LIVE TV
ଉଭୟ ନବରାତ୍ରୀ ପର୍ବ ଏବଂ ରମଜାନ ମାସ ଆରମ୍ଭ ହୋଇଛି। ହିନ୍ଦୁ ଧର୍ମର ଅନ୍ୟତମ ପ୍ରସିଦ୍ଧ ପର୍ବ ମଧ୍ୟରୁ ନବରାତ୍ରିର ନଅ ଦିନ ଉପାସକମାନେ ଉପବାସ କରନ୍ତି। ମୁସଲମାନ ଧର୍ମର ସବୁଠାରୁ ଗୁରୁତ୍ୱପୂର୍ଣ୍ଣ ପର୍ବ ରମଜାନ ସମୟରେ ମଧ୍ୟ ଲୋକମାନେ ଉପବାସ ରଖନ୍ତି। ଉଭୟ ପର୍ବ ହିଁ ଉପବାସକୁ ନେଇ ଆଧାରିତ। ଯେଉଁଥିରେ ଲୋକମାନେ ଦିନସାରା କିଛି ଖାଆନ୍ତି ନାହିଁ।
ତେବେ ଉପବାସ ସମୟରେ ଅନେକ ଲୋକ ଭୋକିଲା ଅନୁଭବ କରନ୍ତି। ଫଳରେ ଭୋଜନ ବିନା ରହି ହୁଏନି। ଅତ୍ୟଧିକ ଭୋକ ଯୋଗୁଁ ଓଜନ ବୃଦ୍ଧି ହେବାର ଆଶଙ୍କା ମଧ୍ୟ ଥାଏ। ତେବେ ଏହି ସମୟରେ ଲୋକମାନେ ଭୋକକୁ ନିୟନ୍ତ୍ରଣ କରିବା ପାଇଁ ଅନେକ ପଦ୍ଧତି ଗ୍ରହଣ କରନ୍ତି।
Also Read
କିଛି ଲୋକ ନିଜକୁ ଅଧିକ ବ୍ୟସ୍ତ ରଖିବାକୁ ଚେଷ୍ଟା କରୁଥିବାବେଳେ ଅନ୍ୟ କିଛି ଦିନସାରା ଶୋଇବାକୁ ଚେଷ୍ଟା କରନ୍ତି ଯାହା ଦ୍ୱାରା ସେମାନେ ଭୋକ ଅନୁଭବ କରିବେ ନାହିଁ। କିନ୍ତୁ ଏହା ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ। ଏଭଳି କ୍ଷେତ୍ରରେ କ୍ଷୁଧାକୁ ନିୟନ୍ତ୍ରଣ କରିବା ପାଇଁ କିଛି ଯୋଗାସନ ହିଁ ବିଶେଷ ଉପକାରୀ ହେବ। ଏସବୁ ଅଭ୍ୟାସ ଉପବାସ ସମୟରେ ପେଟକୁ ଖାଲି ରଖିବାରେ ସାହାଯ୍ୟ କରିଥାଏ।
ହଳାସନ:
ହଳାସନହଳାସନ ଅଭ୍ୟାସ କରି ଓଜନ ବୃଦ୍ଧି ଏବଂ କ୍ଷୁଧା ନିୟନ୍ତ୍ରଣ କରାଯାଏ। ହଳାସନ ଅଭ୍ୟାସ କରିବା ପାଇଁ, ମ୍ୟାଟ୍ ଉପରେ ପିଠି ପଟିଆ ଶୋଇଯାଆନ୍ତୁ ଏବଂ ଧୀରେ ଧୀରେ ଦୁଇ ଗୋଡକୁ ସିଧା ଉଠାଇ ମୁଣ୍ଡର ପଛ ପଟକୁ ଆଣନ୍ତୁ ଓ ଚଟାଣରେ ସ୍ପର୍ଶ କରନ୍ତୁ।
ଯଦି ପାଦ ଚଟାଣକୁ ଛୁଇଁବାକୁ ସକ୍ଷମ ନୁହଁ, ତେବେ ଯେତିକି ଯାଇପାରୁଛି ନିଅନ୍ତୁ। କିଛି ସେକେଣ୍ଡ ପାଇଁ ଏହି ଅବସ୍ଥାରେ ରୁହନ୍ତୁ। ଏହି ଆସନ ପେଟର ଚର୍ବିକୁ ହ୍ରାସ କରିଥାଏ ଏବଂ ଭୋକକୁ ମଧ୍ୟ ହ୍ରାସ କରିଥାଏ।
ବିରଭଦ୍ରାସନ-୨:
ବିରଭଦ୍ରାସନ-୨ଏହି ଆସନ କରି ଭୋକକୁ ନିୟନ୍ତ୍ରଣ କରାଯାଇପାରିବ। ବିରଭଦ୍ରାସନ-୨ କରିବାକୁ, ଯୋଗ ମ୍ୟାଟ୍ ଉପରେ ସିଧା ଠିଆ ହୁଅନ୍ତୁ ଏବଂ ବାମ ଗୋଡକୁ ଆଗକୁ ନେଇ ଆଣ୍ଠୁକୁ ବଙ୍କା କରନ୍ତୁ। ଏହି ସମୟରେ, ଡାହାଣ ପାଦକୁ ବାହାରେ ରଖି ଦୁଇ ହାତକୁ ଉପରକୁ ଉଠାନ୍ତୁ। ୩୦ ସେକେଣ୍ଡ ପାଇଁ ଏହି ଅବସ୍ଥାରେ ରୁହନ୍ତୁ।
ଅଧୋମୁଖ ଶ୍ୱାନାସନ:
ଅଧୋମୁଖ ଶ୍ୱାନାସନଭୋକ କମାଇବା ପାଇଁ ନିୟମିତ ଭାବେ ଅଧୋମୁଖ ଶ୍ୱାନାସନ ଅଭ୍ୟାସ କରାଯାଇପାରେ। ଏହି ଆସନ କରିବା ପାଇଁ, ପେଟ ଉପରେ ଶୋଇପଡନ୍ତୁ ଏବଂ ପାଦ ଏବଂ ହାତକୁ ଭୂମିରେ ରଖି ପିଚାକୁ ଉପରକୁ ଉଠାନ୍ତୁ। ବର୍ତ୍ତମାନ ମୁଣ୍ଡକୁ ତଳକୁ ରଖି, ଗୋଇଠିକୁ ଚଟାଣ ଆଡକୁ ଦବାନ୍ତୁ। ୩୦ ସେକେଣ୍ଡ ପାଇଁ ଏହି ସ୍ଥିତିରେ ରୁହନ୍ତୁ, ତାପରେ ସାଧାରଣ ସ୍ଥିତିକୁ ଫେରି ଆସନ୍ତୁ।
