LIVE TV
ପ୍ରତିବର୍ଷ ଏପ୍ରିଲ ୧୬ରେ ବିଶ୍ୱ ସ୍ୱର ଦିବସ ପାଳନ କରିଥାଏ। ଆମର ଦୈନନ୍ଦିନ ଜୀବନରେ କଥା କହିବାର ମୂଲ୍ୟ ବିଷୟରେ ସଚେତନତା ଏବଂ ଶିକ୍ଷାକୁ ବୃଦ୍ଧି ପାଇଁ ଏହି ଦିନ ପାଳନ କରାଯାଏ। ଏହା ମଧ୍ୟ ଲୋକମାନଙ୍କୁ ଭଲ ସ୍ୱରର ଅଭ୍ୟାସକୁ ବିକଶିତ କରିବାରେ ଉତ୍ସାହିତ କରି ସେମାନଙ୍କ ସ୍ୱରର ଉପହାରର ପ୍ରଭାବଶାଳୀ ବ୍ୟବହାର କରିବାକୁ ପ୍ରୋତ୍ସାହିତ କରେ। ଅନ୍ୟାନ୍ୟ ସ୍ୱାସ୍ଥ୍ୟ ପାଇଁ ଆମେ ଔଷଧ ଖାଉଥିବାବେଳେ ଆମେ ସାଧାରଣତଃ ସ୍ୱର ସମସ୍ୟାକୁ ଏଡାଇବାକୁ ଚେଷ୍ଟା କରିଥାଉ।
ଏହି ଦିନ ଲୋକମାନଙ୍କୁ ସେମାନଙ୍କର ସ୍ୱରର ଯତ୍ନ ନେବାକୁ ଏବଂ ସେମାନଙ୍କୁ ସୁସ୍ଥ ରଖିବା ପାଇଁ ଆବଶ୍ୟକ ସତର୍କତା ଅବଲମ୍ବନ କରିବାକୁ ସଚେତନ କରାଯାଏ। ଅନ୍ୟ ଏକ ଲକ୍ଷ୍ୟ ହେଉଛି ଲୋକଙ୍କୁ ସ୍ୱର ଦକ୍ଷତା ବୃଦ୍ଧି କରିବା ନେଇ ସହଯୋଗ କରିବା।
ଉଦ୍ଦେଶ୍ୟ:
Also Read
- ଅନେକ ଲୋକ ବିଶ୍ୱାସ କରନ୍ତି ଯେ ମାନବ ସ୍ୱର ହେଉଛି ଈଶ୍ୱରଙ୍କ ସର୍ବଶ୍ରେଷ୍ଠ ଉପହାର ଏବଂ ଉତ୍ତମ ସଂଚାର ପାଇଁ ଏହା ଜରୁରୀ।
- ଏହି ସ୍ୱର ସମସ୍ୟାକୁ ରୋକିବା ଏବଂ ସେହି ବ୍ୟକ୍ତିବିଶେଷଙ୍କ ଠାରେ ଏହାର ଗୁରୁତ୍ୱ ବିଷୟରେ ସଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ୧୬ ଏପ୍ରିଲରେ ‘ବିଶ୍ୱ ସ୍ୱର ଦିବସ’ ପାଳନ କରାଯାଏ।
ଇତିହାସ:
- ବ୍ରାଜିଲର ଭଏସ୍ କେୟାର ବିଶେଷଜ୍ଞଙ୍କ ଏକ ଗୋଷ୍ଠୀ ‘ବିଶ୍ୱ ସ୍ୱର ଦିବସ’ ଉତ୍ସବ ଆରମ୍ଭ କରିଥିଲେ।
- ୧୬ ଏପ୍ରିଲ ୧୯୯୯ରେ, ଡକ୍ଟର ନେଡିଓ ଷ୍ଟିଫାନଙ୍କ ଅଧ୍ୟକ୍ଷତାରେ ବ୍ରାଜିଲର ସୋସାଇଟି ଅଫ୍ ଲାରିଙ୍ଗୋଲୋଜି ଆଣ୍ଡ୍ ଭଏସ୍ ଏହି ଦିନକୁ ‘ବ୍ରାଜିଲର ସ୍ୱର ଦିବସ’ ଭାବରେ ଘୋଷଣା କରିଥିଲେ।
- ଆମେରିକା ବ୍ୟତୀତ ପର୍ତ୍ତୁଗାଲ ଏବଂ ଆର୍ଜେଣ୍ଟିନା ଏହି ଦିନକୁ ସମ୍ମାନିତ କରନ୍ତି।
- ଆମେରିକୀୟ ଏକାଡେମୀ ଅଫ୍ ଓଟୋଲାରିଙ୍ଗୋଲୋଜି-ହେଡ୍ ଏବଂ ନେକ୍ ସର୍ଜରୀ ୨୦୦୨ରେ ଏହି ଦିନ ପାଳନ କରିବା ଆରମ୍ଭ କରିଥିଲା ଏବଂ ୨୦୦୩ରେ ଏହି ଦିନଟି ସରକାରୀ ଭାବେ ‘ବିଶ୍ୱ ସ୍ୱାସ୍ଥ୍ୟ ଦିବସ’ ଭାବରେ ମନୋନୀତ ହୋଇଥିଲା।
ମହତ୍ତ୍ୱ:
- ‘ବିଶ୍ୱ ସ୍ୱର ଦିବସ’ର ଲକ୍ଷ୍ୟ ହେଉଛି ସ୍ୱର ସ୍ୱାସ୍ଥ୍ୟର ମହତ୍ତ୍ୱ ବିଷୟରେ ଜନସାଧାରଣଙ୍କୁ ସଚେତନ କରାଇବା। ମାନବ ସ୍ୱରର ମହତ୍ତ୍ୱ ଏବଂ ପ୍ରତିଷେଧକ ସ୍ୱାସ୍ଥ୍ୟସେବାର ଆବଶ୍ୟକତା ବିଷୟରେ ଅନେକ ଲେଖା ‘ବିଶ୍ୱ ସ୍ୱର ଦିବସ’ର ୱେବ୍ସାଇଟ୍ରେ ମିଳିପାରିବ।
- ଅନେକ ଲୋକ ମଦ୍ୟପାନ, ଧୂମପାନ ଏବଂ ଚିତ୍କାର କରି ଈଶ୍ୱରଦତ୍ତ ନିଜର ଏହି ସ୍ୱରର ଅପବ୍ୟବହାର କରନ୍ତି। ତେବେ କିଛି ଉତ୍ତମ ଅଭ୍ୟାସ ଏବଂ ସୁସ୍ଥ ଜୀବନଶୈଳୀ ସହିତ ଯେକୌଣସି ପ୍ରକାରର ସ୍ୱର ସମସ୍ୟାକୁ ଦୂର କରାଯାଇ ପାରିବ।
- ଏହି ଅବସରରେ ଅନେକ ଡାକ୍ତର ଏବଂ ଅନୁସନ୍ଧାନକାରୀ ଆଗକୁ ଆସନ୍ତି ଯେଉଁମାନେ ସ୍ୱର ସହ ଜଡିତ ସମସ୍ୟାର ମୁକାବିଲା ପାଇଁ କାମ କରନ୍ତି।
ପ୍ରେରଣାଦାୟକ ଉଦ୍ଧୃତି:
- “କାଗଜରେ ଲେଖାଯାଇଥିବା ଶବ୍ଦ ଅପେକ୍ଷା ଶବ୍ଦର ଅର୍ଥ ବହୁତ ଅଧିକ। ଏଥିରେ ଗଭୀର ଅର୍ଥ ଭରିବା ପାଇଁ ମାନବୀୟ ସ୍ୱର ଆବଶ୍ୟକ।” - ମାୟା ଆଞ୍ଜେଲୋ
- "ଶବ୍ଦ ପଛରେ ଥିବା ବାର୍ତ୍ତା ହେଉଛି ହୃଦୟର ସ୍ୱର" - ରୁମି
- "ଅନ୍ୟ ଲୋକଙ୍କ ବିଚାରର ଚିତ୍କାରରେ ଆପଣଙ୍କ ଭିତରର ସ୍ୱରକୁ ବୁଡ଼ିବାକୁ ଦିଅନ୍ତୁ ନାହିଁ"- ଷ୍ଟିଭ ଜବ୍ସ
- ମଣିଷର ସ୍ୱର ହେଉଛି ଆତ୍ମାର ଏକ ଅଙ୍ଗ" - ହେନେରୀ ୱାଡ୍ସୱର୍ଥ ଲଙ୍ଗ୍ଫେଲୋ
- ସବୁଠାରୁ ସଫଳ ରାଜନେତା ହେଉଛନ୍ତି ସିଏ, ଯିଏ ତାହା ହିଁ କହିଥାନ୍ତି ଯାହା ଉଚ୍ଚ ସ୍ୱରରେ ଲୋକମାନେ ଚିନ୍ତା କରନ୍ତି। - ଥିଓଡୋର ରୁଜଭେଲ୍ଟ
