Pramod Behera

ଅମୀର ଖାନଙ୍କ ଫିଲ୍ମ 'ଲଗାନ'କୁ ପୂରିଛି ୨୧ ବର୍ଷ। ଏହା ଏପରି ଏକ ଫିଲ୍ମ ଥିଲା ଯାହା କେବଳ ଭାରତରେ ନୁହେଁ ବିଦେଶରେ ବି ଏହାକୁ ପସନ୍ଦ କରାଯାଇଥିଲା। ଯେଉଁ ଫିଲ୍ମ କରିବାକୁ ଅମୀର ପ୍ରଥମେ ମନା କରିଦେଇଥିଲେ, ସେହି ଫିଲ୍ମ ଆଜି ତାଙ୍କ ହୃଦୟର ଏତେ ନିକଟତର ହୋଇଯାଇଛି ଯେ ଏତେ ବର୍ଷ ପରେ ମଧ୍ୟ ପୂରା ଟିମ୍‌ ସହିତ ସେ ଏହାକୁ ନେଇ ଖୁସି ମନଉଛନ୍ତି। ଅମୀର ଫିଲ୍ମରେ କାମ କରିଥିବା କଳାକାରମାନଙ୍କୁ ଭେଟିଛନ୍ତି ଏବଂ ସୁଟିଂର ଦିନଗୁଡ଼ିକୁ ମନେ ପକାଇ କବିତା ପାଠ କରିଛନ୍ତି।

ଏମିତିରେ ତ ଅନେକ ଫିଲ୍ମ ଆସେ ଆଉ ଯାଏ, କିନ୍ତୁ କିଛି ଫିଲ୍ମ ଏପରି ହୋଇଯାଏ ଯାହା ସବୁଦିନ ପାଇଁ ସ୍ମରଣୀୟ ହୋଇ ରହିଯାଏ। କେବଳ ଫିଲ୍ମ ନୁହେଁ, ଫିଲ୍ମ ତିଆରି କରିବାବେଳେ ପୂରା ଟିମ୍ ସହିତ କରାମାନମାନକର ଏମିତି ସଂପର୍କ ତିଆରି ହୋଇଯାଏ ଯେ ଯାହା ବର୍ଷ ବର୍ଷ ଧରି ରହିଯାଏ।

ଆଶୁତୋଷ ଗୋୱାରିକରଙ୍କ ଫିଲ୍ମ 'ଲଗାନ୍' ସହିତ ମଧ୍ୟ ସେମିତି କିଛି ହୋଇଛି। ଏହି ଫିଲ୍ମ ନିର୍ମାଣ ବେଳେ ଅନେକ କାହାଣୀ ଅଛି ଯାହା 'ଲଗାନ୍' ସହିତ ଜଡିତ କଳାକାର ହୁଅନ୍ତୁ କି ବୈଷୟିକ ଟିମ୍, ସମସ୍ତଙ୍କ ହୃଦୟ ଏବଂ ମନରେ ଏହା ତାଜା ହୋଇ ରହିଛି।

'ଲଗାନ'ର କଳାକାର:

ଫିଲ୍ମ 'ଲଗାନ'ରେ ଅମୀର ଖାନ ଭୁବନ ନାମକ ଜଣେ ଯୁବକଙ୍କ ଭୂମିକାରେ ଅଭିନୟ କରିଥିବାବେଳେ ଗ୍ରେସି ସିଂ ଗୌରୀ ନାମକ ଜଣେ ଯୁବତୀ ଭୂମିକାରେ ନଜର ଆସିଥିଲେ। ଏହି ମୁଖ୍ୟ କଳାକାରମାନଙ୍କ ବ୍ୟତୀତ, ଆହୁରି ଅନେକ ଚରିତ୍ର ମଧ୍ୟ ଥିଲେ ଯାହାକୁ ଲୋକମାନେ ଆଜି ବି ମନେ ରଖିଛନ୍ତି। ପଲ୍ ବ୍ଲାକଥର୍ନ, ରୈଚେଲ୍ ଶେଲୀ, ସୁହାସିନି ମୁଲେ, ପ୍ରଦୀପ ରାୱତ, କୁଲଭୂଷଣ ଖେରବନ୍ଦା, ରଘୁବୀର ଯାଦବ, ଯଶପାଲ ଶର୍ମା, ଅଖିଳେନ୍ଦ୍ର ମିଶ୍ରା, ରାଜେଶ ବିବେକ, ରାଜ, ଦୟା ଶଙ୍କର ପାଣ୍ଡେ, ରାଜେନ୍ଦ୍ର ଗୁପ୍ତା, ଶ୍ରୀ ଭାଲାବି ବ୍ୟାସ, ଅମୀନ ହାଜୀ, ଆଦିତ୍ୟ ଲାଖିଆ, ଜାଭେଦ୍ ଖାନ୍, ଏ.କେ ହଙ୍ଗଲଙ୍କ ପରି ଚରିତ୍ର ଥିଲେ, ଯେଉଁମାନେ ଫିଲ୍ମକୁ ଆକର୍ଷଣୀୟ କରିଥିଲେ।

'ଲଗାନ୍' ଟିମ୍‌ର ପୁନଃ ମିଳନ:

'ଲଗାନ୍'ର ୨୧ ବର୍ଷ ପୁର୍ତ୍ତି ଅବସରରେ ସବୁ କଳାମାନେ ଏକାଠି ହୋଇଥିଲେ। ତେବେ ରଘୁଭର୍ ଯାଦବ ଆସିପାରି ନଥିବା ବେଳେ ରାଜେଶ ବିବେକ ଏବଂ ଶ୍ରୀ ବଲ୍ଲଭ ବ୍ୟାସ ଆଉ ଏ ଦୁନିଆରେ ନାହାଁନ୍ତି। ସେମାନଙ୍କୁ ମନେ ପକାଇ ଟିମ୍‌ର ଲୋକମାନେ ଭୁଲିଯାଇଥିବା ସ୍ମୃତିଗୁଡ଼ିକୁ ପୁଣି ଥରେ ସତେଜ କରିଥିଲେ।

21 years of Lagaan know the story behind itଲଗାନ୍‌ ଟିମ୍‌ର ପୁନଃମିଳନ

'ଲଗାନ'ର ଐତିହାସିକ ନିର୍ମାଣ:

'ଲଗାନ୍' ତିଆରି ହେବାର କାହାଣୀ ମଧ୍ୟ ଏକ ଐତିହାସିକ ଘଟଣା। ୧୫ ଜୁନ୍ ୨୦୦୧ରେ ମୁକ୍ତିଲାଭ କରିଥିବା ଏହି ଫିଲ୍ମ ସହିତ ଜଡିତ ସମସ୍ତ କାହାଣୀ ଅତ୍ୟନ୍ତ ମନଛୁଆଁ। ଗତ ବର୍ଷ ଏହି ଫିଲ୍ମକୁ ୨୦ ବର୍ଷ ପୂରିଥିବା ବେଳେ ମହାମାରୀ କାରଣରୁ ଟିମ୍ ଏକ ଭର୍ଚୁଆଲ୍ ମିଟିଂ କରିଥିଲା। ବର୍ତ୍ତମାନ ୨୧ ବର୍ଷରେ ସମସ୍ତେ ମିଶିଛନ୍ତି ଏବଂ ଏହାକୁ ସେଲିବ୍ରେଟ୍ କରିଛନ୍ତି।

ଫିଲ୍ମ ବେଳର ଏକ ସ୍ମୃତି:

ଏହି ଫିଲ୍ମର ଜଣେ କଳାକାର ହେଲେ ଅଖିଳେନ୍ଦ୍ର ମିଶ୍ର। ସେ କୁହନ୍ତି ଯେ “ଲଗାନର ସୁଟିଂ ସମୟରେ ନିତ୍ୟକର୍ମ ଆଶ୍ଚର୍ଯ୍ୟଜନକ ଥିଲା। ସବୁଠୁ ଆଶ୍ଚର୍ଯ୍ୟଜନକ କଥା ହେଲା ଆମେ ସକାଳ ୬ଟାରେ ବସ୍‌ରେ ବସି ଯାଉ। ସେହି ବସ୍‌ର ନାମ ଥିଲା ଆକ୍ଟର୍ସ ବସ୍। ଏହି ବସ୍‌ରେ ଫିଲ୍ମର ସବୁ କଳାକାର ଶୁଟିଂ ସ୍ଥାନକୁ ଯାଉଥିଲେ। ଏଥିରେ ଅମୀର ଖାନ ମଧ୍ୟ ଏକାଠି ବସି ହୋଟେଲରୁ ଶୁଟିଂ ସାଇଟ୍‌କୁ ଯାଉଥିଲେ।”

ସେ ଆହୁରି କୁହନ୍ତି ଯେ “ମୁଁ ପ୍ରଥମ ଦିନରେ ଏକ କାମ କରିଥିଲି। ସକାଳେ ଗାୟତ୍ରୀ ମନ୍ତ୍ରର କ୍ୟାସେଟ୍ ବସ୍ ଡ୍ରାଇଭରକୁ ଦେଇଥିଲି। ସକାଳେ ଲୋକମାନେ ବସ୍‌ରେ ଆସି ବସି ଯାଉଥିଲେ ଏବଂ ଗାୟତ୍ରୀ ମନ୍ତ୍ର ବାଜୁଥିଲା। ହୋଟେଲରୁ ଶୁଟିଂ ଜାଗାକୁ କେବଳ ଗାୟତ୍ରୀ ମନ୍ତ୍ରରେ ବସ୍ ଯାଉଥିଲା। ବସ ପହଞ୍ଚିବା ପରେ ଲୋକମାନେ ବସ୍‌ରୁ ଓହ୍ଲାଇ ସେହି ସ୍ଥାନରେ ଜଳଖିଆ ଖାଉଥିଲେ।”

ସେତେବେଳେ ଏହି ଫିଲ୍ମ ସବୁଠାରୁ ସଫଳ ଫିଲ୍ମ ଥିଲା। ତିନୋଟି ଭାରତୀୟ ଫିଲ୍ମରେ ଏହା ଗୋଟିଏ ଥିଲା ଯାହାକୁ ଓସ୍କାର ଓ ଏକାଡେମୀ ଆୱାର୍ଡ ପାଇଁ ନାମାଙ୍କିତ କରାଯାଇଥିଲା।

Other Stories