୍କ ମଧ୍ୟରେ ଥିବା ବନ୍ଧୁତ୍ୱ ଏଠାରେ ପରିଲକ୍ଷିତ ହେଉଛି ।
Also Read
ଦେଖନ୍ତୁ ଏହି ଭିଡିଓ :-
The 🐒 trying to pick up a packet of chips with the help of 🐕 is the cutest thing you will watch today ❣️❣️. #goodmorning #dog #dogs #monkey #monkeys #animal #AnimalLovers #cute #lovable #adorable #friendship #bond #team pic.twitter.com/bkMAEU13NC
— Tarana Hussain (@hussain_tarana) May 8, 2022
ଏହି ଭିଡିଓରେ ପ୍ରାୟ ୨୯୦୦୦ ଭିୟୁ ହୋଇଥିବାବେଳେ ଏହାକୁ ପ୍ରାୟ ୨୫୦୦ ୟୁଜର୍ସ ଲାଇକ୍ କରିଛନ୍ତି । ଏହାସହ ଅନେକ ଲୋକ ଏହି ଭିଡିଓକୁ ଦେଖି ଭାବବିହ୍ୱଳ ହୋଇ କମେଣ୍ଟ ମଧ୍ୟ ଦେଇଛନ୍ତି । ଅଧିକାଂଶ ଲୋକ ଏଥିରେ ବନ୍ଧୁତ୍ୱ ବିଷୟରେ ମଧ୍ୟ ଉଲ୍ଲେଖ କରିଛନ୍ତି ।
କୁକୁର ଓ ମାଙ୍କଡ଼ କେବେ ହେଲେ ବନ୍ଧୁ ହୋଇପାରିବେ ନାହିଁ ବୋଲି ପ୍ରାଚୀନ କାଳରୁ କୁହାଯାଉଛି । ହେଲେ ସୋସିଆଲ୍ ମିଡିଆରେ ଏହି ସବୁ ଭିଡିଓକୁ ଦେଖିଲେ ତାହା ଭୁଲ୍ ପ୍ରମାଣିତ ହେଉଛି ।
ଦେଖିବାକୁ ମଜା ଲାଗୁଥିବା ଏହି ଭିଡିଓଟି ସମାଜକୁ ବନ୍ଧୁତ୍ୱର ଏକ ନିଆରା ବାର୍ତ୍ତା ଦେଇଛି । କୌଣସି ପରିସ୍ଥିତିରେ ମଧ୍ୟ କିପରି ନିଜ ବନ୍ଧୁର ସହଯୋଗ କରିବା ଉଚିତ୍ ତାହା ଏଠାରେ ଦର୍ଶାଯାଇଛି । ତେବେ ଦୁହେଁ କଥା କହିପାରୁନଥିବା ସତ୍ତ୍ୱେ ସମାଜକୁ ଏକ ବଡ଼ ଶିକ୍ଷା ଦେଇପାରିଛନ୍ତି ଏବଂ ତାହା ହେଉଛି ବନ୍ଧତ୍ୱ। ତେବେ ଏଥିରୁ ମିଳୁଥିବା ବାର୍ତ୍ତାକୁ ନକରାତ୍ମକ କାର୍ଯ୍ୟରେ ନଲଗାଇବାକୁ ଅନେକ ମତ ଦେଇଛନ୍ତି।
